31
III gün – Lisey şagirdlərinin görkəmli ədəbiyyatşünas
Firidun bəy Köçərli haqqında hazırladıqları məruzələr
tədbir iştirakçıları tərəfindən dinlənilir. Yaxşı məzmunu ilə
fərqlənən
məruzə
kitabxana
rəhbərliyi
tərəfindən
mükafatlandırılır. II hissədə – Firidun bəy Köçərlinin həyat
və yaradıcılığı, əsərləri haqqında sual-cavab və sorğu
keçirilir.
Suallar:
1. Firidun bəy Köçərli neçənci ildə anadan olmuşdur?
Cavab: Firidun bəy Köçərli 1863-cü il yanvarın 26-da Şuşa
şəhərində anadan olmuşdur.
2. Firidun bəy Köçərli ilk təhsilini harada almışdır?
Cavab: Firidun bəy Köçərli Mirzə Kərim Münşizadənin ibtidai
məktəbini bitirdikdən sonra Qori müəllimlər seminariyasında
təhsilini davam etdirmişdir.
3. Firidun bəy Köçərlinin hansı əsərlərini tanıyırsınız?
Cavab: “Azərbayacan tatarlarının ədəbiyyatı”, “Azərbaycan
türk ədəbiyyatı”, “Azərbaycan ədəbiyyatı tarixi materialları”,
“Balalara hədiyyə” və s.
4. Firidun bəy Köçərli bir tərcüməçi kimi nə kimi işlər
görmüşdür?
Cavab: “Təlimi Sokrat” kitabını, klassik rus və gürcü
ədəbiyyatından nümunələri Azərbaycan dilinə, Mirzə Fətəli
Axundovun “Aldanmış kəvakib” povestini rus dilinə tərcümə
etmişdir.
32
5. Firidun bəy Köçərlinin “Balalara hədiyyə” kitabının
mahiyyəti haqqında nə söyləyə bilərsiniz?
Cavab:
Balalara hədiyyə” kitabındakı nağıl və hekayələr
azərbaycanlıların ata-babadan qalma düzgü və tapmacaları,
misal və nəğmələri bizlərə keçmişimizi xatırladır və içimizdə
milli bir duyğu oyandırır.
6. Firidun bəy Köçərli folklor sahəsində nə kimi işlər
görmüşdür?
Cavab: Firidun bəy Köçərli Azərbaycan folklorşünaslığında
xüsusi xidmətləri olan şəxsiyyətlərdəndir. O, şifahi xalq
ədəbiyyatının toplanıb nəşr olunmasına nail olmuşdu.
7. F. Köçərlinin yazdığı müdrik fikirlərdən hansını bilirsiniz?
Cavab: a. Əgər bir xalqı məhv etmək, onu adam toplusuna
çevirmək istəyirsənsə, müəllimini savadsız, həkimini isə
kəmsavad eləyin.
b. Hər millətin özünəməxsus ana dili var ki, onun məxsusi
malıdır. Ana dili millətin mənəvi diriliyidir, həyatının mayəsi
mənziləsindəndir. Ananın südü bədənin mayəsi olduğu kimi,
ananın dili də ruhun qidasıdır, hər kəs öz anasını və vətənini
sevdiyi kimi ana dilini də sevir və sevməlidir.
8. F. Köçərli hansı ölkələrin ədəbiyyatları ilə işləmişdir?
Cavab: Müəllimimiz Firidun bəy Köçərlinin Azərbaycan, Şərq,
Rus və Avropa ədəbiyyatından çox geniş məlumatı vardı.
Xüsusən Azərbaycan xalq şeirini və bu üslubda yazan
M. P. Vaqif, M. V. Vidadi, Q. Zakir kimi şairlərin yaradıcılığını
yaxşı bilir və hər addımda onları bizə sevdirirdi.
9. Firidun bəy Köçərlinin yazdığı “Azərbaycan ədəbiyyatı”
haqqında nə məlumatınız var?
33
Cavab: Firidun bəy Köçərli Azərbaycan ədəbiyyatşünaslığı
tarixində ilk dəfə olaraq ədib və şairlərimizin böyük
əksəriyyətini əhatə edən ədəbiyyat tarixini yazmışdır. Bu
əsərdə 129 şairin ədəbi irsi və onlardan böyük bir qisminin
tərcümeyi-halı verilmiş, əsərləri haqqında orijinal fikirlər
söyləmişdir. “Azərbaycan ədəbiyyatı” təkcə F. Köçərlinin
yaradıcılığında deyil, Azərbaycan ədəbiyyatşünaslıq elminin
tarixində misilsiz yer tutur.
10. Firidun bəy Köçərli neçənci ildə və harda vəfat etmişdir?
Cavab: Firidun bəy Köçərli Sovet hakimiyyətinin ilk aylarında
repressiyaya məruz qalmışdır. 1920-ci il iyunun 2-də Gəncədə
həbs olunmuş, həmin ayın 21-də güllələnmişdir. Ona sonradan
bəraət verilmişdir.
Sorğu
1. Firidun bəy Köçərlini tanıyırsınızmı?
Bəli
Xeyr
2. Firidun bəy Köçərli Azərbaycan xalqı üçün nə kimi işlər
görmüşdür?
_________________________________________________
3. Firidun bəy Köçərlinin harada anadan olduğunu bilirsinizmi?
Bəli
Xeyr
4. Firidun bəy Köçərlinin qələmə aldığı kitabların adını qeyd
edin.
_________________________________________________
34
5. “Balalara hədiyyə” kitabında olan atalar sözləri, tapmacalar,
sayaçı sözlərdən hansını bilirsiniz?
_________________________________________________
6. Firidun bəy Köçərlini nəyə görə “İlk folklor antologiyasının
banisi” adlandırırlar?
_________________________________________________
7. Firidun bəy Köçərlinin adını daşıyan hansı mədəniyyət ocağı
var?
_________________________________________________
8. Hansı rayonda uşaq evinin yaradıcısı olub?
_________________________________________________
9. Firidun bəy Köçərlinin ölümünə səbəb nə olub?
_________________________________________________
10. “Qoridən gələn qatar” kitabının müəllifi kimdir və bu kitab
kimə həsr olunmuşdur?
_________________________________________________
11. Firidun bəy Köçərli adına Respublika Uşaq Kitabxanası
neçənci ildən fəaliyyət göstərir?
_________________________________________________
12. Qori Seminariyasının Azərbaycan şöbəsi F. Köçərlinin
təşəbbüsü ilə Azərbaycanın hansı bölgəsində açılmışdır?
_________________________________________________
13. Firidun bəy Köçərlini nə üçün M. F. Axundzadənin
maarifçilik ənənələrinin fəal təbliğatçısı və yorulmaz davamçısı
adlandırırlar?
_________________________________________________
Dostları ilə paylaş: |