Filologiya məsələləri, № 7, 2017
269
fitri bir sənətkar duyumu ilə onun necə dərindən hiss etməsində axtarmaq
lazımdır" (3, 45).
Beləliklə, aydın görünür ki, sosialist realizmi klassik satiraya bir
qədər sıcaq baxsa da müasir satiranı qəbul etməmiş, onu vaxtı keçmiş bir
mərhələ olaraq öyrənsə də bədii düşüncədə ifadə imkanlarını mümkün
olduğu qədər azaltmışdır. Bununla yanaşı, az da olsa Sabir haqqında yazılan
şeirlərdə və Sabirə nəzirə yazılan şeirlərdə satirik ruh, sabiranəlik həmişə
mövcud olmuşdur. Bu mənada qətiyyətlə söyləmək olar ki, sosialist realizmi
çərçivəsində yazıb yaradan satirik şairlər, yaxud yazılan satirik şeirlər
Sabirin "şineli"ndən çıxmışdır. Bu cür şeirləri yalnız Sabirin müasirləri,
yaxud Sabir ənənəsini yaşadanlar deyil, eləcə də lirik, epik şairlər də
yazmışlar. Bu mənada M.Ə.Sabir satirası onlar üçün əlçatmaz zirvəyə
çevrilir. Bu şairlər Sabirə ona görə istinad edirlər ki, sovet dövründə tənqid
etmək damğalanmağa bərabər idi. Ona görə də nə zaman ki, hər hansı bir
hadisəni, problemi tənqid etmək lazım gəlirdi, o zaman M.Ə.Sabir yada
düşürdü. Çünki əvvəldə də qeyd etdiyimiz kimi, sosialist realizmi qeyri-
rəsmi satiranın qarşısına sədd çəksə də, ictimai satirik poeziyanın banisi
Sabirə böyük qiymət verir, onun adını uca tuturdular.
Poetik ənənənin əsas xüsusiyyətlərindən biri odur ki, onun qarşısında
nə qədər qadağalar qoyulsa belə yoluna davam edir, onun qoyduğu ənənə bu
və ya digər şəkildə yaşadılır. M.Ə.Sabirin satirik şeir ənənəsi də məhz belə
olmuşdur. Yeni dövrdə Sabir satirik poeziya ənənəsi bütün komponentləri ilə
yaşadılmasa da, müəyyənedici amilləri ifadə olunmuşdur. Hər şeydən əvvəl
bu ənənəni davam etdirənlərdən bir neçəsi (S.Mənsur, Ə.Nəzmi,
M.S.Ordubadi, Mirzəli Möcüz, Bayrəməli Hambal və b.) elə Sabirin müasiri
olmuşdur. 20-ci illərdə isə "Molla Nəsrəddin" jurnalının nəşr edilməsi hələ
bu ənənənin davam etdirilməsi demək idi. Sonrakı prosesdə də Sabir ənənəsi
davam etdirilmiş, Ə.Cavad, S.Vurğun, R.Rza, M.Rahim, S.Rüstəm,
O.Sarıvəlli, M.Dilbazi kimi şairlər öz yaradıcılıqlarında satirik ifadə üsuluna
müraciət etmişlər. Lakin bu dövrdə satirik poeziya Sabir ənənəsi üzərində
dayanmaqla yeni mahiyyət qazandı. Bir müddət satirik pafos şeirləri tərk
etməklə yanaşı, satirik olmayan şeirlərdə zühur etdi. Ə.Cavad, S.Vurğun,
Ə.Vahid, S.Mənsur, R.Rza, M.Rahim və başqa şairlərin yaradıcılığında
satirik təmayül məhz satirik səciyyə daşımayan şeirlərdə öz ifadəsini
tapmağa başladı. Yəni sırf satirik şairlər yetişməsə də şeirlərdə satirik pafos,
tənqid bu və ya digər şəkildə öz ifadəsini tapmağa başladı.
