325
– Hə! İndi neyliyək? Təyyarə Bakıya bir də gələn həf-
tənin cümə günü uçacaq. Kiyevdən qayıdaq, yoxsa bir az
qalıb gəzək buraları?
– Yox, əvvəlcə biletlərimizi sifariş edək, sonrasına ba-
xarıq – dedim.
Qayevski aeroportla əlaqə saxladı. Kiyevdən Bakıya
gedən bütün reyslərinə gələn həftəyədək bütün biletlər
satılmışdı. Naəlac qalıb gələn həftəyədək gözləməyi qərara
aldıq. Həm də, – “Gəlmişkən, bir az gəzək buraları” – fik-
riylə ikimiz də razılaşdıq.
Yorğunluğumuzu çıxarmaq üçün ilk növbədə özümüzü
bir saunaya verdik. “İvan Qroznı” saunası Odessada çox
məşhur bir saunadır. Amma istəyimiz ürəyimizdə qalsa
necədir? Sən demə bu sauna üç rejimdə işləyirmiş – qadınlar
günü, kişilər günü və ailəvi günlər. Ədəb-ərkanla soyunma
otağına girəndə, bir “xaxol” pülüyü sallana-sallana paltarını
geyinib yığışırdı. Dedik, yəqin Bakıdakı kimidir – soyunma
otağı ümumi, kabinetləri isə ayrıca. “Ana bülbül” lütlənib ilk
qapını açdıq. Özümüzü geniş bir barda lüt-üryan tapdıq.
Arvad-uşaq, kişilər skamyalarda oturub yemək yeyir, içir-
dilər. “Eşşəyə minmək bir ayıb, düşmək iki ayıb”, “əşşi,
bunlar da rus kimi şeydilər də, çılpaq gəzmək bunlarda ayıb
deyil ki...” – deyib qırılmış addımlarımızı inamsız irəliyə
doğru atdıq. Kimisi gülür, kimi üzünü döndərir, uşaqlar isə
bizi barmaqla göstərirdilər. Uzun dar dəhliz yəqin ki, bardan
keçib buxar kameralarına aparırdı – çünki alt geyimli ər-
arvad əl-ələ tutub o başdan gəlirdilər. Nəyinsə düz olma-
dığını hiss edirdik, ancaq geriyə qayıdıb rəzil günə qalmağı
arımıza sığışdıra bilmirdik. Qarşıdan gələn ər, arvadının
qolundan tutub dəhlizin bir tərəfinə çəkdi:
326
– Çəkil bu yana, yoxsa bu qaradərili hindular səni bu
saat zorlayacaqlar!...
Utandığımızdan qabığımıza girdik. Yenə də inadımız-
dan dönmədik – irəliyə doğru addımladıq. Önümüzdəki qa-
pını açıb dumanlı salona daxil olanda Roma hərəmxana-
larının lüt mənzərəsi gözlərimizi qamaşdırdı – qadın, uşaq,
qoca, kişi – hamı bir-birinə qarışmışdı. Axır ki, içlərindən
qabağa düşən biri oldu və bizi bu rəzillikdən qurtardı:
– Hara soxulursunuz adə! Görmürsünüz bu qədər
arvad-uşağı, itilin burdan!
Düz sözə nə deyəsən, bizə də elə itilmək lazım idi və
itildik! Geriyə – soyunma otağına qayıdıb dinməzcə tərləmiş
bədənimizi sildik, paltarlarımızı geyindik. Yarım saatlıq
xəcalətimizə görə “sauna pulu”nu ödəyib tərləmək qoxusu
burnumuzda dilxor halda küçəyə çıxdıq. Ovqatımız əməllicə
təlx olmuşdu, – “Görəsən türk olduğumuzu bildilər? Millətin
adını lap biabır elədik!..”
Aydın:
– Yəqin elə bildilər ki, erməniyik...
– Erməni özünsən! Özü də, ermənilər də sünnətsiz olur-
lar... – dedim.
– Denən sənin harana yaraşır saunaya getmək! Otelin
hamamında çim, qaxıl otur da yerində!
– Di yaxşı! Az töhmətlə bizi! Bir qələtdir da elədik!
...Cibimizdəki pulları gözdən keçirib cumduq supermar-
ketlərə – alış-verişə. Allah kəssin biz müsəlmanın arvaddan
qorxmağını. Kişi ki çölə çıxdı, evdəkinin ürəyini dərhal şey-
tan ələ alır – “Yüz faiz rus nataşasıynan mazaqlaşır indi!” –
düşünməyə başlayırlar. Evə də əliboş qayıtdınsa, vay halına
– “Deməli, Nataşaya o qədər aludə olub ki, arvad-uşağına bir
327
pay-püş almağı da unudub” – deyəcəklər. Gözümüzün tut-
duğu ucuz şeylərdən alıb doldurduq çantalarımıza. Hər kəsə
bir şey aldığımızdan əmin olduqdan sonra isə avara qalıb
küçələri, gəzməli yerləri təkrar veyilləndik. Kimimiz-kim-
səmiz olmayan bu qərib şəhərdə bircə tanışımız vardı – o da
Qayevski. Günün qüruba enən vaxtı Qaevskini yenidən
axşam yeməyinə dəvət etdik.
