M ə s ə 11 ə r:
Yeyərsən qaz ətini, görərsən ləzzətini.
Qaz vur, qazan doldur.
Y a n
1
11 m a c:
Kəklik, kəpənək, gəlin gedək: kol dibinə gəlin gəlibdir.
TƏRLAN
Yaxşı olar tərlanların irisi,
Qabaqca gedər kəklik sürüsü,
Boynunda var külabatın çilgisi,
Ağ olar qaşları şahi tərlanın.
Xanlar, bəylər əl üstündə götürər,
Götürəbən ovlağına yetirər,
Şəhd çəkər, binəsini itirər,
Onda düşər tərsilaşi tərlanın.
M ə s ə 11 ə r:
Tülək tərlan yerinə sar bağlamaq olmaz.
Tərlan yerini sar tutmaz.
Ə t i y e y i l ə n q u ş l a r : kəklik, turac, qırqovul, çil,
bildirçin, ördək, qaz.
Ə t y e y ə n q u ş l a r : tərlan, qızılquş, qaraquş,
qırğı, sar, çalağan, quzğun.
O x u y a n q u ş l a r : bildirçin, sığırçın, qaratoyuq,
torağay, alacəhrə, həzar1,
qumru.
G e c ə j ç a n q u ş l a r : bayquş,yapalaq,
gecəquşu (yarasa).
T a p m a c a:
43. Mən gedirəm beləsinə,
Qaragözün məhləsinə,
Quşlardan hansı quşdur,
Süd verir balasına?
DÜZGÜ
Ay afərin, gül oğlum,
Gül oğlum, sünbül oğlum.
Oğlum, oğlum, naz oğlum,
Dərsindən qalmazoğlum.
Qələmini al ələ,
Yaxşı-yaxşı yaz, oğlum.
Oğlum gedər məktəbə,
Oxur, çatar mətləbə.
Dərsin oxur rəvanlar,
Nə oxuyubdur, anlar.
Daş üstə çiçək qazar,
Məşqini göyçəkyazar.
Mənim oğlum candı, can,
Dərsləri oxur rəvan.
Gümüşdəndir dəvatı,
Qələmi var beş-altı.
Qələmdanı şəkilli,
Qələmi xallı-mullu
Dəftəri vartərtəmiz,
Kitabı ondan əziz.
Kağızları rəngbərəng,
Oğlum, gətir, yaz görək.
Oğlum səhərdən durar,
Əl-üzün təmiz yuyar.
Üzünə gülab vurar,
Saçın, birçəyin darar.
Paltarını təmizlər,
Məktəbə göyçək gedər.
Oğlumun adı Əziz,
Üstü-başı tərtəmiz.
Oğlum hər kəsi görər,
Baş əyər, salam verər.
Oğlum küçədə qaçmaz.
Heç kəs ilə savaşmaz.
Oğlum itə daş atmaz,
Atıb günaha batmaz.
Quşlara etməz azar,
Quşların da canı var!
Pişikləri heç vurmaz,
Sərçələrə tor qurmaz.
Ay afərin, gül oğlum,
Gül oğlum, bülbül oğlum.
Dərsin oxu rəvanla,
Sonra danış, gül, oğlum!
M ə s ə 11 ə r:
Oğlum əziz, tərbiyəsi ondan da əziz.
Oğul xırdası, noğul xırdası.
Şüurlu oğul neylər ata malını, şüursuz oğul neylər
ata malını.
Bir tülkü köhənsalə gedirdi,
Qismət üçün seyri-aləm edirdi.
Obadan kənarda gördü, ittifaq,
Atıblar səhrayə bir quyruqi-caq.
Diqqət ilə baxıb, tələni seçdi.
Yavuqa düşməyib, uzaqdan keçdi.
Gəzər ikən oldu bir qurda düçar,
Dedi:"Filan yerdə əcəb təam var".
Biçarəni çəkə-çəkə gətirdi.
Birazca qalmışdı quyruğu gördü.
Dedi:"Təəccübəm, sən belə şeyə
Düçar oldun, özün yemədin niyə?"
Dedi:"Boynumda var qəza orucum,
Tutmuşam ki, saqit ola borcum".
Soxuldu quyruğu yerdən götürə,
Neçə gündür naharsızdır, ötürə.
