150
Biz artıq bilirik ki, mədəniyyətin inkişaf amilləri anadagəlmə mədəni
keyfiyyətlər, sosial mühit, təbii-coğrafi şərait, tarixi vəziyyət və mədəni mü-
badilədir. İnsan mədəniyyətinin formalaşdırılması ana bətnində başlayır və
ailədə davam edir.
Ailə - tərbiyə və təhsil prosesində uşağın təşəkkülünün
baş verdiyi sosial mühitin ilk, və həm də ən əsas pilləsidir.
Onun gələcək hə-
yatının bünövrəsi məhz burada qoyulur, dəyərləri və təsəvvürləri, xarakteri
və idealları, intellektual, etik
və estetik mədəniyyətinin əsasları formalaşır.
Ailə - Con Lokkun əzəl və ən xoş məziyyət adlandırdığı ilk həyat məktəbi,
insan münasibətləri məktəbi, ruhi və maddi mədəniyyət məktəbidir.
Ailə - müxtəlif yaşlı və cinsli doğma insanların böyük olmayan qrupu,
həyat əhəmiyyətli şəxsiyyətlərarası ünsiyyətin baş verdiyi “kiçik kollektiv-
dir.” Bu, vahid dünyagörüşü və yüksək məqsədlərlə bağlı olan, öz həyatları-
nın uşaqlarında və nəvələrində davam etdirilməsi, onların rifahı və daha
yaxşı gələcəyi haqqında qayğıyla motivləşdirilmiş ruhən yaxın, doğma in-
sanların məhəbbət, dostluq, həmrəylik və birgə dərk edilən həyat məbədidir.
Uşaq ailədə ilk addımlarını atır, dil açır, biliklərin və davranış qaydalarının
başlanğıcını mənimsəyir, özünün ilk həyat dərslərini alır.
Ailə - cəmiyyətin və dövlətin ən mühüm sosial dəyəridir. Bu, insanın tə-
şəkkülü və inkişafı proseslərinin, əsas etibarilə digər insanların həyatının asılı
olduğu cəmiyyətin gələcək liderləri və vətəndaşlarının formalaşmasının baş
verdiyi kiçik və böyük insan dünyasıdır. Nəsildən nəslə ötürülən yazılmamış
qanunlar, təsislər və təyinatların yaşamaq qabiliyyətini və şəxsiyyətin psixolo-
giyası və.
davranışının formalaşmasına təsir gücünü təmin edərək, ailə onların
“translyasiyasını” həyata keçirir. Anadangəlmə keyfiyyətlərin və əldə edilmiş
biliklərin, tərbiyə və yaradıcı əməyin nəticəsi kimi, şəxsiyyətin ruhi mədəniy-
yətinin bünövrəsi məhz ailədə qoyulur. Dövlətin həyat qabiliyyəti bir çox cə-
hətdən ailə mədəniyyətindən – onun üzvlərinin təhsillilik və etik mədəniyyəti,
yaradıcılıq fəaliyyəti və rifah səviyyəsindən asılıdır. Vətəndaşların biliyini və
mənəviyyatını, şüurunu və vicdanını, məhəbbəti, inamı və yaxşılığını, yaradı-
cılığını və rifahını ifadə edən bu ən qiymətli sosial kapital, sosial şərin və so-
sial sabitsizliyin aradan qaldırılmasının əvəzedilməz vasitəsidir. Ailə mədə-
niyyəti həm valideynlərin şəxsi mədəniyyətindən, onların bilikləri, bacarıqla-
rı, mütəşəkkilliyindən, onların həyat fəlsəfəsi, mənəviyyatı və yaradıcı fəaliy-
yətindən, həm də bütövlükdə milli mədəniyyətdən, xalqın ənənələri, adətləri,
milli psixologiyasından, dinindən asılıdır.
