Qəhvəyi torpaqların əmələgəlmə prosesini
aşağıdakı kimi təsvir etmək olar. İlin rütubətli dövründə,
bitki qalıqlarının əsaslı sürətdə parçalanması və torpağı
karbonat turşusu ilə zənginləşmiş su ilə islanması baş
verir. Bu halda suda asan həll olan duzlar profildən
kənar edilir, profilin üst hissəsindən karbonatlar
yuyulur və narındispersli hissəciklər hərəkətə gəlir. İlin
isti quraqlıq vaxtında torpağın kapilyarları ilə yuxarı
qalxan suların tərkibində olan karbonatlar çökür.
Karbonat qatının yerləşdiyi dərinlik və narındispersli
hissəciklərin paylanma intensivliyi konkret rayonun
şəraitindən asılıdır.
Quru subtropiklərin torpaqlarını - kserosiallitli
Aralıq dənizi qonur torpaqları adlandırmışlar.
Dünyanın Beynəlxalq xəritəsinin legendasında onlar
kambisol qrupuna aid edilir.
Quru subtropik meşə və kolluq zonaları
torpaqlarının orjinal növ müxtəlifliyindən biri də qırmızı
rəngli torpaqlardır. Onlar ya elüvial palogen -neogen
aşınma qabığı üzərində və ya qədim aşınma
məhsullarının çöküntüləri üzərində əmələ gəlirlər. Bu
torpaqlar terra rossa tipli çöküntülər üzərində xüsusi ilə
çox yayılmışdır.
Aralıq dənizi ölkələrində geniş ovalıqlarda və ya
dağlararası çokəklərdə gillə zəngin torpaqlar yayılmışdır.
Onlar, ətraf sahələrdən yuyulub gətirilmiş məhsulların
yumşaq törəmələri üzərində əmələ gəlmişdir. Bu torpaqlar
xüsusi ilə Yuqoslaviyada geniş yayılmışdır ki, orada
onlar smonitsı, Bolqarıstanda isə smolnitsı
adlandırırlar. Onlar, qalın humus qatına neytral və ya zəif
148
qələvi reaksiyaya və ağır qranulometrik tərkibə
malikdirlər. Yuqoslaviya smonitslərində 0,001mm-dən
kiçik hissəciklərin miqdarı bəzən 50 %-dən yuxarıdır,
buna görə bu torpaqların kimyəvi tərkibində SiO
2
-nin
miqdarı 45 – 55% , Al
2
O
3
-in miqdarı isə 25 – 85%-dir.
Yuxarı qatda humusun miqdarının az olmasına
baxmayaraq rəngi qaradır. Aşağı doğru 1m və ya artıq
dərinliyə qədər profil üzrə humusun miqdarı 1 – 2%
olmaqla sabit qalır. Sonrakı proseslər nəticəsində
smonitslər qleyləşmə, lessibaj və başqa proseslərə
uğraya bilər. Smonitslər – Cənub-Şərqi Avropanın ən
münbit torpaqlarından biridir.
Quru subtropik meşələrin və kolluqların torpaqları
yüksək münbit torpaqlardır və uzun zamandır ki,
əkinçilikdə o cümlədən üzümçülükdə, zeytun və meyvə
ağaclarının yetişdirilməsində istifadə edilir. Dağlıq relyefi
ilə təmasda becərilən torpaq sahələrini genişləndirmək
məqsədilə təbii bitki örtüyünün məhv edilməsi
torpaqların şiddətli eroziyasına səbəb olmuşdur.
Nəticədə Aralıq dənizinin bir çox ölkələrində torpaq
örtüyü dağılmış və məhv edilmişdir. Bir vaxtlar Rim
imperiyasının məskəni olmuş bir çox vilayətlər
(Suriya, Əlcəzair və b.) indi səhra bozqırları ilə
örtülmüşdür.
19.3. Quru subtropiklərin boz torpaqları
Arid landşaftların subtropik qurşağında boz
torpaqlar əmələ gəlir. Onlar, Orta Asiyanın dağ sahilləri
ətəklərində geniş yayılmışdır. Bu torpaqların müəyyən
149
edilməsində və onların mənşəyinin öyrənilməsində, Orta
Asiyada işləyən bir çox torpaqşünasların tədqiqtları
müsbət rol oynamışdır. Boz torpaqların öyrənilməsində
A.N.Rozanovun (1951) rolu xususi ilə böyükdür.
