частью народа, членом Родины и гордился ею.Основными факторами, которые
делают Самеда Вургуна великим и гениальным художником своего времени,
является тот факт, что его искусство выросло из земли людей и основано на
самых передовых идеях века. В поэзии Самеда Вургуна всегда вдохновенно
воспевалась любовь к Родине и народу. Когда говорят о величайших
достоинствах поэзии Самеда Вургуна, прежде всего на ум приходит пример
гражданственности, чувства патриотизма. Самед Вургун был поэтом великих
идеалов, человеческих идей как переводчик народного духа. Первым большим
поворотным моментом в творчестве поэта, пришедшего в мир поэзии из
мотивов горькой и сладкой любви, стал «Азербайджан». Это стихотворение
Filologiya məsələləri, № 5, 2021
– 302 –
было признанием Самеда Вургуна в любви к Родине. В этом стихотворении,
которое звучит как самый красивый гимн о Родине: «Сердца отделены от
души?» Это был никому не риторический вопрос, а договор между поэтом и
Родиной. До азербайджанского Вургуна ни одно стихотворение не было
настолько полным, настолько законченным. Нет ни одного азербайджанца,
который не знал бы это стихотворение наизусть. Это стихотворение - не
обычное стихотворение, а песня, гимн, исполняемый от имени народа.
Redaksiyaya daxil olma tarixi: 18.04.2021.
Çapa qəbul olunma tarixi: 08.05.2021
Rəyçi: dos. Yusifli Afaq X.q.
tərəfindən çapa tövsiyə olunmuşdur
Filologiya məsələləri, № 5, 2021
– 303 –
FİDAN QASIMOVA
filologiya üzrə fəlsəfə doktoru, dosent,
gasimovafidan@yahoo.com
AMEA Folklor İnstitutu Təhsil şöbəsinin müdiri
MÖCÜZƏLİ DOĞULUŞ MOTİVİ
(OĞUZ VƏ KELT FOLKLORU ƏSASINDA)
Özət
Oğuz və kelt xalqlarının folkloru zənginliyi ilə diqqəti cəlb edir. Hər iki xalqın
folklorunun əsas qaynağı olan mifologiya isə ortaq tərəflər nöqteyi-nəzərindən
tədqiqat mövzusuna çevrilə bilər. Məhz bu səbəbdən də oğuz və kelt xalqlarının istər
mifoloji, istərsə də folklor mətnlərinin tipoloji araşdırma üçün seçilməsi əbəs deyil.
Bu örnəkləri tədqiq edərkən müxtəlif aspektlər ortaya çıxır ki, bunlardan da biri
motivlərdir. Belə motivlərdən biri möcüzəli doğuluşla bağlıdır.
Möcüzəli doğuluş folklor mətnlərinin əsas motivlərindən biridir. Mifdən
folklora transformasiya edilən bu motiv nağıllardan sonra, ən çox eposlarda rast
gəlinir. Belə ki, eposlarda əsas qəhrəmanın möcüzəli şəkildə doğuluşu, tez böyüməsi,
igidlik göstərərək ad qazanması kimi motivlər aid olduğu eposların arxaikliyindən də
məlumat verir.
Oğuz və kelt eposlarının da analizi göstərir ki, onların hamısı üçün qəhrəmanın
möcüzəli mənşəyi, doğuluşu xarakterikdir. Möcüzəli doğuluş motivi oğuz və kelt
eposlarındakı ortaq motivlər arasında aparıcı rol oynayır. Belə ki, bu eposlarda əsas
qəhrəmanın möcüzəli mənşəyi və doğuluşunun xarakterik xüsusiyyətləri demək olar
ki, eyni deyiləcək dərəcədə oxşarlığa malikdirlər.
Əski türk və kelt mətnlərinin qarşılaşdırılması hər iki xalqın mifologiyasında,
folklorunda, dini inanclarında, mərasim-bayramlarında bənzərlik və yaxınlıqların
olduğunu təsdiq edir. Hər iki xalqın folkloru müxtəlif tərəflərdən incələnə bilər, bu
məqalədə isə əsas diqqət oğuz və kelt eposlarında rast gəlinən möcüzəli doğuluş
motivinin tipologiyasına yönəldilmişdir.
Məqalədə oğuz və kelt folklorunda, xüsusilə eposlarında rast gəlinən möcüzəli
doğuluş motivi və onunla bağlılıq təşkil edən motivlər araşdırılmışdır.
Açar sözlər:
mif, folklor, möcüzəli doğuluş motivi, oğuz, kelt.
Giriş
Folklorun müxtəlif istiqamətlərdə tədqiqi xeyli sayda motivlərin də qarşıya
çıxmasına səbəb olur. Onlar “folklor motivləri” adı altında tanınırlar. Belə motivlər
olduqca çoxdur və onlarla folklor mətnlərində, xüsusilə də eposlarda sıxlıqla
qarşılaşırıq. Buna örnək olaraq möcüzəli doğuluş motivini götürə bilərik. Möcüzəli
doğuluşa nağıllarda xüsusilə tez-tez rast gəlinir və o, mifoloji mətnlərin də əsasını
təşkil edir.
Filologiya məsələləri, № 5, 2021
– 304 –
Bu motivi folklorşünaslar müxtəlif şəkildə izah edirlər. Ayrı-ayrı tədqiqatlarda
onunla bağlı müxtəlif fikirlər vardır. Qeyd edilir ki, “epik əfsanədə qəhrəmanın,
qəbilə başçısının və vətənin müdafiəçisinin ideal obrazını əks etdirən xalq fantaziyası
tez-tez onlara qeyri-adi şəraitdə baş verən və onların gələcək həyat yolu üçün
əlamətdar olan möcüzəli doğuluş mənsub edir. Möcüzəli doğuluşun ən erkən
motivlərinə dastan və nağıllarda daha çox rast gəlinir və onların mənşəyi insan
cəmiyyətinin inkişafının erkən mərhələlərində yaranan və geniş yayılmış xalq
ideyalarına gedib çıxır. Bəzən qəhrəmanın atası olmur və o sadəcə möcüzəli şəkildə
gün şüasından, sudan, küləkdən, ananın yediyi möcüzəli yeməkdən, məsələn
almadan, gül iyindən hamilə qalan bakirə qadından doğulur” (14, s. 318).
