177
• II mərhələ •
XX əsrin ortalarından günümüzə qədərki ədəbiyyat
•
2
1. Şeiri oxuyun (bunu fərqli formalarda həyata keçirə bilərsiniz).
2. İlkin təəssüratınızı siniflə bölüşün.
3. Misralarda ifadə olunmuş fikri aydınlaşdırıb qısaca yazın.
Mən bilirəm: dərdlərini yumruğunda sıxacaqsan.
Sən bu dibsiz cəhənnəmdən çıxacaqsan… Üzü ağsan.
Nurlu dağsan… zülmət dağı devirəcək, yıxacaqsan.
Boğazından yapışanı boğmalısan, boğacaqsan.
Nə Bağ
Ata əfsanədir, nə Nizami, nə də Babək.
Gözlərinə Nəiminin, Nəsiminin şəklini çək.
Həqiqəti dəfn eləmək istəyənlər gəbərəcək.
Bağrı yanmış Qarabağım bir də qalxıb göyərəcək.
İnan mənə: əbədisən, ey bəşərin haqq bayrağı,
Batan, çıxan Günəşimsən, Odər yurdu, Od torpağı!
Alaq düşmən caynağından Sırxavəndi, Canyatağı.
Yatağım yox, otağım yox, varlığımsan, Od torpağı.
Qudurğanlar
dinc durmasa, Daşqın, Tufan olasıyam.
Yırtıcılar dünyasını burulğana salasıyam.
Qaranlıqda oğru kimi yurda gecə girdi onlar,
Ulduzları güllələyib göydən yerə sərdi onlar.
Beşiklərdən tər qönçəni, ilk nübarı
dərdi onlar,
Çocuqlara əmzik deyil, od lüləsi verdi onlar.
Yadda saxla, qoca tarix, mən Türk oğlu Ulutürkəm.
Əhrimənlər qarşısında sanma çökəm, boyun bükəm.
Bircə kişi qalsam belə,
güman etmə, yalqız, təkəm.
Mən – dünənəm, mən – bugünəm,
gələcəyəm, yerəm-göyəm.
Həzrət Əli qılıncıyam, oddan gərək bir qın geyəm.
Kəsib keçəm xəyanəti, cinayəti, alçaqlığı.
Altı milyard insanlığam, qarı düşmən, sənsə təksən.
Zəhər saçan
bir əfisən, tor quran bir hörümçəksən,
Təpiyimin altındaca gəbərəcək, öləcəksən.
4. Bədii təsvir və ifadə vasitələrinin növünü müəyyənləşdirib yazın. Fikrinizi əsaslandırın.
Bədii təsvir və ifadə vasitələrinin işləndiyi cümlələr
Bədii təsvir və ifadə vasitələrinin növü
(nə üçün belə düşünürsünüz?)
Sənsən həsrət gözlərimin həm qarası, həm də ağı.
Nurlu dağsan… zülmət dağı devirəcək, yıxacaqsan.
Bağrı yanmış Qarabağım bir də qalxıb göyərəcək.
Mən – dünənəm, mən – bugünəm, gələcəyəm,
yerəm-göyəm.
Zəhər saçan bir əfisən, tor quran bir hörümçəksən.
5. Əsərlə bağlı doğru fikirləri müəyyənləşdirib, münasibət bildirin.
a) Əsərdə Azərbaycanın qələbəsinə inam hissi ifadə olunub.
b) Qarabağ uğrunda şəhid olanların qisasını almağa çağırış əksini tapıb.
c) Qarabağ dəhşətlərini, faciələri unutmamaq tövsiyə olunub.
d) Müstəqilliyimizin, azadlığımızın qəsdinə duranlara nifrət ifadə edilib.
e) Digər xalqlara kömək məqsədi ilə müraciət olunub.
I d ə r s
M ə z m u n ü z r ə i ş
178
6. Kiçik qruplarda birləşib yerinə yetirdiyiniz bütün işlərin
nəticələrini müzakirə edin, dəqiqləşdirmə
və ümumiləşdirmə aparıb təqdimata hazırlaşın.
