174
2. Poemanı janr baxımından M.İbrahimovun “Gələcək gün” romanı ilə müqayisə edin. Cədvəldən
istifadə edin.
Müqayisə hansı əsaslar üzrə aparılır
“İstiqlal” poeması
“Gələcək gün” romanı
3. B.Vahabzadə haqqında fikirlərlə tanış olun. Onlara münasibət bildirin.
Azərbaycanın müstəqilliyi uğrunda mübarizədə Bəxtiyar
Vahabzadənin xidmətləri böyükdür. Ölkəmizin xüsusən o çox
gərgin vəziyyətində siz vətəndaşlıq, ziyalılıq cəsarəti göstər-
misiniz. Ona görə də nə mən, nə də xalqımız bunu unuda
bilmərik və onu yüksək qiymətləndiririk.
Heydər Əliyev
Ümummilli Lider
Bizi əhatə edən aləmdə hər nə varsa, şairi dərindən düşündürür,
Xeyir və Şəri, gözəlliklə eybəcərliyi, böyüklüklə kiçikliyi – bir
sözlə, insan ruhunun ali və xırda duyğularını poeziya səviy-
yəsinə qaldırmaq ehtirası Bəxtiyarın fitrətindəndir. Lirizm və
vətəndaşlıq Bəxtiyarın yaradıcılığında ayrılmaz qoşa cümlədir.
Bəxtiyar vətənpərvərdir, aqildir, sözün yaxşı mənasında, nəsi-
hət verən, yol göstərən sənətkardır.
Çingiz Aytmatov
Türk ədəbiyyatı üçün Mehmet Akif, Yəhya Kamal, Nəcib Fazil
nə isə, Azərbaycan ədəbiyyatı üçün də Bəxtiyar Vahabzadə
odur. Bu baxımdan, yeni Azərbaycan Cümhuriyyətinin yaran-
masında onun hayqıran yaradıcılığının mühüm bir payı vardır.
Yavuz Bülənt Bakilər
Bəxtiyar xalqının, vətəninin sevgisini, qayğısını qazanmış bir
şairdir. Bu isə yaradıcı insan üçün ən böyük bir səadətdir.
Balaş Azəroğlu
• Mövzulardan birini seçib təqdimata hazırlaşın.
a) Xalq şairi B.Vahabzadə və ölkəmizdə gedən milli azadlıq mübarizəsi.
b) B.Vahabzadənin yaradıcılığı və türk dünyası.
E v d ə i ş
175
• II mərhələ •
XX əsrin ortalarından günümüzə qədərki ədəbiyyat
•
2
QAYTAR MƏNİM QÜDRƏTİMİ, AZƏRBAYCAN!
(ixtisarla)
Başım, beynim tüstülənir, varlığımda kədər, təlaş.
Gözlərimdə ildırımdır damla-damla axan qan-yaş.
Mən yenidən doğulmasam, daşam, inan, qupquru daş.
Taqətim ol, qeyrətim ol, qoy dirçəlim yavaş-yavaş.
Sənsən həsrət gözlərimin həm qarası, həm də ağı.
Qaytar mənim qüdrətimi,
Odər yurdu, Od torpağı!
Mən bilirəm: dərdlərini yumruğunda sıxacaqsan.
Sən bu dibsiz cəhənnəmdən çıxacaqsan…Üzü ağsan.
Nurlu dağsan… zülmət dağı devirəcək, yıxacaqsan.
Boğazından yapışanı boğmalısan, boğacaqsan.
Təbrizləri, Ülviləri sən yenidən doğacaqsan.
Öz bətnindən doğacaqsan İstiqlalı, Azadlığı.
Qüdrətim ol, ey ümidim, ey qəhrəman Od torpağı!
Nə Bağ Ata əfsanədir, nə Nizami, nə də Babək.
Gözlərinə
Nəiminin, Nəsiminin şəklini çək.
Həqiqəti dəfn eləmək istəyənlər gəbərəcək.
Bağrı yanmış Qarabağım bir də qalxıb göyərəcək.
Göyərəcək çiçək-çiçək, lalə-lalə, ləçək-ləçək.
Gözlərimin çeşməsilə suvarıram o növrağı,
Növrağımsan, bayrağımsan, Odər yurdu, Od torpağı!
