84
qoca kimi titrəyirdi. Tufan pəncəsinə keçən zərif çiçəkləri qoparıb uzaqlara
qaçırırdı. Tərəkəmə dəyələrinin kəmərini soyundurub gecələri havada uçurur,
alaçıqların çubuqlarını qoparırdı. Dənini başına yığan dəniz
zəmilər torpağa lay-lay
yatır, halay-halay qalxırdı. Sel get-gedə bağ-bostanlara cumur, bəndləri-bərələri
dağıdır, Həkəri və Bərgüşad çaylarını coşdururdu.
Sel kəndin ucar daxmalarını daha bərk qapazlayırdı. Nəbigilin evi qorxu
altında idi. Iri dolular bacadan tökülüb onların ocağını söndürmüşdü. Damda zəif
çıraq yanırdı. Alo sevinclə yatağında uzanıb bacadan xırıldayan buludlara baxırdı.
-Tök, başına dönüm tök! Səlim bəyin toyunu yasa döndər!
Gözəl yorğanı ərinin sinəsinə çəkib gülə-gülə dedi:
-Üstünü ört, a kişi, tufandır... Görürsən də, bizim də allahımız var. Elə
hey deyirdin ki, hər şey bitdi, tifaqımız dağıldı. Səlim bəy Həcəri sabah Şuşaya
aparacaqdı, bəs nə oldu? O şam ki haxdan yanır, bad ilə sönməz. Deyirdin, Topal
Mehdini Sibirə göndərəcək, Nəbini də tutub asacaq. Bəs nə oldu, hə? Allah bizim
tərəfimizdədir, a kişi, bizim!buynuzlu qoçun qisası buynuzsuzda qalmaz. Allah
mən deyəni eləsin, ala keçini qurban kəsdirib ətini yeddi evə paylayacağam.
-Qurban kəs, ay arvad, bu tufan bizim xeyrimizədir.
Şimşək arabir damın bacası üstündə çaxmaq çalırdı.
-Ora bax, a kişi!
-Görürəm, Gözəl, görürəm. Bu işıq haxdan gəlir. Bu tufan Səlim bəyin
toyunu yasa döndərəcək.
Gözəl uşaq kimi sevinirdi:
-A kişi mıxı mismar eləyən allah var, hələ çox işlər olacaq. Topal bu
tufanda papağını başında güclə saxlayır. Gör harasıdır ki, yolağının ağzındakı,
baltanı sındıran bədheybət qarağac götüyunun dibini sel olub. Az qalıb aparsın.
Xəstə olmasaydın fürsətdi, köməkləşib onu yıxardıq selin ağzına, təkcə gücüm
çatmadı.
-Darıxma, ay arvad qoy bir bu yataqdan qalxım, mən bilirəm neyləyəcəm.
Yaxşı ki, belimi küpələdin. Yoxsa səsim indi gordan gəlirdi. Səlim bəyin bu
tufanını görməmiş ölsəydim qəbrim çatlardı.
Qapının dabanı cırıldadı. Külək içəri soxuldu. əynində qara kürk olan
xəncərli, tüfəngli bir oğlan qapını basıb küləyin nəfəsini kəsdi. “Gecənin bu vaxtı
gələn kim ola!” Gözəl qalxıb çırağı ona tərəf tutdu:
-Bıy, Karapet, sənsən?! – Gözəl yaşmağı ilə çənəsinin çapığını örtdü. –
Nəbinin canı haqqı, bir az bundan əvvəl sizdən danışırdıq...
Alo dirçəldi:
-Bir yaxın gəl görüm, ay kirvə, - deyib dirsəkləndi, yerinin içində oturdu.
Kişi fərəhindən bilmirdi ki, nə etsin. O, əli əsə-əsə Karapetin qolundan tutub düz
yastığın böyrünə çəkdi.
-Xoş gəlibsən, ay kirvə, bax, burda, yanımda otur, gözümün qabağında.