Jirmunski onu da bildirir ki, daha sonrakı dövrlərdə, ailə münasibətləri
formalaşdığı vaxtdan qəhrəman artıq öz mənşəyini həm ana, həm də atadan alır.
Onun möcüzəli şəkildə doğuluşu isə yeni forma qazanır. Bu vaxt ən geniş yayılmış
forma valideynlərin sonsuzluğu və onların müqəddəslərə duaları ilə övlad sahibi
olmalarıdır (14, s. 318- 319).
Dünya mifologiyası ilə bağlı bir araşdırmada deyilir ki, “doğum hər zaman
möcüzəlidir. Sadəcə məlum bir mədəniyyəti deyil, hamımızı təmsil edən bir
qəhrəmanın olması arzusunu hiss edirik. Bu qəhrəman da ana bətninə normal şəkildə
düşməz, çünki qəhrəman hər hansı bəlli bir ailəyə deyil, bütün mədəniyyətə aiddir.
Miflərdəki bütün ilk insanlar kimi, qəhrəmanın ana bətninə düşməsi və doğumu da
sirlidir. Qəhrəmanın atası tanrı olsa belə, dünyaya ancaq bioloji qapıdan, yəni insan
olan anadan girərsə, deməli bizim üçün insan həmcinsimiz olaraq bir məna ifadə
etmiş olur” (4, s. 331).
Kamran Əliyevin də qeyd etdiyi kimi, bununla “bəlkə də xalq öz təfəkkürünün
bütün məzmununu yalnız folklor nümunəsində tam ifadə etməyə tarixi şans və geniş
imkan qazanır” (5, s. 310). Tədqiqatçı fikirlərində çox haqlıdır. Bəli, xalq bu
imkanından istifadə edərək gələcəyini, ümidlərini bağladığı qəhrəmanını möcüzəli
şəkildə yaradır, tez də böyüdür.
Möcüzəli doğuluş motivinin ən çox rast gəlindiyi folklor janrlarından biri də
dastanlardır. Araşdırma mövzumuz olan oğuz və kelt eposlarının analizi göstərir ki,
onların hamısı üçün qəhrəmanın möcüzəli mənşəyi, doğuluşu xarakterikdir.
Möcüzəli doğuluş motivi oğuz və kelt eposlarındakı ortaq motivlər arasında aparıcı
yer tutur. Belə ki, oğuz və kelt eposlarında əsas qəhrəmanın möcüzəli mənşəyi və
doğuluşunun xarakterik xüsusiyyətləri demək olar ki, eyni sayılacaq dərəcədə
oxşarlıqlar göstərir. Eposlara bu doğuluş miflərdən gəlmişdir.
Türk xalqlarına məxsus dastanlarda buna aid xeyli nümunələr vardır. Belə ki,
bəzi miflərdə qəhrəmanlar Göy tanrısının oğulları kimi özünü göstərir. Məsələn,
yakut türklərinin yaranışı ilə bağlı olan “Ər Soqotok” dastanına baxaq. Qədim türk
dastanları içərisində xüsusi bir yer tutan bu dastanın qəhrəmanı olan Ər Soqotokun
qeyri-adi doğuluşu, mənşəyi məsələsi buna nümunə ola bilər. Göy tanrısı Ər
Filologiya məsələləri, № 5, 2021
– 305 –
Toyonun oğlu olan Ər Soqotok əvvəlcə öz mənşəyindən xəbərsiz olur. Sonra məlum
olur ki, o, göydən yerə endirilmişdir ki, insanları yaratsın (8, s. 113).
Qeyd etdik ki, möcüzəli doğuluş motivinin kökü mifologiyaya, mifoloji
mətnlərə gedib çıxır. Fikrimizi əsaslandırmaq üçün mifoloji personajlar içərisində
xüsusi bir yeri olan mədəni qəhrəmanlara nəzər salaq. Mədəni qəhrəmanlar
haqqındakı miflərdə bütün xalqların mifologiyasının ən qədim motivlərindən biri
olan “günahsız mayalanma” haqqındakı miflər geniş yayılmışdır. Burada ilkin
insanın əcdad-qəhrəmanın buluddan, yaxud onu işıqlandıran gün şüasından və s.
doğulması bildirilir. Məsələn, bir Altay əfsanəsində dolu dənəsindən törəmədən
söhbət gedir. Uyğurların mənşə əfsanəsində uyğurların atası göydən enən nurla
ağacın qovuşmasından doğulmuşdur. Bundan başqa “Oğuz Kağan” dastanında
Oğuzun arvadı da göydən nur içində yerə enmişdir. Eyni zamanda mədəni qəhrəman
olan boz qurd da Oğuza yol göstərmək üçün işıq içərisində göndərilir (2, s. 125-129).
İşıq, ümumiyyətlə, qədim türklərdə müqəddəs hesab edilmişdir. Bu haqda
C.Heyət yazır ki, əski türk dastanlarında işığın hər yerdə çox mühüm və müqəddəs bir
ünsür olduğunu görürük. “Yaradılış dastanı”nda tanrıya yaratma ilhamı verən Aq ana
işıqdan doğan bir qadın xəyalıdır. Tanrı Qayıra xanın özü üçün yaratdığı 17-ci göy qatı
da bir işıq aləmidir. Uyğurların xaqanı Buğa xan və dörd qardaşı da bir ağac və ya
torpağa düşən səmavi işıqdan yaradılmışdır və s. (6, s. 43).
Əgər biz göytürklər dövründə “tenqri” formasında tələffüz edilən tanrı sözünün
etimologiyasına nəzər salsaq, görmək çətin deyil ki, bu ad “tanq” (şəfəq) və “uri”
(oğlu) sözlərini ehtiva edən “tanq uri” (şəfəq oğlu) ifadəsindən yaranmışdır. Bizim
fikrimizcə, işığın qədim türklərdə bu qədər müqəddəs hesab edilməsinin nəticəsidir
ki, xalqın qayğısını çəkən, onların yaşayışını asanlaşdıran, bir sıra mədəni
fəaliyyətlər həyata keçirən mədəni qəhrəmanların əksəriyyəti göydən düşən işıq şüası
ilə doğulmuş, yaxud göydən yerə enmişlər. Bütün bunlar isə onu göstərir ki, daha
qədim zamanlarda türklər işığın, şəfəqin özünə ilahi kimi baxmışlar.
