302
Ordeninə verdi. Fransa həmçinin öz müstəmləkələrini bərpa etdi, lakin əvəzində
Cənubi və Mərkəzi İtaliyadan çəkilməli idi.
Amyen sülhündən sonra Prussiya, Bavariya, Türkiyə və Rusiya ilə danışıqlar
getdi, hərbi istedadından aşağı olmayan Bonapartın diplomatik bacarığını da bu
danışıqlar açıq qaydada sübut etdi. Birinci konsul qərara aldı ki, 18 bryumerin
ildönümü milli bayram kimi qeyd edilsin.
Sülh Bonaparta ürəyində bəslədiyi layihələrə özünü həsr etməyə imkan
verdi. Mülki Məcəllənin inkişafı Fransanın birləşməsinə, vahid görkəm almasına
kömək etməklə, onu regional parçalardan uzaq olan həqiqi bir millət kimi
edəcəkdi. İnqilab dövründə müharibə şəraiti, sabit dəyişən cəmiyyətdə işlərin
daimi quruluşların əlinə keçməsinə imkan vermirdi.
12 avqust 1800-cü ildə dörd hüquqşünasa Kodeksin birinci variantının
layihəsini hazırlamaq tapşırıldı və bu iş 1 yanvar 1801-ci ilə başa çatdı. Bu Kodeks
söz, sitayiş və sahibkarlıq azadlığını verirdi, həmçinin qanun qarşısında bütün
vətəndaşları bərabər elan edirdi. Lakin Roma hüququna qayıdaraq, Kodeks ailəni
patriarxal hakimiyyət üzərində qururdu, bunun nəticəsi kimi qadınlar öz
mülkiyyətlərini idarə etməkdə məhdudlaşdırılırdılar və hətta əri və ya arvadı
seçmək məsələsinə qədər uşaqların azadlığı sərt ata himayəsinə həvalə edilirdi.
Əmək qanunçuluğu sahəsində Kodeks nəzərdə tuturdu ki, mühakimə olunduqda
işlə təmin edənin sözü ona tabe olana nisbətən daha böyük çəkiyə malik olacaqdır.
Üstəlik siyasi xarakterli işçi təşkilatları qadağan olunurdu və hər bir maaş alan
adam onun işdəki davranışını əks etdirən kitabçaya malik olmalı idi. Bu əxlaqın
zəifləməsinə, ənənələrdən uzaqlaşmağa və boşanmanın asanlaşmasından yaranan
ailənin dağılmasına qarşı olan reaksiyanın göstəricisi idi. Bu həmçinin Fransanın
iqtisadi quruluşunun konsolidasiyası cəhdi kimi və onlara dəstək verməklə varlı
burjuaziyanın himayə edilməsi kimi də görünürdü.
Napoleon dövlət bankını, prefekturaları, məhkəmələri yaratdı, çox sayda
qanunları redaktə edirdi. Kambaseresin redaksiyası altında “Mülki Kodeks”
hazırlandı, sonralar bu, “Napoleon Kodeksi” adlanacaqdı. Kodeks fransızların
anadan olandan ölənə qədər həyat rejimini nizamlayırdı. Kodeks bəyan edirdi ki,
303
“Biz fransızlarıq, çünki Fransada doğulmuşuq. Mülki Kodeksin təsir dairəsinə
bizim vəfatımız, mülkiyyətimiz də daxildir”. Napoleon “Mülki Kodeks”i bütün
Avropaya yaymaq istəyirdi.
O, Sen-Sir hərbi məktəbini yaratmışdı, universitetlər təsis etmişdi. Bonapart
həm də sənayenin inkişafı ilə yaxından maraqlanırdı. Ölkədə körpülər salınır,
yollar tikilirdi. Bu dövrdə ölkədə 50 min km uzunluğunda yol çəkilmişdi.
Fransanın bu günkü yol sisteminin də əsası onun tərəfindən qoyulmuşdu.
Sonralar Fəxri Legion ordenini təsis etdi. Öz portreti olan bu ordeni öz
vətəndaşlarının döşünə taxırdı, hətta monarxlar heç vaxt belə qaydaya əl
atmamışdılar. Həm də təltif olunanlar həm əsgər, həm də general ola bilərdi. Bu
vaxta qədər ordenlərdə yalnız müqəddəs şəxsiyyətlər və ölkənin baniləri öz əksini
tapırdı. Napoleon isə unikal və universal bir şəxsiyyət idi. Öz mənşəyindən və
sosial vəziyyətindən asılı olmayaraq hər bir fərqlənən şəxs bu ordenə layiq
görülürdü.
21 mart 1804-cü ildə Kodeks bütün Fransada qanun gücünə malik oldu.
