GUDU-GUDU
Çox yağıntı olanda və gün çıxmayanda uşaqlar çöm-
çəni gəlin kimi bəzəyib qapı-qapı gəzdirir və aşağıda yazı-
lan sözləri oxuyub, hər evdən bir qaşıq yağ və bir ovuc
un yığır, fəsəli bişirib yeyirlər. Oxunan sözlər bunlardır:
Güdü-güdü ha, güdü-güdü!
Güdü-güdünü gördünüzmü,
Güdüyə salam verdinizmi?
Güdü burdan ötəndə
Qırmızı günü gördünüzmü?
Güdü palçığa batmışdı,
Qarmaladım götürdüm.
Qızıl qaya dibindən
Qırmızı gün götürdüm.
Verməyənin qızı olsun.
Bir gözü də kor olsun.
Təndirə düşsün.
Qırmızı bişsin!
M ə s ə 11 ə r:
Yağışdan çıxdım, yağmura düşdüm.
İslanmışın sudan nə qorxusu.
Göydən nə yağdı ki, yer onu qəbul etmədi.
T a p m a c a l a r :
29.0 nədir ki, göydən yerə sallanır?
30.0 nədir ki, hər nə desən, allanır?
31. 0 nədir ki, göbəyindən nallanır?
32. Min-min minara.
Dibi qara,
Yüz min çiçək
Biryarpaq?
33. Dəryada bir gül bitib, adı yox,
Şirinlikdən yemək olmaz, dadı yox.
VUR NAGARA, ÇIX QIRAĞA
(Oyun sözləri)
İynə-iynə,
Ucu düymə,
Bal ballıca,
Ballı keçi,
Şam ağacı,
Şatır keçi,
Qoz ağacı, qotur keçi.
Hoppan,
Huppan,
Qırıl.
Yırtıl,
Su iç -
Qurtul.
Əmim oğlu,
Uzunbığlı,
"Haldırım"dedi,
"Huldurum"dedi,
Göyə bir ağac atdı.
Qarğı sapı
Gül budağı,
Motal-motal,
Tərsə motal,
Ellər atar,
Qaymaq qatar.
Ağ quşum - ağar çinim,
Göy quşum - göyərçinim,
Vur nağara,
Çıx qırağa.
Yuxarıda yazılan sözləri uşaqlar oyunu icra edərkən
deyirlər. Xırdaca uşaqlar dövrə vurub oturur, ayaqlarını
bir yerə uzadırlar. Onların biri başlayır bu sözləri oxu-
mağa. Hər kəlməni deyəndə əlini növbə ilə yoldaşlarının
və özünün ayağının üstünə qoyur.
Mətnin sonundakı"çıx qırağa"sözləri hər kəsin ayağı-
nın üstünə deyilsə, o, ayağını çəkir. Sonra yenə başdan
həmin sözlər oxunur və uşaqlar bir-bir ayaqlarını çəkirlər.
Hər kimin ayağı axıra qalsa, onu üzü üstə uzadır, əllərini
yumruq tutub bir-birinin üstə onun arxasına qoyub
soruşurlar:
- Əl üstə kimin əli?
Hərgah tapsa, onu durğuzurlar, tapmasa, "götürün
vurun, yalandır!" deyib, onu bir neçə dəfə astaca vurur-
lar və yenə soruşurlar:
- Əl üstə kimin əli?
Uşaq tapanadək onu astaca yumruqlayırlar.
TULKU VƏ KƏKLİK
Bir kəklik dağ başında oxuyurdu. Tülkü onun səsini
eşidib yanına gəldi və dedi:
- Ay kəklik, sən ki belə gözəl quşsan və belə gözəl
səsin var, elə həmişə oxuyursan? Bəs sən heç yuxulayıb
yatmırsan?
Kəklik dedi:
- Niyə yatmıram, əlbəttə ki, yatıram!