Türk mifologiyasında da insandan törəməmiş insanlar görünməkdədir ki,
bunlar da tanrı və ilahədən, başqa canlı varlıqlardan, yaxud təbiətdə mövcud olan
başqa varlıqlardan meydana gəlmişdirlər. Onlar “qurd şəklinə girmiş tanrıdan,
ilahədən, tanrı kimi qəbul edilən bir dağdan, qurddan və maraldan, köpəkdən,
ağacdan, səhəngdən, dolu dənəsindən, köpüklərdən, dənizdən törəmişlər” (10, s. 95).
Hətta əsas qəhrəmanın yumurtadan doğulması haqqında süjetlər də geniş
yayılmışdır. Məsələn, “yakutların inancına görə mədəni qəhrəman, demiurq
cizgilərinə malik olan ilk şaman bir qartal yumurtasından çıxmışdır” (10, s. 150).
Propp isə xüsusilə nağıllarda möcüzəli doğuluşu tədqiq edərək, onun bir neçə
növünü də qeyd etmişdir. Müəllif onları ovsunlama ilə doğuluş, içilmiş sudan
doğuluş, geri dönüş kimi doğuluş, sobadan doğuluş, yeyilən qalıqlardan doğuluş,
balıqdan doğuluş, hazırlanmış insanlar şəklində qruplaşdırmışdır (Ətraflı bax: 11, s.
205-240).
Filologiya məsələləri, № 5, 2021
– 306 –
Oğuz və kelt eposlarında möcüzəli doğuluş motivi
Ümumiyyətlə, həm oğuz, həm də kelt eposunun əsas qəhrəmanları üçün
xarakterik olan bir sıra motivlər var: qəhrəmanın möcüzəli şəkildə doğulması, igidlik
göstərərək ad qazanması, qəhrəmanlıq döyüşləri, evlənməsi və ölümü.
Bu motivlər arasında möcüzəli doğuluş məxsusi mövqeyi ilə seçilir.
“Qəhrəmanın möcüzəli şəkildə doğulması türk və ümumiyyətlə, dünya xalqları
folklorunda geniş yayılmış motivlərdəndir” (3, s. 274). Folklor janrlarından xüsusilə
nağıllarda rast gəlinən möcüzəli doğuluşun sadalanan növlərinin bəziləri eposlarda
da özünü göstərir. Oğuz eposlarına baxdığımızda bunların bir neçəsi ilə qarşılaşırıq.
Daha sıx şəkildə rast gəlinən göydən düşən şüadan, işıqdan doğulma motividir. Buna
örnək olaraq “Oğuz Kağan” dastanında şüadan doğulmanı göstərə bilərik. Dastanda
Oğuzun birinci arvadı işıq şüasından doğulur. Mətndə bu əhvalatı təsvir edən məqam
belədir: “Qaranlıq çökdü. Göydən bir işıq düşdü. Gündən işıqlı, Aydan parlaq idi.
Oğuz kağan yüyürdü, gördü ki, bu işığın arasında bir qız durub, yalqız oturub. Çox
gözəl qızdır. Onun başında atəşli, işıqlı Altun kazık (qütb ulduzu) tək yanan bir xalı
vardı. Qız o qədər gözəl idi ki, gülsə mavi göy gülər, ağlasa ağlayardı. Oğuz kağan
onu gördükdə özündən getdi, qızı sevdi, aldı” (2, s. 125-126).
Dastanda Oğuzun digər qadınına isə ağac oyuğunda rast gəlinir: “Yenə
günlərin bir günü Oğuz kağan ova getdi. Göl ortasında bir ağac gördü. Bu ağacın
oyuğunda bir gözəl qız vardı, yalqız oturmuş idi” (2, s. 126).
Deməli, Oğuzun bir arvadı işıq şüası, digəri su, ağac vasitəsilə möcüzəli
şəkildə peyda olurlar.
“Oğuz Kağan” dastanında Oğuz özü isə Ay xaqanın oğlu olaraq göydən yerə
endirilir (2, s. 124). Burada möcüzəli doğuluşun bir qolu olan tanrıdan doğuluşa
təsadüf edilir.
Tanrının oğlu olaraq doğulmaq motivinə kelt eposunda da rast gəlinir. Eposun
bir variantında Kuxulinin Günəş tanrısı Luqun oğlu olduğu söylənir. Təsvir edilir ki,
“Günəş tanrısı Luq, milçək şəklinə girib, kral Konxoborun bacısı Dextireni ziyarət
edir. Dextire milçəyi udur və nəticədə də Setanta adını verdiyi bir oğlan dünyaya
gətirir” (4, s. 167).
Milçək bir çox xalqın mifoloji mətnlərində ruh rolunu oynayır. Folklor
örnəkləri toplama zamanı söyləyicilərin bəzən milçəkdən ruh kimi də bəhs etdiyini
görmüşük. Milçəklə bağlı söylənən mifoloji mətndə milçək bir ruh rolunu oynayır və
qadın ondan hamilə qalır (9, s. 59).
Göründüyü kimi, həm Oğuz, həm də Kuxulin işıq şüası, atəşlə bağlı şəkildə
doğulurlar. “Əski türklərdə olduğu kimi, keltlərdə də atəş müqəddəs sayılmışdır.
Keltlərin folklor mətnlərindən də görüldüyü kimi, onlar da “atəş”ə çox dəyər
verirdilər. Tək tanrının simvolu olaraq gördükləri günəşdən təsirlənərək özlərinə
“işıq uşaqları”, “atəş uşaqları” deyirdilər. Günəşin qüvvətinin, aqressivliyinin az da
olsa, atəşdə də var olduğunu, atəşi zənginləşdirən bitkilərin yaratdığı alovun da bu
səbəbdən müqəddəs olduğunu söyləyirdilər. “Alova” müqəddəs bir şey kimi
Filologiya məsələləri, № 5, 2021
– 307 –
baxırdılar” (15). Buna görə keltlərin yaratdıqları qəhrəmanlıq eposlarında Günəşin də
adı çəkilməkdədir.
