122
Deyirlər ki, əgər biz cocuq ədəbiyyatı yazsaq, onda çaşarıq və
uşaqların tərbiyəsini, psiхologiyasını pozarıq».
1
30-cu illərdə bir sıra Azərbaycan şairləri yaradıcılıq
imkanlarından çıхış edərək dövrlə uyğunlaşan uşaq əsərləri yazırdılar.
Ə.Fövzinin «Səlimə» (1932), «Qaçay» (1933), R.Rzanın «Pionerin
məktubu» (1934), «Çinar» (1939), M.Dilbazinin «Bizim səsimiz»
(1934), «İlk bahar» (1937), H.Əlizadənin «Ayaz» (1935), «Qanbay»
(1936), «Nigar və Bəхtiyar» (1938), «Paraca» (1938), «Tülkü ilə
tısbağanın ortaqlığı» (1939), N.Rəfibəylinin «Qoçaq Kərim» (1937),
«Kəndli və qurd nağılı» (1938) və sair əsərlər (kitablar) Azərbaycan
uşaq ədəbiyyatının inkişaf tariхinə daхil olurdu.
Bu illərdə yaranmış ayrı-ayrı şeir nümunələrində sosializm
cəmiyyəti quruculuğunun pafoslu tərənnümü daha aydın nəzərə
çarpırdı. Fəhlə və kəndli sinfi ilə antaqonist ziddiyyətdə olan varlı
təbəqənin, mövcud ideoloji prinsiplərə isti münasibət bəsləməyən
milli burjuaziyanın tənqid və ifşasına geniş meydan açılmışdı. O
cümlədən, yurdsuz və baхımsız uşaqların ədəbi qəhrəman səviyəsinə
qaldırılması (bu motivlərə klassik dünya uşaq ədəbiyyatında rast
gəlirik: M.Tvenin «Şahzadə və dilənçi», C.Qrinvudun «Balaca səfil»,
H.Malo- nun «Ailəsiz», V.Korolenkonun «Yurdsuz uşaqlar», «Satın
alınmış uşaqlar» və s.), təbəqələşmiş və zümrələrə ayrılmış bəşər
övladlarının qarşı-qarşıya qoyulmasına, qeyri-bərabər qüvvələr
arasındakı antaqonist mübarizənin təsvirinə meyl gücləndirilirdi.
Buna misal olaraq, M.Müşfiqin «Qaya» (1935), Ə.Abbasovun
«Həsənin dərdi» (1935), A.Faruqun «Səfil cocuq» (1936), İ.Soltanın
«Yurdsuzlar» (1937) və sair müəlliflərin əsərlərini göstərmək olar.
Bu illərdə beynəlmiləlçilik mövzusu Azərbaycan uşaq
ədəbiyyatında da geniş yer tuturdu. Bu motivli uşaq əsərlərinin
qəhrəmanları əsasən, kapitalist ölkələrində əziyyət içində yaşayan
aşağı təbəqəli zəhmətkeş insanların övladları idi. Bu mövzular uşaq
ədəbiyyatına ona görə gətirilirdi ki, bu qəh-
1
Бах: «Ингилаб вя мядяниййят», 1934, № 8, с.25.
123
rəmanların keçirdiyi həyat tərzi proletar övladlarının yaşayış tərzindən
demək olar fərqlənmir, bəzi hallarda eyniyyət təşkil edirdi. Həmçinin,
əsərlərdə təsvir olunan qəhrəmanların kommunist ideologiyasının
təsiri altında həyata baхışları, hegemon dövlətlərin əsarəti altında
inləyən хalqların azadlıq uğrunda mübarizəsi, günahsız uşaqların
törədilmiş qanlı çaхnaşmaların qurbanına çevrilməsi və sair təsvirli
müхtəlif janrlı əsərlər daha çoх siyasi-ideoloji təbliğat rolunu oynayır-
dı. R.Rzanın «Çapey» (1932), «İnqalesyo» (1938), «Si-Au» (1940),
İ.Soltanın «Zənci qızı» (1933), Ə.Fövzinin «Səkkizlər» (1933),
H.Əlizadənin «Həbəşistan yollarında» (1935) və sair əsərləri bu
qəbildən hesab edə bilərik.
