152
So hell un froh, as luter se
Terheme hent gesungen.
Se singent en alliöwerall
Imme Osten, Süden, Westen.
Et worent unse Jungens jo
Un worent unse Besten.
Un sid de Tiden noch so schlecht,
Un hänt wi kum te iaten:
Dei Jungens, dei gefallen sid,
Dei wullt wi nü vergiaten!!
N
ACHT
Hinger den Dennen verbrennt in letzten Farwen der Dag,
Tüscher den Schöpzieswolliken werent de Sterenzier wach.
Hoge stieget en letzte Lerche dem Lechte noh.
Grod un rod in Nieweln op ens de Mond steht do.
Wek un warem weget dür Busch un Blatt de Wind,
Strieket sachte de Blaumen, as de Mutter ehr Kind.
Küsset et sachte, sachte op den Mund un geht.
Stille de Wind! Un Busch un Blatt un Blaume steht!
Wind is wid in de Welt gegangen, der Sunne noh.
Moren, met Sunne un Vüelen, is he wier do.
Hoge steht de Mond nu un klor un kald un spinnt
Fine Fiahme op Blaat un Blaume, dei van Silver sind.
Van den Biargen rinnt et int Dal as Silwersand.
Blos de Schatten stott duwwelt düster un draient int Land.
Alles schlöpet dobuten in Hiarrguatts siekerer Wacht. –
Ok din Herte well nu schlopen gohn. – Godde Nacht!!
P
OSCHEFÜER
Hinger me Krüzbiarg verkrüpet de Dag.
Luerig is et do buten,
Un en Lecht üm et andre werd wach
Hinger den düsteren Ruten.
Buar den Biargen kiönnt de Nacht.
153
Stille is’t in den Bömen,
Un de Sterenzier halent Wacht
Iöwer der Erde Drömen. –
Tröpzier van iligen Lüen gohnt
Buten ut allen Inken,
Schwarte Massen am[me] Biarge stohnt,
In den Ogen hell Blinken.
Liet ok de Welt noch in Winters Macht,
Spiart doch den Lenten de Ere,
Halleluja! Dür Dod un Nacht
Lecht un Liawen is Here!
Süh! Do blenkert en Füerbrand!
Süh! Do wier! Do wier!
Rechter Hand nu! Nu linker Hand
Winket un wässet en Füer
Bunger der Rhonard, amme hougen Sten
Hellop met gleinigen Flüchten,
Un vamme Ümmrige ok noch en
Froh ase Freijohrslüchten.
Wid, as de Biarge wisent, so wid
Gigen de Steren wier
Flammet un flackert ümmen Tid
Hellop Füer an Füer.
Ümme den Poschebom stark un richt,
Iöwer de höggesten Äste
Wegent un weigent de Flammen dicht,
Stuwent de Funkenreste.
Hunderte Quetschen in fürigem Kranz
Ümme de Köppe geschwungen
Wüppent un hüppent im Ringeldanz.
Un et juchent de Jungen.
Un de Alen bim Poschebrand
Falent in Andacht de Hänge,
Halent fromm den Haut in der Hand,
Singent de Poschegesänge.
Hent de Ogen voll blanken Glanz,
Mischent sick unger de Jungen,
Wisent, wu sei imme Füerkranz
Freiher de Quetsche geschwungen.
154
Un de Jungens sid lustig derbi,
Miatent sick imme Schwenken,
Kloppent an de Quetsche am Auwert bi,
Dat se länger sall wenken.
Glaihnig de Backen im Füerglanz
Un de Ogen voll Lüchten
Schwenkent se stolz imme Füerkranz
Ase flammende Flüchten.
Un de Stecken imme Poschebrand,
Wacholder, Dännentöppe
Lüchtent wid dür et Osterland
Iöwer de höggesten Köppe,
Knisternt un knatternt hart un froh.
Dusende Funken flüchtent
Ümme den Poschebom lichterloh.
Un de Sternzier lüchtent
Lange noch in de Osternacht,
Wann de Blan imme Drömen
Priöttelnt van Quetschen un Füers Pracht
Un van den Poschebömen.
I
N DER
M
IÖLLE
In der Miölle amme Water
Do klappert et Rad:
Klipp! Klapp!
Amme Emmer imme Stalle
Met deftigen Strichen
*Strieken?
Do melket de Mad:
Stripp! Strapp!
Op hültenen Holschen
Kiönnt ilig de Knecht:
Klipp! Klapp!
De Mad imme Stalle
Tüt fester* de Strieken
*faster?
Un luert int Lecht:
Stripp! Strapp!
155
In der Miölle amme Water
Do klappert et Rad:
Klipp! Klapp!
Amme Emmer imme Stalle
Do knutschet un frengelt
De Knecht de Mad.
Stripp! Strapp!
Klipp! Klapp!
C
HRISTNACHT
*
*Vgl. thematisch: Koch 1992, S. 121.
Marias Hänge weigent
Dat kleine, fine Kind.
Engelen harfent un geigent,
Dür de Ruten lustert der Wind.
Maria is jung an Johren,
Is schmal un fin un klor,
Maria is golden in Horen,
Is, as noch kein Mensche wor.
De Nacht imme Stalle is lechte,
Un brennt doch kein Tron un Spon.
An der Porte lurent de Knechte
Un lotent de Schöpzier stohn.
Dat Kind imme Wingelenpacken
Schlöpet in Mutters Schot
Met runden Rösickesbacken,
Met Hängikes, prall un rot.
Maria hört op te weigen
Un schlöpet sachte in.
Stille werd dat Harfen un Geigen,
De Tümmermann kiömmet rin
Dostları ilə paylaş: |