Türk eposlarında möcüzəli doğluş motivinin müxtəlif yollarından biri də
qəhrəmanın içilən sudan doğulmasıdır. Kelt eposunun bir variantında Dextire, içtiyi
su ilə rəhminə düşən varlıqdan Kuxulini dünyaya gətirir. “Dextire övladlığının
ölümünə hər kəsdən çox üzülür. Üç gün boyunca heç bir şey yemir, içmir. Sonra,
ağır bir kədər onda güclü susuzluq yaradır. İçmək üçün ona bir stəkan su verirlər. Qız
onu dodaqlarına yaxınlaşdıranda, kiçik bir heyvanın ağzına atılmaq istədiyini hiss
edir. O, stəkanı geri itələyir. Amma yanındakılar orada heç bir heyvan olmadığını
söyləyirlər. Yenə də suyu içmək üçün stəkanı ona verirlər. O, suyu içtiyi vaxt heyvan
onun ağzından vücuduna girir. Beləliklə qız hamilə qalır” (12, s. 585).
Bu məqamda onu da qeyd edək ki, folklor örnəklərindən də görmüşük ki, su
insanı mayalandırmaq üçün geniş tətbiq olunmuşdur. Bu da su kultunun qədim
xalqlarda mühüm bir kult olduğundan irəli gəlir. Kelt eposunda də görürük ki,
qəhrəmana həyat vermək vasitələrindən biri də sudur. Çünki suyun özü türk
xalqlarında olduğu kimi, keltlərdə də mühüm, müqəddəs kultlar arasında xüsusi yer
tutur. Kelt eposlarında da suyun müqəddəsliyi və həyatverici gücünün olması aydın
şəkildə görünür. Yuxarıda qeyd etdiyimiz kimi, belə eposlardan birinin əsas
qəhrəmanı olan Kuxulinin doğumunun təsviri verilən zaman suyun həyat qaynağı
olduğuna da şahid oluruq. Dünya xalqlarının çoxunda möcüzəli şəkildə içilən sudan
doğulma motivi vardır.
Su əsas qəhrəmanla yanaşı onun ən yaxın köməkçisinin də möcüzəli şəkildə
yaranmasında böyük rol oynayır. Eposun bir hissəsində Kuxulinin ən yaxın silahdaşı,
dostu, köməkçisi sayılan atının da möcüzəli şəkildə göldən gəldiyi təsvir edilir.
“Kuxulinin ölümü” saqasının sonunda isə qəhrəmanın göldən gələn atının onun
ölümündən sonra da gölə tərəf qaçdığı təsvir edilir (13, s. 207).
Dənizdən, dəryadan çıxan atlara “Koroğlu” dastanında da rast gəlirik. Dastanın
əsas qəhrəmanı olan Koroğlunun atlarının möcüzəli mənşəyi dastanda belə verilir:
“Bir gün Alı kişi ilxını sürüb dərya kənarına aparmışdı. Atlar dəryanın kənarında
otlayırdı... Dan yeri yenicə ağarmışdı, qoca ilxıçı bir də baxdı ki, budur, dəryadan iki
ayğır at çıxdı. Atlar gəlib ilxıya qarışdılar. İki madyana yaxınlaşandan sonra yenə
qayıdıb dəryaya girdilər” (1, s. 7). Dastandan görürük ki, sonradan bu ayğırlardan
olan atlar Koroğlunun ən yaxın silahdaşı, dostu, qardaşı olurlar.
Həm oğuz, həm də kelt mətnlərini incələdiyimiz zaman atın su ilə
əlaqələndirildiyini görürük. Nəticədə suyun müqəddəsliyi ata keçmişdir. Çünki su
hər iki xalqda müqəddəs sayılan ünsürlərdəndir. Hər iki xalqın eposlarında
qəhrəmanların əsas köməkçiləri də möcüzəli şəkildə dünyaya gəlirlər.
Yuxarıda da qeyd edildiyi kimi, möcüzəli şəkildə dualarla dünyaya gələn
qəhrəmanlar da vardır. Belə qəhrəmanlara əsasən eposlarda rast gəlirik. Eposda
qəhrəmanın qeyri-adiliyi, fərqli xüsusiyyətlərə malik olacağı və əsasən də önəmli,
əsas obrazlardan biri olacağı hələ onun doğuluşundan əvvəl icra edilən ayinlər (nəzir-
Filologiya məsələləri, № 5, 2021
– 308 –
niyazın paylanması), edilən dualardan hiss edilir. Möcüzəli şəkildə doğuluşun bu
sonrakı formasına “Kitabi-Dədə Qorqud” eposunda da təsadüf edilir. “Baybörənin
oğlu Bamsı Beyrək” boyunda eposun əsas qəhrəmanlarından olan Beyrək Allaha
ünvanlanan dua ilə doğulur. Boyda təsvir edilir ki, övladı olmadığı üçün Baybörənin
ağladığını görən “Qalın Oğuz bəyləri göyə üz tutdular. Əl qaldırıb dua elədilər.
“Allah-taala sənə bir oğul versin!” – dedilər” (7, s. 150).
Yaxud da “Kitabi-Dədə Qorqud” eposunun “Dirsə xan oğlu Buğac xan”
boyunda “Dirsə xan arvadının sözü ilə böyük məclis qurdurdu, Allahdan istəyini
dilədi. Atdan ayğır, dəvədən buğra, qoyundan qoç qırdırdı. İç oğuz, Daş oğuz
bəylərini ora topladı. Ac gördüsə, doyurdu. Yalın gördüsə, geyindirdi. Borclunu
borcundan qurtardı. Təpə kimi ət yığdı. Göl kimi qımız sağdırdı. Əl götürüb
arzularını dilədilər. Allah bir ağzı dualının alqışı ilə övlad verdi” (7, s. 134).
Bu boyun başqa bir yerində Buğacın doğuluşu anasının dilindən bu şəkildə
verilir:
Quru-quru çaylara suçu saldım.
Qara donlu dərvişlərə nəzirlər verdim.
Ac gördüm, doyurdum, yalın gördüm, geyindirdim.
Təpə kimi ət yığdım, göl kimi qımız sağdırdım.
Arzu-diləklə bir oğul güclə tapdım...
(7, s. 136).
