94
kölgəsi dəyişir və pulsasiya edir. Bu tomoqrammada, köndələn proyeksiyalarda daha yaxşı aşkar
olunur. Damar şişi daha yaxşı selektiv anqiopulmonoqrafiya zamanı üzə çıxır.
Sadalanansimptomların hamısı vərəmdə aşkar olunmur, çünki angiopulmonoqrafiya zamanı
onunla birlikdə ağciyər arteriyası və venası da kontrastla dolur.
Deyilənlərdən başqa, bəzən qeyri-spesifik sətəlcəmin də şar şəkilli forması olur. Bəzən
angiofibroma olur, döş qəfəsi divarında miomaya və bəzilərində isə qabırğanın osteomasına rast
gəlinir ki, bunların hamısı tuberkuloma ilə differensiasiya olunmalıdır.
Tuberkulomanın müalicəsi bir qədər mübahisəlidir. Bəziləri tuberkulomanın mütləq cərrahi
müdaxiləyə cəlb olunmasının, bəzi müəlliflər isə antibakterial müalicə olunmasının tərəfdarıdır.
Bizim fikrimizcə, tuberkuloma ancaq aktiv fazada antibakterial uzunmüddətli vərəm əleyhinə
dərmanlarla müalicə olunmalıdır və müxtəlif patogenetik dərmanlardan istifadə edilməlidir. Belə
hallarda, xüsusilə tuberkulomada dağılma boşluğu yaranıbsa və о aktiv fazadadırsa, aparılan
müalicə effekt verir və tuberkuloma bir sıra hallarda tam sorulub sağala bilir. Rentgen şəklinə
görə qeyri-aktiv tuberkulomaların, xüsusilə gənclərdə antibakterial müalicəsi az effektli olur.
Şarabənzər törəmələr diaqnozu müəyyən olunmadıqda onları müalicə etmək böyük riskdir. Belə
dəyişməyən qeyri-aktiv tuberkuloma kimi hallarda cərrahi müdaxiləyə birbaşa göstəriş vardır.
Kiçik ölçülü inkapsulyasiya olunmuş tuberkulomaların müşahidəyə daha çox etiyacı vardır.
Ümumiyyətlə, inkapsulyasiya olunmuş tuberkulomaların antibakterial müalicəsi çox zəif və
effektsiz olur. İlk dəfə aşkar olunmuş və aktiv formada olan, xüsusilə də dağılma boşluğu olan
tuberkulomaları uzunmüddətli vərəm əleyhinə müalicə aparmaq, patogenetik dərmanlardan
tuberkulin, lidaza, prednizalon, immunostimulyatorlardan istifadə edərək kazeozun qopub
ayrılmasına və yaranmış kavernanın çapıqlaşmasına qədər onu müalicə etmək lazımdır.
AĞ CİYƏRLƏRİN KAVERNOZ VƏRƏMİ
Kaverna latınca “cava” - mağara deməkdir. Ağciyərlərin kavernoz vərəmi ağciyər
toxumasının xəstəlik prosesi nəticəsində dağılması ilə əmələ gələn boşluqdur. Vərəm kavernası
ağciyərin dağılma fazasında olan infiltrativ vərəmin son, fibroz-kavernoz vərəmin isə başlanğıc
mərhələsidir. Ağciyərlərin kavernoz vərəmi formalaşmış kaverna ilə xarakterizə olunur. Ağciyər
toxumasında destruktiv, dağılma prosesi zamanı iltihabi ocaqda nekrotik toxumanın xüsusi bir
növü - kazeoz və yaxud da kazeozlu nekroz, yəni kəsmikvari nekroz əmələ gəlir. Əksər
xəstələrdə proteolitik fermentlərin təsiri altında kazeoz - kəsmikvari nekroz durulaşır, quru
kazeoz kütlələr mayeyə çevrilir. Bronxla əlaqəsi olan belə durulmuş kazeoz tədricən qopub
aralanır və boşluq əmələ gəlir.
Araşdırmalar göstərir ki, kazeozun durulaşması təkçə proteolitik fermentlərin təsiri
nəticəsində deyil,
mürəkkəb
immunobioloji
proseslərin
və
autoaqressiyanın
nəticəsində
baş
verir.
Bəzi
95
xəstələrdə iltihabi reaksiyalar əsas etibarilə eksudativ xarakterli olur və sorulmağa, invalyusiyaya
meylli olur, bəzən tamamilə sorulur, bəzən də çox minimal qalıq dəyişikliklərlə nəticələnir.
