|
![](/i/favi32.png) Islom diniga doir manba va adabiyotlar
SHARQ KITOBAT TARIXI, QO‘LYOZMALAR XAZINALARI3-мавзу маърузаси161
SHARQ KITOBAT TARIXI, QO‘LYOZMALAR XAZINALARI
o‘zi mohir xattot va musavvir bo‘lib, turk, arab, fors tillarida
she’rlar ham yozar edi. 1420-yilda otasining qo‘llab-quvvatlashi
bilan Hirotda kutubxona tashkil etdi. Saltanatning turli hudud-
laridan kelgan kitobat san’ati ustalari uning homiyligi va rah-
barligi ostida birlashadi. Keyinchalik Husayn Boyqaro, Alisher
Navoiylar ham uning ishini davom ettiradi.
Ma’lumki, temuriylar va Xitoy o‘rtasida diplomatik aloqalar
keng yo‘lga qo‘yilgan, elchiliklar natijasida nafaqat siyosiy, balki
madaniy aloqalar uchun keng imkoniyatlar yaratilgan. Ushbu
diplomatik aloqalarda Hirot kitobat san’ati ustalari ham ishtirok
etgan. Xitoy elchilari to‘rt marta (1409, 1412, 1417, 1419-yil-
larda) Hirotga kelib ketadi. Bu holat Hirot kutubxonasi faoliya-
tiga ta’sir etib, unda ijod qilgan ustalar ijodida Uzoq Sharqqa
xos sifatlarning paydo bo‘lishiga olib keladi. 1419–1422-yillarda
Xitoyga yuborilgan Shohrux mirzo elchiligida Boysunqur mir-
zoning ikki vakilidan biri Xo‘ja G‘iyosiddin Naqqosh (XIV asr-
ning ikkinchi yarmi) ishtirok etib, Hirotga qaytgandan so‘ng
safar kundaliklarini taqdim etadi. Keyinchalik Ho
fi
zi Abru
(1361–1430) ushbu kundalikni o‘zining tarixiy asari “Zubdat
ut-tavorix” tarkibiga kiritadi.
Boysunqur mirzo kutubxonasida 1420-yildan faoliyat
yuritgan kitobat san’ati ustalaridan Qavomiddin Mujallid Ta-
briziy tomonidan muqovasozlikdagi bo‘rtma tasvirli bezaklar
ixtiro qilinadi. Kutubxonada ustalarning ko‘pchiligi Boysun-
quriy nisbasi bilan ijod qilib, kitobat san’ati durdonalarini
yaratganlar.
Hirotda bajarilgan go‘zal husnixat, zarhal va rangli bezaklar-
ga ega qo‘lyozma namunalarining muqovalari ushbu san’atning
oltin asridan, davrning hamda ularni yaratgan yuqori malakali
doiraning yuksak badiiy ma’naviyatidan, shuningdek, ustalar-
ning ajoyib ijodkor kuch, mukammal yaratuvchi bo‘lganligidan
dalolat beradi. Bu muqovalar barcha davr va xalqlar san’ati
orasida texnik-badiiy xususiyatlari bilan ajralib turadi hamda
|
|
|