birləşmiş orduları müttəfiq kimi vuruşmuşlar. Digər tərəfdən mənşə etibarilə
atropatenalı olan bir neçə şahzadə Ermənistanda hakimlik etmişlər. Strabonun
göstərdiyinə görə atropatenalıların parfiyalılar, ermənilər və suriyalılar kimi
qonşuları olmuşdur. Atropatena çarları yeri gəldikdə onlarla qohumluq əlaqəsi
yaradırdılar (Strabon. XI, 13). Lakin bir sıra hallarda atropatenalıların ermənilərlə
əlaqəsi zəifləyir, biri digərinin ərazisinə hücum edir, müvəqqəti olsa da torpaq
sahələrini zəbt edirdilər. Ermənistan uğrunda istər Parfiya və istərsə də Sasanilərin
dövründə Roma ilə İran arasında qanlı döyüşlər baş verir. Bu ölkə uzun illər hər iki
istilaçının işğallarına məruz qalır. Ermənistanı işğal edən romalılar Atropatena ilə
də maraqlanır. Belə ki, e. ə. 36-cı ildə Antoni 100 min nəfərlik ordu ilə Araz çayını
keçib Atropatenə hücum edir; lakin məğlub edilib, geri çəkilməyə məcbur olur. Bu
zaman Ermənistan çarı II Artavazd idi, o, özunun 16 min suvari ordusunu
Antoninin ixtiyarına verdi. Lakin onlar atropatenalılarla üz-üzə gəlməzdən əvvəl
yolun yarısından qayıdıb ölkələrinə gəlmişlər.
Antoni məğlub edilib geri çəkildikdə II Artavazdı tutub Romaya
göndərmiş və onun yerinə oğlunu Ermənistanın hakimi təyin etmişdi.
Atropatenalılar romalılara qarşı parfiyalılarla da ittifaq bağladılar. Məlumdur ki,
parfiyalılar Selevkiləri Şərq ölkələrindən qovduqdan sonra böyük bir qüvvəyə
çevrilib 500 ilə yaxın hökmranlıq etmişlər. Lakin onlar mərkəzləşmiş dövlət deyil,
tayfalar hökmranlığı formasında böyük ərazini idarə edirlor. E. ə. 36-cı ildə
Antoninin hücumu zamanı Parfiya çarı IV Fraat idi; o, bu müharibədə Atropatena
şahı II Artavazdın müttəfiqi kimi çıxış edirdi. Romalıların ağır silahlarla
yaraqlanan və qala uçuran alətlərlə silahlanmış 10000 nəfərlik dəstələrinə IV
Fraatın süvari dəstələri qəflətən hucum edib onları darmadağın etdilər. Antoni
məğlub edilib geri çəkildikdə, IV Fraat ilə II Artavazd arasında əldə etmiş
olduqları qənimətin bölüşdürülməsində bərk narazılıq yaranmışdı. Bu zaman II
Artavazd romalıların yanına elçi göndərib parfiyalılara qarşı onlarla müttəfiq
olduğunu bildirməklə, qohumluq əlaqəsi, yaratmağı təklif etdi. II Artavazdın bu
təklifi romalılar tərəfindən hərarətlə qarşılanmışdır. Beləliklə, atropatenalılar
parfiyalılara qarşı romalılarla müttəfiq, həm də qohumluq əlaqəsi yaratdılar.
Atropatena şahları ölkənin müstəqilliyini qoruyub saxlamaq məqsədilə yeri
gəldikdə bu və ya digər ölkə ilə siyasi və diplomatik əlaqələr yaradırdılar.
E. ə. I əsrin sonu eramızın I əsrinin əvvəllərində Atropatenanı romalılarla
dostluq və diplomatik əlaqələri qoruyub saxlayan Aryabarzan idarə edirdi. O, bir
müddət Ermənistanın da hökmdarı olmuşdur. Eramızın 2 - 11-ci illərində
Aryabarzanın oğlu V Artavazd Atropaten və eyni zamanda Ermənistanın da şahı
olmuşdur.
