140
ğəmbərlərin, islam dünyasının şöhrətli şəxslərinin həyatına,
fəaliyyətinə çox gözəl bələd imiş.
Böyük ustad sənətkar heç bir şeirində İslamı təbliğ etmir,
insanları dinə çağırmır. Ancaq İslamın böyüklüyünü, müqəd-
dəsliyini və toxunulmazlığını ürəkdən gələn sözlərlə bədii
şəkildə ifadə edir. Molla Cümə din kahinləri kimi insanları bu
dünyadan, həyatdan, zövq-səfadan əl çəkməyə səsləmir. Aşığa
görə, İslama hörmət və məhəbbət bu dünyadan əl çəkmək
demək deyil. Bu mövzuda şeirləri oxuyanda aydıncasına görür-
sən ki, İslamın müqəddəs qanunlarını, Quranı əlində tutub bu
dünyada ömür sürməyə, gözü açıq olmağa, halal zəhmətlə
yaşamağa, düzlüyə çağırır. «Mən içdiyim Xızır Nəbi verəndir»
– deyən ustad Allahdan gələn vergini qəbul edərək bəzən eşq-
məhəbbətdən, bəşəri hisslərdən çox danışdığı üçün günahının
bağışlanmasını da rica edirdi. «Mədəd», «Bax», «Dünya»,
«Qalacaqmı», «Yarəb» və başqa şeirlər. Aşıq Könül ilə deyiş-
mələri aşığın İslam dünyasına dərindən bələd olduğunu nüma-
yiş etdirməkdədir. Xüsusilə dünyaya müraciətlə söylədiyi bir
neçə şeir bu cəhətdən çox səciyyəvidir.
İslamın çırağı, haqqın həbibi,
Məhəmməd Mustafanı neylədin, dünya?
Aşığın bu mövzuda şeirləri haqqında geniş danışmağa
imkan yoxdur, onlar ilk dəfə işıq üzü görür, əminik ki, bu
şeirlər öz həqiqi qiymətini alacaqdır.
Vaxtilə məşhur dilçi alim Mirzə Kazım bəy demişdi ki,
mifoloji lüğət olmadan Xaqaninin yaradıcılığını başa düşmək
çətindir. Biz də deyək ki, İslam dini tarixini, mifologiya və
əfsanələrini, xüsusilə Qurani-Kərimi bilmədən ustad aşıqları-
mızın yaradıcılığının müəyyən bir hissəsini qiymətləndirmək
çətindir. O cümlədən də Molla Cümənin şeirlərini.
Aşığın yaradıcılığında nə qədər tarixi, əfsanəvi, dini
şəxslərin adları çəkilir, sadəcə çəkilmir. Məlum olur ki, onlar
haqqında olan əfsanə və əsatirlərin hamısı aşığa bəlli olmuşdur:
Habil, Qabil, Mənsur, Davud, Süleyman, İsa, Musa, İbrahim
141
Xəlil, Əyyub, Yunis, Adəm, Nuh, Yəqub, Şəddad, Firon,
İskəndər, Nuşirəvan Keykavus, Xosrov Pərviz, Namrud və b.
Bəzən bir-iki misra ilə böyük bir hekayətə, yaxud dini-
fəlsəfi adlara işarə olunur. Molla Cümə bunların hamısını
məktəbsiz, institutsuz, akademiyasız təkbaşına öyrənmişdir.
Bunları oxuduqca onun erudisiyası, üləmalığı qarşısında baş
əyirsən:
Yüz iyirmi dörd min Nəbi
Dünyaya qılmış zühur,
Yeddi qat yer, yeddi qat göy,
Ərş, Kürs, Qafi, Tur.
Şəms, Qəmər, mələk, nücum,
İnsi, cins, mari, mur,
Yüz sühufnan endi Tövrat,
Fürqani, İncil, Zabur,
İxlasnan, Yasin, Taha
Oxuyan dildən mədəd.
Bununla belə, Molla Cümə eşq odu ilə yanıb-yaxılan
aşiqdir. O, özünü ən məşhur, cəfakeş, əzabkeş aşiqlərin cərgə-
sində sayır. Qeys, Fərhad, Yusif, Tahir, Kərəm, Vərğa, Qənbər
Şeyx Sənan kimi aşiqlərlə özünü müqayisə edir.
