67
TƏDRİS VAHİDİ ÜZRƏ REALLAŞDIRILACAQ
ALT STANDARTLAR
TƏDRİS VAHİDİ –
3
YERİN BƏRK TƏBƏQƏSİ
2.1.1. Yerin daxili quruluşunu, relyefini və orada baş verən hadisə və
prosesləri təsvir edir.
2.1.2. İri relyef formalarını kontur xəritədə qeyd edir.
2.1.8. Ekskursiyalarda topladığı kolleksiyanı təqdim edir.
TƏDRİS VAHİDİ ÜZRƏ ÜMUMİ SAATLARIN MİQDARI:
7 saat
KİÇİK SUMMATİV QİYMƏTLƏNDİRMƏ:
1 saat
68
Dərs 15
/ Mövzu:
YERİN DAXİLİ QURULUŞU
Müəllim mövzuya başlamaq üçün şagirdlərin diqqətini ətrafımızda olan
hadisələrə yönəldə bilər. Bizə Yerin daxilində gedən proseslər barədə məlumat
verə biləcək hansı hadisələri tanıdıqları barədə söhbət aparıla bilər. Motivasi-
yanı mətndə verilən məlumat əsasında qurmaq olar.
Tapşırığın müzakirəsi dərslikdə yazılmış suallar əsasında qurula bilər.
Yeni dərsin mənimsənilməsini müəllim cütlüklərdə təşkil edə bilər. Şagirdlər
mətn üzərində işləyərək və ya müəllimin izahını dinləyərək
nəticələri konseptual
cədvəl formasında sistemləşdirə bilərlər.
Yerin təbəqəsi
Qalınlığı
Temperaturu
Vəziyyəti
Nüvə
Mantiya
Yer qabığı
Cədvəli tamamlamaq üçün şagirdlərin müxtəlif mənbələrə yönəldilməsi, onların
məlumat əldə etmək bacarıqlarının inkişafına kömək edə bilər. Müəllim tərəfindən
Yerin daxili quruluşuna aid Power Point proqramında təqdimatın hazırlanması
məqsədəuyğundur.
Sinifdə Yerin daxili quruluşu haqqında aşağıdakı mənbələrdən istifadə etməklə
videomaterial nümayiş etdirilə bilər.
http://www.youtube.com/watch?v=2dHjg3M1e90
http://www.youtube.com/watch?v=u8avhJR9Fqs
Materiallar
rus dilində olsa da, müəllim özü müvafiq şərhlər verə bilər.
Alt
STANDART
2.1.1. Yerin daxili quruluşunu, relyefini və orada baş verən hadisə
və prosesləri təsvir edir.
Dərsin
MƏQSƏDİ
Yerin daxili təbəqələrinin (nüvə, mantiya, Yer qabığının) əsas xü-
susiyyətlərini şərh və müqayisə edir;
Yerin daxili quruluşunu əks etdirən modeli yaradır.
69
Öyrəndiklərinizi tətbiq edin
A)
Temperaturu Günəşin istiliyinə yaxındır. Dəmir və nikel kimi metallardan
təşkil olunmuşdur.
B) Temperatur 1000–2500°C arasında dəyişir.
C) Bərk süxurlardan ibarətdir. Qalınlığı 1–90 km arasında dəyişir.
Nə öyrəndiniz
Yerin daxilində
nüvə adlanan qatın tərkibi dəmir və nikeldən ibarətdir. İkinci qat
mantiya adlanır. Bu qat kip maddədən təşkil olunmuşdur.
Yerin üst səthi Yer
qabığı adlanır. Onun qalınlığı 1–90 km-ə çatır. Bu gat üst mantiya ilə birlikdə
litosfer adlanır.
Öyrəndiklərinizi yoxlayın
Yerin ən nazik qatıdır.
Yer qabığı ilə mantiya arasında yerləşir.
Dərsdən sonra
Şagirdlərin plastilindən Yerin modelini düzəltmələri onlarda modelləşdirici
təfəkkürün formalaşdırılmasına yardım edir.
Qiymətləndirmə meyarları:
Müqayisəetmə
Modelləşdirmə
Zəif
Orta
Yüksək
Yerin daxili təbəqələrinin
əsas
xüsusiyyətlərini şərh və
müqayisə etməkdə çətinlik
çəkir.