7. Gəldiyiniz nəticə ilə bağlı təqdimat əsasında fikir mübadiləsi və müzakirə aparın.
• Mövzulardan birini seçib təqdimata hazırlaşın.
a) Şeirdəki hansı misraların üzərində daha çox düşündüm?
b) Şeir mənə hansı əsərləri xatırlatdı?
• Əsərin təhlilinə hazırlaşın.
1. Mətni oxuyun. Tapşırıqları yerinə yetirərkən ordakı fikirlərdən faydalanın.
Bədii yaradıcılığı və ictimai fəaliyyəti ilə xalqımızın azadlıq mübarizəsinin önündə gedən Xəlil Rza
Ulutürk zindana salınmasına, təqib və təzyiqlərə baxmayaraq, tutduğu yoldan dönməmiş, əqidəsinə
sadiq qalmışdır. Qarabağın itirilməsi təhlükəsi yarananda o, xalqı silahlanmağa, vətəni müdafiə etməyə,
düşmənlə döyüşə səslədi. Bu dövrdə şairin vətəndaşlıq lirikası daha mübariz səciyyə daşımış,
həmvətənlərimizin dilinin əzbəri olmuşdur.
Mübarizəyə, döyüşə çağırış, qələbəyə inam ifadə olunan “Qaytar mənim qüdrətimi, Azərbaycan!”
şeirinin üzərində müşahidələrinizi davam etdirin, müəllifin müxtəlif mətləblərə münasibətini
aydınlaşdırmağa çalışın. Bunun üçün sözlərə,
ifadələrə, təsvir və ifadə vasitələrinə diqqət yetirin.
Şairin yaradıcılığı, xüsusən “Qaytar mənim qüdrətimi, Azərbaycan!” şeiri ilə əlaqədar müxtəlif
mənbələrdən topladığınız aşağıdakı qəbildən məlumatdan təhlildə istifadə edin.
Xəlil Rza bir vətəndaş, bir insan kimi bütün xüsusiyyətləri ilə
daim sevilmişdir. Mən daim onun yaradıcılığına, insanlığına,
vətəndaşlığına, ən çox da cəsurluğuna, əyilməzlyinə, öz ideya-
larından dönməzliyinə hörmət etmişəm, onu yüksək qiymət-
ləndirmişəm.
Heydər Əliyev
Ümummilli Lider
Xəlil Rza Ulutürk ensiklopedik zəkalı alim, böyük ürək sahi-
bidir. Alimlik, şairlik, vətəndaşlıq, qeyrət və hünər onun şəxsiy-
yətində birləşmişdir, amma hansı tərəfdən baxsan, o, qüdrətli,
coşqun, Prometey hünərli şairdir.
Qulu Xəlilli
Azərbaycanın azadlığı və müstəqilliyi yolunda mübarizəni öz
yaradıcılıq amalına çevirən Xəlil Rzanın cəsarətli vətəndaşlıq
şeirlərində zamanın nəbzi döyünürdü. Keçən əsrin 80-90-cı
illərində öz dövrünə sığmayan ictimai fəaliyyəti və mübariz
şeirləri Xəlil Rzanı, obrazlı desək, dəryada qopan tufanın azman
dalğaları ilə çarpışan fırtına quşuna bənzədirdi. Sarsıntı keçirən
imperiyanın öz ömrünü uzatmaq üçün qana susadığı bir vaxtda
odlu-atəşli şeirləri ilə qıy vurub hamını ölüm-dirim müba-
rizəsinə səsləyən Xəlil Rzanın hünərini yalnız döyüşkən nəğ-
məsi ilə qorxunc dalğalara meydan oxuyan fırtına quşunun
cəsarətinə bənzətmək olar.
Teymur Əhmədov
E v d ə i ş
I I d ə r s
T ə h l i l ü z r ə i ş