192
XƏLİL RZA ULUTÜRK
SEÇİLMİŞ ƏSƏRLƏRİ
İLHAM
Elə ki, ilhamım əlimdən çıxır,
Məni dörd tərəfdən bu dünya sıxır.
Azır fikirlərim dumanda, çəndə,
Oyanır bu zaman bir şübhə məndə.
Görünür hardasa büdrəmişəm mən,
Qüdrətim kəm olub, cəsarətim kəm.
Nifrətə, lənətə layiq olana
Bəlkə də dilucu tərif demişəm.
Hardasa ucadan bağırmalıydım,
Qaynar nəfəsimi qısmışam yəqin.
Burnu ovulmalı bir qudurğanın
Önündən çəkilib susmuşam yəqin.
Ömrün dəmirləşən qanunları var:
Mərdin qarşısında dağ da əyilir.
Yalnız sona kimi cəsur olanlar
İlhamın gözünə dik baxa bilir.
Təmizlik uğrunda vuruşlardayıq,
Mətanət gündəlik işdə yoxlanır.
Dünyanın hüsnündə bircə ləkəyə
Sənətkar dözürsə, sənət oxlanır.
Sən kimsən? Qafiyə, vəzn köləsi,
Qəlbində xalqının qanı axmasa.
Minmin dərd odunun barı bircəsi
Səni yandırmasa, səni yaxmasa.
Bu gün yardım istər öz şairindən
Mərdlik ucbatından dara düşənlər.
Özündən min dəfə böyük bir dağı
Dişlə, dırnaq ilə söküb eşənlər.
193
Sən kor qalacaqsan, işıq almasan
Nigaran gözlərdən axan ziyadan,
Bütün şöhrətini, səadətini
Ömrünü istəyən poeziyadan.
Yox, böyük şeiriyyət evdə yaranmır,
Yaranır döyüşün ön səngərində.
Şairdən dirilik suyu istəyən
Təşnə igidlərin ciyərlərində.
Dağılır sonuncu hörümçək toru,
Dumanlar dünyadan çəkilib gedir.
Şair gözlərinin işığı, nuru
Ağ günlər uğrunda mübarizədir.
Atıl qaynağına çarpışmaların,
Şər adlı gürzənin gözünə mil çək.
Məşələ bənzəyir şair həyatı,
Yanıb kül olmaqdan qorxmasın gərək!
Çarpış! Unutma ki, göz boyda işıq
Göy boyda zülməti əridə bilər.
Haqqın bir çınqısı tonton yalanı
Silib, yer üzündən məhv edə bilər.
Şeir dedikləri bir dağ bulağı...
Daşdan nə cür çıxır... özün halısan.
Şeirin bulaq kimi saf olsun deyə,
Özün də, görünür, dağ olmalısan!
Sentyabr, 1978
194
XƏLİL RZA ULUTÜRK
SEÇİLMİŞ ƏSƏRLƏRİ
TƏK QALANDA
Hamı köçdü, getdi. Tənəklər çılpaq.
Ballanır, saralır son zingilələr.
Son uru neməti kimlər dadacaq?
Bir də bu bağlara haçaq girərlər?
Həsrətdən üzülür son zingilələr.
Təkcə mənim könlüm çənsiz, dumansız,
Məgər macalmı var qüssələnməyə?
Qarşımda sapsarı kəhrəba payız.
Mənimmi bu gözəl, qızıl saçlı qız?
Qoymaram hüsnünə səmumlar dəyə.
Daimi, vəfalı yaraqdaşlarım –
Uzun dəstəkli bel, ovxarlı balta.
Mətin, dəyanətli iş yoldaşlarım
Əmrimə müntəzir əlimin altda.
Çayırlı torpağı, kəltən kəsəyi
Arıdıb, əridib ələyən mənəm.
Tənək qollarını qızıl qumlara
Körpə uşaq kimi bələyən mənəm.
