165
deyirdi: “Nə qədər ki, qəlbinlə xeyirxahlığa tərəf dönməmisən, sən heç kimə
hakimlik edə bilməzsən”. Uşaqları tərbiyə edən zaman konkret nümunələr
üzrə onları inandırmaq lazımdır ki, pozitiv və ya neqativ davranış yaxud
əməl ya onların maraqlarına cavab verir, ya da onlar üçün təhlükə törədir.
Məcburiyyət və hədə deyil, yalnız düzgün izah etmə və inandırma uşağın
uğurlu inkişafının, onda pozitiv təfəkkür və xarakterin, fəal həyat mövqeyi-
nin tənzimçisi ola bilər. Uşaqlıqda mənimsənilmiş stereotiplər, anlayışlar,
“tabu” (haram), qiymətləndirmələr, münasibətlər və istiqamətlər, adətən, in-
sanların ətraf aləmin təzahürləri, hadisələri və insanlarını ya “düzgün və la-
zımi”, ya da “düzgün olmayan və icazə verilməyən” kimi əsas “görmə” me-
yarına çevrilir. Çox vaxt mülahizələrin qeyri-obyektivliyinin, başqa insanla-
ra, “özgə” mədəniyyətlər, dinlər və ya millətlərin nümayəndələrinə qarşı əv-
vəlcədən yaranmış yanlış fikrin səbəbi məhz onlar olur.
Uşaqların tərbiyə mədəniyyətindən onların yalnız öz şəxsi taleyi deyil,
cəmiyyətin, millətin, dövlətin və bütün bəşəriyyətin sosial rifahı da asılıdır.
Alimlər hesab edirlər ki, artıq üç yaşından etibarən valideynlər uşağı yaxşı
başa düşməli, onun müstəqilliyini və məsuliyyətini inkişaf etdirməyə çalış-
malı, dəyişən tələbatlarını nəzərə almalı və xarakterindəki neqativ cəhətlərin
inkişafının qarşısını alaraq, maraqlarını ödəməlidir. Uşaqların tərbiyəsinə
yanaşmaya toxunaraq, Russo deyirdi: “Uşaqlarda dəcəlliyi öldürsəniz, heç
vaxt müdriklər hazırlamağa nail olmayacaqsınız”. Bir qayda olaraq, daimi
nəsihətlər uşaqlarda əks nəticələr verir. Uşaqlar emosional cəhətdən qıcıq-
landırıcıya uyğunlaşırlar və mahiyyətindən asılı olmayaraq, böyüklərin söz-
lərinə fikir vermədən, tədricən onu qavramırlar. Artıq bu yaşda, uşaqla ün-
siyyət zamanı onunla öz dilində danışaraq, onun “dünyanı görməsini” nəzə-
rə alaraq, daim dərinləşdirərək, genişləndirərək və korreksiya edərək, insan
münasibətləri mədəniyyətinin məlum etik-psixoloji və “üç dairə” modelinin
uşağa uyğunlaşdırılmış məntiqi yanaşmalarından istifadə etmək lazımdır.
Bəzən qəbul edilməyə nail olmağı arzulayaraq, tərif qazanmaq üçün uşaq
yalana əl ata bilər (əgər bəyənilən hərəkətlər edəndə bu onda alınmırsa), ya-
xud “biabır olmamaq” üçün “xilas naminə” yalana yol verə bilər. Əgər bu
tendensiya vaxtında hiss olunmasa, o, vərdişə çevrilə bilər. Yalanı ifşa etmək
və üstünü açmaqla deyil, yalanın əxlaqi tərəfini və avtoritetə neqativ təsirinin
izahı yolu ilə, eyni zamanda uşağa onun özünütəsdiqində və düzgün qəbul
edilməsində - uşağın pozitiv əməlləri və şəxsiyyətinin qiymətləndirilməsi yo-
lu ilə onu aradan qaldırmaq lazımdır. Cuma və Zelda Siqal beş yaşından eti-
barən uşaqları optimizmə öyrətməyi tövsiyə edirlər. Onlar əmindirlər ki, vali-
deynlər özlərinin keçmiş pozitiv təcrübəsi haqqında uşaqlarına danışmalıdır-
lar. Bu, balacalara özündə nikbin xarakter formalaşdırmağa və müxtəlif həyat
166
situasiyalarında özünənəzarət hissini yetişdirməyə yardım edər.
