221
Əgər Zeynəbin erməni əlinə necə düşdüyünü də bilmək sənə
maraqlıdırsa, onu da deyim. Armen danışırdı ki, onun anası öz
körpəsini (yəni Zeynəbi) və qoca qayınanasını xilas etmək üçün
meşəni kəsə yolla çıxmaq istərkən Surenin dəstəsinin əlinə düşür.
Döyüşçülər qocanı və Zeynəbin anasını gözləri doyanadək zorla-
dıqdan sonra güllələyiblər. 5-6 aylıq körpəni də murdarlamaq istər-
kən Suren deyir ki, – “qoyun bir az böyüsün, sonra işinə baxarıq”.
Zeynəbi bir erməni ailəsinə verirlər. Qız erməni evində nökər kimi
böyüyüb. Doqquz yaşı olanda Suren qızı geri alır və qızın 14 yaşı
olanda Zeynəb ilk uşağını yarımçıq salır. Sonralar Suren minaya
düşüb ölür və qız onun döyüşçülərindən biri olan həmin Armenin
himayəsinə keçir.
Hə.., ta o gündən bu günədək qızımın bir türk qadından do-
ğulduğunu unutmuşduq. Lakin sənin qızınla qeyri-adi yaxınlığı
məni narahat etməyə bilməzdi. Çünki, Armenin o vaxt dediyi, –
“Anası çox əmizdirsə, qızının türk qanı coşacaq” – sözü qulağımda
səsləndi. Mən elm adamıyam. Bu dilbilməz körpələrin qan yaxın-
lığından gələn məlhəm mehribanlığını heç bir elm izah edə bilməz.
Siranuş bir türk qızını görməklə, anadan aldığı südü, qanı, öz
türklüyünü coşdurmuşdu canında. Yoxsa, qaraqabaq qızım hətta,
baxçada öz tanıdığı qızlarla da belə mehriban olmayıb.
Biz səninlə düşmənik. Lakin, mən düşmən tərəfin qadınından
doğulan uşağın atasıyam. Qızımı əlimdən alacaq bir türkü təsəv-
vürümə gətirəndə, özümə yer tapa bilmirəm. Səni, qızımı əlimdən
ala biləcək həmin qorxunc türk olaraq gördüm. Bütün gecə bu
məktubu ona görə yazmadım ki, Zeynəbin, Zeynəbin anasının və
uşaqlığında elektrik lampası yandırılaraq iztirabla öldürülən nənə-
sinin başına gətirilən iyrənc oyunlarla bağrını çatladıb sənə acıq
verəm. Ona görə yazdım ki, Anuşa ömrümün sonunadək doğma
atasından da əziz olacağımı, ona qayğı göstərəcəyımı biləsən. Əgər
222
taleh üzünə gülsə, bir türklə ailə qurmasına mane olmayacağam.
Bunu niyə istədiyimi isə özüm də bilmirəm – bu sadəcə vicdanımın
səsidir və məni daim buna təhrik edir. Bəlkə də, evimdə bir türk
böyütməyin qorxusundandır...
Məktubun gerisini oxuya bilmədim, hönkürtüm uşaqları
yuxudan oyadıbmış. Üzümə zillənmiş sual dolu dörd cüt
gözlərdən tələsik dəhlizə qaçdım. Qonşu otağın qapısını dö-
yəclədim – açan olmadı. Aşağı – qeydiyyat otağına cumdum,
– “244-cü otaqdakı erməni ailəsini görmədiniz..!?” – soruş-
dum. Kompüterdə bir neçə saniyə eşələnib – “Hesabı ödəyib
getdilər” – dedilər.
– Haraya!?
– Biz nə bilək haraya!
– Sizdən də bir sözə cavab alınca adamın ürəyi üzülür,
kobud heyvərələr..! – deyinib gürcüləri acıladım.
Həyətə qaçdım, bağı axtardım, yeməkxanaya göz gəz-
dirdim, bulaqların dördünə də baş vurdum, amma Anuş
balamın izi-tozu da bilinmirdi. Həyəcanlanmış yoldaşım mə-
ni korpusun girəcəyində qarşıladı, – “Nə oldu sənə, niyə
ağlayırdın!”
– Anuşgil gedib! Selcanın Anuşu gedib...
– Erməni Anuşu deyirsən..?!
– O erməni deyilmiş, türküymüş – azəri balasıymış...
– Nə danışırsan sən!