Qanunvericilik və siyasətçilər administrasiyaya özlüyündə etibarlılıq təminatı verə
bilməzdilər. Bonapart inandırılmışdı ki, vicdan heç də təkcə fövqəltəbii qüvvədən
qorxmaqla idarə olunmayacaqdır. O, katolik kilsəsini siyasi nəticələrə gətirib
çıxaran qorxu kanalı kimi icad edilmiş ən gözəl alət hesab edirdi. Və o görürdü ki,
kilsə ilə dövlət arasındakı ittifaq xaos və mülki zorakılıq əleyhinə təminatdır. Kilsə
ilə əlaqələr olduqca zəifləmişdi, çünki yalnız keşişlərin cüzi azlığı 1791-ci il
Konstitusiyası ilə and içmişdi. Çoxluq isə aktiv qaydada dövlətə qarşı işləyirdi,
çünki dövlət kilsə mülkiyyətinin böyük hissəsini müsadirə edib satmışdı. Digər
tərəfdən İnqilab tərəfindən doğulan bonne societe – yaxşı cəmiyyət uşaqların
tərbiyəsini keşişlərə etibar olunmasına görə ittiham olunurdu. Bir şey məlum idi ki,
Roma kilsəsi ilə yenidən barışıq situasiyasına, xüsusən də Vandeyada vəziyyəti
normallaşdırmağa kömək edəcəkdi, ölkədən kənarda isə Avstriyanın başçılıq etdiyi
katolik ölkələri ilə düşmənçiliyin zəifləməsinə şərait yaradacaqdı.
Daxildə daha qəzəbli müxalifət yakobinçilərdən və yepiskoplardan gəldi.
Konkordat (kilsə ilə barışıq) dövlətin dünyəvi prinsipləri ilə ziddiyyət təşkil
304
edəcəkdi, bu isə İnqilabın təməl ehkamlarından biri idi. Həm də bu kilsə
mülkiyyətinin müsadirə edilməsinin təsdiq olunmasına, boşanma institutuna və
təcrübəsinə ziddiyyət təşkil edəcəkdi. Yepiskoplar anqlikan tipli sxizmin
(dönüklüyün) təhlükəsinə görə sakit qalmağa məcbur idilər. Yakobinçilər bunu
qəbul etməli idilər ki, dövlət dini, daxili qayda qanunsuzluqdan daha az şər idi.
Danışıqlar 6 noyabr 1800-cü ildə Parisdə başladı və səkkiz ay davam etdi. Papa
fransız yepiskopatı üzərində öz hakimiyyətinin yenidən qurulmasına ümid edirdi.
Papanın bir ümidi də 1797-ci ildə ondan alınmış italyan ərazilərinin bərpa edilməsi
ilə əlaqədar idi. Bonapart isə dünyəvi hakimiyyətin faydası üçün mümkün olan
maksimum güzəştləri çıxarmaq istəyirdi. Ratifikasiya dövrünə qədər müqaviləyə
əlavələr etmək hüququ saxlanırdı. Bonapart bu müqaviləni 1801-ci ilin
sentyabrında, Papa isə dekabrda imzaladı.
Katolitsizm konsulların və əhalinin bir hissəsinin dini kimi fransız dövləti
tərəfindən tanındı. Bütün vətəndaşlar üçün sitayiş azadlığına təminat verilirdi.
Hökumət onunla tam ittifaqa girən yepiskopları təyin edirdi, lakin onlar öz
səlahiyyətlərini Papanın razılığı olmadan icra edə bilməzdilər.
Bonapart Konkordata 121 əlavə etdi, bunların hamısı kilsəni dövlətə tabe
etmək məqsədini güdürdü. Onlardan ən vacibləri vətəndaş nikahının mərasiminə
dini nikahdan üstün və onu möhkəmləndirmək hüququ vermək, bütün siyasi
hərəkətləri birinci növbədə fransız hökumətinə tabe edilməsi idi.
Lakin Konkordatın elan edilməsi ləngidi, çünki Konstitusiya tələb edirdi ki,
sənəd qanunvericilik assambleyası tərəfindən ratifikasiya edilsin, lakin assambleya
tamamilə kilsəyə düşmənçilik münasibəti bəsləyirdi. Bu yalnız müxalif qüvvələrin
çarpışmasından sonra baş verə bilərdi və Birinci konsula böyük nüfuz bəxş edən
Amyen sülhünün imzalanması ilə kilsə qanunu bütün ölkədə 18 aprel 1802-ci ildə
elan edildi. Napoleon sonralar təkid edirdi ki, onun Mülki Kodeksindən asılı
ölkələrdə də istifadə edilsin. Bu Kodeksin ədalətin təntənəsinə və insan
münasibətlərinə əsaslandığını göstərirdi. Ölkə qanunlarının onun xüsusi milli
xarakterinə və tarixinə güzgü olması barədəki ideyanı o, qəbul etmirdi. O,
düşünürdü ki, xalq hər yerdə eyni şeyi istəyir və ona da layiq olur. O, heç bir şübhə
Dostları ilə paylaş: |