90
ÇAVUġ YAXALANDI
Həcər atlıları görəndə dikəldi, tüfəngini ayağa çəkdi:
“Yox, burda bir kələk var. Bu gələnlər yəqin Səlim bəyin adamlarıdır. Görünür, bu
dəvəçiləri bizi aldatmaq üçün göndərib. Bu azğın bəyin bicliyindən baş açmaq
olmur. Qoy gəlsinlər qurddan qorxan qoyun saxlamaz! Onsuz da yaranan bir dəfə
öləcək!” Həcər xəncərini bir balaca yana itələdi, patrondaşlarını nizama saldı,
yaxınlaşan atlılara dört gözlə baxdı.
Həcərgilin durduğu yer hündür olduğundan təpədən aşan adamların hamısı aydın
görünürdü.
Atlılardan biri yoldan kənara çıxdı. Təzə boğulmuş xam ürkə sahibini meşəyə
tərəf qaçırırdı. “Odur, atamdır! Özüdür ki var bizi çöllərə salan atam indi də Səlim
bəyin dəstəsinə qoşulub üstümüzə gəlir... O mənim atamdır, doğma atam! Atamın
haqqı üstümdə çoxdur. O məni elə əzizləyirdi ki... hər axşam gəlib məni Gözəl
xalanın qucağından güclə qoparardı: “Mənim qızım burda rahat yata bilməz”,-
deyərdi. O zaman Gözəl xala bizı min bir gecə nağılları danışırdı. Nəbi isə israr
edirdi. “Bax ana, Koroğludan da deyəcəksən ha!.. Keçəl Həmzə necə biclik elədi,
Qıratı necə oğurladı bəs Koroğlu Nigar xanımı İstanbuldan necə qaçırdı?”. Biz o
zaman qız qaçırmağın mənasını yaxşı başa düşməzdik. Indi Nəbi məni götürüb
Süsən meşəsinə qaçdı... Səlim bəy Həsən xan kimi üstümüzə yenə qoşun çəkib,
atamı da öz dəstəsinə qoşub. Görək axırı necə olacaq.
Deyirlər bəzi insanların gözündə sehirli güzgü var. Bu güzgü Nəbinin Aynalısı
təki hədəfi çox uzaqdan yaxına çəkə bilir. Indi də Xanalının kinlə dolu qara sifəti
gəlib qızın gözünün önündə dayanmışdı. O, Həcərə nifrətlə, qəzəblə baxırdı. Bu
kinli baxışda təəssüf vardı: “Gör kimə qoşulmusan, meşə qulduruna! Mən sənə
qarğımışam. Öləndə də sənin günahından keçməyəcəyəm! Atamın goruna and
içirəm ki, keçməyəcəyəm! Sən mənim papağımı el içində yerə soxmusan!
Lakin Həcər atasını ürəyindən çıxarmaq istəmirdi. Dünən atamı yuxuda
görmüşəm. Gördüm ki, Məmmədi evləndirir. Yazı düzündə cıdıra çıxmışıq. Nəbi
də ordadır. Bozatını oynadır. Yuxum çin oldu... o gün Nəbi atamın dalınca
danışırdı. O, nə deyir desin, mən atamı çox istəyirəm. Onu o qədər incitmişəm ki...
Atam məni xoşbəxt eləmək istəyirdi. Çəmənyurda köçəndə məni anamın tərkindən
alıb öz boynuna mindirərdi. Sıldırım yoxuşlarında özü çıxarardı. Qorxardı ki, at
uçar, mən ölərəm. Istəyirdim düşüb yeriyəm, atam qoymazdı. Deyərdi ki, ayağına
daş dəyər, dağ yollarında çarpanaq daş çoxdur. Eh, hanı o qayğısız uşaqlıq illəri!
Atlılardan biri təkə kimi qabağı çəkirdi. O, əlindəki uzun saplı yaşıl bayrağı
başının üstünə qaldırmışdı. Arabir dabanı ilə atın böyrünü deşirdi. Mehdi
qardaşının əl-ayaq tərpətmədiyinə dözməyib dilləndi:
-
Nəbi nəyi gözləyirik? Icazə ver onların qabağını kəsək. Az qalıblar bizə
çatsınlar.
Nəbi arxayın səslə:
-
Mehdi, - dedi, - biz burdayıq. Sən qaçıb Karapetlə Məhərrəmə xəbər ver.
Dəstəni götürüb gələnlərin arxasına keçin, qoymayın bir nəfər də qaçsın.