Boz torpağın əmələ gəldiyi iqlim şəraiti Aralıq
dənizinin quru subtropikləri ilə bəzi ümumi xüsusiyətlərə
malikdir. Yağıntıların əsas kütləsi qışda və yazda düşür.
İsti yay dövrü ərzində yağışlar çox az yağır.
Yağıntıların illik miqdarı alçaq dağ ətəklərində 300mm,
dəniz səviyyəsindən 500m yüksəkdə yerləşən dağ
ətəklərində isə 500-600mm-ə qədər dəyişilir.
Boz torpaqların bitki örtüyü subtropik
bozqırların və yarımsavannaların alçaq boylu ot
bitkilərindən ibarətdir. Bu bitki örtüyü pliosen dövründə
Orta və Mərkəzi Asiyanın dağlar sisteminin yüksəlməsi ilə
əlaqədar olaraq arid iqlim proseslərinin güclənməsi
nəticəsində əmələ gəlmişdir. Onun tərkibində taxıllar
fəsiləsi üstünlük təşkil edir. Nəhəng çətirçiçəklilər olduqca
səciyyəvidir. Yaz rütubətlənməsi dövründə efemerlər və
efemeroidlər qırtıclar, dağ lalələri, xaş – xaş və. b
sürətlə inkişaf edirlər . Rütubətli və qısamüddətli yaz
dövrünün quru və uzunmüddətli yayla əvəz edilməsi
bitki örtüyünü kəskin sürətdə dəyişdirir. Yazda parlaq və
sıx, lakin qısamüddətli efemerlər qrupu, yayda bütün
isti dövr ərzində kserofitlər qrupu səciyyəvidir.
Torpaqəmələgətirən süxurlar, əsasən Orta Asiya
sıra dağlarının ətəklərini qalın çexol kimi örtən löslərdən
ibarətdir. Orta Asiya lösləri bir qayda olaraq tərkibində
çoxlu miqdarda qırıntılı kvarslardan daha çox üstünlük
təşkil edən qırıntılı silikatların xeyli miqdarı ilə səciyələnir.
150
Dağətəyi löslərin əmələgəlməsində hissəciklərin küləklər
vastəsilə çeşidlənməsi və onların atmosferlə bir yerdən
başqa yerə aparılma prosesləri daha mühüm əhəmiyyətə
malik olmuşdur. Aparılan hissəciklər qismən sovurulan
qum massivlərinin hesabına olur.
Tipik boz torpaqların profili aşağıdakı quruluşa
malikdir:
A qatı açıq-boz rəngdədir, nəzərə çarpacaq
dərəcədə çimlidir, strukturu aydın olmayan topavaridir,
üstdə çox vaxt laylılıq nəzərə çarpır. Qalınlığı 15-20 sm-
dir.
A/B keçid qatdır, humus qatına görə daha
yumşaqdır, qalınlığı 10-15 sm-dir.
B qatı qəhvəyi-sarımtıl rəngdə, zəif bərkimiş,
karbonatlı yeni törəmələrə malikdir. Çox tədriclə
torpaqəmələgətirən süxura keçir, sərhəd çətin seçilir.
Karbonat qatının qalınlığı (yeni törəmiş gipsin meydana
çıxmasına qədər) 60-90 sm-ə yaxındır.
Boz torpaqların bütün profili yereşənlərin,
soxulcanların, həşaratların, kərtənkələlərin intensiv
fəaliyyətinin izlərinə malikdir.
Boz torpaqların genetik qatlarının kimyəvi analizi
göstərir ki, B qatında silisium oksidinin zəif azalmasının
qeyd olunmasına baxmayaraq, bu torpaqların profili boyu
silikat kütləsi zəif dəyişilir. Belə hal torpaq profilinin B
qatında bir qədər narındispersli hissəciklərin toplanması
ilə izah edilir.
A qatında humusun miqdarı adətən 1,5-3%-dir və
profil boyu aşağı getdikcə çox tədriclə dəyişilir.
Fulvoturşular və humin turşuları miqdarının bir-birinə
151
Dostları ilə paylaş: |