Dünən gürşad düşdü. Qoy düşsün, nə qəm,
Qoy lap selov gəlsin. Getməyəcəyəm!
Çovğun vıyıldasın qoy sübhə kimi,
Bacarsa, çıxartsın ciyərlərimi.
Dəysin birbirinə xəzri, gilavar.
Çöl qış... içərimiz bahardır, bahar.
Təkəm bu sahildə. Xəzər kimi tək.
Bağban tək qalanda qorxmasın gərək.
Bağı təkbaşına qoruya bilsin.
Nazlı söyüdləri əzizləyərək,
Saçını ehmalca daraya bilsin.
195
Badamı, püstəni qaynata kimi
Bu bağdan o bağa gəlin köçürsün.
Nar su istəyəndə öz ürəyini
Nar kimi sıxaraq ona içirsin.
O kimdir təklikdən şikayətlənən?
Bəli, tək igidin çiyni dağ gərək.
Dostlar tərk edəndə öz səngərini,
Dostun da yerinə çarpışmaq gərək.
Qışda bircə gülü sən gülüstan bil,
Təkləri yad elə tək qalanda sən.
Kişinin təkliyi faciə deyil,
Təki içəridən təklənməyəsən.
Selsu. Balta sınıb. Əynimbaşım yaş.
Dönürəm mənzilə qaralanda qaş.
Alovlar ocaqdan, bacadan yüksək,
Nə qədər dadlıymış cirəduz, çörək.
Bağbanlıq! Zor sənət! Sorumlu – məsul!
Asanmı qorumaq bəhrəni, barı?
Bağları fələyə tapşırmaq olmaz,
Fələk bərbad edir abadlıqları.
Təkmisən? Öndəki çırağa bax sən,
Çıraq yandıranlar tarixdə minmin.
Hansı naqildənsə işıq gələrsə,
Demək, davamısan sən o naqilin.
Ulduz tabaqtabaq, Xəzər ləngərli,
Qayalar döşündə aylı bir aləm...
Uca sərvlərlə, ulduzlarla bir
Bir sahil bağının keşiyindəyəm.
Oktyabr, 1978
196
XƏLİL RZA ULUTÜRK
SEÇİLMİŞ ƏSƏRLƏRİ
MƏN – AZƏRBAYCANAM!
Danışır Təbriz radiosu
Dinləyin, dinləyin, mən bir kamanam,
Şərqin sinəsindən qopan fəqanam!
Uzaq əsrlərin dərinliyindən
Sabaha üz qoyan sonsuz karvanam.
Ovcu qabarqabar, ciyəri təşnə,
Günəşi ardınca çəkən sarbanam.
Bu qoca dünyanın tən ortasında
Bülbülü susmayan bir gülüstanam.
Sovqatı, bəxşişi açıq sinidə,
Ağzının sonuncu tikəsini də
Dosta bağışlayan, düşmənə verən
Dumanlı Təbrizəm, çənli Zəncanam.
Hər şeyi alınıb tükənsə belə,
Eşqi tükənməyən Azərbaycanam!
Dinləyin, dinləyin, mən bir kamanam.
Dağdaşı yandıran aham, amanam!
Bir vaxt Albaniya dedilər mənə,
Dağlardan vüqarlı alpam, alpanam.
Neçə Keyxosrovun açıq döyüşdə
Brilyant tacını bomboş qoyanam.
Rüstəm Zal öldürdü öz Söhrabını,
Söhrabam, mən onu bağışlayanam.
Təkcə öz dibinə işıq salmayan,
Hamıya nur verən şamam, şamdanam!
Dinlə, qoca dünya, ey mənim anam:
Min yol öldürülən, yenə ölməyən,
Əzəli, əbədi Azərbaycanam!
Xaqanim xaqandan qaçıb gələndə
Açdı mənə dedi ürək sirrini.
“Xəmsə”də parlayan beş ülkərilə
Dostları ilə paylaş: |