________________Milli Kitabxana________________
Burada - Xaqani Xəlifənin qoşun
əhlini tərif edərkən onları səyyarələrin
xüsusiyyətləri ilə müqayisə edir. Burada - Müştəri - (Yupiter), Zühəl - (Saturn), Mərrix -
(Mars) səyyarələrinin adı çəkilir.
Qədim astrologiyaya görə Müştəri səadət və mülayimlik, başına tac qoymuş Zühəl
hökmranlıq, Mərrix müharibə, qəzəb rəmzləridir.
Xaqani hər üç əlamətin Xəlifə qoşununda mövcud olduğunu qeyd edir.
Səh. 36.
Sanki zər atırdnn, gəldi də çahar.
Yəni bəxtim gətirdi.
Məlumdur ki, nərd oyununda ilk əvvəl zərlərin qoşa dörd gəlməsi nəqş hesab olunur.
Səh. 37.
Xilqətin dörd arxı, görürsən əgər,
Sənə qibtə edər, paxıllıq edər.
Xilqətin dörd arxı - dörd ünsür: su, od, torpaq və havadan ibarətdir. Xaqani demək
istəyir ki, yaradılış özü sənin şərafətinə qibtə edir.
Səh. 37.
"Zəbur" nəğməsidir şirin nəğməsi...
Gözəl səsli Davud peyğəmbərin "Zəbur" (dini kitab) oxumasına işarədir.
Səh. 37.
Xəlilullah olmuş dövründə atam,
Deməli, əslində nəccar oğluyam.
Məlumdur ki, Xaqaninin atası Əli nəccar idi. Məşhur İbrahim Xəlilullah peyğəmbərin
atası Azər də nəccar olduğundan İbrahim Xaqani özünü İbrahim Xəlilullah və atasını da
onun atası Azər ilə müqayisə edir.
Səh. 37.
Qəlbimin oğlunu qurban gətirdim.
Xaqani, İbrahim peyğəmbərin öz oğlu İsmayılı qurban etdiyini xatırladaraq, öz
şerlərini qurban gətirdiyini bildirir.
Səh. 38.
İndi, bir özün de, şad olmazmı bəs,
Kənandan çıxaraq Misrə çatan kəs?
Bu beytdə məşhur Yusif və Züleyxa əhvalatı yada salınmışdır. Bu dastana görə
Kənanlı Yəqubun oğlu Yusifi öz qardaşları quyuya salıb qayıtdıqdan sonra yoldan keçən
tacirlər Yusifi quyudan çıxarıb, Misirə aparırlar. Yusifin diri olduğundan xəbər tutan
Yəqub çox sevinir.
Bu hadisə həm "Quran"da, həm ayrıca mənzum əsər halında, həm də Füzulinin
"Hədiqət-üs-süəda" əsərində geniş təsvir edilmişdir.
Səh. 38.
Əgər üzük qaşı qiymətlidir, bil,
Onun muma işi düşməmiş deyil.
Məlumdur ki, qədim zamanlarda böyük adamlar öz üzük qaşlarına adlarını yazdırar və
onu möhür kimi işlədərmişlər. Əksər halda bu möhür mum üzərində basılarmış.
Xaqani demək istəyir ki, o qədər qiymətli üzüyün də ən dəyərsiz muma işi düşür.
Burada şair, Xəlifənin də Xaqani şerinə müəyyən mənada möhtac olduğunu nəzərə
çarpdırır.
Səh. 40.
________________Milli Kitabxana________________
Bu üzüyün qaşı bahadır, düzü,
Camın gövhəridir, Cəmşidin gözü.
Tarixi əfsanəyə görə guya, qədim İran padşahı Cəmşidin camı "geytinüma", yəni
dünyanı göstərən adlanmışdır. Bu sehrli camda arzu edilən şəxsin harada və nə vəziyyətdə
olduğu gorünərmiş.
Burada Xaqani Cəmaləddinin verdiyi üzüyün Cəmşidin camından daha üstün ecaza
malik olduğunu qeyd edir.
Səh. 40.
Bu üzük zidd olmuş, bil, Əhrimənə...
Zərdüştilərə görə şər və qaranlıq allahı olan Əhrimən Cəmşidin möhründən qorxub
qaçmışdır. Burada - Xaqani, Cəmaləddinin verdiyi üzükdən də şər və fəlakətin uzaq
olacağını qeyd edir.
Səh. 41.
Onun hüzurundan, öpərək yeri,
Sədi-Əkbər kimi qayıtdım geri.
Sədi-Əkbər səmada öz hərəkəti zamanı irəli və sonra geriyə dönən xoşbəxtlik
səyyarələrindən birinin adıdır (Çox ehtimal ki, Müştəri səyyarəsi nəzərdə tutulur).
