77
Mətnlə tanış olduqdan sonra sual müzakirə olunur. Şagirdlərin keçən dərs qazanı-
lan, həyatı biliklərinə və gündəlik müşahidələrinə əsaslanan fərziyyələr dinlənilir. “Fəaliy-
yət” mərhələsinə keçməzdən əvvəl yastı qurdların sistematik qrupları, həyat tərzi haqqında
şagirdlərin biliklərini aktivləşdirmək məqsədilə aşağıdakı suallar müzakirə oluna bilər:
Yastı qurdların bədəni neçə qatdan ibarətdir?
Yastı qurdlar üçün hansı bədən simmetriyası səciyyəvidir?
Yastı qurdlar tipinə hansı siniflər daxildir?
Siniflərin hansı nümayəndələrini tanıyırsınız? Onların həyat tərzi haqqında nə deyə
bilərsiniz?
Sizcə, onların həyat tərzi quruluş və həyat fəaliyyətlərinə necə təsir göstərir?
Paraqrafdakı praktik iş dərslikdəki şəkil əsasında qurulur. “Parazit” və “parazitizm”
anlayışı bir daha xatırladılır. İşin gedişi və müzakirəsi dərslikdəki alqoritm üzrə aparılır.
Paraqrafın nəzəri materialı ilə tanışlıq müxtəlif üsulla aparıla bilər. Məlumatın
əyaniliyi üçün onun vizual təqdim olunması, adətən, şagirdlərin böyük marağına səbəb olur
və zəruri məlumatın tam qavranılmasını təmin edir. Təlim nəticələri zəif olan şagirdlər üçün
bu üsullar daha məqsədəuyğundur. Şagirdlərin yaş xüsusiyyətlərini
nəzərə alaraq parazit
qurdların (qaraciyər sorucusu, exinokokk və s.) həyat tsiklini təfərrüatı ilə verməyə ehtiyac
yoxdur. Müəllim bu məlumatı tanışlıq məqsədilə müvafiq sxemlərdə və ya şəkillərdə
nümayiş etdirə bilər. Dərsin gedişi boyunca yastı qurdlar tipinin nümayəndələrinin təsviri
və müqayisəsi cədvəlinin doldurulması davam edir.
Mövzuya aid tövsiyələrin sonunda verilmiş saytlarda yerləşdirilən materiallardan dərs
zamanı istifadə etmək mümkündür.
Müəllim şagirdləri əlavə məlumatla da tanış edə bilər:
Planarinin regenerasiya etmək qabiliyyəti var. Hətta bədəninin 1/100 hissəsindən
də yeni orqanizm inkişaf edə bilər.
Şirin su və dəniz planarilərinin dərisində dalayıcı hüceyrələrə rast gəlinir. Onlar
bağırsaqboşluqluların dalayıcı hüceyrələrinə bənzəyir. Kirpikli qurdlar tərəfindən yeyilən
bağırsaqboşluqluların dalayıcı hüceyrələri həzm şirələri vasitəsilə həzm olunmur, dəriyə
keçir və qurdun müdafiə və hücum orqanına çevrilir.
Tapşırığı şagirdlər
müstəqil yerinə yetirib, cavabları dəftərdə qeyd edirlər. Sonra nəti-
cələr yoxlanılır, lazım olduqda əlavələr və düzəlişlər qeyd olunur. “Öyrəndiklərinizi
yoxlayın” bölümündə yastı qurdlar tipinə aid siniflərin səciyyəvi əlamətləri müəyyən olu-
nur. Bu, şagirdlərə həm yastı qurdlar haqqında biliklərini yoxlamağa, həm də onları fərq-
ləndirməyə imkan verir.
İkinci tapşırığı yerinə yetirən şagirdlər parazitizmə uyğunlaşma əlamətlərini qeyd
edirlər:
– Parazit yastı qurdlar sərbəst yaşayan formalardan çoxsaylı nəsilvermə qabiliyyəti ilə
fərqlənir. Öküz soliteri sahib orqanizmin bədənində 20 illik ömrü ərzində 11 milyarda yaxın
78
yumurta qoyur. Parazitin həyatında bunun nə əhəmiyyəti var?
(Yumurtaların çoxu insan
bədənindən xaric olduqda məhv olur, bu mexanizm isə növün ümumiyyətlə məhv olmama-
sına xidmət edir)
– Öküz soliterinin hiss orqanları və sinir sistemi zəif inkişaf etmişdir, həzm orqanları isə
ümumiyyətlə yoxdur. Bu xüsusiyyətlər nəyi göstərir?
(Öküz soliterinin yetkin fərdi daima
bağırsaqlarda yaşayır, azhərəkətlidir və qıcıqlandırıcı faktorlardan təcrid olunmuşdur;
həzm olunmuş qida ilə qidalandığına görə həzm orqanlarına ehtiyac yoxdur)
Qiymətləndirmə meyarları: şərhetmə, fərqləndirmə
Elektron resurslar:
http://tana.ucoz.ru/load/312
http://tana.ucoz.ru/load/215
http://tana.ucoz.ru/load/215-2-2
http://www.youtube.com/watch?v=SFsaoDHEMZ4
Dərs 36 / Mövzu 31
:
SAP QURDLAR TİPİ. SAP QURDLARIN HƏYAT
FƏALİYYƏTİ
Müəllim şagirdlərlə birlikdə dərslikdəki mətnlə tanış olur və uyğun sualları
müzakirə edirlər:
Əlləri yumadıqda hansı xəstəliklərə yoluxmaq mümkündür? Bu xəstəlikləri hansı
canlılar törədə bilər? Bu xəstəliklərin təhlükəsi nədədir? Və s.
I səviyyə II
səviyyə III
səviyyə IV
səviyyə
Yastı qurdların
quruluşu haqqında
mülahizələrini
çətinliklə şərh edir.
Yastı qurdların quru-
luşu haqqında müla-
hizələrini şərh edərkən
bəzi səhvlər buraxır.
Yastı qurdların
quruluşu haqqında
mülahizələrini şərh
edərkən
kiçik qeyri-
dəqiqliyə yol verir.
Yastı qurdların
quruluşu haqqında
mülahizələrini
dolğun şərh edir.
Yastı qurdların müx-
təlif nümayəndələ-
rində gedən
həyati
prosesləri yalnız
müəllimin köməyi
ilə fərqləndirir.
Yastı qurdların müx-
təlif nümayəndələ-
rində gedən həyati
prosesləri fərqlən-
dirərkən kiçik qeyri-
dəqiqliyə yol verir.
Yastı qurdların
müxtəlif nüma-
yəndələrində gedən
həyati proseslərin çox
hissəsini fərqləndirir.
Yastı qurdların
müxtəlif nüma-
yəndələrində gedən
həyati prosesləri
düzgün fərqləndirir.
Alt
STANDARTLAR
1.1.2. Canlıların müxtəlifliyi haqqında mülahizələrini şərh edir.
2.1.1. Müxtəlif canlılarda gedən həyati prosesləri fərqləndirir.
Təlim
NƏTİCƏLƏRİ
Sap qurdların quruluşu haqqında mülahizələrini şərh edir.
Yastı və sap qurdlarda gedən həyati prosesləri fərqləndirir.