________________Milli Kitabxana________________
Abbasilər – Əməvilərdən sonra gələn ikinci böyük ərəb xilafəti Bu xilafət VII əsrin
ortalarından başlayaraq XIII əsrə qədər davam etmişdir.
Monqollardan Hülaku xan bu xilafətə son qoymuşdur.
Səh. 77.
Süleyman tikdirən zamanda bina,
Ona əcinnələr oldular bənna.
Əfsanələrə görə Süleyman peyğəmbər quşların, heyvanların, div və əcinnələrin
padşahı idi.
Xaqaninin bu beyti də həmin məsələyə işarədir.
Səh. 77.
Qiyməti üstündür belə bürclərin,
İskəndər tikdirən bürclərdən, yəqin.
İskəndər - Yunanlı İskəndər və ya Makedoniyalı İskəndər Zülqərnəyn adı ilə məşhur
sərkərdədir. O, Yunanıstandan tutmuş Hindistana qədər hərbi səfər etmiş və böyük bir
ərazini öz hakimiyyəti altına almışdır. Aldığı yerlərdə sədlər və bürclər tikdirməklə
məşhurdur.
Səh. 77.
Ey Keyvan şərəfli, Səmak cəlallı,
Ey Rizvan sifətli, behişt cəlallı.
Keyvan - (Zühəl) Saturn səyyarəsi. Səmak - işıqlı ulduz adıdır. Rizvan - guya behiştin
qapıçısıdır.
Səh. 78.
Üstürlab kimi o fitnə törədir.
Üstürlab - orta əsrdə göy cisimlərinin yerini müəyyənləşdirən nücum alətlərindəndir.
Səh. 78.
Olsa da zahirdə adları Buzər,
İşdə Buləhəbdən daha da bədtər.
Buzər - Məhəmməd peyğəmbərin yaxın köməkçisi, Buləhəb Haşimi isə peyğəmbərin
ziddinə gedən əmisidir.
Səh. 79.
Otuz ildən sonra baş verib bir sirr,
İyirmi bir bəla törəyəcəkdir.
Bu səhifədə qeyd edilən beytlərdə Xaqani bildirir: bəzi üzdəniraq münəccimlərin
dediyinə görə, guya 30 il sonra (1186-cı ildə) ulduzlar aləmində bir çaxnaşma olacağından
kürreyi-ərz məhv olacaqmış. Bu iddiaya bir çoxları inanıb, təşvişdə olduqları halda,
Xaqani (həm də Nizami) bu xəbərə inanmamışdılar (Doğrudan da, sonralar - yəni, 1186-cı
ildə heç bərk külək də əsməmişdi).
Səh. 80.
Vəta, Adəm, Xızır və Musa üçün...
Dördü də peyğəmbər adıdır.
Səh 80.
Tikərəm, şübhəsiz, onu "Yasin"dən.
"Yasin " - "Quran"da surə adı; matəm və təziyədə oxunur. Xaqani də bu surəyə
üstünlük vermişdir.
Səh. 80.
Bir möcüz göstərib mənalı sözdən,
________________Milli Kitabxana________________
Sudan, oddan paltar toxuyaram mən.
Bu beytdə Xaqani öz şeirlərinin su kimi axıcı və od kimi hərarətli olduğunu
göstərmək istəmişdir.
Səh. 80.
Üç bacı bağlasın başına ləçək.
Uç bacı - üç ulduza birlikdə verilən addır.
Səh. 81.
Musa ağacıdır ağacım tamam,
Tuba budağından düzəlib taxtam.
Guya Musa peyğəmbərin ağacı
(əsası) möcüzə göstərib,
əjdahaya çevrilər və
düşmənləri udarmış. Tuba da behiştdə bitən müqəddəs ağacdır.
Xaqani atasının dülgərlik sənətinə işarə edərək, öz şeirlərinin pak və möcüzə yaradan
olduğuna işarə edir.
Səh 82.
Hermes haradadır, hanı o alim'?
Gəlsin ki, təxtini özüm düzəldim.
Hermes - Misir riyaziyyatçısıdır. Hermesi tarixdə hesab, həndəsə, musiqi və tibb
elmlərinə bələd olan qədim yunan alimi kimi tərif etmişlər.
Səh. 82.
Nuh hanı ki, ona verim yadigar,
Bu memar təbimdən səttarə pərgar?!
Dini rəvayətə görə Nuh peyğəmbər zamanı dünyanı sel basır və Nuh belə bir selin
olacağını guya əvvəldən bildiyi üçün gəmi qayırıb, öz adamlarını və istədiyi heyvanları
suda qərq olmaqdan xilas edir. Xaqani dülgər olan Nuha öz şairlik təbilə pərgar verməyə
qadir olduğunu bildirmək istəyir.
