_________________Milli Kitabxana
________________
374
Safruh: (Oxuyur) “Qriboyedovların, Puşkinlərin, Lermontovların qətlində
mütləqiyyəti suçlamaq asandır. Lakin onlar da asanlıqla missioner ləkəsi
daşıyırlar... İstedadların missionerləşməsi isə zülmə daha böyük qida verən
şeydir. Zülmü günahlandırarkən işin bu cəhətini nəzərə almaq lazımdır” — Bu
Sizin sözünüzdür. İstedad da, dahilik-filan da təəssüf ki, əsl xeyir və şərə
gələndə, gerçəklikdəki…
Sabir: Şərin qırxayaqlılığı ordadır daa! İstedadları belə, müəyyən şərtlərlə
özünə xidmətə məcbur eləyir. Amma hiss olunur ki, məsələn, özümü götürək
dəə, mən Əli Vəliyevin, Bayram Bayramovun, Mirzə İbrahimovun, Süleyman
Rəhimovun, Məmməd Rahimin xeyrinə bir cümlə işlətməmişəm. Məni
çıxandan sonra, hamı işlədib ki! Bu və ya başqa şəkildə. 40-ayaqlı şərə
dolayısıyla istedadların… İndi Bəkirlər eləməlidir, Qulu Xəlilovlar eləməlidir.
Mən eləməməliyəm axı. Amma mən eləməyəndə… Sən dəfələrlə soruşursan ki,
bu boyda necə yəni qapalı qalıb?! Ona görə qapalı qalmışam ki, o işləri
görməmişəm. O işləri görənlərə onlar müəyyən dərəcədə imkan verir. Biz buna
görə, bir də, qardaş, gözümün içinə qədər… Mənə qarşı allergiya var dəə!
Dözməmək var! (Safruh: Var, bəli!) Bu daha böyük daa!.. Mənim qapalı
qalmağımda gözü götürməmək, dözməmək daha böyükdür. Buyur!
Safruh: (Oxuyur) “Varlığın mayasında belə, yekcinsliyi saxlamaq mümkün
deyil. Hər bir hərəkət ilk təkanı yekcinslikdən alır, sonra şaxələnir, variasiyalar
yaradır. Diktatura istibdada qarşı bir addım irəlidir. O öz amansızlığı ilə
istibdadı xatırladır. Ancaq istibdada hərəkət verən şey — subyektiv cəhətdən
kütbeyinlik, zəiflik, nəfs və şıltaqlıqdırsa, diktaturanı idrak və qüdrət müşayiət
edir. İstibdad hazır dünyanı çapqın vəziyyətinə gətirərək, viran qoyan şər
mücəssəməsinə çevrilir. Diktatura, öz üslubunda olsa da, yaradıcılığa xidmət
göstərir… İctimai sistemlərin ən pisi — cılız demokratiyadır”.
Yanardağın indiyədək çox yazılarını oxumuşam. Onların yaxşı cəhətləri
barədə sözcüyümü yazmışam. Pisi odur ki, Sabir həyatın gözəlliklərindən
yazmır. O, Taqordan uzaq, Mirzə Əli Möcüz yox, Mirzə Ələkbər Sabirə
yaxındır və Taqorla Möcüz arasındadır; daha doğrusu Möcüzlə Sabir
arasındadır. Bilirsiniz, Azərbaycanda bir Möcüz adında da şair olub. (Sabir: Hə,
Mirzəli Möcüz daa!). Möcüz dərdi elə gözəl öyür ki, elə bil ki, özünün
balasıdı. Dərd şairidir! (Sabir: Sabirçidir dəə o da). (Oxuyur:) Sabir Yanardağ
özünün “Aqibət” əsəri haqda deyir: “Bizim əsərimizin məqsədi Ordubadinin
fikirləri çərçivəsində istibdad və istilanı izləməkdir. Əsl vəziyyəti ifadə eləyən
bədii vəsait əldə yoxdur. Əldə olan vəsaitdən istifadə edərək, nəysə bir şey
söylənirsə, həyat təcrübəsi ilə birlikdə nəysə ümumi bir təsəvvürə gəlmək
mümkündür”. Bu Sizin fikrinizdir.
Sabir: Yəni bədiiyyatda
o yoxsa da, həyatda var.
Safruh: Mən deyirəm: Məncə, Yanardağ yaradıcılığının başlıca qüsuru
fərəhsizlikdir, ondan sonrakı qüsuru — uzunçuluq, təfərrüatçılıqdır; üçüncüsü
_________________Milli Kitabxana
________________
375
— dilin arı-duruluğu qayğısına qalmamaqdır. Bunu mən əvvəl elə düşünürdüm.
