İNKİŞaf – MƏQSƏDİMİZDİR ÜÇÜNCÜ Kİtab
Yüklə 5,01 Kb. Pdf görüntüsü
|
126 əməkdaşlığın dərinləşməsinə kömək edir. Əminəm ki, səfər çərçivəsində əldə olunmuş razılaşmaların həyata keçirilməsi ölkələrimizin və xalqlarımızın rifahı naminə əməkdaşlığın möhkəmlənməsinə təkan verəcəkdir. Əziz dostlar, möhtərəm İslam Abduqəniyeviç bu gün, böyük Azərbaycan şairi Nizami Gəncəvinin abidəsinin açılışında çıxış edərkən mühüm bir məqama toxundu. Əvvəla, mən bu abidənin ucaldılması barədə qərara görə şəxsən Özbəkistan prezidentinə bir daha minnətdarlığımı, eləcə də bütün Azərbaycan xalqı adından təşəkkürümü bildirmək istərdim. Həmçinin demək istərdim ki, Bakıda böyük özbək şairi Əlişir Nəvaiyə abidə ucaldılması haqqında Azərbaycanda qərar qəbul edilmişdir. İslam Abduqəniyeviçin yadındadır, mən onun, əslində, bütün çıxışını başa düşdüm, hərçənd, bu təəccüblü idi, çünki özbək dilində belə geniş həcmdə çıxışı ilk dəfə dinləyirdim. Bu məni çox sevindirdi. Ən əsası budur ki, hesab edirəm, bugünkü görüşlər və açıq söhbətlər çərçivəsində bir-birimizi başa düşdük. Bizim dillərimiz də oxşardır, ən başlıcası isə, müstəqilliyin əldə edildiyi vaxtdan bəri, xüsusən son on ildə Özbəkistanda və Azərbaycanda görülmüş işlər xalqlarımızı daha da yaxınlaşdırmışdır. Həmin estafeti prezident Heydər Əliyevdən qəbul edərkən, onun işlərini davam etdirərkən əminəm ki, qardaş ölkələrimiz arasında keçmişdə mövcud olmuş qarşılıqlı anlaşma, əlbəttə, davam etdiriləcəkdir. Biz dost ölkələrik, mənafe və maraqlarımız da birdir, regional və dünya xarakterli bütün məsələlərdə fikirlərimiz tam uyğun gəlir, mən hələ ikitərəfli münasibətlərimizi yeni məzmunla dolğunlaşdırmaq üçün göstərilən səmimi cəhdləri demirəm. Xarici xarakterli məsələlərdə bizim aramızda tam qarşılıqlı anlaşma var. Ermənistan–Azərbaycan, Dağlıq Qarabağ münaqişəsi ilə bağlı məsələdə qəti və ədalətli mövqe tutduğuna görə İslam Abduqəniyeviçə çox minnətdarıq. Ölkələrimiz arasında münasibətlərin daha da möhkəmlənməsi üçün biz öz tərəfimizdən bütün işləri görəcəyik. Bundan ötrü potensial var, bundan ötrü siyasi iradə də mövcuddur, xalqlarımızın intellektual səviyyəsi bütün məsələləri istər öz dövlətlərimiz çərçivəsində, istərsə də beynəlxalq aləmdə həll etməyə imkan verir. Ona görə də biz bugünkü danışıqları böyük ruh yüksəkliyi ilə qarşıladıq, imzalanmış sənədlər səmimi niyyətlərimizi təsdiqləyir. Belə uzun, saat yarımdan çox çəkən təkbətək səmimi söhbətə görə Özbəkistan prezidentinə çox minnətdaram. Biz xalqlarımızın qarşılıqlı münasibətlərinin tarixinin bir çox mərhələlərini xatırladıq, istər ikitərəfli, istərsə də çoxtərəfli münasibətlərə dair çox geniş səpkili məsələlər barədə fikir mübadiləsi apardıq. İslam Abduqəniyeviç dedi və mən də vurğulamaq istəyirəm ki, ölkələrimizi bu gün və sabah necə gördüyümüz barədə, hansı yolla gedəcəyimiz barədə, müstəqilliyi və suverenliyi bundan sonra necə möhkəmləndirəcəyimiz, xalqlarımızın rifahını necə yüksəldəcəyimiz, iqtisadi və sosial məsələləri necə həll edəcəyimiz barədə aramızda tam qarşılıqlı anlaşma oldu. Zənnimcə, Özbəkistan rəhbərliyinin də, Azərbaycan rəhbərliyinin də gücü xalqın iradəsinə əsaslanmasındadır. Biz xalq üçün və xalqın rifahı naminə işləyirik və qurub-yaradırıq. Bu siyasət İslam Abduqəniyeviçin rəhbərliyi ilə Özbəkistanda uzun illərdir aparılır. Bu siyasət Azərbaycanda da Heydər Əliyevin rəhbərliyi ilə son on il ərzində aparılmışdır. Mən bu siyasəti davam etdirmək niyyətindəyəm. Əziz dostlar, bizə və nümayəndə heyətimizə göstərilmiş belə qonaqpərvərliyə, diqqətə görə bütün özbək xalqına, ilk növbədə, Özbəkistan prezidentinə bir daha təşəkkür etmək və ümidvar olduğumu bildirmək istəyirəm ki, əlaqələrimiz davam edəcəkdir. Fürsətdən istifadə edərək, İslam Abduqəniyeviçi onun üçün münasib vaxtda Azərbaycana rəsmi səfərə