Uşaqların tərbiyəsi səbr, təcrübə və pedaqoji bacarıqlar tələb edən çətin pro-
sesdir. Məsələn, pedaqogika təsdiq edir ki, uşaq yalanının səbəbi – xəyal obraz-
ları ilə mənimsəmə obrazlarının qarışdırılması, yaxud böyüklər öz istiqamətlən-
dirici sualı və intonasiyası ilə hiss olunmadan uşağa müsbət cavab təkanı verən-
də, “təlqin edilmiş yalan” ola bilər. Uşağa daim və məqsədyönlü şəkildə müs-
bət xüsusiyyətlər aşılamaq və eyni zamanda onları, bir qayda olaraq daha asan
və daha tez möhkəmlənən neqativ xüsusiyyətlərdən qoruyaraq inkişaf etdirmək
lazımdır. Valideynlər öz uşaqları ilə birlikdə daha çox oynamalı və uşaqlarla
onların öz dilində danışmalı, hədələr və cəzalardan deyil, sosial və peşəkar rol-
larının mənimsənilməsinə imkan verən həyat hadisələri və qanunlarının mahiy-
yətlərini izah etmə metodikasından istifadə etməklə, onlarda gözəlliyə və fayda-
lı olana məhəbbət aşılamalıdır. Yeniyetmələrlə ünsiyyətdə kompetensiya, əda-
lət, dostluq və qayğını nəzərdə tutan həmrəyliyə və əməkdaşlığa əsaslanan ya-
naşmadan istifadə etmək lazımdır. Eyni zamanda öyrətmə, nəsihət və rəhbərlik
metodlarından istifadə edərək, onlara düzgün seçim etməyə kömək etməklə,
özünü onlarla böyüklərlə olduğu kimi aparmaq lazımdır. Bununla yanaşı nəsil-
lər arasındakı mədəni-psixoloji uyğunsuzluğu da nəzərə almaq və bu hesabla
yeniyetmələrlə öz bərabəri kimi danışmaq, onları manipulyasiya etmək deyil,
dərdinə şərik olmaq, əməkdaşlıq etmək, onların rastlaşdığı çətinliklərin aradan
qaldırılmasında real surətdə kömək etmək lazımdır.
Ailədə uşaqların tərbiyəsi, əmək kollektivində olduğu kimi, müxtəlif üslub-
lar vasitəsilə həyata keçirilə bilər – demokratik, avtoritar və liberal. Demokratik
üslub daha məqsədəuyğun hesab edilir. Avtoritar və liberal üslublar səmərəli
hesab edilmir. Ünsiyyətdə avtoritarlıq mövqeyi dialoqa səbəb olmur və ya sa-
dəcə olaraq onun yaranma imkanını istisna edir. O, şübhə və tənqidə dözmür,
qeyri fikirləri və ya yeni yanaşmaları müdafiə edənin şəxsində “düşmən surəti”
görərək, nöqsansız həqiqət kimi yalnız öz rəyinin “nüfuzuna” əsaslanır. Vali-
deynlərin avtoritar üslub rəhbərliyi arsenalında valideyn nüfuzunun - “təzyiq
göstərmə nüfuzu” (hakimiyyətin, adın yaxud biliklərin gücünün könüllü eti-
raf edilməsi), “məsafə saxlama nüfuzu” (tabe olanlarla məsafə saxlamaqla
onlara təsir etməkdə rəhbərin inamı), “təkəbbür nüfuzu” (şöhrətpərəst lovğa-
lıq, təkəbbür), “pedantlıq nüfuzu” (xırdaçılıq, nədəsə lüzumsuz rəsmiyyətçi-
lik), “nəsihətçilik nüfuzu” (boş, səmərəsiz sözçülük) kimi növləri vardır.
Avtoritar üslub, bir qayda olaraq, uşaqlarda təşəbbüssüzlüyü, acıqlılığı, qəddar-
lığı, qeyri-səmimiliyi formalaşdırır. Françesko Petrarka deyirdi: “Uşaqlarını-
zın göz yaşlarını qoruyun ki, uşaqlar onları sizin məzarınızın üstündə axıda
bilsinlər”. Liberal üslubun arsenalında çox vaxt “məhəbbət nüfuzu”, “xeyir-
xahlıq nüfuzu”, “dostluq nüfuzu” və “ələ alma nüfuzu” istifadə edilir. Uşağın
Dostları ilə paylaş: |