177
Woll sik op de Uawenbank
Grade liegen schoin ter Rugge –
Dann hai follt’ sik spanesk krank –
Do kam seyne sanfte Frugge:
„Kerel, niu suih en Dunderwiär!
Bo hiäst diu wier rümme schwiemelt?
Kümmest diu niu wier dohiär,
Hiäst dey ennen aan e kümelt?
Kopp int Nest, un Flierentäi
Kuak ik, dai weert häite drunken.
Muck dik nit, diu wäißt, owäih,
Männeken, süss flaiget Funken!“
„Op Befiäl besuapen seyn,
Op Kommando mott ik schwäiten!
Früggelken, dütt miärk dey feyn,
Weer’ dey wier en Für aanbaiten!“
Tünes was ball wier dermank –
Fenk dai Frugge aan te jäiwen:
„Mann o Mann, bat sin ik krank,
Vamme Kopp bit aan de Täiwen!“
„Aarme Muisken, kumm, saufoort
Motte vey diär Krankheit stüren.
Lieg dik, ik well fix en Woort
Äist met usem Dokter küren.“
Statt dat hai no’m Dokter gäit,
Genk dai Schelm, dat Für te stuaken,
Dann beyn Wüärmäihust* un schnäit
*Wermutsstaude
Fix wat af, üm Täi te kuaken.
Gaut ne ganßen Pott vull op,
Un dat bittere Gebrugge
Bracht dai Ganup* fixe rop
*Schelm
Seyner laiwen kranken Frugge.
178
„Use Dotter dai hiät saggt,
Väier Scholen sößte drinken,
Süss wör’t alle üwer Nacht!
Settken, loot den Maut nit sinken!“
„Wüärmäitäi – o wäih, o wäih –
Goh, ik kann dat Tuig nit riuken!
Laiwer daut – ’t is äinerlai –
Ase sau ne Pott vull schliuken.“
„Wittmann seyn is auk kän Spaß,
Düse Drank weert dey nit schunken,
Bo ik neulich dicke was,
Heww’ ick doch auk Flieren drunken!“
„Hiär dermet!“ Un Settken gaut
Väier Scholen in den Magen.
„Niu stiärw’ ik ne bittern Daut,
Suarg füär use laiwen Blagen!“
Tünes awwer lach’re gau,
Un met siuer-saiter Miene
Deckere seyne Frugge tau,
Deh dobey, as’ wann hai griene.
Andern Daag stont Settken op,
„Tünes, suih, ik sin wier munter,
Diu hiäst doch ne klauken Kopp,
Un deyn Täi, dai wirket Wunder!“
Tünes genk fix iut der Düär,
Konn dat Lachen nit regäiern.
Suih, do kam de Dotter hiär,
Diän deh Settten aanredäiern.
„Heydo, Dokter, ugge Täi –
Hört mool iäwen – hiät mik reddet,
Ohne ug, o wäih, o wäih,
Härr’n se mik te Grawe beddet!“
179
„Liebe Frau, das weiß ich nicht!“
„Hiät ug dann meyn Mann nit froget?“
„Nein.“ – „Dann hiät diän Boisewicht
Wier de Schalk un Schelm e ploget!“
Fix int Hius – den Beßmenstiel –·
Un diäm Kerel nogeschlieken.
„Deynen Täi, diu Dunnerkiel
Kriste gründlich aangestrieken!“
Tünes sprank in grauter Hast
Häimlek in dat Schmengedingen*:
*Milchkammer
„Hey, meyn laiwe Settken, saßt
Diu mik doch sau fix nit fingen.“
Settken awwer fank ne foort,
„Weßt wual in de Käierne* kriupen?
*Kirne
Kumm mool hey, diu Hittenboort,
’t git wier Wüärmäitäi te siupen!“
„Sau diu mey, sau deh ik dey,
Settken, loot mik doch gewähren!“
„Jammerhase, kumm mool hey,
Diu saßt mäcken, buißen, blären!“
Puff un Knuff un Klitsch un Klatsch –
Fenk dai Leyste aan te wippen,
Hin un hiär un – kladderadatsch
Stüärteren run twäi Mielekdüppen.
Plundermielk un saiten Schmant
flaut diän beiden üm de Ohren,
Un do siegere dai Verstand,
Beide wören nöchtern wören.
Un sei gaften iärk de Hand
No dem äisten argen Schrecken,
Fengen aan, diän saiten Schmant
Sik iut dem Gesicht te lecken.
180
Alles engere met me Kuß:
„Settken, bist meyn leiwe Drache!“
„Schmaichle nit, diu Pfiffikus –
Bittern Täi is saite Rache.“
H
ASENPUISTER OP DER
J
AGD
Herr Hasenpüster aus der Stadt
Im Sauerland Verwandte hat,
Woselbst er auch geboren war;
Ging dort zur Jagd in jedem Jahr.
Dann sprach er wieder kräftig Platt
Und schnurrt es gar mit einem Rrrrad;
„’t Suerland is meyn Vaterland,
Do sprrink ik füärr düärr Grrind un Brrand.”
Herr Püster, korpulent und klein,
Ein Näschen wie Karfunkelstein
Bestrahlet ihm, ob früh, ob spat
Den dunklen Junggesellenpfad.
Nun ging er eines Tags zur Jagd,
Er zielt und schiebt, es blitzt und kracht,
Die Häslein huschen – eins, zwei, drei –
Am Busch, am Strauch, am Baum vorbei.
Mit Eleganz und viel Geschick
Sie werfen schnell ihr weißes Blick
Gar höhnisch grinsend in die Höh’
Und sausen über Gras und Klee.
Das ward Herrn Püster doch zu kraus –
Sie streckten gar die Zunge raus! –
Und lachten all bei jedem Knall:
„Vorbei, Herr Püster, blas noch mal!“
Dostları ilə paylaş: |