Burada Dirsə xanın xanımının dilindən verilən hər cümlədə yenə də
qəhrəmanın nəzir-niyazla doğulması fikrinə rast gəlirik. Bu dəfə isə Allaha edilən
dua ilə yanaşı bir müqəddəs ünsürə, suya əl açmanı da görürük. Bunu müqəddəs
sayılan, ruhu olduğuna inanılan suya “suçu salmaq” adəti təsdiq edir.
Bu da onu göstərir ki, xalqın qəhrəmanı, xalqın seçdiyi, gələcək arzularını
həyata keçirəcəyinə inandığı qəhrəman elə belə, sadə şəkildə doğula bilməzdi. Onun
doğulmasını şərtləndirən müəyyən bir səbəb də olmalı idi. Əvvəlcə onun doğulması
müxtəlif möcüzələrlə əlaqələndirilirdi. Bu möcüzələr də xalq üçün müqəddəs sayılan
inam və etiqatlarla bağlı olurdu. Sonrakı inkişaf dövründə də xalqın qəhrəmanı yenə
də möcüzəli şəkildə doğulur, ancaq bu möcüzə başqa bir şəkil alır ki, bu da Allaha
yalvarış, duadır. Beyrək də, Buğac da dua ilə doğulurlar. Beləliklə, yenə də sadə
şəkildə dünyaya gəlmirlər.
Onu da qeyd edək ki, “Kitabi-Dədə Qorqud” eposunda “Basatın Təpəgözü
öldürdüyü” boyda oğuz elinin düşməni də möcüzəli şəkildə dünyaya gəlir. Ancaq o
arzuolunmazdır. Allaha yönəldilən dua ilə yox, pis əməllərdən törəyir. Hər iki
obrazın xalqın sonrakı taleyində nə kimi rola malik olacağı elə onların bu
doğuluşundan da hiss edilir. Nəzir-niyazla, Allaha dua ilə doğulan qəhrəmanın
əksinə olaraq, oğuz elinin düşməni olan Təpəgöz Sarı çobanla qanadlı bir pəri
qızından doğulur. Dastanda təsvir edilir ki, “Oğuz camaatı bir gün yaylağa köçdü.
Aruzun bir çobanı vardı. Qonur qoca Sarı çoban deyərdilər adına. Oğuzların önündən
bundan əvvəl kimsə keçməzdi. “Uzun bulaq” deyilən məşhur bir bulaq vardı. O
bulağa pərilər qonmuşdu. Birdən qoyunlar ürkdü. Çoban qabaqdakı təkəyə hirsləndi,
Filologiya məsələləri, № 5, 2021
– 309 –
irəli getdi. Gördü ki, pəri qızlar qanad-qanada bağlayıb uçurlar. Çoban öz yapıncısını
üzərlərinə atdı. Pəri qızının birini tutdu. Tamah salıb qucaqladı... Qoyun ürkməyə
başladı. Çoban qoyunun qabağına qaçdı. Pəri qızı qanad çalıb uçdu. Dedi: “Çoban, il
tamam olanda məndəki əmanətini gəl, al. Amma oğuzların başına bəla gətirdin!”
Çobanın canına qorxu düşdü” (7, s. 196). Çoban müqəddəslik özəlliyi daşıyan su və
pərini kirlətdiyinə görə oğuz elinin başına, yəni aid olduğu xalqın başına bəla gətirir.
Dastanın bu hissəsindən bəd əməllərdən törəyən övladın da sanki gələcəkdəki
bədbəxtlikdən xəbər verdiyi görünür. Çünki bir müddətdən sonra çobanın “əmanətini
gətirən” pəri qızı yenə də ona “oğuzun başına bəla gətirdiyini” bildirir (7, s. 196).
Görünüşü ilə də fərqlənən bu obraz möcüzəli şəkildə doğulan qəhrəmanlar kimi tez
böyüyür, güclü-qüvvətli olur. Ancaq nəhs varlıqdan törədiyinə görə gücünü oğuz elinə
qarşı yönəldir. Bir çox bəlalara səbəb olur.
Möcüzəli doğuluş motivi qəhrəmanın doğulduqdan sonra tez böyüməsi motivi
ilə sıx bağlıdır. Möcüzəli şəkildə dünyaya gələn qəhrəmanlar bir neçə saatın,
dəqiqənin içində tez də böyüyürlər. Ardınca da qəhrəmanlıq göstərərək ad qazanırlar.
Bu da elə onların möcüzəli şəkildə doğulmaları ilə bağlıdır. Sirli-sehirli doğulan,
fərqli özəllikli qəhrəman elə fərqli, sirli şəkildə də də böyüyür və ad qazanır,
müəyyən bir mövqeyə yetişir. Oğuz da, Kuxulin də sirli şəkildə dünyaya gəlirlər, tez
böyüyürlər, ad qazanırlar.
Möcüzəli doğuluşla bağlı tez böyümə və igidlik göstərərək ad qazanma
motivi
Oğuz və kelt eposlarında möcüzəli doğuluş motivi qəhrəmanın tez böyüməsi və
igidlik göstərdikdən sonra ad qazanması motivi ilə sıx bağlıdır. Çünki hər iki xalqın
eposlarına baxdıqda görürük ki, möcüzəli şəkildə doğulan qəhrəman bunun ardınca
tez böyüyür və qəhrəmanlıq göstərərək ad qazanırlar.
Qəhrəmanın tez böyüməsi, möcüzəli doğuluş motivinə ən yaxın, onunla əlaqəli
bir motivdir. Propp, nağıllarda qəhrəmanın tez böyüməsindən bəhs edərkən tez
böyümənin möcüzəli doğuluşun bir nəticəsi olduğuna və möcüzəli doğuluşu
tamamlayan bir ünsür olduğuna işarə edir. “Tez böyümə motivi, qəhrəmanın,
xilaskarın doğuluş motivindən yaranır. Bədbəxtlik anında doğulur və dərhal
xilasetmə işlərinə başlayır. O, böyük olaraq doğulur, çünki o biri dünyadan geri
gəldiyi zaman böyük idi. Amma qadın böyük adam doğa bilməz, buna görə də
nağılda qeyri-adi şəkildə tez böyüməni təqdim edən, uşağın qısa zamanda bir böyüyə
çevrilməsi motivi ortaya çıxır” (11, s. 240).