Sıçrayıb payına tələ oldu bənd,
O yana, bu yana tullandı hərçənd;
Nə qədər güc vurdu, götürmədi əl,
Kəsilib əlacı, qaldı məətəl.
Tülkünün əlinə düşdü girəvə,
Quyruğu yeyirdi çox sevə-sevə.
Dedi:"Sən deyirdin orucam, bayaq,
Nədəndir yeyirsən indi bu sayaq?!"
Dedi:"Oruc idim, amma bu axşam
Təzə ayı görüb, etmişəm bayram".
Hiyləsinə o pürfənnin inandı,
- Bəs mənim bayramım, - dedi, - haçandır?
- Sənin də bayramın sahibi-tələ,
Gələndədir, - dedi, - tələsmə hələ.
Hər kimsə ola əqlü fəhm-huş,
Bu məsəli eyləməsin fəramuş:
Əvvəl gərək suyu yoxlasın möhkəm,
Boyluyandan sonra soyunsun adəm.
Nəinki etməyib fikir, əndişə,
Sala canavar tək özünü işə.
Həm özünün payın, həm onun payın
Tülkü yeyə bidərdi-sər, arxayın.
M ə s ə 11 ə r:
On ölç, bir biç.
Ağılsız baş sahibinə donuz güddürər.
£
118
DƏVƏVƏ EŞŞƏK
(Nəsihət qəbul etm əyən yoldaşlar barəsində)
Görmüşəm nüsxədə bir şəhrü-bəyan.
Yük tutub sabiqən tüccari-İran.
Ticarət əzmilə hində gedərdi,
Gecə-gündüz dincəlməyib sürərdi.
Karvanda bir dəvə, bir də bir eşşək,
Arıq düşmüş idi mənim yabım tək.
Necə ki, qüdrəti var idi, getdi,
Aqibət işləri bir yerə yetdi.
Sağrısına əgər vursan yüz şallaq,
Götürməzdi ayağı üstündən ayaq.
Sahibləri çulun, alığın soydu,
Apara bilməyib, yol üstə qoydu.
Ahəstə-ahəstə üftanü xizan,
Çəkilib bir səmtə tutdular məkan.
Basəfa yer idi, ələfzar idi,
Türfə-türfə ot, ələfi var idi.
Yedilər, içdilər bir neçə müddət,
Apardılar ləzzət, sürdülər vəhdət.
Xilas olub rənci-bənnadəmdən,
Zülmi-peydər-peydən, cövrü-sitəmdən.
O qədər kökəldi hər iki heyvan,
Guya ki, hər biri kuhi- Bağrıqan.
Sağrısında, yəlpiyində ət qat-qat,
Dönübən qaşına bilməzdi, heyhat!
Bir gün eşşək dedi:"Ey dəvə qardaş,
İstərsən savaşma, istərsən savaş.
Xatirimə düşüb ahəngi-tazə,
Meylim var ki, qalxam şuri-şahnazə.
Həvayi-zövq ilə bir neçə əfrad,
Oxuyam sövt ilə hırçi badə-bad".
Dəvə dedi: "Bu nə sözdür, ay əhməq,
Müsəmma imişsən, isminə əlhəq!
Güclən qurtarmışıq rəncü təəbdən,
Növi-bəşər eylədiyi qəzəbdən.
Ötüb keçən əgər eşidə səsin,
01 qədər yük çatar, çatlar nəfəsin.
Əmanət, əmanət, keç bu sevdadan,
Bihudə fikirdən, əbəs binadan".
Etməyib dəvənin öydün qəbul,
Qulağın şəkləyib xəri-biüsul,
Bir növ anqırmaq qoydu ki, bara,
Səs düşdü səhralara, dağlara.
İttifaq, yol ilə keçirdi karvan,
Eşidib çarvadar dağıldı hər yan.
O kolu, bu kolu basıb tapdılar,
Sevinə-sevinə minib çapdılar.
Hər birinə bir ağır yük çatdılar,
Bizləyə-bizləyə köçə qatdılar.
Yeddi-səkkiz ayda xamlamışdı xər,
Qolları çəng olub qaldı, müxtəsər.
Yükünü dəvənin üstə yıxdılar,
Yavaş-yavaş yol yuxarı çıxdılar.
Dostları ilə paylaş: |