Yerin daxili təbəqələrinin
əsas xüsusiyyətlərini
köməkliklə şərh edir və
qismən müqayisə edir.
Yerin daxili təbəqələrinin (nü-
və, mantiya, Yer qabığının)
əsas xüsusiyyətlərini ətraflı şərh
və düzgün müqayisə edir.
Yerin daxili quruluşunu əks
etdirən modelini yaratmaqda
çətinlik çəkir.
Yerin daxili quruluşunu əks
etdirən modelini müəllimin
köməyi ilə yaradır.
Yerin daxili quruluşunu əks
etdirən
modelini düzgün və
səliqəli yaradır.
Dərs 16
/ Mövzu:
SÜXURLAR
Alt
STANDART
2.1.1. Yerin daxili quruluşunu, relyefini və orada baş verən hadisə
və prosesləri təsvir edir.
2.1.8. Ekskursiyalarda topladığı kolleksiyanı təqdim edir.
Dərsin
MƏQSƏDİ
Yer səthini təşkil edən süxurları nümunələrdə tanıyır;
dağ süxurlarından topladığı kolleksiyanı təqdim edir;
dağ süxurlarının əmələgəlmə sxemini təhlil edir.
70
Müəllim mövzuya başlamaq, motivasiya yaratmaq üçün şagirdlərə
Azərbaycanın
müxtəlif dağlarının şəkillərini nümayiş etdirməklə yanaşı,
dərslikdə verilən sual
ətrafında söhbət təşkil edə bilər. Məktəb müxtəlif dağ süxurları kolleksiyaları ilə tə-
min olunubsa, motivasiyanın nümayiş əsasında qurulması məqsədəuyğun olardı.
Tapşırığın yerinə yetirilməsi dərslikdə yazılmış sualların müzakirəsi əsasında
qurula bilər.
Dərslikdə verilən şəklin təhlilində şagirdlər çətinlik çəkdikdə müəllim özü tikintidə
istifadə olunan inşaat materiallarının adını söyləyə bilər: dam örtüyü (şifer, dəmir
təbəqə, kirəmit), baca (kərpic), divarlar (kubik, kərpic, ağac), tutacaq (ağac,
mərmər, dəmir), pilləkən (dəmir, daş, mərmər). Məktəb dağ süxurları kolleksiyaları
ilə təmin olunubsa, sinifdə başqa bir praktiki iş təşkil etmək tövsiyə olunur. Prak-
tiki işi qruplarda təşkil etmək daha səmərəlidir.
Praktiki iş aşağıdakı plan üzrə təşkil oluna bilər:
1. Hər qrupa 3 müxtəlif mənşəli (məs.: qranit, mərmər, daş kömür) dağ süxurları
verilir. Şagirdlər bu süxurların xassələrini müəyyən edərək cədvəli doldururlar.
№ Dağ süxuru
Qranit
Daş
kömür
Mərmər
1.
Rəngi
2.
Quruluşu (sıx, məsaməli, kövrək, dənəvər)
3.
Kütləsi (yüngül, ağır)
4.
Möhkəmliyi (çox yumşaq – dırnaqla cızılır;
yumşaq – dırnaqla cızılmır, şüşəni cızmır;
bərk – şüşəni cızır)
5.
Suda həllolması
6.
Sirkə turşusunda həllolması (süxurun üzərinə tur-
şu damcılatdıqda fışıldayır)
7.
Orqanizmlərin qalıqlarının olması
2. Şagirdlərin işlərinin təqdimatını və müzakirəsini təşkil edin.
3. Müzakirə üçün belə sual vermək olar: Dağ süxurları nə üçün fərqli
xassələrə ma-
lik olur (
əmələgəlmə şəraitindən asılıdır). Bu sualın müzakirəsi zamanı şagirdlərə
dağ süxurlarının əmələ gəlməsi, yaranması şəraitini izah edin.
Yeni dərsin izahını müəllim kiçik mühazirə formasında keçirə bilər. Dağ sü-
xurlarının təsnifatını, onların xüsusiyyətlərini və yaranmasının təhlilini praktik
işdən sonra izah etmək məqsədəuyğundur.