337
– Bu it oğlunu öldürəcəklər, biz də zibilə düşəcəyik... –
dedim.
– Əşşi, cəhənnəmə öldürsünlər, erməninin biri də azalar,
yeməyini ye...
Bizim Fedya içəri girdi:
– Uşaqlar ürəyiniz bir şey istəyir – narkotik, qızlar..?
Aydın:
– Hə, Fecırt (öz millətimizdən olan “baştutan”a nifrətini
belə bildirdi), bizə içki və qızları göndər...
– Sən hara, Tiraspol hara? – “Fecırt”dan soruşdum.
– Moldovada oxumuşam, burda evlənib qalmışam. İndi
də Aşotla işləyirəm.
– Başqasını tapa bilmədin, elə gərək erməni mafiyasına
qulluq edəydin..? – soruşdum.
– Xahiş edirəm ki, təhqirə keçməyəsiniz. Dediyiniz “er-
məni-müsəlman davası” ancaq sizin beyninizdə qalıb. Bura-
larda belə söhbətlər edib özünüzü güldürməyin. Nəyiniz
artıq düşüb, doğrudanmı torpaq uğrunda bu qədər qan tök-
məyə dəyər? Allahın verdiyi bol torpaq, biz qafqazlılar üçün
yəni bu qədər candan əzizdir? Bəs siz nə vaxt yaşamağa da
vaxt ayıracaqsınız, elə ömrünüz Babək, Koroğlu, Nəbi, nə
bilim kimlər kimi torpaq uğrunda vuruşmalarda keçəcək?
Elə biz müsəlmanların alnına yazılıb çürüyüb qarışacağımız
torpaq uğrunda mənasız müharibələrdə ağcaqanad kimi
qırılmaq!? Sizi bilmirəm, amma qardaşlar, mən yaşamaq istə-
yirəm.
Aydın acı dilini dinc saxlamadı:
– Fecırt, sən həm də biqeyrətsənmiş ki...
Fedya:
– Biqeyrət sənin atandır, köpəyoğlu köpək!
338
Bir andaca ara qarışdı-məshəb itdi. İkisi də döyüşməyə
hazır hinduşka kimi sinələriylə gah toqquşur, gah da yum-
ruqlarını düyünləyib bir-birinə qıcanırdılar...
Mən onları aralamaq istədim:
– Əşşi qurtarın düşüklüyü, erməninin yanında milləti
rəzil etməkmi istəyirsiniz! Hərənin bir fikri var, kim necə
istəyir elə də qoy yaşasın da..! Sənin nə dərdinə qalıb Fedya
biqeyrətdi, ya qeyrət ağacıdır...
Fedya mənə də dil uzatdı:
– Sən də tikanlı sözlərini yığışdır, baxmaram həmyerli
olduğumuza, sizi bu Tiraspolun küçə itlərinə yem edərəm.
Əsəblərimlə oynayıb məni zibilə salmayın, tərinizi töküb vız-
qırdın burdan! – dedi.
Bu heynidə Kostya alnından bıldır-bıldır tər süzülə sü-
zülə buxar kamerasından çıxdı. Bütün paltarı suyun içindəy-
di. Yəqin ki, canında soyuqdəymə deyilən şey qalmamışdı.
Yaxşı oldu ki, elə gəldi də, yoxsa, erməninin yanında üzü-
qara olacağdıq. Yazıq Kostya başını yelləyə-yelləyə, – “Nə
zibilə düşdük...” – deyib yanımızda əyləşdi:
– Uşaqlar olar mən də bir “əlli” vurum?
Mən:
– Əlbəttə, vur getsin, dünya atıb-aldatdım dünyasıdır,
heç vecinə də alma (ürəyimizdəki bu rəhm kaş yerli-dibli ol-
mayaydı)...
Kostyaya iri bir stəkanda konyak süzüb qabağına itələ-
dim. Zavallı Kostya, sarımsaq tutmasından bir dilim götü-
rüb, konyakı birnəfəsə başına çəkdi. İkincini doldurdum,
toqquşdurub içdik.
