F. KÖÇƏRLİ adina məDƏNİYYƏt və turizm naziRLİYİ respublika uşaq kitabxanasi
Yanvar – Şair Eldar İbrahimin 65 illiyi, (1953)
Yüklə 3,54 Mb. Pdf görüntüsü
|
- Bu səhifədəki naviqasiya:
- 23 Yanvar – Şair Eldar İbrahimin 65 illiyi, (1953)
- Kitabları
- 26 Yanvar – Ədəbiyyatşünas, publisist Firidun bəy Köçərlinin 155 illiyi, (1863-1920)
- Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat kitabı. – Bakı : Nurlar Nəşriyyat-Poliqrafiya Mərkəzi, 2011.
- 10 Yanvar – Rus yazıçısı Aleksey Tolstoyun 135 illiyi, (1883-1945)
20
Məmmədov Eldar İbrahim oğlu 1953-cü il yanvarın 23-də Azərbaycanın Cəbrayıl rayonunun Daşkəsən kəndindən anadan olmuşdur. 182 saylı Binəqədi qəsəbə orta məktəbində təhsil almışdır. APİ-nin dil və ədəbiyyat fakültəsində təhsilini davam etdirmişdir (1970-1974). Əmək fəaliyyətinə təyinatla göndərildiyi Tərtər şəhərindəki 39 saylı texniki- peşə məktəbində müəllim kimi başlamışdır. “Ədəbiyyat və incəsənət” qəzeti redaksiyasında korrektor, müxbir (1975-1979), “Elm, publisistika, məktublar” şöbəsində ədəbi işçi (1979-1992) vəzifələrində çalışmışdır. “Qızılbaş” qəzetində baş redaktor olmuşdur (1993). “Bakımızdasan” adlı ilk şeiri 1966-cı ildə “Azərbaycan pioneri” qəzetində dərc edilmişdir. “Çinar pöhrələri”, “Yaşıl budaqlar”, “Azərbaycan” almanaxlarında şeirləri çap olunmuşdur. Keçmiş SSRİ xalqları poeziyasından bədii tərcümələrini müntəzəm dərc etdirmişdir. Kitabları: “Borc” (1979), “Dünya mənim sirdaşım” (1986) və s. Ədəbiyyat: Əhmədov T. Azərbaycan yazıçıları (XX-XXI yüzillikdə) : Ensiklopedik məlumat kitabı. – Bakı : Nurlar Nəşriyyat-Poliqrafiya Mərkəzi, 2011.
21
(1863-1920)
Firidun bəy Əhmədağa oğlu Köçərli 1863-cü il yanvarın 26-da Şuşada dünyaya gəlmişdir. 1876-cı ildə Şuşadakı rus məktəbinə daxil olmuşdur. 1878-ci ildə Aleksey Çernyayevski Zaqafqaziya müəllimlər seminariyasına tələbə toplamaq məqsədi ilə bu məktəbə gəlir və bu yolla Firidun bəy Köçərli öz taleyini seminariya ilə bağlamış olur. 1879-1885-ci illər ərzində o, burada təhsil alır, 1895-1918-ci illər ərzində dərs deyir. 1910-cu ildə Qori seminariyasının Azərbaycan şöbəsinin müvəqqəti təlimatçısı təyin olunur, 1918-1920-ci illərdə onun təşəbbüsü ilə həmin seminariyanın əsasında açılmış Qazax müəllimlər seminariyasının müdiri vəzifəsində işləmişdir. “Vətən dilinin” I hissəsinin (VII nəşr) yenidən işlənilməsində Firidun bəy Köçərlinin xidmətləri böyükdür. O, 300-dən artıq dərsliyə düzəliş etmiş, nəzəri materialı, hekayələri artırmış, metodika və stilistikasını dəyişdirərək zənginləşdirmişdir. Mütəxəssilərin də təsdiqlədikləri kimi, folklorşünaslığın yaranması şifahi xalq ədəbiyyatının toplanması, sistemləşdirilib nəşr olunmasında Firidun bəy Köçərlinin böyük xidmətləri olmuşdur. F. Köçərli Azərbaycanın tanınmış ədəbiyyatşunası, pedaqoq və publisistidir. O, Azərbaycan ədəbi dilinin saflığı uğrunda daim mübarizə aparmışdır. Onun uşaqlar üçün yazdığı “Balalara hədiyyə” kitabı Azərbaycanın ən dəyərli sərvətlərindəndir. Firidun bəy Köçərli “Azərbaycan tatarlarının ədəbiyyatı” adlı ilk iri həcmli əsərini qələmə almışdır. Zaqafqaziya müəllimlər seminariyasında işlədiyi illərdə “Azərbaycan türk ədəbiyyatı” əsərini bitirmişdir (1908). Lakin bu əsər sovet hakimiyyəti illərində Bakıda “Azərbaycan ədəbiyyatı tarixi materialları”( iki cilddə) adı ilə nəşr edilmişdir (1925-1926). Burada XVIII-XIX əsr Azərbaycan ədəbiyyatının ilk geniş elmi şərhi verilmişdir. Əfsuslar olsun ki, əsərin XX əsr ədəbiyyatından bəhs edən hissəsi itmişdir. Zaqafqaziyanın dövri mətbuatında onun rus, gürcü və Azərbaycan klassik yazıçıları haqqında saysız-hesabsız ədəbi oçerkləri, məqalələri çıxmışdır. Firidun bəy Köçərli Sovet hakimiyyətinin ilk aylarında repressiyaya məruz qalmışdır. 1920-ci il iyunun 2-də Gəncədə həbs olunmuş, həmin ayın 21-də güllələnmişdir.