• Yüzilliyimizin böyük vətəndaşlarından
biri olan xalq şairi Xəlil Rza Ulutürk
təkcə
böyük şair, görkəmli alim, əvəzsiz
tərcüməçi deyildi. O həm də azadlığı
“qram-qram” istəməyən, milli mən-
liyimiz yolunda qələmini qılınca çevirən
Babəkimiz idi.
Şahmar Əkbərzadə
XƏLİL RZA ULUTÜRK
(1932 – 1994)
Yada salın
–
Xəlil Rza Ulutürkün hansı əsərləri ilə tanışsınız?
– Onun əsərlərində diqqətinizi daha çox çəkən nə olub?
Düşünün
– “Vətən üçün təhlükə yarananda həqiqi sənətkarın qələmi süngü,
özü əsgər olur” cümləsində ifadə olunmuş fikri doğru saymaq
olarmı?
Oxuda aydınlaşdırın
− Əsərdə tanış olmayan sözlərin mənasını lüğətlərin, sorğu
kitablarının köməyi ilə aydınlaşdırın.
− Əsərdəki bədii təsvir və ifadə vasitələrini müəyyənləşdirin.
176
Ballı qaya…Ərimgəldi… Xaçındərbənd…Cıdır düzü…
Xəzinəmdir yerin altı, saf aynamdır göyün üzü.
O çöllərdə Təbrizimin əl həniri, ayaq izi…
Qoy bürüsün Qarabağı
gül sərgisi, gül dənizi.
Alaq düşmən caynağından Sırxavəndi, Canyatağı.
Yatağım yox, otağım yox, varlığımsan, Od torpağı.
Qudurğanlar dinc durmasa, Daşqın, Tufan olasıyam.
Yırtıcılar dünyasını burulğana salasıyam.
Nakam gedən mərdlərimin qisasını alasıyam,
Ölsəm belə, bu aləmə mən yenidən gələsiyəm,
Anaların gözlərindən qanlı yaşı siləsiyəm,
İnan mənə: əbədisən, ey bəşərin haqq bayrağı,
Batan, çıxan Günəşimsən, Odər yurdu, Od torpağı!
Ürəklərdən alov qalxır: – Can Daşaltı!.. Can Xocalı!
Pulemyotlar, toplar coşdu: – Sovrul göyə, yan Xocalı!
Dağın, daşın
başdan-başa qan dənizi, qan Xocalı!
O dəhşəti, o vəhşəti min illərlə an, Xocalı!
Şəlalələr qana döndü, qan-yaş gördüm hər bulağı.
Boynubükük bənövşəni kimlər qırdı, Od torpağı?
Qaranlıqda oğru kimi yurda gecə girdi onlar,
Ulduzları güllələyib göydən yerə sərdi onlar.
Beşiklərdən tər qönçəni, ilk nübarı
dərdi onlar,
Çocuqlara əmzik deyil, od lüləsi verdi onlar.
İsti külə döndərdilər bar üstündə min budağı,
Unutmazsan o alçağı, Odər yurdu, Od torpağı!
Yadda saxla, qoca tarix, mən Türk oğlu Ulutürkəm.
Əhrimənlər qarşısında sanma çökəm, boyun bükəm.
Bircə kişi qalsam belə,
güman etmə, yalqız, təkəm.
Mən – dünənəm, mən – bugünəm, gələcəyəm, yerəm-göyəm.
Həzrət Əli qılıncıyam, oddan gərək bir qın geyəm.
Kəsib keçəm xəyanəti, cinayəti, alçaqlığı.
Eşqim, hüsnüm, cəlalımsan, Odər yurdu, Od torpağı!
Əhrimənlər yuvasını darmadağın edəcəksən,
Qalxıb
sabah Aya, Marsa, ulduzlara yetəcəksən.
Altı milyard insanlığam, qarı düşmən, sənsə təksən.
Zəhər saçan bir əfisən, tor quran bir hörümçəksən,
Təpiyimin altındaca gəbərəcək, öləcəksən.
Təbərrikim, tutiyam bil Qaradağı, Qarabağı.
Yüksəl Günəş mövqeyinə, Odər yurdu, Od torpağı!