Təfərrüatçılıq-filan, sonra aydın oldu mənə. Onun yaradıcılığında tərəqqi
İnsandan ayrılır. Sanki insanın iradəsi xilafına yeriyir, yaranır. Hər halda,
burada Tərəqqinin aparıcısı fərdləşmir, simalaşmır. Ona görə alınır fərəhsizlik,
işıqsızlıq. Sanki bir tunelə girirsən, ha gedirsən — minlərcə səhifə yol gedirsən
ki, bir işıq ucu görəsən. Ancaq o görükmür. Hətta tunel qurtarsa da, işıq ucu
görükmür. Ona görə də sorğu yaranır: Bəs bu həyatın gözəlliyi nədədir,
nədəndir? Yoxmu? Sabir deyir var — Tərəqqi özünə yol açır. Necə, kimlərin
əliylə? Bunu da göstər qaranlığı göstərdiyin səbr və genişliklə. Deyirəm bunu
da göstər — işıq hardadır... Bir oxucu kimi dəə.
Sabir: Təsəvvür elə ki, bu hələ giriş hissəsidir, beşinci kitabda, bu cür
kitabda yarımçıq qalıb. Gələcək əsərin özü … Giriş hələ bilinmir 10 cild
olacaq, 20 cild olacaq?.. Əsərin özü, belə getməynən, yəqin 150-200 kitab
olacaq. (Safruh gülür).
Safruh: Yenə deyirsiniz: “Xalq Xeyirə nisbətən Şəri, Həqiqətə nisbətən
Yalanı və b.k. daha asanlıqla həzm edir”. İndi mən deyirəm: Bunun nyiəsi
açılmalıydı. Mən bunu “Aqibət”in 112-ci səhifəsinə aid olmaqla 111-cinin
dalına yazmışam. Burada bir də xırdalayıram. Xalq — təbiətə bənzər bir
varlıqdır. Ona iradə xas deyil. Həqiqət və Xeyir isə iradə əməlləridir. Şərə,
Yalana dirsək göstərmək də eləcə — iradə əməlidir. Xırda-xuruş dirənişlər
təbiətdə də olur və onlar iradə əməli yox, fəhm əməlidir, ya da fiziki
tərpənişdir. Bunların əsasında mən bir Haray yazmışam, orda Sizin bax bu
sözünüzdən başlanğıc götürmüşəm. Sabir Yanardağ belə deyir, onun niyəsini
açmaq. Hər halda, mən öz sözümü orda yazmışam. Sonra. Yenə Sabir müəllim
deyir: “Dünyadan çoxdan köçmüş Femistoklu təqdir etmək, onun üçün göz yaşı
tökmək asandır. Bunun özündə belə, istibdadın özünə övliyalardan zireh
çəkmək cəhdi var”. Aristofanın “Atlılar” əsəri ilə bağlı yada salınır. Hə, yenə
qabağa gedək. Sabir müəllim deyir: “Həyasız və özünü suçlu bilmək — baş-
tutmaz əhvalatdır”. Bir də mən fikir verib görmüşəm ki, qanmaz adam heç vaxt
demir ki, mən səhv eləmişəm. Çox belə qəribədir! O elə bilir ki, qanmaz elə
bilir ki, o səhv eləyə bilməz. Ona görə də qanmazla üz-üzə gələndə qalırsan
məəttəl! Gülləni ya gərək öz başına vurasan, ya onun (Gülürlər). Deyir ki,
bağışla, bilmədim, necə ola bilər həm qanmaz olasan, həm səhv eləyəsən?!
Mənim belə bir deyimim də var. (Sabir əlavə eləyir Mirzə Cəlilin ünlü sözünü:
“Necəsən qanmayam, atan yansın!” (Yenə gülüşürlər).
Sabir: Qanmaz səhv eləmir daa?! Yaxşıdı!
Safruh: Sabir Aristofanın “Atlılar”ında və Ordubadlının “Döyüşən
şəhər”ində istibdad mənzərələrini araşdırarkən yazır: “Bütün bu uyğun gələnlər
silsiləsinin müəyyən bir ortaq kökü olmalıdır.” Bir var eradan öncədə
Aristofan, V əsrdir, neçənci əsrdir — mən bilmirəm.
Sabir: Eradan əvvəl V əsr.