Görək bunlar kimdilər, hara gedirlər?
91
Mehdi civə təki diyirlənib meşədə yoxa çıxdı. Dəvəçilərin donları hələ də
açılmamışdı, nərlər isə öz işində idi: kövşək çala-çala sallaq dodaqlarından
ağızlarının köpüyünü axıdırdı
Həcər biz az bundan əvvəl tüfənginə dirənib qəddini düzəldən halsız gəlin deyildi,
o, pusquda dayanan aslana oxşayırdı.
-
Nəbi bunlar yəqin Səlim bəyin adamlarıdır...
-
Əzizim sən heç narahat olma, Mehdigil indi çoxdan onların arxasını kəsiblər.
Gələnlərin sayına baxma. Gəyən düzündə neçə yüz atlı vardı, axırı nə oldu?
Nəbi toxtaq danışığı ilə Həcərin həyəcanını yatırtdı.
Dəvəçilər pıç-pıça başlamışdılar. Nəbigilin söhbəti onların eynəsini açmışdı.
Yastıburun qoca Nərcə əlini çənəsinə aparıb gülümsəyirdi.
-
Saqqalım yoxdur, sözüm keçmir. Görüdünüz qaçaq Nəbidir?!
-
Afərin sənin zəndinə!
-
Yaxşı elədik yolda Səlim bəyi aldatdıq.indi bəy öz dəstəsi ilə Qaçaq Nəbini
Qıraxtində axtarır.
-
Dəvəçilərin dediklərini özlərindən başqa heç kəs eşitmirdi. Onlar Çovuşun
gəldiyini görəndə daha da ürəkləndilər...
Çovuş Kərbəlayı Pirverdi köhlənini çatladırdı. Əlindəki yaşıl bayrağı Kərbəla
yoluna tərəf qaldırıb kiminsə arxasınca donquldanırdı. Nəbi yaxınlaşan Çovuşu
dərhal tanıdı. Hər şey indi Nəbiyə aydın oldu. Nəbi gülə-gülə Həcərdən soruşdu:
-
Əzizim bilirsən bu Çovuş hansı yuvanın quşudur?
-
Yox bilmirəm.
-
Çovuş Kərbəlayı Pirverdinin əsli iranlıdır. Gecənin bu vaxtı şeytana rast
gəlmək istərdim, ona yox. Dərvişin ölümünü Topalla uydurub nahaqdan
mənim üstümə yaxanlardan bir də bu idi... Bu hiyləgər Çovuş sənin atanın
yaxın dostudur, yəqin atanı da Kərbəlaya ziyarətə aparır.
-
Ola bilər. Atamı bəyağ bu atlıların içində gördüm.
Çovuş cilovu düz Nəbigilin yanında yığdı:
-
Bu nə oyundur?! –Çovuş tərs-tərs gah Nəbiyə, gah da dəvəçilərə baxırdı. –
Sizi niyə saxlayıblar?
Çovuş yerə-göyə sığmırdı. Gümüş qaşlı yumşaq yəhərdə yanpörtü oturub sanki
ona hünər verən bayrağı başının üstünə qaldırmışdı. Qırmızı saqqalı uzanıb
sinəsinə yayılmışdı. Qara çuxasının ətəkləri aşağı sallanıb leylək qılçalarını
örtmüşdü. O, dəvəçilərin məlul-müşkül görkəmindən anlamışdı ki, iş nə yerdədir.
Atlılar gəlib çatanda Çovuş lovğalandı. Özünü zəvvarların yanında daha zabitəli,
daha zorlu göstərmək məqsədilə dilini itiləyib Nəbigilin üstə düşdü:
-
Bu kafirlərin bir cəsarətinə baxın?! Indi də görün haralara əl atırlar?! Elə
bilirlər ki, mən də onlara dərvişzadam. Daha bilmirlər ki, müqəddəs Kərbəla
yolunun qabağını kəsənlərin başını kəsərlər!
Həcər Nəbiyə gözucu baxıb astadan dedi:
-
bu yaman, baş aparır.
-
Əzizim, qoy görək axırı necə olur? Bu Lotu Kərimin ayısı təki hələ min
oyun çıxaracaq. Yaman pulgir adamadır. Əlacı olsa, atasının dişlərini də
çıxartdırıb satar... qaçaqlar zəvvarları bir yerə komaladılar. Lakin heç kəs
onlara Nəbinin qorxusundan dirsək görsətməyə cəsarət etmirdi. Çovuş
Dostları ilə paylaş: |