dəvət etmək, habelə dostlarımızın hamısını bütün səviyyələrdə yaxından əlaqə saxlamağa və fəal işləməyə çağırmaq istəyirəm. Əminəm ki, hökumətlərarası komissiyanın işi də, nazirlərimizin və digər məsul əməkdaşlarımızın əlaqələri də ümumi məqsədimizə nail olmaqda ancaq kömək edəcəkdir. Qardaş Özbəkistanın şərəfinə, onun prezidenti İslam Abduqəniyeviç Kərimovun sağlığına, onun xanımının sağlığına, bütün özbək xalqının şərəfinə badə qaldırmağı təklif edirəm. * * * Azərbaycan prezidenti İlham Əliyev Özbəkistana dövlət səfəri çərçivəsində Daşkəndin mərkəzindəki "Kədərli ana" abidə kompleksini ziyarət etmişdir. Abidə kompleksinin qarşısında dövlətimizin başçısını Daşkənd şəhərinin hakimi Rüstəm Şoəbdürəhmanov, paytaxt ictimaiyyətinin nümayəndələri hərarətlə qarşıladılar. Azərbaycan prezidenti İlham Əliyev "Kədərli ana" abidəsinin önünə əklil qoydu. Sonra dövlətimizin başçısı abidə kompleksi ilə tanış oldu, o cümlədən Böyük Vətən müharibəsi zamanı həlak olmuş özbəkistanlı döyüşçülərin adları yazılmış lövhələrə baxdı. 127 AZƏRBAYCANIN ÖZBƏKİSTANDAKI SƏFİRLİYİNİN YENİ BİNASININ AÇILIŞI MƏRASİMİNDƏ ÇIXIŞ 23 mart 2004-cü il Hörmətli Baş nazir! Cənab səfir, əziz dostlar! Bu gün çox əlamətdar gündür. Azərbaycanın Özbəkistandakı səfirliyinin yeni binası açılır. Bunun Azərbaycan prezidentinin Özbəkistana dövlət səfəri günlərində baş verməsinin dərin rəmzi mənası var. Mən möhtərəm İslam Abduqəniyeviç Kərimovun dəvətini böyük məmnuniyyətlə qəbul etdim və qardaş Özbəkistana gəldim. Bu gün geniş tərkibdə aparılmış danışıqlar və ikitərəfli görüşlər belə deməyə əsas verir ki, xalqlarımız arasındakı ənənəvi tarixi dostluq və qardaşlıq telləri davam və inkişaf etdiriləcəkdir. Özbəkistan Azərbaycan üçün qardaş və dost ölkədir. Münasibətlərimizin bütün tarixi ərzində biz bir-birimizə dərin rəğbət və hörmət, məhəbbət və dostluq hissləri bəsləmişik. Dövlətlərimizin liderləri İslam Kərimovun və Heydər Əliyevin fəaliyyəti sayəsində ölkələrimiz müstəqillik illərində bir-birinə daha yaxın olmuşlar. Gələcək üçün vəzifə bu dostluq və qardaşlıq ənənələrini davam etdirməkdən, bütün sahələrdə münasibətlərimizi genişləndirməkdən ibarətdir. Bir müddət bundan əvvəl biz Özbəkistan prezidenti ilə birgə dahi Azərbaycan şairi Nizami Gəncəvinin abidəsini açdıq. Orada İslam Abduqəniyeviç özbək dilində, sonra da mən Azərbaycan dilində çıxış etdik. Biz başa düşdük ki, tərcüməçiyə ehtiyacımız yoxdur. Dillərimiz nə dərəcədə bir-birinə yaxındırsa, biz də o qədər bir-birimizi başa düşürük. Bu da xalqlarımızı bir-birinə yaxınlaşdıran çox mühüm amildir. Mən dostluğumuzu, ikitərəfli əlaqələrimizi inkişaf etdirmək üçün öz tərəfimdən mümkün olan hər şeyi edəcəyəm ki, daha tez-tez görüşək, fikir mübadiləsi aparaq, Özbəkistanda həmişə bilsinlər ki, Azərbaycanda onların qardaşları yaşayır, Azərbaycanda da bilsinlər ki, burada onların qardaşları yaşayır. Biz dost və qardaş xalqlarıq, bizim ümumi tariximiz, ümumi problemlərimiz var. Bu illər ərzində liderlərimiz müstəqilliyi möhkəmləndirmiş və onu əbədi etmişlər. Biz bu xətti davam etdirəcəyik. Mən bütün özbək xalqına firavanlıq, xoşbəxtlik, tərəqqi arzulayıram. Arzu edirəm ki, əlaqələrimiz davam etsin, inkişaf etsin, möhkəmlənsin. Özbəkistanda yaşayan azərbaycanlılara isə demək istəyirəm ki, həmişə yadda saxlasınlar: biz onları unutmuruq, xatırlayırıq, sevirik. Onlar Özbəkistanın çox ləyaqətli vətəndaşlarıdır. Zənn edirəm ki, bu gözəl binanın bugünkü açılışı ümumi məqsədlərimiz – müstəqilliyi, suverenliyi möhkəmlətmək, yeni qələbələrə doğru birgə irəliləmək naminə xalqlarımızı, dövlətlərimizi bir-birinə daha da yaxınlaşdıracaqdır. Bir daha sizin hamınızı təbrik edir və arzu edirəm ki, bizim səfirliyimiz yeni binada iki xalqın rifahı naminə daha fəal, səmərəli işləsin. Yüklə 5,01 Kb. Dostları ilə paylaş:
|