Filasofiya az: filosofia qxd

İ.Kireyevski
(1806-1856-
cı illər), 
K.Aksakov
(1817-1860-cı illər), 
A.Xomyakov
(1804-1860-
cı illər) xüsusi yer tutur. Onlar Avropa fəlsəfi cərəyanları ilə,
xüsusən alman klassik fəlsəfəsi ilə genetik mənada bağlı idilər.
Xomyakov Şellinqin təsiri altında dinşünaslığı, miflərin tədqiqini
mədəniyyət tarixinin öyrənilməsi üçün ən mühüm vasitə hesab
edir. Ayrılma bütün bəşəriyyət tarixindən keçib gələn inkişafın
mənhus bir meylidir. Baş verən ayrılma tarixin fundamental
qanunauyğunluğunun təzahürüdür, yəni, azadlıq və zərurəti
manifest kimi bəyan edən iki dini başlanğıc arasında mübarizə
gedir: əgər dünyadan kənarda mövcud olan sərbəst yaradıcı
başlanğıc qəbul edilirsə, o, dünyada azadlığın təminatçısıdır;
lakin əgər ilahi varlıq dünyada panteistik şəkildə əriyib gedirsə,
onda dünyada hər şey üzvi zərurətə tabedir. Birinci halda iradə
azadlığı, məsuliyyət, mənəviyyat mövcuddur, ikinci halda isə nə
azadlığa yer var, nə də əxlaqa. 
XIX əsrin sonu XX əsrin əvvəllərində ən görkəmli rus filosofları
Vl.Solovyov, N.Berdyayev, P.Florenski olmuşdur.