Digər xəstələrdə isə eyni bir prosesdə sürətlə kəsmikvari nekroz, yəni kazeozlu-nekroz inkişaf
edir və boşluq, destruksiya yaranır. Vərəm iltihabının inkişafının bu müxtəlifliyinin səbəbi hələ
tam məlum deyil. Destruksiyanın yaranması prosesin gedişinə və inkişafına olduqca mənfi təsir
göstərir və vərəm mikobakteriyalarının bronxogen yolla yuxarı tənəffüs yollarına, bağırsaqlara
keçməsi təhlükəsini yaradır, qanhayxırma və yaxud da ağciyər qanaxması kimi ciddi
ağırlaşmaların inkişafına gətirib çıxarır. Bundan başqa, ağciyərlərində destruksiya yaranan
xəstələr xəstəliyin rezervuarına, mənbəyinə çevrilirlər. Ətrafdakıların yoluxma təhlükəsi artır və
xəstənin özünün sağalmasında bir sıra problemlər yaranır. Məhz buna görədir ki, ağciyər
vərəminin xüsusi bir forması olan kavernoz vərəm və onun patogenezi, diaqnostikası, klinikası,
müalicəsi və profilaktikası müasir ftiziatriyanın vacib problemlərindəndir. Orqanizmin
reaktivliyinin azalması və sensibilizasiyasının yüksəlməsi, superinfeksiyanın mövcüdluğu, digər
xəstəliklərin qoşulması və bir sıra zərərli təsirlərin olması ağciyər vərəminin istənilən formasının
şiddətlənməsində və kavernanın yaranmasında mühüm rol oynayan faktorlardır. Göstərilən
faktorların təsiri ilə vərəm dəyişiklikləri olan sahədə damarların keçiricilik qabiliyyəti artır və
vərəm mikobakteriyalarının çoxalması sürətlənir. Qranulyasion toxuma və kazeoz kütlə, limfoid
elementləri və polinuklearlarla zənginləşir və bunlar da proteolitik fermentlər xaric edir, ətrafda
perifokal iltihabi zona əmələ gəlir. Sonra nekrobioz və kəsmikvari kütlənin irinli durulaşması ilə
destruksiya, boşluq əmələ gəlir. Bir müddət bu dəyişikliklər qapalı qalır, ancaq aparıcı bronxa
yol açılan kimi kəsmikvari nekroz aparıcı bronxa boşalır və azad olmuş, boşalmış nahiyəyə
atmosfer havası daxil olaraq destruktiv boşluq formalaşır.
Birincili vərəmdə spesifik sətəlcəmin, mərkəzi hissəsinin əriməsi nəticəsində destruktiv
boşluqların divarlarını sətəlcəmə cəlb olunmuş ağciyər toxuması təşkil edir. Belə destruksiya
kəskin pnevmoneogen xarakter daşıyır.
İkincili vərəmdəki infiltrativ fokusun dağılması da buna bənzər bir hal alır və patomorfoloji
şəkil eynilik təşkil edir. Destruktiv boşluğun daxili qatı kazeoz-nekrotik kütlədən ibarət olub
polinuklearlarla zənginləşmiş olur. Bundan sonra nazik spesifik qranulyasiya zolağı gəlir. Bu
zolaq dəyişikliyə uğramamış ağciyər toxuması ilə əhatə olunur. Onun tərkibində limfoid
elementləri, epitelioid və Piroqov-Lanqhans nəhəng hüceyrələri vardır. Bu növ dağılma
boşluqları kəskin hiperergik, pnevmoneogen xarakter daşıyır, yəni birincili vərəmdə yaranan
boşluqlara bənzəyir. Ayrı-ayrı yerləşmiş və yaxud da bir-birinə qovuşmuş kiçik ocaqların
dağılması zamanı başqa bir patomorfoloji şəkil ortaya çıxır. Belə halda formalaşmış destruksiya
boşluğunda qalıq kəsmikvari nekroz zonası və perifokal iltihab olmur. Belə boşluğun divarında
və ondan kənarda kazeoz və kirəcləşmiş inkapsulyasiyalı ocaqlar olur. Qranulyasiya qatı onda
qeyri-bərabər xarakterli olur və zəif inkişaf etmişdir. Bu destruktiv boşluqların ölçüləri о qədər
də böyük olmur və bunları parafokal, hiperergik adlandırırlar.
Ağciyərlərin səpələnmiş vərəmində dağılma boşluqları özünəməxsus xarakterə malikdir.
Divarları nazikdir, daxili qranulyasion və xarici birləşdirici toxuma təbəqələri zəif inkişaf
etmişdir. Adətən onlar dairəvi olur və ştamplanmış xarakter daşıyır. Belə boşluqlar simmetrik
olaraq ağciyərin yuxarı paylarında yerləşir. Tuberkulomanın dağılması nəticəsində yaranan
destruksiya boşluğunun da özünəməxsus patomorfoloji strukturu vardır. Boşluğun daxili
səthində qopub ayrılmamış kəsmikvari nekrozun massiv sahəcikləri vardır. Spesifik qranulyasiya
qatı və xarici fibroz kapsulı zəif inkişaf etmişdir. Adətən perifokal iltihabi zona yoxdur. Nadir
hallarda kazeoz endobronxit nəticəsində boşluq formalaşa bilir. Sonra isə bu boşluq peribronxial
Dostları ilə paylaş: |