Tülkü dedi:
- İndi ki belədir, bir mənə göstər görüm, sən necə
yatırsan?
Kəklik yatmağını tülküyə göstərmək üçün gözlərini
yumdu, tülkü cəld sıçrayıb onu tutdu.
Kəklik gördü ki, tülkü onu aldadırmış. Axmaqlıq edib
onun hiyləsinə inanıbdır. İndi tülkü onu yeyəcək. Başını
tülkünün ağzından çıxarıb dedi:
- Ay tülkü baba, sən ki belə zirək heyvansan və belə
cəld şikar tutursan, heç şikarı yeyəndə Allaha şükür edir-
sən?
Tülkü cavab verdi:
- Necə ki eləmirəm, yaxşı eləyirəm.
Onda kəklik dedi:
- İndi tutaq ki, sən məni yeyibsən, bir Allaha şükür elə
görüm, nə sayaq edirsən?
Tülkü ağzını açdı ki, şükür eləsin, kəklik bu anda uçub
qondu birqayanın üstünə.
Tülkü vəziyyəti belə görüb dedi:
- Kəklik qardaş, sən ki mənim ağzımdan qurtardın,
get, amma lənət gəlsin o adama ki, şikarını yeməmiş
Allaha şükür edə!
Kəklikcavabında dedi:
- Yaxşı deyirsən, tülkü baba, o adama da lənət gəlsin
ki, yuxusu gəlməmiş gözlərini yumub yatmaq istəyə!
M ə s ə 11 ə r:
Tülkü tülkülüyünü sübut edincə, dərisini boğazından
çıxardarlar.
Dərə xəlvət, tülkü bəy.
Tülkü tülküyə buyurar, tülkü də quyruğuna.
T a p m a c a:
35. Bir dərədə yeddi təpə,
Hər təpədə yeddi dəlmək.
Hər dəlməkdə yeddi tülkü,
Hər tülkünün yeddi balası.
Eylər neçə hamısı?
Y a n
1
11 m a c:
Getdim gördüm bir dərədə iki kar, kor, kürkü yırtıq
kirpi var. Dişi kar, kor, kürkü yırtıq kirpi erkək kar, kor,
kürkü yırtıq kirpinin kürkünü yamamaqdansa, erkək kar,
kor, kürkü yırtıq kirpi dişi kar, kor, kürkü yırtıq kirpinin
kürkünü yamayır.
PISPISA XANIM VƏ SİÇAN BƏY
(D ozanqurdu D üzxatun və Siçan Solub bəy)
Biri var imiş, biri yox imiş, Allahdan başqa heç kəs yox
imiş. Bir də bir Pıspısa xanım var imiş.
Bir gün bu Pıspısa xanımın könlünə ərə getmək düşdü.
Geyindi-kecindi, bəzəndi-düzəndi, öz evinin qapısına
çıxdı və dedi:
- Ərə gedirəm, ərə gedirəm, ər olmasa, gora gedirəm!
Bir odunçu gəlib keçəndə Pıspısa xanımı görüb dedi:
- Mənə gələrsənmi?
Pıspısa xanım dedi:
- Məni döyəndə nə ilə döyərsən?
Odunçu dedi:
- Balta ilə vuraram, əzilərsən.
Pıspısa xanım dedi:
- Yeri, yeri, mən sənin tayın deyiləm.
Odunçu getdi. Pıspısa xanım yenə başladı:
- Ərə gedirəm, ərə gedirəm, ər olmasa, gora gedirəm!
Bir də gördü ki, kürəkçi gəlir. Kürəkçi dedi:
- Pıspısa xanım, mənə gələrsənmi?
Pıspısa xanim dedi:
- Məni döyəndə nə ilə döyərsən?
Kürəkçi dedi:
- Bir kürək çalaram, xıncım-xıncım olarsan!
Pıspısa xanım dedi:
- Yeri, yeri, mən sənin tayın deyiləm.
Dostları ilə paylaş: |