Fedya:
339
– Bayaqdan mənə qeyrətdən dərs verirsiniz, nə oldu, bi-
qeyrət “atanşik”lə rumka toqquşdurursunuz...?
Aydın Fedyaya:
– Kostya səndən min dəfə qeyrətlidir!
Fedya:
– Heç mən də Aşotu sənin kimi 100 müsəlmana dəyiş-
mərəm!
Yenə dartışma başladı, nə başladı... Aydının yumruğu
elə havadaydı ki, Aşotla Zaxar buxar kamerasından çıxdı.
Aşot bizə:
– Hə dostlar, əziz kirvələr, necə istirahət edirsiniz?
Kostya əlindəki növbəti badəni tələm-tələsik yerə qo-
yanda konyak stolun üstünə dağıldı.
Zaxar bizə:
– Deyəsən tanışlığınız davayla başlayıb..?
Kostya:
– Erməni-müsəlman davası gedir burda...
Mən bu xəbərçiliyə dözməyib yağlı bir silləni Kostyanın
tüklənməkdə olan tərli sifətinə ilişdirdim.
Aşot mənə acıqlandı:
– Sənə kim ixtiyar verib ki, mənim qonağımı vurursan?!
Zaxar əda ilə:
– Mən..! – dedi. İnanın ki, dərimin bütün tükləri Zaxarın
bu qahmarından biz-biz durdu. Bu sözünə görə Zaxara elə
minnətdar oldum ki, bunu anlada bilmərəm...
Aşot sakitcə:
– Sənə bütün Tiraspol qurbandır Zaxar... – dedi.
Ara sakitləşdi, Kostya və Fedya otağı tərk etdilər. Biz
dörd nəfər isə süfrə arxasına keçdik. Gecə saatlarınadək ye-
340
yib içib “şelləndik” – Odessadakı sauna yanğımızın əvəzini
artıqlamasıyla çıxdıq.
...Səhər saat 4-ə qalmış ayrılmaq vaxtının gəldiyini hiss
etdirdik. Zaxar getmək istədiyimizi anladı, sürücüsü Roma-
na zəng vurub bəzi tapşırıqlar verdi. Saat 5-də Zaxarın ma-
şınına oturduq. Aşotun israrlarına baxmayaraq Zaxar Kost-
yanı da özüylə götürdü.
...Yer kürəsinin digər tərəfindən yol gələn günəş, yarım-
kürənin bəridəki səmasına ilk şəfəqlərini salanda maşınımız
böyük bir əkin sahəsinin ortasında dayandı. Zaxar maşından
düşüb Kostyanın pencəyinin boyunluğundan yapışdı, sonra
da maşından çəkib çıxararaq onu yerlə sürüdü. Qorxudan
quruyub maşında qalmışdıq. Zaxar Kostyanı bir xeyli sürü-
dükdən sonra dizüstə oturdub əlini kəmərinin arxasına tax-
dığı tapançaya atdı. Silahı çıxarıb zavallı Kostyanın kəlləsinə
dirədi. Uşaqlıqdan qandan qorxanam. Üzümü yana çevirib
gözlərimi yumdum, əllərimlə qulaqlarımı qapadım. Zaxarın
yeddimərtəbəli, əndrabadi söyüşlərindən qulağımın pası tər-
pəndi. Ürəyim durmadı, maşından düşüb ölüm səhnəsinin
düz yanına qaçdım. Zaxarın əlindən yapışıb:
– Xahiş edirəm Zaxar, rəhm elə, onsuz da bu yazığı Al-
lah vurub. Əlini köməksiz adamın qanına bulama, Allahdan
qorx, axı sən müsəlmansan... – yalvardım.
Zaxarın üzü güldü:
– Qardaş.., mən müsəlman deyiləm, xristianam.
– Axı qaqauzlar türklərdir..!
– Amma xristian türkləridir...
– Siz lap bədbəxt gündəymişsiniz ki..! – lap yersiz olsa
da, söz dilimdən çıxmışdı. “Bu necə ola bilər – xristian türk?..”
Dostları ilə paylaş: |