Radioaktiv bulud - nüvə partlayışının od kürəsi genişlənib soyuyarkən yaranan
radioaktiv tərkibli bulud. Yerüstü nüvə partlayışı zamanı buludun arxasınca yuxarı
qalxan çoxlu radioaktiv toz və su buxarları xeyli yüksəkdə ona birləşərək göbələyə
bənzər forma alır, bir neçə dəqiqədən sonra dağılır və qismən əraziyə çökür.
Radioaktiv bulud külək vasitəsilə uzaq məsafələrə aparılaraq ərazidə radioaktiv
zəhərlənmə (çirklənmə) törədir.
Radioaktiv çirklənmə - yerin səthində, atmosferdə, suda, ərzaq məhsullarında,
yemlərdə və müxtəlif əşyaların səthində təbii adi hallardakından artıq və ya
radiasiya təhlükəsizliyi normaları və radioaktiv maddələrlə iş qaydalarında
göstəriləndən yüksək səviyyədə radioaktiv maddələrin olması, yaxud yayılması
hallarına deyilir.
Radioaktiv çöküntülər - nüvə partlayışının göbələyəbənzər buludundan əraziyə
çökən və tərkibində radioaktiv maddələr olan toz, qaz və ya buxar halındakı
zərrəciklərdən ibarətdir.
Sel - dağ çaylarında tərkibi gil, qum, çınqıl və daş parçalarından ibarət müvəqqəti
coşqun palçıq axını.
Seysmik - partlayış dalğası - nüvə partlayışı nəticəsində torpaqda (yerin səthində
və tərkində) yaranan titrəyiş dalğasına deyilir.
Subasma zonası - təbii fəlakət, yaxud müəyyən digər səbəblərdən hidrotexniki
qurğuların zədələnməsi və ya dağılması nəticəsində su basmış ərazi sahəsi.
Texnoloji fəlakət - istehsalatda texnoloji prosesin pozulması nəticəsində qəflətən
baş verib adamların məhvinə, maddi sərvətlərə və ətraf təbii mühitə xeyli zərər
dəyməsinə səbəb olan fəlakətə deyilir.
Texnosfera - əvvəllər biosferanın bir regionu, olmuş, sonralar isə özlərinin maddi
və sosial-iqtisadi tələbatlarının daha yaxşı ödənilməsi üçün insanlar tərəfindən
texniki vasitələrin birbaşa və ya dolayı təsiri ilə başqa şəklə salınmış sahə.
Təbii fəlakət - təhlükəli kortəbii, yaxud təbii-antropogen xarakterli hadisə
nəticəsində hər hansı bir regionda adi həyat şəraitinin və təsərrüfat fəaliyyətinin
sürətlə pozulması və xeyli sosial və iqtisadi ziyan (insan tələfatı da daxil olmaqla)
törəməsi halları.
