Fikirli halda çayından bir qurtum içmişdi ki, qapı bərk-bərk döyüldü.
Amma gecənin bu vaxtında evə kim gəldiyini anlamadı. Şirin yuxuda olan
yoldaşı Rəşidi tələsik oyatmağa başladı:
-
Rəşid, oyan! Kimsə qapını döyür.
-
Gecənin bu vaxtında nə qapı? – gözlərini ovxalayan Rəşid ayağa
qalxmağa çalışdı. Qapı yenidən döyüldü. – hər kimdirsə Allah xeyrə
calasın.
-
Amin.
Rəşid əyninə yüngül paltar geyinib qapını açdı. Qapı önündə titrəyən
halsız bacısı Səmanı görüb mat qaldı. Nə düşünəcəyini bilmədi. Amma onu
yenidən gördüyünə çox sevindi. Kiçik bacısını qucaqlayıb bağrına basdı.
-
Xoş gəldin, Səma! Gecə vaxtı nə olub niyə belə titrəyirsən?
-
Mən o evə bir də qayıtmaq istəmirəm. – Səma dili topuq vuraraq dedi.
Çox qorxduğu ilk baxışdan aydın idi. Gözlərinin altı göyərmiş, dodağının
kənarı partlamışdı. Cəmilə Səmanın halsız olduğunu görüb özü ilə yatağa apardı.
Bir qədər yatmağını xahiş etdi. Səmanı təpiklə o qədər döymüşdülər ki, ayağı
belə axsayırdı. Bütün bədəni gömgöy göyərmişdi. Rəşid bacısını əsgər getdiyi
gündən sonra ilk dəfə idi ki, görürdü. Kaş görməz olaydı. Cəmilənin and amanı
olmasaydı Rəşid elə gecə ikən bacısını bu vəziyyətə salan alçaq ərindən qisas
almağa gedəcəkdi. Ən azından onları Səmanın halına salacaqdı. Axı hansı qardaş
bacısını bu vəziyyətdə görmək istəyərdi? Heç kəs...
Səhərə kimi otaqda sağa-sola əsəbi halda gəzişən Rəşid, nəhayət bir
küncdə əyləşdi. Cəmilə isə həm Səmanın qayğısına qalmış, həm də yoldaşına
səbirli olmağı məsləhət görmüşdü. Dan yeri söküləndə Rəşid atasını oyatmağa
getdi. Bu ərəfədə Səma da artıq oyanmışdı. Ər evindən qaçarkən dəfələrlə
yıxıldığından hər tərəfi sızıldayırdı. Tərpənməyə halı yox idi. Cəmilənin
yatağının kənarında görüb çox sevindi. Onu yenidən qucaqlayıb ağlamağa
başladı. Ərindən və onun amansız uşaqlarından çəkdiklərini danışmağa
başlamışdı ki, qapı taybatay açıldı. Atası ilə anası təlaş içində evə girdi. Əvvəl biri
sonra digəri Səmanı danlamağa tənbeh etməyə başladılar. Rəşid isə kənarda
dayanıb bu vəziyyətə çıxış yol axtarmağa başladı. Bir də gördü ki, atası Səmanın
işgəncələrdən yanmış göyərmiş qolundan dartaraq ər evinə aparmağa çalışır:
-
Sənə icazə vermərəm ki, məni camaat içində rüsvay edəsən. Get ərivin
yanına, canın çıxsın mehriban ol.
-
Ata yalvarıram sənə məni ora göndərmə. Orda yaşamaqdansa qapında
zəncirli it olum bəsimdi.
-
Hələ danışmağa dilin də var? –anası da danlamağa başladı - Kişindir də
bir gün döyər, bir gün sevər. Get otur xarabanda sözə qulaq as. Yoxsa
südümü sənə halal etmərəm.
-
Sənə qurban olub ay ana. Nə olar kömək elə. Mənim halıma acıyın.
-
Dayanın! –Rəşid yerindən sıçradı - Bacım heç yerə getməyəcək!
IV FƏSİL
Rəşidin qərarından sonra ata-anası ondan üz döndərdi. Sizin kimi övlad
olmaz olsun dedilər. Hər iki valideyn yalnız özlərinin cəmiyyətdəki
mövqeyini düşünərək hərəkət etdilər. Rəşid işdə olduğu zaman Səmanı
güclə yoldşının evinə apardılar. Səma çox qorxurdu. Atasına çox
yalvavırdı. Lakin onu dinləyən yox idi. Yoldaşı pillələri düşüb qaynatasına
(əslində yaşıd idilər) sağol deyib xanımı Səmanın qolundan tutdu. Ağlayan
qızını o evdə də qoyub getdilər.
Valideynləri şam yeməyinə əyləşmişdilər ki, qapı zərbə ilə açıldı. Rəşid
Səmanın məcburən ər evinə aparıldığını öyrənib dəliyə dönmüşdü.
Atasının yaxasından tutub divara dirədi.