Oğuz eposlarında da tez böyümə motivinə çox rast gəlinir. “Oğuz Kağan”
eposunda möcüzəvi şəkildə doğulan Oğuz da sürətlə böyüyür, dil açır, igidlik
göstərir (2, s. 124). İgidlik göstərərək ad qazanma motivi isə Oğuznamələrdə sıx
şəkildə rast gəlinən motivlərdəndir. “Kitab-i Dədə Qorqud” eposunda qəhrəmanlıq
göstərən oğuz igidlərinə Dədə Qorqud ad qoyurdu. Bunu “Dirsə xan oğlu Buğac
xan” boyunda açıq şəkildə görmək mümkündür. Belə ki, Dirsə xanın oğlu igidlik
Filologiya məsələləri, № 5, 2021
– 310 –
göstərərək vəhşi buğaya qalib gəlir və oğuz bəyləri rica edirlər ki, Dədə Qorqud gəlib
igidə ad versin (7, s. 134).
Oğuz eposunda olduğu kimi kelt eposunda da möcüzəli şəkildə doğulan
Kuxulin tez böyüyür və igidlik göstərərək ad qazanır. Məsələn, eposda uşağın
doğulduqda artıq üç yaşında olduğu, adının Setanta olması, ancaq Kulanın itini
öldürdükdən sonra Kuxulin olaraq adlandırılmağa başlandığı göstərilir (bax: 12, s.
583-586). “Setanta doğulduğu andan etibarən önəmli gücə və qabiliyyətlərə sahibdir.
Yeddi yaşında ikən xalqı Konxoborun hökümdarlığına boyun əydirmək istəyən 150
hücumun qarşısını alır. On iki yaşında ikən dəmirçi Kulanın qarovulçu itini öldürür
və cəza olaraq itin yerini alır, adı Kuxulin (Kulanın iti) olaraq dəyişir” (4, s. 167).
Ümumiyyətlə, eposlarda əsas qəhrəmanın möcüzəli şəkildə doğuluşu, tez
böyüməsi kimi motivlər sözü gedən eposların arxaikliyindən məlumat verir.
Nəticə
Hər iki xalqın eposlarının incələnməsi möcüzəli doğuluş motivi ilə bağlı
mühüm məlumatlar əldə etməyə imkan verir. Araşdırmadan çıxan nəticəyə əsasən bu
motiv hər iki xalqın folkloru, xüsusilə eposlarında aparıcı istiqamətlərdən biridir.
Çünki eposların əsas qəhrəmanlarının, hətta onların yardımçılarının da doğuluşu
möcüzəlidir. Görünür ki, qəhrəmanın möcüzəli doğuluşu mifdən folklor mətnlərinə
transformasiya zamanı müəyyən dəyişikliyə uğrasa da, yenə öz missiyasını qoruyub
saxlayır. Miflərdən folklor mətinlərinə transformasiya edilən, xüsusilə nağıl
qəhrəmanına xas olan bu doğuluşun eposların da əsas motivləri sırasında olduğunu
görürük. Möcüzəli doğuluş tez böyümə və igidlik göstərərək ad qazanma motivləri
ilə sıx şəkildə bağlıdır. Araşdırmada bu motivlərin bir-birini tamamladığının şahidi
oluruq.
ƏDƏBİYYAT SİYAHISI:
1.
Azərbaycan dastanları. (2005). Bakı: Çıraq.
2.
Bayat F. (1993). Oğuz epik ənənəsi və “Oğuz Kağan” dastanı. Bakı: Sabah.
3.
Bəydili C. (2003). Türk mifoloji sözlüyü. Bakı: Elm.
4.
David A. Leeming, A’dan Z’ye dünya mitolojisi. (2017). Çeviren: Nurdan
Soysal. İstanbul: Say.
5.
Əliyev K. Folklor kitabı. (2019). Əsərləri 10 cilddə, VI cild. Bakı, Elm və təhsil.
6.
Heyət C. (1990). Azərbaycan şifahi xalq ədəbiyyatı. Bakı: Azərnəşr.
7.
Kitab-i Dədə Qorqud (1988). Bakı: Yazıçı.
8.
Ögəl B. (2004). Türk mifologiyası I cild. Bakı: Səda.
9.
Şərur folklor örnəkləri. (2018). Tərtibçilər: Muxtar Kazımoğlu, Fidan Qasımova.
Naxçıvan: Əcəmi.
10.
Uraz M. (1967). Türk mitolojisi. İstanbul: Hüsnütabiat.
11.
Пропп В.Я. (1976). Фольклор и действительность. Москва: Наука.
12.
Исландские саги. Ирландский эпос. (1973). Перевод А.А.Смирнова // БВЛ.
Москва: Художественная литература.
Filologiya məsələləri, № 5, 2021
– 311 –
13.
Ирландские саги. (1933). Перевод, предисловие, вступительная статья и
комментарииа А. Смирнова. Москва: Асаdemia.
14.
Жирмунский, В.М., Зарифов, Х.Т. (1947). Узбекский народный
героический эпос.
Москва: Огиз.
15.
Keltler, http://www.nadirelibol.com.tr/text/keltler.html
ФИДАН КАСУМОВА
МОТИВ ЧУДЕСНОГО РОЖДЕНИЯ (НА ОСНОВЕ ОГУЗСКОГО И
КЕЛЬТСКОГО ФОЛЬКЛОРА)
РЕЗЮМЕ
Фольклор огузских и кельтских народов привлекает внимание своим
богатством. Мифология, являющаяся источником фольклора обоих народов,
может быть предметом изучения с точки зрения взаимных сторон. По этой
причине для типологических исследований имеет смысл выбирать как
мифологические, так и фольклорные тексты огузских и кельтских народов. При
изучении этих примеров выявляются различные аспекты, одним из которых
является мотив. Один из таких мотивов связан с чудесным рождением.
Чудесное рождение – один из главных мотивов фольклорных текстов.