Xarakeli İsidor əsas şahlıq yolunda kənarda yerləşən Atropaten ərazisinin
adını çəkir. O, Midiya, Kombaden, Yuxarı Midiya və Rakiana (müasir Rey)
Midiyasına toxunmuşdur.
Lakin Strabon inzibati nöqteyi-nəzərdən deyil, etnik və mədəniyyət
baxımından Midiyanı iki hissəyə bölür. O cümlədən Böyük Midiya və Atropaten
Midiyası (Kiçik Midiya) (Strabon. XI, 13, 1).
ATROPATENA ERAMIZIN ƏRƏFƏSĠNDƏ
Herodotun məlumatına görə Əhəməni dövləti I Daranın hakimiyyəti
dövründə inzibati nöqteyi-nəzərdən 20 satraplığa bölünsə də, lakin bu bölgü sabit
olmamışdır
241
. Bu satraplıqlar içərisində istər iqtisadi və istərsə strateji cəhətdən
Midiya (Kiçik Midiya-Atropatena) digərlərindən fərqlənirdi. Satraplıqlar mərkəzi
hakimiyyət tərəfindən təyin edilmiş canişinlər tərəfindən idarə edilirdi. Hərbi
sərkərdə də hakimlərə tabe idi. Satraplar vergi toplamalı, hüquqi-inzibati işlərə
nəzarət etməli və hərbi qoşun dəstələri təşkil edib hazır vəziyyətdə saxlamalı idi.
İqtisadi cəhətdən zəngin olan Midiya satrapı mərkəzi hakimiyyətə hər il 45 talant
vergi verməli idi
242
. Əhəməni dövlətinin son dövründə Kiçik Midiya (Atropatena)
satraplığına Atropat adlı sərkərdə rəhbərlik edirdi.
Dara ilə İskəndər arasında gedən müharibədən sonra Böyük Midiyadan
ayrılmış Atropatena satraplığı müstəqil olmasına görə digər əyalətlərdən
fərqlənirdi. İsidor Atropatena ərazisinin əsas şahlıq yolundan kənarda yerləşdiyinə
görə onun adını çəkmir. O, Midiya, Kombaden, Yuxarı Midiya və Raqa (müasir
Rey) Midiyasına toxunur
243
. Lakin Strabon inzibati nöqteyi-nəzərdən deyil, etnik
və mədəniyyət baxımından Midiyanı iki hissəyə bölur: Böyük Midiya və Atropat
Midiyası (Kiçik Midiya)
244
.
Strabonun göstərdiyinə görə bu ərazi olduqca məhsuldar və təbii-coğrafi
zənginliyə malik olmuşdur
245
.
Əhəməni
dövlətinin
süqutu
yaxınlaşdıqca
satraplar
mərkəzi
hakimiyyətdən üz döndərib onlara tabe olmamağa çalışırdılar. Onlar müxtəlif etnik
tərkibə malik olan xalqların mərkəzi hakimiyyət ətrafında monolit birliyini təşkil
etmək iqtidarına malik ola bilmədilər. Mərkəzi hakimiyyətin böhran keçirdiyi
zaman ondan üz döndərən satraplardan biri də Qərbi Midiya olmuşdur. Bu
satraplığın hakimi görkəmli sərkərdə olan Atropat idi. O, Əhəmənilərin son şahı
olan III Dara Kodomanın dövrundə Kiçik Midiyanın hakimi idi. III Daranın
hakimiyyət başına keçməsi Filippin başçılığı ilə yunan əyalətlərinin Makedoniya
ətrafında birləşdirilməsi dövrünə təsaduf etmiş və beləliklə, Makedoniya İranın ən
güclü rəqibi olmuşdu. Diodorun göstərdiyinə görə III Dara Filipp ilə müharibə
241
Herodot. III, 89, 98.
242
Yenə orada, 92.
243
İsidor Xaraksi. 4 – 7.
244
Strabon. XI, 13, 1.
245
Yenə orada.
Dostları ilə paylaş: |