Səh. 82.
Nə qədər məskənim bu xoş məkandır,
O, Şərvan deyildir, bir Xeyrəvandır.
Xaqani həmişə "Şirvan"ı "Şirvan" kimi işlədir. Demək istəyir ki, nə qədər mən
buradayam, o, şər yeri deyil, xeyir yeridir.
Səh. 82.
Sənətdə Azərdi, söhbətdə İsa,
Tabut qayırardı o Xəlilasa.
Azər- İbrahim Xəlilullah peyğəmbərin atası nəccar idi. Xaqani bu beytdə demək
istəyir ki, onun atası Əli də nəccar olub, tabut qayırardı. İsa kimi söhbəti ruh açan idi.
Səh. 82.
O da bir Əliydi - adlı dilavər,
Mən isə önündə bir sadiq Qənbər.
Bu beytdə Xaqani, atasının adı Əli olduğu üçün, onu imam Əliyə, özünü isə imam
Əlinin sadiq qulu olan Qənbərə oxşadır və bununla atasını sonsuz dərəcədə sevdiyini
bildirir.
Səh 83.
Çoxdandır bu kasa gəzdirən fələk,
Pay istər həmişə şerimi görcək.
Kasa gəzdirən fələk - göy qübbəsi və çərxi-fələyə işarədir. Beytin mənası: Bütün
dünya mənim şerimdən pay alır.
________________Milli Kitabxana________________
Səh. 84.
Mənalar kişisi o qoca anam,
İkinci Rabiə kimiydi tamam.
Rabiə - IX əsrdə yaşamış, öz dindarlığı və paklığı ilə şöhrət qazanmış bir ərəb qadının
adıdır. Xaqani, öz anasını da pak və dindar göstərmək üçün onu ikinci Rabiə
adlandırmışdır.
Səh. 84.
Ona da Məryəmtək atdılar böhtan,
O da Zəhra kimi paylardı ehsan.
Məryəm - İsa peyğəmbərin anası. Onu töhmətləndirirdilər ki, atasız uşaq doğmuşdur.
Lakin, o, müqəddəs qadın olduğu üçün, töhmətlər onun ləkələnməsinə səbəb olmadı.
Guya, yeni anadan olan İsa dil açıb, anasının günahsız olduğunu söyləmişdir.
Zəhra - Məhəmməd peyğəmbərin qızı Fatimeyi-Zəhradır. Xaqaninin anası İslamiyyəti
qəbul edən xristian qızı olduğuna görə, Xaqani onu həm Məryəm, həm də Fatimə ilə
müqayisə etmişdir.
Səh. 84.
Nəsturi qızıydı, nəsli, məbədi.
Nəsturi - xristian məzhəblərindən biridir. Xaqaninin anası eyni zamanda atəşpərəstliyə
mənsub bir ailədən çıxmış olduğundan, o həm Xristianlıq, həm də Atəşpərəstliyi atıb,
İslam dinini qəbul etmişdir.
Səh. 84.
O, bir Filakusdu bizim dövrana.
Filakus - eramızdan əvvəl Yunan başçılarındandır.
Səh. 84.
Myastu yolunda əyləşərdi şad,
Siyruni dilini bilərdi azad.
Myastu - xristianlıq məbədlərindəndir. Siyruni dili - Suriyada yaşayan xristianların
dili.
Səh. 84.
O, Züleyxa kimi bir xanım ikən,
Sonra Yusif kimi qul oldu birdən.
Xaqani anasının Zuleyxa kimi adlı-sanlı olduğuna və sonra Yusif kimı qul sifətində
satıldığına işarə edir.
Səh. 85.
Üveys kimi bəndəm o arvada mən.
Üveys - Məhəmməd peyğəmbəri son dərəcə sevən əshabələrdəndir. Xaqani də
Üveysin Məhəmmədi sevdiyi qədər anasını sevdiyini nəzərə çarpdırır.
Səh. 85.
Mən təbib əmimdən almışam ilham,
Yeddi söz mülkünün bir Boqratıyam.
Xaqaninin təbib əmisi - Kafiyəddin Ömər ibn Osmandır. Yeddi söz mülkü - yeddi
iqlim və ya bütün dünyaya işarədir. Boqrat (Hippokrat) - tibbin babası adlanan məşhur
yunan təbibi. Eramızdan təqribən 5 əsr əvvəl yaşamışdır. Xaqani şöhrətdə özünü Boqrata
bərabər tutur.
Səh. 86.
Onunçün məskənim olmuş asiman,
Dostları ilə paylaş: |