Karapet saçaqlı papağının suyunu silkib başına qoydu.
-Alo kibrə, yorğan-döşəyini isladaram, üst-başım su içindədir.
-Eybi yoxdur, kirvə, səni gördüm ağrım-zadım yadımdan çıxdı. Otur. Nə
yaxşı gəldin ay bala, uşaqlardan nə xəbər...
85
-Alo kibrə, hamısı sağ-salamatdır, nigaran qalma. Sağ olsun Həcəri, o
olmasaydı, Topal bizi bu mahaldan ilim-ilim itirmişdi.
Karapet getməyə tələsirdi. Gecə ikən Həcərin samanlıqda gizlətdiyi silahları,
patrondaşları qaçaqlara çatdırmalı idi. Dostları Nəbini papaqlı qayada
gözləyəcəkdilər. Bu tufanlı gecədə hər bir dəqiqə qaçaqlar üçün qiymətli idi.
Karapet alonun əlini sıxıb ayağa qalxdı.
-Kibrə, məni gözləyirlər, sonra hamısını sənə danışaram.
Alo istədi yatağından qalxıb qonağını yola salsın. Lakin Karapet onun
qolundan yapışıb usulluca oturtdu:
-Xəstəsən, Alo kibrə,
sən məzhəb, tərpənmə.
-Oğlum, Karapet, gərək sənə qoyun kəsəydim. Sən Kinikor kirvənin
yadigarısan. Özün də ağır gündə mənə baş çəkməyə gəlmisən Dağılsın belə
zəmanəni. Rəhmətlik atam həmişə dərd ona üz verəndə oxuyardı:
Zamana, ay zamana,
Oxu qoydum kaman.
Eşşəklər arpa yeyir,
At həsrətdir samana.
Karapet gülümsünüb:
-Salamat qal, - dedi.
Karapet Gözəllə samanlığa getdi. Gözəl əlində çıraq küncdə dayandı.
Karapet isə samanı eşib Həcərin gizlətdiyi silahları bir-bir çıxartdı.
-Karapet, bala, gözdə-qulaqda olun, Həcər xəbər göndərib ki, tufan kəssə
Səlim bəy sübhdən onu Şuşa qalasına aparacaq. Özünün də beş yüzdən çox atlısı
var. Elə edin düşmənin yanında xar olmayaq.
-Gözəl kibrə narahat olma, bəs bu tufanda bura niyə gəlmişəm?! Bizə
çoxlu silah lazımdır, silah! Hər şeyi ölçüb-biçmişik.
Onlar silahları həyətə daşıdılar. Külək qoz boyda doluları Gözəlin baş-
gözünə qırmalar təki səpirdi. Qurumuş iydə ağacının dibindən qalxan adamları
görəndə Gözəlin ürəyi qopdu:
-Bunlar kimdir? Karapet, oğull...
-Narahat olma, kibrə, bizimkilərdir mənə köməyə gəliblər.
SƏLĠM BƏYĠN TOYU YASA DÖNDÜ
Nəbi həyatını göylərə tapşırmışdı. Bəlkə də o vaxtacan dünyada heç kəs
cəsarət edib özünü belə hündür qayadan atmamışdı. O, Bərgüşad çayına dik, ayaq
üstə düşdü. Çay yatağından çıxmışdı. Təpə boyda dalğalar cəsur dağ qartalını
qanadına almışdı. Güllələr onun başına səpələnirdi.
Bəylər nə edəcəklərinə bilmirdilər. Kərbəlayı Cəfər dili tutulmuş adamlar
kimi əl-qolu ilə danışırdı:
-Məmməd bəy, görəsən, bu dərədən bizi külləyə tutan kimdir?
-Kərbəlayı, tərəkəmə atlılarıdır, onlar da bizə bəla kəsiliblər.
-Ax!.. Köpək uşaqlarını it kimi qıracağam! Heyf, Nəbini qaçırdıq.