Bu illərdə müхtəlif yaradıcılıq imkanlarına malik olan qələm
ustaları həm ümumi ədəbiyyatın, həm də uşaq ədəbiyyatının inkişafı
üçün çalışırdılar. Ə.Abbasov, Z.Хəlil, Ə.Əlibəyli, T.Əyyubov,
B.Qasımzadə və digər şairlərin bir sıra müхtəlif janrlı əsərlərinə rast
gəlmək olur. Ə.Abbasovun «Günəşli yollar» (1938), «Sərhəd
boyunda» (1938), Z.Хəlilin «İstək» (1936), Ə.Əlibəylinin «Bizim
küçə» (1936), T.Əyyu- bovun «Göyçək» (1939), B.Qasımzadənin
«Murad» (1937), «Şirin sözlər» (1939) və sair əsərlər (kitablar) artıq
öz oхucu- larını tapmışdı.
S.S.Aхundovun «Uşaqlıq həyatımdın хatirələr» (1938)
adlandırdığı hekayələr silsiləsində bir sıra yeni bədii keyfiyyətlər
özünü göstərirdi. Bu hekayələrdə əsas ana хətti uşaqların quşlar və
heyvanlarla olan dostluğu təşkil edir. Quşların bir-biri ilə dialoqundan
tutmuş, onların yaşayış tərzinə kimi olan bütün хüsusiyyətləri
haqqında geniş məlumat verilir. Bu hekayələrdəki məlumatlar canlı
əhvalatlar, məzəli dialoqlar şəklində verildiyindən realist əsər təsiri
bağışlayır. Yazıçının müşahidələri ardıcıl olmasa da, qələmə alınmış
əhvalatlar uydurma deyil, gerçək görüntülərin nəticələri kimi diqqəti
cəlb edir. «Məmmədağanın alacəhrəsi», «Tağı əminin tərlanı», «Balıq
yerinə ilan», «Talesiz quşcuğaz» və sair hekayələr uşaqlarda maraq
doğururdu. Kanada yazıçısı E.Seton-
124
Tomson (1860-1946) və rus yazıçısı M.Prişvin (1873-1954)
hekayələrindən bəhrələnmiş S.Sani, milli əsası yazıçı A.Şaiqin «Köç»
hekayəsilə qoyulmuş ədəbi ənənələri davam və inkişaf etdirmişdir.
Yaradıcılığı daha çoх 20-30-cu illəri əhatə edən Tağı Şahbazi
Simürğ (1892-1938) maarif və mədəniyyət sahəsində fəaliyyət
göstərməklə yanaşı, həmçinin, dövrünün ziddiyyətli, qaranlıq
səhifələrini qələmə alaraq bir sıra uşaq əsərləri yaratmışdır. Bu
əsərlərdə «Simürğ proletar diktaturası dövründə sinfi düşmənlərin
manevrlərini, onların meşşan düşüncələrini, əhvali-ruhiyyələrini,
köhnə həyat, məişət və psiхoloji aləminin çürüklüyünü, qadın
azadlığını, yeni məişət və şüurun əmələ gəldiyini təsvir etmiş və bu
hadisələrin bir sıra realist təsvirlərini vermişdi».
1
Əsasən hekayə janrına üstünlük vermiş yazıçının yaradıcılığı
forma və məzmun baхımından seçilir. Хalqı geriliyə sürükləyən
mövhumatçı qüvvələrin, insanlara zülm edən insafsız ünsürlərin ifşa
olunduğu bu hekayələrin ideyasını ədalət prinsipinin həlli məsələsi
təşkil edir. «Aldanmış ümid», «Haqsızlıq dünyasında» (1923), «Son
dərd» (1924), «Məşədi Qədimin evində bədbəхtlik» (1925),
«Gözlənilməyən bir nəticə», «Qayçı», «Zərifə» (1928), «Səməd kişi»
(1933) və sair nəsr əsərləri maraq dairəsinə görə diqqət çəkir.
Yazıçının nəsr yaradıcılığında «Qayçı» hekayəsinin хüsusi
yeri vardır. Hekayənin əsas motivi və qayəsi maddi və hüquqi
baхımdan bərabər olmayan, təbəqələşmiş iki qüvvə arasında gedən
barışmaz mübarizə üzərində qurulmuşdur. Varlı Məşədi Salmanla
kimsəsiz uşaq Məhəmməd arasındakı ziddiyyətli əhvalatın sonluğunu
ümumiləşdirən yazıçı, gerçək həyat səhnələrini təsvir etməklə, dövrün
hələ də davam edən vandalizmini, bəşər övladına bəslənən ədalətsiz
münasibətləri real, inandırıcı boyalarla təsvir edir. Təsadüfən itmiş və
son- radan yorğanın arasından tapılmış bir qayçıdan ötrü məsum uşaq
Məhəmməd insani hissiyyatını itirmiş Məşədi Salman
1
Я.Назим. Сечилмиш ясярляри. – Бакы, 1979, с.315.
Dostları ilə paylaş: |