Lirik şair kimi tanınan və sovet repressiyasına məruz qalan
Ə.Cavadın həm də tənqidi, satirik şeirləri olmuşdur. Doğrudur, bu şeirlər
zamanında dərc edilməmişdir, şairin arxivindən götürülüb sonralar kitabına
daxil edilən bu əsərlərdə daha çox tənqid və həcv xarakterlidir. Onun "Şairə
sataşdınsa, "Məsciddə meyxana", "Ağamirin toyunda", "İsfəndiyar üçün",
Filologiya məsələləri, № 7, 2017
270
"Gəncəli dostlarıma", "Dostum xanəndə Əsgərə", "Başa bax, peysərə bax,
vərdişə bax", "Qocalıqda yorğalıq", "Çuğulu həcv" və s. şeirlərində şəxsi
münasibətlərdən doğan tənqid və həcvlərdə tənqid, zarafat xüsusiyyətləri
başlıca yer tutur. "Şairə sataşdınsa" şeirində şair ona "töhmət yazıb yollayan"
qardaşın "külüngünün daşa dəyməsi" təsvir edilir. Görünür ki, əvvəlcə
fəlsəfəyə ürək verən şairin (tənqid hədəfinin) indi "damında dirək
qalmamış", axşam-sabah əlində "at-eşşəyə" zibil tullamaqla məşğuldur.
Əvvəllər anbar müdiri olan "şairin" "tərəqqi"sinə istehza edən Ə.Cavad ortaq
tanışları kimi Seyfulla, şaqalad Məmməd, Zülfüqar, İsgəndərbəyin adını
çəkir və ona sataşan "şairə" deyir:
Sataşdın şairə, yıxıldı damın,
Bəyənmədin bizi, qırıldı camın.
Tuf olsun zatına böylə adamın:
Ki olmuş gönünü zollayan, qardaş (4, 171)
Həm "Şairə sataşdınsa", həm də "Məsciddə meyxana" şeirləri
"qardaş" rədifi ilə bitir. "Məsciddə meyxana" şeirində də şəxsən tanıdığı
adamı "bir yağlı işə" girməsi münasibətilə təbrik edir. Məlum olur ki,
"qardaşı" "Əhmədxan: Əlxan ibni xan" Gəncədə dükan açıb çaxır satır,
gəncə camaatını "piyan" edir. Şair bugünkü gündə bidin olmağı, içməkdə
"şərəf-şan" çıxarmağı tənqid atəşinə tutur. Özü də bunu saqqalına dən düşən
zaman edir və çaxırın içinə su qatır. Onun dostları Hilal Mamedovla, Fərhad
Əliyev isə bunda "bir ziyan" görmürlər. Şair özünü demokrat göstərən
"qardaşa" məsləhətini belə verir:
Xislətin demokrat, özün xanzadə,
Demokratı keçdin həddən ziyada.
Mənim sözlərimi saldıqca yada,
Bir az ehtiyatlı gəz dolan, qardaş! (4, 172).
Ə.Cavadın "Ağamirin toyunda", "İsfəndiyar üçün", "Dostum xanəndə
Əsgərə", "Qocalıqda yorğalıq", və s. şeirlərində də şəxsi münasibətlər
zəminində tanıdığı adamların obrazını yaradır. Bu şeirlərdə həcv xarakterli
təsvirlər başlıca yer tutur. Bu həcvlərdə şairin poetik dili kəsərli, tənqidi
sözlərlə əvəz olunur. "Çuğulu həcv" şeiri isə onun şeirlərində ictimai
eybəcərlik axtaran, həyatını təhlükədə qoyaraq dəmir barmaqlıqlar arasına
salan, balalarını yetim, evini başsız, qələmini sahibsiz qoyan vicdansız
adamlara hiddəti, ittihamı göstərilir. Şair, demək olar ki, hər sətirdə hiddətini
boğa bilməyib belələrinə söyüş yağdırır. Şeirin tarixi olmasa da, onun həbsdə
yazıldığını güman etmək olar. Lakin şairin "Qocalıqda yorğalıq" (1935)
şeirin satirik təsvir və ifadə vasitələri baxımından bir qədər zəngindir. Şeir
həm satirik məzmunu, həm ruhu ilə dövrün satirik bədii düşüncəsini
zənginləşdirir. Göründüyü kimi, Ə.Cavadın şeirlərində tənqid, ifşa, satira
pafosu olsa da, sırf satirik şeirlər deyildir. Özü də şairin bu şeirləri hər hansı
Dostları ilə paylaş: |