Fənnin adı: Fövqəladə halların təhlükəli amilləri

İonlaşdırıcı şüalanma
- ətraf mühitə təsir göstərərək neytral atom və 
molekullardan ionlar törədən şüalanmalara deyilir; ionlaşdırma sayəsində canlı 
orqanizm hüceyrələrinin bioloji strukturunda zərərli kimyəvi reaksiyalara, şüa 
xəstəliyinə səbəb ola bilən elektrik yüklü və yüksüz hissəciklərdən, o cümlədən də 
fotonlardan ibarətdir. 
Kimyəvi qəza
- təhlükəli kimyəvi maddələrin texnoloji avadanlıqlardan və ya 
zədələnmiş tutumlardan kənara sızması, yaxud atılması ilə müşayiət olunan, 
insanların, kənd təsərrüfatı heyvanları və bitkilərinin məhvinə, ya da 
zəhərlənməsinə və ya ətraf təbii mühitin insanlar, heyvanlar və bitkilər üçün 
qorxulu konsentrasiyada zəhərli kimyəvi maddələrlə çirklənməsinə səbəb ola bilən 
qəza. 
Kimyəvi təhlükəli obyekt 
- qəza nəticəsində və ya obyektin dağılması zamanı 
insanların, kənd təsərrüfatı heyvanları və bitkilərinin zədələnməsi, yaxud ətraf təbii 
mühitin adi səviyyədən yüksək konsentrasiyada, yaxud miqdarda təhlükəli kimyəvi 
maddələrlə zəhərlənməsi baş verə biləcək obyektə deyilir. 
Kimyəvi silah
- təsiri kimyəvi zəhərləyici maddələrin zədələyici xassələrinə 
əsaslanan kütləvi qırğın silahıdır. 

---

Kimyəvi şərait
- kimyəvi zəhərlənmə nəticəsində yaranmış vəziyyətə və əhalinin 
normal fəaliyyətinə təsir göstərən amillərə deyilir. 
Kimyəvi zəhərlənmə
- təhlükəli kimyəvi maddələrin ətraf təbii mühitə insanlar, 
kənd təsərrüfatı heyvanları və bitkiləri üçün müəyyən müddət ərzində qorxu 
törədən konsentrasiyada və ya miqdarda yayılmasına deyilir. 
Kimyəvi zəhərlənmə zonası
- üzərində insanlar, kənd təsərrüfatı heyvanları və 
bitkiləri üçün müəyyən müddət ərzində qorxu törədən konsentrasiyada və ya 
miqdarda təhlükəli kimyəvi maddələr yayılmış əraziyə deyilir.