Filologiya məsələləri, № 7, 2017
247
Lakin Nadimin bu cəhdi də baş tutmur. Dostlarının ona verdiyi vədlər
də boşa çıxır. Olduqca çətin vəziyyətə düşən şair təsəllisini onlardan biri –
Molla Məhəmmədə yazdığı həcvdə tapır. Nadimin bu həcvi fərdilikdən daha
çox ictimai xarakter daşıyır. Şair burada Molla Məhəmmədi bəhanə edərək,
komendantı, çar üsul-idarəsində olan süründürməçiliyi, rüşvətxorluğu
Zakiranə şəkildə tənqid atəşinə tutur:
Yazmışam dərdi-halın komendanta.....
Deyillər “post paşol, zaftradur” həm bazar.
Getdim naibimə surəti-halım deməgə,
O da bir şəxs dögül kim, gələ ondan bir kar.
Başıma nə kül töküm, axəri kimə yalvarım,
Aşinavü dustü rəfiqi görürəm bədətvar.
... Hər kəsə söz deyirəm ovcun açır kim, mənə ver,
İstəyir qırxa başım misali-dəllək Ağayar.
Düşmənin tənə sözü, həm rusun zaftrası,
Bağrımı parə edib, qoymayıb aramü qərar(5.s.43-44).
Bütün cəhdləri boşa çıxan və işsizlikdən təngə gələn Nadim nəhayət,
ona layiq olmayan bir vəzifəyə - Pirsaat çayına mirab təyin olunmağa razılıq
verir:
Mənə mirablıq əmrin kim olur eyb duta,
Lacərəm, nə edim – zati-xudavəndə qəsəm.
Vəqti-namərddü bu mərd bilür bunda nə var,
Zilləti-mərdilə namərd tapub izzəti-dəm.
Canıbəyli şairin ömrünün bu çağlarını təsvir edərək yazır ki, o mirablıq
etdiyi zaman onun həyatının ən ağır bir vaxtı olmuşdu. “Bu ağır vəziyyətlə
Nadim gah hökumət qulluğunda və gahi kənd təsərrüfatında çalışmışdır.
Ömrünün axır çağlarında Nəvahidə məktəb açıb müəllimlik də etmişdir.
Nadimin məktəbində oxuyan tələbələrindən hal-hazırda həyatda olanları da
var, hansı ki, tərcümeyi-halına dair topladığım məlumatın bir çoxunu da
onlardan öyrənə bilmişəm” (5.s.47). Canıbəylinin bu qeydlərindən məlum
olur ki, o, vətənpərvər bir ziyalı kimi Nadimin ədəbi irsinə böyük maraq
göstərmiş, uzun müddət axtarışlarda olmuş, onunla bağlı olan ən kiçik
epizodları belə nəzərdən qaçırmamış, ən əsası isə faktlara söykənərək şairin
tərcümeyi-halını bərpa etməklə ədəbi ictimaiyyətə qiymətli töhfə vermişdir.
Bunun nəticəsi idi ki, ondan sonra Mirzə Baxış Nadim haqqında yazan hər
bir kəs bilavasitə onun yazdıqlarından bəhrələnərək şair haqqında fikir
söyləmişdir.
Filologiya məsələləri, № 7, 2017
248
Bütün deyilənlər bir daha təsdiq edir ki, Mirzə Baxış Nadim sözün
həqiqi mənasında XIX əsr Azərbaycan ədəbiyyatı tarixində özünəməxsus
yeri olan istedadlı şairlərdən biri olmuşdur. Ola bilməz ki, belə istedadlı
şairin külliyyatı qeyd etdiyimiz bu iki topludan ibarət olmuş olsun. Şübhəsiz
ki, şairin bir neçə əlyazması olmuşdur. Lakin hələlik şairin əsərlərini
araşdırarkən bu iki mənbə ilə kifayətlənməli olduq.
Hal-hazırda AMEA Məhəmməd Füzuli adına Əlyazmalar İnstitutunda
M.B.Nadimin irsinin öyrənilməsi və tədqiqi sahəsində məqsədyönlü
fəaliyyətə başlanmışdır. Şairin avtoqraf hesab etdiyimiz əlyazmasının
tapılmasını aparılan bu ciddi axtarışların uğurlu nəticəsi hesab etmək
olar.Əminik ki, şairin ədəbi irsinin ortaya çıxarılması XIX əsr
ədəbiyyatımızın öyrənilməsinə sanballı töhfə olacaqdır.
Ədəbiyyat:
1. Mümtaz S. El şairləri. Bakı: Azərnəşr, 1935.
2. Qasımzadə F. XIX əsr Azərbaycan ədəbiyyatı tarixi. Bakı: Maarif, 1956.
3. Məmmədov K. XIX əsr Azərbaycah şeirində satira. Bakı: Elm, 1975.
4. Mustafayev M. Mirzə Baxış Nadim. “Azərbaycan” jurnalı, 1976,№8.
5. Nadim. Şeirlər. AMEA ƏYİ, D-350/10327.
6. Cüng. AMEA ƏYİ, B-4275/5900.
Паша Керимов,
Рагуб Керимов
Новый взгляд на творчество Мирза Бахыша Надима
(На основе материалов Институтуа Рукописей)
Резюме
Мирза Бахыш Надим-один из самых малоизученных азербайд-
жанских поэтов XIX века. Исследователи, высказавшиеся о его жизни и
творчестве основывались на рукопись А. Джаныбейли, который собрал
и переписал ряд его произведений. Сальянский учитель А. Джаныбейли
в 1928 году собрав факты из стихов Мирза Бахыша Надима и рассказов
его бывших учеников смог высказаться о дате рождения и смерти,
некоторых моментах жизни поэта. В Институте Рукописей обнаружена
еще одна рукопись стихов М. Б.Надима. В этой рукописи, состоящий из
354 страниц собраны более 100 стихов поэта. Здесь наряду с лиричес-
кими стихами есть и немало стихов Надима на религиозные темы. На
основе нового источника мы имеем возможность более подробно
изучить жизнь и творчество поэта.
Filologiya məsələləri, № 7, 2017
249
Pasha Kerimov,
Raqub Kerimov
A new look at the work of Mirza Bakhysh Nadim
(Based on the materials of the Institute of Manuscripts)
Summary
Mirza Bakhysh Nadim is one of the least studied Azerbaijani poets of
the XIX century. Researchers who spoke about his life and work were based
on the manuscript of A. Dzhanybeyli, who collected and copied a number of
his works. Teacher from Salyan A. Dzhanybeyli in 1928 having collected
facts from the verses of Mirza Bakhysh Nadim and the stories of his former
students was able to speak about the date of birth and death, some moments
of the poet's life. At the Institute of Manuscripts, another manuscript of M.B.
Nadim's poetry was discovered. In this manuscript, consisting of 354 pages
of collected more than 100 poems. Here along with lyrical poems there are
many poems by Nadim on religious themes. On the basis of a new source,
we have the opportunity to study the life and work of the poet in more detail.
Rəyçi: professor Kamandar Şərifli
Dostları ilə paylaş: |