Xaqani öz dövrünün nücum elminə nə qədər yaxşı bələd olduğunu göstərməklə, eyni
zamanda özünü xoşbəxt hesab edib, İraqdan geri döndüyünə işarə edir.
Səh. 41.
Gəlib hüzuruma, dil tökdü bubbu.
Şərq əfsanələrində bubbu (hüdhüd) quşu Süleyman peyğəmbərdən Bilqeysə xəbər
aparıb-gətirən qasid kimi təsvir edilmişdir. O, eyni zamanda xəbərçi rəmzi kimi də
məşhurdur.
Burada - Xaqani şahın üzüyü almaq üçün gələn yaltaq elçisini də həqarətlə bubbu
adlandırır.
Səh. 43.
Qəzəb Tuğan şaha tərəf çəkərdi,
Tamah Təkin şaha tərəf çəkərdi.
Tuğan şah - Səlcuqilərdən Səncər şahın oğludur. (XII əsr) Təkin şah-qəznəvi
silsiləsinin banisinə işarədir (X əsr).
Səh. 43.
Yeddi qat gözümdə tez işıqlandı,
Doqquz qat elə bil alışdı, yandı.
Yeddi qat - yeddi təbəqədən ibarət hesab edilən yerə, doqquz qat-doqquz təbəqədən
ibarət hesab edilən fələklərə işarədir.
Səh. 44.
Adəm qırx səhərdə görmüşsə nələr.
Dini əfsanəyə görə guya Allah insanların babası hesab edilən Adəmi 40 gün
müddətinə yaratmışdır.
Səh. 44.
Boynunda var idi onun həmayil,
Yox, dörd kitab idi, həmayil deyil.
Dördkitab - dörd müqəddəs kitaba işarədir ki, bunlar "Tövrat", "Zəbur", ''İncil" və
"Quran"dan ibarətdir.
Səh. 45.
________________Milli Kitabxana________________
Söhbətə başladı; yarım hilalı,
Açılar-açılmaz, mən oldum halı.
Yarım Hilal - Xızrın dodaqlarına işarədir. Yəni o, ağzını açan kimi mən mətləbi
anladım.
Səh. 45.
Günəşi andıran parlaq sədəflə,
Otuz iki ulduz parladı səflə.
Burada - birinci misra Xızrın ağzına, ikinci misra isə onun dişlərinə işarədir.
Səh. 47.
Durma kölgəsində ikirənglinin...
İkirəngli - gecə və gündüzə, başqa sözlə, ikiüzlü dünyaya işarədir.
Səh. 48.
Dörd ana, doğrudan, qəribədir bu:
Nə üçün, görəsən, üç inci doğdu?
Dörd ana - dörd ünsür (su, od, torpaq və hava), üç inci isə mövcudatdan (nəbatat,
cəmadat və heyvanat) ibarətdir.
Xaqani demək istəyir ki, necə oldu ki, dörd ünsürdən biri-birinə bənzəməyən üç tipli
varlıq əmələ gəldi.
Səh. 49.
"Quran"ı bəzədi Osmanın qanı.
Məlum olduğu üzrə "Quran"ı yazan üçüncü böyük xəlifə Osmandır. O öz evində
öldürülərkən qanı yazmaqda olduğu "Quran" üzərinə tökülmüşdür.
Səh. 49.
Son uçmaq istəsən Turi-Sinayə,
Heç zaman meyl etme Puri-Sinayə.
Turi-Sina - Musa peyğəmbərin guya Allahla danışdığı dağın adıdır. Puri-Sina isə
məşhur filosof təbib Əbu Əli ibn Sinadır.
Xaqani demək istəyir ki, əgər sən də Musa kimi Allahla danışmaq şərəfinə nail olmaq
istəyirsənsə, Əbu Əli ibn Sinanın dalınca getmə!
Səh. 49.
Gəl, ey Puri-Əli, üz tut Allaha,
Gəl, Əbu-Əlidən az danış daha.
Puri-ədli Xaqani özüdür.
Yəni, ey nəccar Əlinin oğlu Xaqani, Əbu Əli Sinadan az danış!
Səh. 50.
Gəl, dinə arxalan, unutma dini,
Böyük sanma yunan Uqlidisini.
Üqlidis (Evklid) eramızdan əvvəl IV əsrdə yaşamış məşhur yunan alimidir. İlk dəfə
nücum və riyaziyyat elmi sahəsində böyük şöhrət qazanmışdır. Xəyyam və Nəsirəddin
Tusi onu yaxşı tanımış və yeri gəldikcə tənqid də etmişlər.
Səh. 51.
Nəmrudtək səni də dünya aldatmış.
Nəmrud - qədim Misirdə Allahlıq iddiası edən hökmdardır. Guya o, bu dünyada
cənnət və cəhənnəm yaratmaq fikrinə düşmüşdür.
Səh. 51.
Bu solğun üzlüyə qapılma bir an,
Dostları ilə paylaş: |