Molla Cümə həyatı, ömrü, dərin və ziddiyyətli yaradı-
cılığı ilə sirli bir xəzinədir. Bir əlində insanı ucaldan, yaşadan
həyata bağlayıb qanadlandıran, bəşəri məhəbbəti vəsf edən
şeirləri, o biri əlində isə həmin insanı ruhən, daxilən təmiz-
ləyən, xeyirxahlığa, əli açıqlığa, comərdliyə, mənəvi təmizliyə
çağıran Quran surələrindən süzülüb gələn minacat və surələri.
Biz belə hesab edirik ki, bu kitab həmin sirli mücrünü açmaq
üçün açar olacaqdır. Bu açarı biz xalqın mənəvi sərvətinin
keşiyində dayanan gənc folklorşünas alimlərimizə lütflə bəxş
edirik.
Bu, Molla Cümənin üçüncü kitabıdır. Çalışmışıq ki, aşı-
ğın şəxsən bizə məlum olan bütün əsərləri bu kitabda toplansın.
Şifahi dildən yazıya alınan şeirlərin əksəriyyətini biz aşığın
142
birinci kitabına daxil etmişdik. Həmin nümunələri keçən müd-
dət ərzində əlyazmalarında olan nüsxələrlə tutuşdurub dəqiq-
ləşdirmiş və beləliklə, son kitabında həmin şeirlərin əlyazma
nüsxələri verilmişdir.
Onu da əlavə edək ki, hətta əlyazmalarının özlərində də
şeirlər arasında fərqlər var. Əlbəttə, şeirlərin üzünü köçürən-
lərin burada müəyyən dəyişiklik etməsi aydın görünür. Buna
baxmayaraq biz daha kamil, ideya-bədii cəhətdən mükəmməl
nüsxələri seçib yeni kitaba daxil etmişik. Bizə görə, aşığın
şeirlərinin əksəriyyəti bu kitabda verilmişdir və ona görə də biz
bu kitabı Molla Cümənin külliyatının nəşri yolunda ilk addım,
ilk təşəbbüs adlandırırıq.
Aşığın bir şeirini oxuyub bəzən deyirlər: Molla Cümə
bunu yazmaz, yaxud misranı belə deməzdi. Ola bilsin ki, bu,
düzdür. Ancaq unutmaq olmaz ki, hansı yolla da olsa, bu şeir
əlyazmasına belə düşüb. Bizdə olan başqa əlyazmalarında da
variantı yoxdur. Ona görə də həmin şeir, yaxud misra hələlik
necə varsa, o şəkildə də kitaba daxil edilmişdir. Gələcəkdə,
əlbəttə, onun əslinin üzə çıxarılacağına əminik.
Şəki əlyazmasında çox maraqlı bir qeydə rast gəlirik.
Orada deyilir: «Molla Cümə Zaqatalanı, Dağıstanı gəzmişdir.
Bir qədər ürəyi darıxdığı zaman Zaqatalaya keçərdi. Hər bir
yerdə şeir yazmaqla da məşğul olmuşdur. Başqa-başqa yerlərdə
kəndisi aşıqlar tərzincə qoşduğu bir çox el sözlərini hər yerdə
söylər və oxuyardı. Bəzi lazımlılarını evdə dəftərinə köçürərdi.
Əksəriyyəti isə el içərisində yayılıb qalmışdır ki, çoxlarını əldə
etmək mümkünsüzdür. Çünki hanki bir məclisdəki söylədiyi
şeirləri çox vaxt dəftərinə yazmazdı. Odur ki, kənd aşıqları
ağzında əzbər qalmışdır».
Molla Cümə şeirlərini ilkin olaraq topladığımız vaxtdan
indi təxminən 30 ildən artıq bir dövr keçir. Bu illər ərzində biz
heç zaman aşığın əlimizdə olan əlyazmalarından ayrılmamışıq.
Onlar üzərində iş aparmışıq. Bir şeirinin oxunmasına günlərlə
vaxt sərf etmişik. Bu kitab bizim 30 illik gərgin əməyimizin
Dostları ilə paylaş: |