– Uşaqlar məni bağışlayın, Moldovadan tanışım gəlib
onunla yemək yeyirik, siz məni gözləməyin – deyib o da bizi
başından elədi.
Naəlac qalıb “Qoreç” restoranında milli “antrikot” ka-
bablarımızı dartışdırdıq. Amma Ukraynanın “Xortiça” arağı-
nın dadı bir başqa aləmdir. İçdikcə, səhərki sauna əhvalatını
bəzəyib-düzəyir, dayanmadan hey gülüşürdük. Beynimiz
dumanlananda Aydın Xarkovda oxuduğu illərdən, burdakı
dostlarından söhbət saldı. Di gəl ki, onda, Ukraynadakı dost-
larından heç birinin əlaqə telefonu yox idi. Və birdən xatır-
ladı ki, bu dostlardan biri elə Moldovada yaşıyırmış – Slavik
Çurkan. Bakıya – öz evlərinə zəng vurdu, telefon kitabça-
sından Slavikin telefon nömrəsini öyrəndi. Slaviklə telefonda
xeyli danışdı. Slavik israrla keçmiş tələbə dostunu Kişinyova
dəvət etdi. Aydının dumanlı başından Slaviklə keçən xati-
rələrini şeytan da çıxara bilməzdi. Dedi, – “Öldürsən də
Slaviki görməsəm Bakıya qayıtmaram!”. Çox çək-çevirdən
sonra Qayevskiyə yenidən zəng vurduq, – “Moldovadan
olan qonağın nə vaxt geri qayıdır?”. Dedi ki, – “Yarım saata
çıxırlar”. “Bizi də apara bilərmi?”. “Əlbəttə! İki nəfərdirlər,
yanlarında ikinizə də yer var”. Durduq və “Tavriya” ticarət
mərkəzinədək taksiylə yollandıq. Dostum dayanmadan yol-
boyu elə hey Slaviklə keçmiş xatirələrini üyüdüb tökürdü.
328
Qayevkigilə çatanda, o, bizi törəboy, kök və sarışın bir cavan
oğlanla tanış elədi:
– Zaxar, bunlar mənim portnyorlarımdır – Aydın və
Kərəm – azərbaycandan gəliblər, bakılıdırlar.
– Hə, xoş gördük qardaşlar, xoş gəlmisiniz – Zaxar
türkcə əməlli-başlı “çırtlayırmış”.
Sən demə bizim Zaxar qaqauzmuş. Əl yükümüzü Qa-
yevskinin maşınına əmanət kimi qoyub onunla sağollaşdıq
və Zaxarın maşınına mindik. Dörd nəfər idik – Zaxar, sürü-
cüsü Roman, mən və Aydın. Zaxar maşını Odessanın küçə-
lərində ora-bura xeyli sürdürdü – aramsız olaraq telefonla
danışırdı. Artıq qaranlıq düşmüşdü. Odessanın çıxacağında
– səssiz meşənin yanından keçən yolda maşını kənara verib
kimisə gözləməli olduq. Zaxar kiməsə zəng vurdu, – “Gə-
tirin bura o zibili” – dedi. Təxminən 20 dəqiqədən sonra iki
nəfər qara kölgə, arıq bir adamı maşına doğru gətirdilər. Za-
xar maşından düşüb iki qoluzorbanın çiyinlərindən sallanan
zavallının sifətinə bir yumruq ilişdirib arxaya – bizim yanı-
mıza keçdi. Kölgələr arıq adamı qabaqda oturdub, yenidən
meşənin qaranlığında gözdən itdilər. Bax hər şey də elə
bundan sonra başladı.
Zaxar yenə harasa zəng vurub danışırdı. Biz isə lal-
dinməz oturmuşduq. Təxminən 20-30 kilometr yol getdik.
Səssizliyi Zaxar pozdu. Telefonu sol əlinə keçirib boş əlini
düyünləyərək naməlum müsafirin çiyninə təzədən ilişdirdi,
– “Hə Kostya.., fahişənin oğlu, necəsən indi, axır ki əlimə
düşdün hə!”
Kostya qafqazlılara məxsus aksentlə:
– Zaxar, səndən xahiş edirəm, əgər dediyim vaxtda ödə-
məsəm istədiyini edə bilərsən...
Dostları ilə paylaş: |