– Selcan bunu hardan bilirmiş? Axı o bunu necə hiss edə
bilərdi ki..? O, Anuşla öz dilində danışırdı axı... Hərəsi öz di-
lində.., amma bir-birini anlayırdılar! – başıalovlu qalmışdım.
Arvadım da mat-məəttəl qalmışdı. Otağımıza qayıtdıq.
Uşaqlar sual dolu gözlərini yenidən üzümə zilləmişdilər –
223
ağlamaqdan gözlərim qızarmışdı. “Anuşgil gedib...” – deyib
yatağıma çökdüm. Selcan, – “Mən də Anuşla gedirəm, mən
Anuşu istəyirəm!..” – deyib yenidən zarımağa başladı. Qızı-
mı bağrıma basdım. Onu Anuşla oynamağa qoymadığımın
utancını göz yaşlarıma döndərdim. Balamın üz-gözünü duz
kimi yaladım.
Yoldaşım:
– Özünü üzmə. Taleyin üzü qara olsun. Yazıq uşaq...
– Bu nə müsibətdi başıma gəldi, ay Allah! Axı balaca
qızcığazın nə günahı vardı ki, onu qızımla oynamağa qoy-
madım! Əclaf erməni, Anuşumu hara apardı görəsən?
Böyük qızım:
– Ata, Anuş hardan sənin Anuşun oldu ey! Tapıb ney-
ləyəcəksən – övladlığa götürəcəksən? Yəni bir erməni uşa-
ğından ötrü qanını bu qədər qaraltmağa dəyərmi? Bura Anu-
şu görməyə gəlmişik?
Yoldaşım qızına bozardı:
– Kəs səsini, sən belə şeyləri hələ bilməzsən! Sən nə bi-
lirsən ki, müharibə nədir, müharibənin vurduğu yaralar
nədir!
Üz-gözümü yumaq üçün hamama girdim. Otaqdan hə-
yat yoldaşımın qızıma dediklərini aydınca eşidirdim, –
“Atanla bir də belə köntöy danışma! Hələ sənə hamilə olan-
da atan məni evdə tənha qoyub müharibəyə getmişdi. Heç
göz yaşlarıma da baxmamışdı onda. İndi yarasının qaysağını
qopardı bu erməni küçükləri. Bu saat desə ki, – “Ermənis-
tana Anuşu axtarmağa gedirəm”, – dünya-aləm yığışsa da,
qabağını ala bilməz. Odur ki, səsini kəs, yoxsa sənə əl də
qaldırar...”
Qızım:
224
– Bir erməni uşağına görə doğma qızına əl qaldıracaq?!
– Anuş erməni deyilmiş – türk balasıymış! Əsir düşmüş
körpə türk qızının övladıymış...
Qızım heyrətlə:
– Zarafat edirsiniz!?..
Qızımın rəhm dolu köks ötürməyi içimi yenidən göynət-
di. Gözlərimin yaşı, üzümə vurduğum suyla durulmaq
bilmirdi.
Hamamdan çıxanda yoldaşım qayğı ilə mənə, – Get su-
yunu iç, bir az həyətdə gəz... – dedi.
– İstəmirəm – dedim.
– Di yaxşı! Unutmağa çalış olanları, get müalicəni götür!
Bura yas qurmağa gəlməmişik.
– Kaş gəlməz olaydıq xanım. Qaynanası gəlinin gözü
qarşısında, şəhid oğlunun arvadı – doğma gəlini qaynanası-
nın gözü qarşısında təhqir olunmuş ana-bacımızın, əsir düş-
müş Zeynəbimizin göz yaşlarını içmək istəyirəm xanım, baş-
qa heç nə istəmirəm... Artıq heç bir mineral su mənə xeyir et-
məz, yır-yığış elə, evə qayıdırıq...
Arvadım:
– Sən dəli olmusan, tərs damarın yenə tutdu!?
– Böyrəyimin ağrısına dözərəm xanım, ancaq bu dağa
dözmərəm. Anuşla doyunca oynamağa qoymadığım bala-
mın üzünə baxa bilmərəm. Qızımla oynamağa qoymadığım
üçün Anuşu bağrıma basıb məni bağışladığını görməyəcə-
yəmsə, burda qala bilmərəm. Bu müsibətlə müalicə oluna
bilmərəm. Bu sinə dağını dağlara çəksən, dağ yarılar xanım,
mən dağların arasında sıxılıb qala bilmərəm. Mən bu qey-
rətlə gürcünün üzünə dik baxa bilmərəm. Mən bu namus
dağını ancaq özümüzünkülərin içində sindirə bilərəm xa-
Dostları ilə paylaş: |