TƏSADÜFİ YAXŞILIQDAN
QORXURAM
Təsadüfi yaxşılıqdan qorxuram -
Qəfil gələn,
ürək dələn xəbərtək.
Təsadüfi yaxşılıqdan qorxuram,
(Təsadüfə hazırdımı hər ürək?)
Təsadüfi yaxşılıqdan
qorxuram -
Qorxu gəzir addımımla, adımla,
Qorxuram ki,
həmən yaxşı adamla
təsadüfən görüşək -
tanımayam onu mən;
Sonra isə,
Sonra isə...
Öləm xəcalətimdən!..
Səyavuş Sərxanlı
------------------------------------------------------
1972-ci il
LAYLA ÇALA BİLMİR
İNDİKİ QIZLAR
Layla çala bilmir indiki qızlar;
El-oba sarıdan, ocaq sarıdan,
Tarixlər yaradan soraq sarıdan;
Əsli, nəcabəti, kökü sarıdan,
Dünyanın borcluluq yükü sarıdan
Ürəyi yalınlar,
eşqi dayazlar...
«
51
$
Si?
Vətən, səslə oğlunu
Layla çala bilmir indiki qızlar;
Ötəri dəblərin "təkəri" olan,
Evində qürbətin nökəri olan,
Özgə cındırıyçün özündən gedən,
Vüqarı, həyası üzündən gedən,
Başın içini yox, çölünü güdən
Amalı qalınlar,
Ağrısı azlar,
Tamahı qılıncdan iti nasazlar!
M ənəm ulduz-ulduz asılan göyə,
M ənəm yüz obada qoşulan neyə,
Elə durub, durub deyirəm niyə
Layla çala bilmir indiki qızlar?!
Köhnə - köhnə oldu nə vaxtdan bəri,
Bilsinlər yerini qışın-yazın qoy.
Köçəri olsa da,
qız taleləri
Köçəri quşlara oxşamasın qoy!
Hardasan, hardasan, ay ev yiyəsi.
Mən oğul səsiyəm,
Eşit ay ana:
Qızın ev olmamış,
evləri gəzir,
Daş atır qaranquş yuvalarına.
M əəttəl qalmışam
o meydan qıza,
Barından-bəxtindən gül üzür hələ;
Gündə bir görüşdən qayıdan qıza
Anası-dayəsi çay süzür hələ!
Qəlbiçıraq qızlar
gözüm-canımsa,
Onlar beşdi,
ondu,
min olan deyil;
Ana - qulluqçusa,
Qızlar — xanımsa,
Xalqımın sabahı minalandı, bil!
Deyərsən yağ içib dünyadan keçib,
Fikrində nə layla, nə beşik olmaz.
Hazırın naziri
hazır ər seçib,
Gedər, uşaq doğar,
ev-eşik olmaz...
Səsləyin, analar qalxsın məzardan,
Toy tutsun bugünkü qismətlərinə;
Layla öyrətməyib onlar o zaman,
İndi kim utansın
Kimin yerinə?!
Layla çala bilmir indiki qızlar...
Onların şöləsiz gələcəyini,
Laylasız, nəvəsiz gələcəyini,
Meyvəsiz, bəhrəsiz gələcəyini,
Xəznəsiz, dəfnəsiz gələcəyini,
Daraqsız, cəhrəsiz gələcəyini,
Hanasız, həvəsiz gələcəyini,
Kilimsiz, gəvəsiz gələcəyini,
İnəksiz, dəvəsiz gələcəyini,
Səmicsiz, nehrəsiz gələcəyini,
Ağısız, nəğməsiz gələcəyini,
Xəmirsiz, külfəsiz gələcəyini,
Çırağı haləsiz gələcəyini,
Səyavuş Sərxanlı
----------------------------------------------------
Vətən, səslə oğlunu
Demirəm ta nəsiz gələcəyini, -
Duyub düşündükcə, ürəyim sızlar...
Qoy gülsün gülənlər saca, ərşinə,
Ocaqlar yaxası yaz olsun gərək;
Qızlar, əziz qızlar
Ana dərsinə,
Ana məktəbinə yazılsın gərək!..
1980-ci il
VİDADİNİN XATİRƏSİNƏ
Xəzan vurğunuydu,
hissi dənizdi...
Xəzana qoşulan bir yarpaq oldu.
Qəlbi, düşüncəsi oddan təmizdi -
Kim deyər qaralıb o torpaq oldu?
Hamının qəlbində o boy göstərib,
Hamının yerinə yaşayardı o.
Dünyadan hamıya gülüşlər dərib,
Hamının dərdini daşıyardı o.
Önündə susardı tənqidçilər də,
Axı, söz mülkünün tanrı günüydü!
Yazı duyğusunda,
xeyirdə,
şərdə
Bizim hamımızdan o üstünüydü.
Dünya işlərindən yaxşı halıydı,
Bilirdi gül nədi,
Səyavuş Sərxa n lı-------------------------------------- -------------------
nədi yağan qar;
Göyüzlü gülüşü min mənalıydı -
O sirr ayda olar, günəşdə olar!
Ölüm qara yeri bir yol da böldü,
Bir də at oynatdı qəmin sağ-solu;
Vidadi ölmədi - ruhumuz öldü,
Bir də yetim qaldı yazı stolu...
Bakı,_9_noyabr_1988-ci_il'>Bakı,
9 noyabr 1988-ci il
Ömür bir aləmdir,
qayğı min aləm,
Qayğıdan don biçək düzə, dağa da;
Di gəl, başqaları küsməz deyirəm,
Bir az gün ağlasaq özümüzə də.
Bir az gün ağlasaq - dünya dağılmaz,
Eldə yetim qalan işıqlara da.
Sübhəcən gözlərə qanlar sağılmaz,
Bir az gün ağlasaq aşıqlara da.
Bir az gün ağlasaq varaqlara da,
Şam kimi əriyən qələm ə də biz;
Gecəyə göz olan çıraqlara da,
Söz adlı bu yazıq aləmə də biz...
Bir az gün ağlasaq ötən çağlara,
Bir az gün ağlasaq qeyrətimizə -
Vətən, səslə oğlunu
Bu düşmən deyilən
qalar ağlara,
Yad əli ömründə qalxmazdı bizə.
Bir az gün ağlayaq - diz çökürəm mən,
Qoruyaq millətin körpələrini;
Onları göz üstə saxlasın Vətən -
Bu gündən
sabaha
körpülərini...
Bakı,
31 avqust 1991-ci il
MƏHƏBBƏT, MƏHƏBBƏT
M ənə yuxu kimi gəlir bu görüş...
Qurbanı olduğum həqiqətiylə,
Oduna yandığım qəm sərvətiylə,
Dadıyla-duzuyla, herarətiylə
Mənə yuxu kimi gəlir bu görüş.
Ayrılıq gözümü yaman qorxudub,
Könlüm zülmət evi, sən ona işıq;
Bu şirin vüsalın əlindən tutub,
Ağrı-acıları tamam unudub,
Biz bu gün dünyadan oğurlanmışıq.
M ənə yuxu kimi gəlir, əzizim,
Sinəmə çay kimi axan bu saçlar;
M ənə, yuxu kimi gəlir, əzizim,
Dostları ilə paylaş: |