Этот мотив, трансформировавшийся из мифа в фольклор, встречается и после
сказок, чаще всего в эпосах. Так, в эпосах такие мотивы, как чудесное
рождение главного героя, быстрый рост, обретение им имени, проявляя
храбрость, свидетельствуют об архаичности эпосов. 508582606
Анализ огузского и кельтского эпосов также показывает, что для всех них
характерно чудесное происхождение, рождение героя. Мотив чудесного
рождения играет ведущую роль среди общих мотивов в огузском и кельтском
эпосе. Так, в этих эпосах чудесное происхождение главного героя и
характерные черты его рождения имеют сходство, которое можно назвать
почти одинаковым.
В результате сравнения древнетюркских и кельтских текстов мы видим,
что существует сходство и близость в мифологии, фольклоре, религиозных
верованиях, обрядовых празднествах обоих народов. Фольклор обоих народов
можно рассматривать с разных сторон. В этой статье основное внимание
уделено типологии мотив чудесного рождения, встречающегося в Огузском и
кельтском эпосах.
В статье рассмотрен мотив чудесного рождения, встречающийся в
огузском и кельтском фольклоре, особенно в эпосах, и мотивы, составляющие
с ними связи.
Ключевые слова:
миф, фольклор, мотив чудесного рождения, огуз,
кельт.
Filologiya məsələləri, № 5, 2021
– 312 –
FIDAN GASIMOVA
THE MOTIVE OF THE MIRACULOUS BIRTH (BASED ON OGHUZ AND
CELTIC FOLKLORE)
SUMMARY
The folklore of the Oghuz and Celtic peoples attracts attention with its wealth.
Mythology, which is the source of folklore of both peoples, can be the subject of
study from mutual sides point of view. For this reason, it makes sense to choose both
mythological and folklore texts of the Oghuz and Celtic peoples for typological
studies. When studying these examples, various aspects are revealed, one of which is
the motif. One of these motifs is associated with the miraculous birth.
A miraculous birth is one of the main motifs of folklore texts. This motif,
transformed from a myth to folklore, is found most in epics, besides fairy tales. Thus,
in the epics, the motifs such as the miraculous birth of the main character, his rapid
growth, the acquisition of a name by showing courage, indicate the archaic nature of
the epics.
The analysis of the Oghuz and Celtic epics also shows that all of them are
characterized by a miraculous origin, the birth of a hero. The motif of the miraculous
birth plays a leading role among the common motifs in the Oghuz and Celtic epics.
So, in these epics, the miraculous origin of the main character and the characteristic
features of his birth have a similarity that can be called almost the same.
As a result of comparing the old Turkic and Celtic texts, one can observe that,
there is similarity and closeness in mythology, folklore, religious beliefs, ceremonial
festivals of both people. The folklores of the both people can be examined from
various sides. In the article the typology of the miraculous birth motif just observed
in Oghuz and Celtic eposes is investigated.
The article deals with the motif of the miraculous birth, which is found in
Oghuz and Celtic folklore, especially in epics, and the motives that make up the
connection with them.
Key words:
myth, folklore, motif of miraculous birth, Oghuz, Celt.
Redaksiyaya daxil olma tarixi: 18.04.2021.
Çapa qəbul olunma tarixi: 08.05.2021
Rəyçi: Filologiya elmləri doktoru, professor Kamil Allahyarov
tərəfindən çapa tövsiyə olunmuşdur
Filologiya məsələləri, № 5, 2021
– 313 –
MÜNDƏRİCAT
DİLÇİLİK
QARA MƏŞƏDİYEV
AZƏRBAYCAN DİLİ DİALEKT VƏ ŞİVƏLƏRİNDƏ CİNGİLTİLİ SAMİTLƏRLƏ CİNGİLTİLİ
SAMİTLƏRİN ƏVƏZLƏNMƏSI HADİSƏSİ VƏ ONUN ÜMUMTÜRK DİLLƏRINDƏ QARŞILIĞI .........3
MAHİRƏ HÜSEYNOVA
AZƏRBAYCAN DİLİ VƏ DİALEKT VƏ ŞİVƏLƏRİNDƏ ELİZİYA
(SƏS DÜŞÜMÜ) HADİSƏSİ VƏ ONUN ÜMUMTÜRK DİLLƏRİNDƏ QARŞILIĞI ....................................10
АЛИЕВА БЕГИМ-ХАНЫМ БЁЮК АГА
ПРИМЕНЕНИЕ УЧЕБНЫХ ПРЕЗЕНТАЦИЙ В ПРОЦЕССЕ ОБУЧЕНИЯ
ИНОСТРАННОМУ ЯЗЫКУ СТУДЕНТОВ-НЕФИЛОЛОГОВ .....................................................................17
PƏRVİZ XOSROV OĞLU XASPOLADLI
AZƏRBAYCAN DİLİ DİALEKT VƏ ŞİVƏLƏRİNDƏ KAR SAMİTLƏRİN KAR SAMİTLƏRLƏ
ƏVƏZLƏNMƏSİ FONETİK HADİSƏSİ VƏ ONUN ÜMUMTÜRK DİLLƏRİNDƏ QARŞILIĞI .................25
ZENFİRA MƏMMƏDOVA
MÜASİR İNGİLİS DİLİNDƏ FEİLİN ŞƏXSSİZ FORMASI CERUNDUN CÜMLƏDƏ
MÜXTƏLİF SİNTAKTİK VƏZİFƏLƏRİ VƏ AZƏRBAYCAN DİLİNDƏ İFADƏ ÜSULLARI...32
LALƏ HÜSEYNOVA
AMERİKAN İNGİLİSCƏSİNİN FONETİK XÜSUSİYYƏTLƏRİ VƏ ONUN FRAZEOLOJİ SİSTEMİNDƏ
ETNONİM KOMPONENTLƏRİN FƏRQLİLİYİ .............................................................................................. 39
SEVİL NƏCƏFOVA
QEYRİ –VERBAL ÜNSİYYƏT VƏ ONUN ELEMENTLƏRİ......................................................................46
SEVİNC MƏMMƏDOVA
PHRASAL VERBS AS A PART OF THE ENGLISH LANGUAGE ................................................................56
TƏHMƏZOV ZAMİQ İLTİFAT OĞLU