Necə xoşbəxt olmalı? Yəqin ki, insan üçün həyatda başlıca olan xoşbəxt-
likdir, və ilk növbədə, ailə xoşbəxtliyidir. Xoşbəxt ailəni dostluq və məhəb-
bət hissləri olmadan təsəvvür etmək çətindir. Ailə üzvləri yaxşı qarşılıqlı
münasibətlər, qarşılıqlı anlaşma və harmonik inkişafın formalaşdırılması
151
üçün ilkin zəruri şəraiti yaradırlar. Həqiqi dostluq və əsl məhəbbət kimi,
xoşbəxt ailəni də heç bir pulla almaq mümkün deyil. Onu yalnız öz zəhmə-
tin və ailə üzvlərinin əməyi ilə qurmaq, yaratmaq, idrakın və qəlbin
gücü ilə,
ruhi mədəniyyətlə, məhəbbətlə əldə etmək olar. Öz uşaqlarını, öz yaxınlarını
xoşbəxt etmədən, ailə həyatında ruhi harmoniyaya nail olmadan, insan özü
xoşbəxt ola bilməz.
Ailə, bir sistem kimi, geniş münasibətlər spektri ilə bağlıdır. Bu, vali-
deynlər arasındakı münasibətlər, övladlar arasındakı münasibətlər, valideyn-
lər və övladlar arasındakı münasibətlər, uzunömürlülükdən asılı olaraq, ulu
nənələrin və ulu babaların da daxil olduğu müxtəlif nəsil nümayəndələrinin
bir ailə çərçivəsi daxilindəki münasibətlərdir. Daha geniş kontekstdə bu həm
də ailənin qohumlarla olan münasibətləridir. Ailənin və onu təşkil edən şəx-
siyyətlərin qarşılıqlı əlaqələri mürəkkəb sistemdən ibarətdir ki, onu dərk et-
mədən ailə münasibətlərini idarə etmək mümkün deyil. Ailə əlaqələrini
möhkəmləndirən amillər sırasında mədəni dəyərlər sisteminin vahidliyini,
ailənin mahiyyəti və məqsədləri haqqında, uşaqların tərbiyəsinə yanaşmalar
haqqında, ər-arvadın rolu, məsuliyyəti və vəzifələri haqqında təsəvvürlərin
uyğunluğunu, ər-arvadın emosional ümumiliyini və s. göstərmək olar. Hər
bir mədəni ailə insan həyatının dəyərləri və mənası haqqında, öz əcdadları-
nın cəmiyyət qarşısındakı nailiyyətləri və xidmətləri haqqında, özünün tarixi
missiyası, məqsədləri, imkanları və gözləmələri haqqında, şərəfli keçmişi
haqqında, övladlarının və yeni nəsillərin ləyaqətli gələcəyi haqqında aydın
təsəvvürə malik olmalıdır. Müasir ailənin rifahı, əsas etibarilə ailənin yaşa-
dığı cəmiyyətlə və onu cəmiyyətlə bağlayan çoxlu sayda görünməz tellərlə -
xarici mühitlə qarşılıqlı əlaqəsindən asılıdır. Ailə beynəlxalq münasibətlərin
qeyri-rəsmi subyekti də ola bilər və bununla millətin və yaşadığı dövlətin
imicinə təsir göstərə bilər. Üzvlərinin səviyyəsi və sosial-siyasi fəallığından
asılı olaraq o, xalqların qarşılıqlı anlaşması, həmrəyliyi və əməkdaşlığının
inkişafı üçün əlverişlı xarici mühitin yaranmasına imkan yaradaraq, beynəl-
xalq münasibətlər mədəniyyətinə də təsir göstərə bilər.
Ailə idarəçiliyi mədəniyyətinə qoyulan tələblər haqqında
Ailə səviyyəsində biz cəmiyyətdəki idarəetmə proseslərini, lakin bir qə-
dər yumşaq, spesifik formada görürük. Ailə üçün idarəetmənin hüquqi deyil,
əsasən mənəvi-etik formaları xarakterikdir. Ailənin həyat fəaliyyətinin idarə
edilməsi, onun tələbatlarının təmin edilməsi və onun inkişafının strateji
planlaşdırılması, ailə münasibətləri mədəniyyətinin formalaşdırılması və qo-