-
Sən necə insansan? Sənin ata ürəyin harda qaldı? Bəs vicdanın buna
necə razı oldu?
-
Burax məni. Unutma ki, atanla danışırsan.
-
Sənin kimi...
Rəşid artıq özünü idarə edə bilmirdi. Atasının sinəsini buraxıb iti
addımlarla evdən çıxdı. Bir başa Səmanın evinə getdi. Gördüyü mənzərə
isə o qədər dəhşətli idi ki, Səmanı bura geri gətirən atasına min dəfə
söydü. Çünki Səma ölümcül vəziyyətdə idi. Onu gətirildiyi andan o qədər
vəhşiliklə döymüşdülər ki, nəfəs belə ala bilmirdi. İnək damında bir
otluğun üstünə atmışdılar. Orda da qalmışdı. Rəşid göz yaşları içində
bacısının taxma saçına sığal çəkdi. Onun ayılmadığını görüb daha da
qəzəbləndi. Ayağa qalxıb Səmanı bu hala salanlardan hesab almağa
getdi. İçəri girib qarşısına keçən hamıya bir sillə ilişdirdi. Səmanın
yoldaşına isə o qədər vurdu ki, kişi ayaq üstdəgüclə dayanırdı. Əvvəl
bacısını xəstəxanaya apardı. Sonra Cəmiləyə xəbər göndərdi ki, bacısının
yanında olsun. Yol üstü rayon polis idarəsinə girib ərizə yazdı. Şikayətçi
olduğunu bildirdi. Beləliklə, bacısı Səmanın da dilindən ifadə alındı. Onu
bu hala salanları ifadə üçün idarəyə apardılar. Lakin heç bir fayda
vermədi. “Ər arvadına əl qaldırar da” deyib buraxdılar. Ədalət öz yerini
tutmasa da Rəşid and içdi ki, onları boşadacaq. Beləliklə, bacısının
kəbinini pozdurdu. Səma bir həftə xəstəxanada yatdı. İki qabırğası
əzilmişdi. Ağzıdan qan gəlirdi. Çox pis günlər yaşadı. Cəmilə hər gün ona
qulluq etdi. Atası da anası da qızlarının bu halını görüb etdikləri əməldən
peşman oldular. Lakin Səma onları görmək istəmirdi.
Bir neçə ay keçdi. Səma tamamilə sağalmışdı və artıq bibi olmuşdu.
Cəmilə ilə Rəşidin bir oğlu doğulmuşdu. Adını Əhməd qoydular. Səma
Cəmiləyə hər işdə gömək edirdi. Onlarla birgə yaşayırdı. Rəşid bir otaqlı
daxma evi 3 otaqlı kürsülü ev ilə əvəz etmişdi. Hər daşı daş üstünə
dostlarının köməkliyi ilə qoymuşdu. İllər aylar ötdükcə Səma darıxırdı.
Nə isə etmək istəyirdi. Düzdü evdən çölə addım atdığını görən hər kəs
onu təhqir edirdi. Saçı yox, qulağının biri yox. Digəri yarımçıq halda idi.
Taxma saç isə bu illər ərzində yetərincə köhnəlmişdi. Ona nə qədər səliqə
ilə baxsa da daha istifadəlik halda deyildi. Daha Cəmilədən saç istəməyə
üzü gəlməzdi. Haqqı da yox idi. Səma özünə saç axtarmağa başladı.
Əvvəlcə qonşu kəndə yollandı. Hər kəsə elan etdi ki, kim saçının
uzunluğundan bezibsə kəsdirib mənə versin. Əvəzində toyuq verirəm.
Beləliklə, bir neçə rəngdə iki torba saç yığdı. Toyuqları isə atasnın
həyətindən aparmışdı. “Buna haqqım var” deyə düşünmüşdü. Artıq
valideynləri ona bir söz demirdi. Çünki yaşadıqlarının ilk təqsirkarı elə
onlar idi. Səma evə gəlib iki gecə oyaq qaldı. Gecə gündüz özünə yeni
taxma saç düzəltdi. Bu dəfə ilk işindən də gözəl alındı. Sözün əsl
mənasında bəyənərək istifadə etdi. Hər bir saç rənginə uyğun taxma saç
düzəltdi.
Səmanın artıq 20 yaşı var idi. Rəşid onun evdə ilk olaraq özü üçün
tikdiyi taxma saçları çox bəyənirdi. Bacısının tikişə olan həvəsini görüb
onu dərzi yanına tələbə kimi yazdırdı. Beləliklə, Səma dərziliyi öyrəndi.
Hər gün həvəslə ustasının yanına getdi. Ondan hər bir tikişin incəliyini
öyrəndi. Parçaların növündən tutmuş sapların növünə kimi nə lazımsa
mənimsədi. Beləliklə, ustası onun kimi bacarıqlı tələbəni itirmək
istəmədiyindən yanında işləməyini məsləhət gördü. Rəşid heç
Dostları ilə paylaş: |