AZƏRBAYCAN DİLİNİN DİALEKT FONETİKASINDA Ц (TS) SƏSİ VƏ ONUN ÜMUMTÜRK
DİLLƏRİNƏ QARŞILIQLI İNTEQRASİYASI..................................................................................................63
AYNURƏ XANLAROVA
FRAZEOLOJİ VAHİDLƏRƏ KREATİV YANAŞMA ......................................................................................70
ALIYEVA GULSHAN SHAMKHAL
SOME KEY ASPECTS OF THE ASSESSMENT OF TEACHING
AND LEARNING IN EAP COURSES ...............................................................................................................82
Filologiya məsələləri, № 5, 2021
– 314 –
AYBƏNİZ MƏMMƏDOVA
MƏTANƏT AĞASİYEVA
NİTQ MƏDƏNİYYƏTİ DƏRSLƏRİNDƏ İNTEQRASİYANIN TƏŞKİLİ .....................................................89
AYNUR MƏMMƏDOVA
CEYN OSTIN YARADICILIĞINDA QƏHRƏMANLARIN NİTQİNİN ÜSLUBİ XÜSUSİYYƏTLƏRİ .......101
SURA TARIYEL QIZI PƏNAHLI
DİL İŞARƏSİNİN MƏNA KOMPONENTLƏRİ ...............................................................................................110
KÖNÜL MƏHYƏDDINOVA
ABREVİATURLAR VƏ VİRTUAL DİSKURS.................................................................................................119
RZAYEVA ZÜMRÜD ELYAR QIZI
SİNTAQM VƏ İNTONEMA ..............................................................................................................................128
BAHAR ƏLİYEVA
HEYDƏR ƏLİYEV VƏ ANA DİLİ....................................................................................................................137
ƏDƏBİYYATŞÜNASLIQ
NƏZƏROVA ADİLƏ HƏSƏN QIZI
NİZAMİ GƏNCƏVİNİN FƏLSƏFİ-BƏDİİ İRSİNDƏ ƏDALƏTİN, BƏRABƏRLİYİN
VƏ DOSTLUĞUN TƏRƏNNÜMÜ....................................................................................................................145
GÜLTƏKİN ABDULLAYEVA
OXU MATERİALLARININ TƏDRİSİ PROSESİNDƏ ŞAGİRDLƏRİN BƏDİİ TƏFƏKKÜRÜNÜN
İNKİŞAF ETDİRİLMƏSİ ...................................................................................................................................156
ŞAHANƏ MƏMMƏDOVA
CƏFƏR CABBARLININ YARADICILIĞINDA QADIN AZADLIĞI.............................................................166
HEYBƏTOVA AYTƏN CƏFƏR QULU QIZI
PAŞA QƏLBİNURUN SƏRBƏST ŞEİR YARADICILIĞI................................................................................175
ELTAC ELMANOĞLU
ƏLİAĞA VAHİDİN “MOLLAXANA” POEMASINDA İCTİMAİ-SİYASİ MOTİVLƏR ...............................182
NARMİN BABA-ZADE
VASİLA VALİYEVA
NIZAMI GANJAVI IN THE WORKS OF ENGLISH ORIENTALISTS ......................................................192
GÜNƏŞ XUDAYAROVA
XX ƏSRİN 60-80-Cİ İLLƏR POEZİYASI MİLLİ AZADLIQ KONTEKSTİNDƏ ...........................................199
SƏDAQƏT ƏSGƏROVA,
ŞƏCƏRƏYƏ SADIQ , ATASINA LAYIQ ÖVLAD .....................................................................209
Filologiya məsələləri, № 5, 2021
– 315 –
MƏLAHƏT RAMIZ QIZI BABAYEVA
HÜSEYN CAVID YARADICILIĞINDA AFORİZMLƏR ................................................................................218
İRADƏ İSRAFIL QIZI KƏRIMOVA
AZƏRBAYCAN TELEKANALLARINDA ƏYLƏNCƏLI VERILIŞLƏR
VƏ BU VERİLİŞLƏRİN APARICILARININ DİLİ........................................................................................226
CAVİDƏ MƏMMƏDOVA
UİLYAM BATLER YEYTS VƏ RABİNDRANAT TAQORUN YARADICILIĞINDA AZADLIQ
KONSEPSİYASI .................................................................................................................................................236
İSMAYILOVA MƏTANƏT MƏMMƏD QIZI
QARABAĞA UZANAN QALİBİYYƏT VƏ İNKİŞAF YOLLARI ...............................................................247
ƏSMƏR DADAŞ QIZI HÜSEYNOVA
MƏSUD ƏLIOĞLUNUN HƏYATI VƏ TƏNQIDÇI-ƏDƏBIYYATŞÜNASLIQ FƏALIYYƏTI....................258
MƏLTƏM AKMAN
AMERİKA ROMANTİK POEZİYASININ MÜXTƏLİF DÖVRLƏRDƏ TƏŞƏKKÜLÜ................................270
RUZANƏ NEMƏT QIZI SÜLEYMANOVA
YUNUS ƏMRƏ GİBBİN TƏDQİQATINDA....................................................................................................278
HACIYEVA NAZƏNDƏ SABIR Q.
RƏSUL RZANIN YARADICILIĞINDA DÜNYA, HƏYAT, KAİNAT BƏ TƏBİƏT MÖVZUSU .................286
QULİYEVA PƏRVANƏ ELMAR QIZI
SƏMƏD VURĞUNUN POEZİYASINDA VƏTƏN MƏHƏBBƏTİ..................................................................294
FİDAN QASIMOVA
MÖCÜZƏLİ DOĞULUŞ MOTİVİ (OĞUZ VƏ KELT FOLKLORU ƏSASINDA).........................................303
Filologiya məsələləri, № 5, 2021
– 316 –
«Elm vя тящсил»
няшриййатынын директору:
Filologiya elml
əri doktoru,
профессор
Надир МЯММЯДЛИ
Dizayn: Kamran İbrahimov
Чапа имзаланмыш
27
. 05. 202
1
Шярти чап вяряги 19,5 Сифариш № 298
Каьыз форматы 60х84 1/8. Тираж 300
.
Jurnal “Elm və təhsil
няшриййат-полиграфийа” мцяссисясиндя
haz
ır
elektron n
üsxə əsasında
чап олунмушдур.
E-mail: elm. ve. tehsil@mail. ru
Тел: 497-16-32; 050 -41-89
Цнван: Бакы, Ичяришящяр, 3-ъц Магомайев дюнэяси 8/4.
Dostları ilə paylaş: |