(1978), “Təlimi Sokrat” (1881), “Balalara hədiyyə” (1987) və s.
22
10 Yanvar – Rus yazıçısı Aleksey Tolstoyun 135 illiyi, (1883-1945) Aleksey Nikolayeviç Tolstoy 10 yanvar 1883-cü ildə Nikolayevsk şəhərində ( indiki Saratov vilayətinin Puqaçov şəhərində) qraf ailəsində anadan olmuşdur. Samara real məktəbini bitirdikdən sonra 1901-ci ildə Peterburq Texnoloji İnstitutuna daxil olmuş, lakin ədəbiyyata olan güclü həvəsinin təsiri ilə 1907-ci ildə diplom müdafiəsi ərəfəsində təhsilini yarımçıq qoymuşdur. 1908-ci ildə “Niva” jurnalında Aleksey Tolstoyun “Köhnə qala” adlı ilk hekayəsi, 1910-cu ildə “Sağsağan nağılları” hekayələr kitabı çap olunmuşdur. Onun bir-birinin ardınca “Mavi çaylar arxasında”, “Baməzə adamlar” (1911), “Topal mülkədar” (1912) kitabları nəşr olunmuşdur. A.N.Tolstoy uşaqlar üçün də bir çox nağıllar və hekayələr yazmışdır. “Balta” (1909), “Sərçə” (1911), “Simurq” (1911), “Acgöz başmaq” (1911), “Qarlı ev” (1911) və başqaları. Aleksey Tolstoy mühacirətdə bir çox əsərlərini, məşhur “Əzablı yollarla” trilogiyasının birinci kitabını, “Bacılar” romanını (1922-1925), “On səkkizinci il” (1927-1928) və “Tutqun səhər”i (1940-1941) isə o, vətənə qayıtdıqdan sonra yazmışdır. Ümumiyyətlə, əsər üzərində 20 il (1921-1941) inam və səylə işləmişdir. Bundan başqa rus ədəbiyyatının gözəl bədii-fəlsəfi nümunələri sayılan “Aelita” (1922-1923), “Mühəndis Qarinin hiperboloidi” (1925-1927) fantastik romanlarını, üç hissəli “Birinci Pyotr” tarixi romanını (1929-1945), “İvan Qroznı” (1942-1943) dramatik povestini yazır. Müharibə illərində üç dəfə Stalin mükafatına (1941;1943;1946 vəfat etdikdən sonra) layiq görülmüşdür. Aleksey Tolstoy “Gürzə”, “İvan Sudaryovun dediklərindən”, “Tufanlarda” və “Qoçaqlar” hekayələrində kənd həyatının təbii və sosial ziddiyyətlərlə dolu sərt mənzərələrini, müharibə illərini, rus həyatını ustalıqla, həqiqi vətəndaş yanğısı ilə yaratmışdır. A.N.Tolstoy 23 fevral 1945-ci ildə 63 yaşında xərçəng xəstəliyindən Moskva şəhərində vəfat etmişdir. Kitabları: “Seçilmiş əsərləri”, “Balta” (1909), “Sərçə” (1911), “Simurq” (1911), “Acgöz başmaq” (1911), “Qarlı ev” (1911) və s.
www.books.google.com
Yüklə 3,54 Mb. Dostları ilə paylaş:
|