________________Milli Kitabxana________________
Kişi heç vaxt iki aləmdə mənzil fikrinə düşməz,
Ki, Mizan Nahidindir, görməz o Mizanda Keyvanı.
Nahid - (Zöhrə) ulduzu, hədd-buluğa çatmış qız, ya məhəbbət ilahəsi deməkdir.
Astrologiyaya görə, Nahid ulduzu Mizan bürcü dairəsində görünər, Keyvan (Zühəl)
ulduzu öz hərəkəti zamanı bu bürcə daxil olmaz.
Səh.105.
Ayaq torpağını al mərdlərin, başına tac eylə,
Qızıl tac alma, vermə oğruya sən sirri-pünhanı?
Xaqani burada demək istəyir ki, yerin ehtiraslarına əsir olmayan mərd adamların
torpağını öz başına tac elə, onu oğruların, namərdlərin qızıl tacından üstün tut, sənə qızıl
tac versələr də, sən onlara sirr vermə!
Səh. 106.
Bütün dərvişlərin şahı olubdur Əhmədi-Mürsəl,
Ki, "Nuni-vəl-qələm" "Quran"da səbt etmiş bu fərmanı.
Əhmədi-Mürsəl
-
Məhəmməd peyğəmbərin adlarındandır.
"Nuni-vəl-qələm"
"Quran"ın 68-ci surəsidir; məzmunu varlıların fəqirlərə, kasıblara kömək etməli olduğu
haqqında təbliğatdan ibarətdir. Xaqani burada demək istəyir ki, Məhəmməd peyğəmbər
fəqirlərin tərəfdarı olmuşdur.
Səh.106.
Fəqirin xirqəsində bəxyələrdə rəmzlər vardır,
Ki, anlar "lövhi-məhfuz"u açanlar bu müəmmanı.
Xirqə - dərvişlərin geydikləri uzun paltar; rəmzlər - mənalı, kinayəli sözlər; "lövhi-
məhfuz " - müqəddəs yazılar lövhəsi; müəmma - düyümlü söz, anlaşılmaz ifadə deməkdir.
Burada Xaqani demək istəyir ki, yoxsulların, dünya malına əsir olmayanların mənəvi
yüksəkliyini ancaq "müqəddəs yazılar"ın qaranlıq sirlərini başa düşənlər anlaya bilər.
Səh. 106.
Atarsa qol-budaq neysan ayında kükrəyən əncir,
Onu xoşbəxt sanma, qarşılar pəjmürdə abanı.
Neysan - aprel, aban - oktyabr ayıdır.
Beytdən belə bir məna çıxır ki, əncir ağacının göyərib, qol-budaq verən aprel ayındakı
təravətinə deyil, oktyabr ayında solub, pərişan olan halına bax; yəni, müvəqqəti gözəlliyə
və gəlib-gedərgi dövlətə bel bağlama.
Səh. 106.
Fəlakətsiz səadət umma dövranda, yəqin bil ki,
Hilal iqbalına qarşı təbiət qoydu Sərətanı.
Hilal - aypara, Ayın ilk günlərindəki görünüşü, iqbal – xoşbəxtlik, səadətli gələcək
deməkdir; Sərətan - ulduzşünaslıqda on iki bürcdən biridir. Bu beytdə deyilir: sən
aləmdən daimi səadət istəyirsən, amma onun özündə də o istədiyin yoxdur. Ay hilal
vaxtında gündən-günə artıb gözəlləşdiyi halda, Sərətan (əqrəb) əksinə olaraq, düşkünlüyə
doğru (geriyə) gedir. Xaqani burada cəmiyyət həyatındakı ziddiyyətləri təbiətdəki
ixtilaflarla tutuşdurur.
Səh. 107.
Salıbsan Bijəni həbsə sən, ey Əfrasiyab, yatma!
Durubdur pusquda Rüstəm əlində tiği-bürranı.
Bijən - Rüstəmin bacısı oğlu. Əfrasiyab - qədim Turanın əfsanəvi padşahlarından
biridir.
________________Milli Kitabxana________________
Bijən Əfrasiyabın qızı Mənijə aşiq olmuşdu. Mənijə də onu sevmiş və atasından gizli
olaraq, sarayda gizlətmişdi. Əfrasiyab bu əhvalatı bilmiş, Bijəni yeddi il bir quyuda həbs
etmişdi. Rüstəm bir tacir paltarında Turana gəlib, Mənijənin köməyilə Bijəni quyudan
çıxararaq, İrana aparmışdır. Xaqani bu şeirdə həmin rəvayətə işarə edir.
Səh. 107.
Qoyuntək bağlamış quyruq sənə dövran, belindən at,
Onu, qoy gavü mahinin dağılsın qəsri, ərkanı.
Xaqani burada qoyun deməklə Günəş aləminin on iki bürcündən biri olan Quzu
bürcünü, gavü mahi dedikdə öküz və balığı nəzərdə tutur. Dini xürafata görə, guya yer
öküz üstündə, öküz balıq, balıq isə su üstündə qərar tutmuşdur. Bu beytdə deyilir: göyün
qoyunundan dünya sənə quyruq bağlamışdır. Qoy dünyanın malı və ehtirasları səni əsir
etməsin.
Səh. 107.
Xorasan bir hərəmdirsə, Məlikşahdır ona Kəbə,
Səmərqənd bir fələkdirsə, bir ulduzlar Qədərxanı.
Xorasan İranın şimal-şərqində bir vilayətdir; imam Rzanın qəbri bu vilayətin mərkəzi
olan Məşhəd şəhərində olduğundan, bura müsəlmanların ziyarətgahı sayılır. Buna görə də
Xaqani Xorasan bir hərəmdir, yəni müqəddəs yerdir deyir.
Məlikşah - səlcuq şahlarından üçüncüsü və on böyüyüdür (1054-1092). Onun Şərqi
Türküstandan Misri qədər uzanan böyük dövlətinə Xorasan da daxil olmuşdur. Məlikşah,
məmləkətin bir çox yerlərində olduğu kimi, Xorasanda da binalar saldırmışdı; Xaqani
Kəbə dedikdə buna işarə edir.
Qədərxan - Türküstanda olmuş Xütən xanlığının X əsr hakimlərindəndir. Qədərxan
Səmərqənddə bir çox abadlıq işləri aparmışdır.
Səh 108.
Məlikşah "od-su" adlandı, su axdı, atəşi söndü,
Kül oldu, torpağa döndü, məkan qıldı Sifahanı.
Məlikşah Səlcuqi iyirmi il hakimiyyət sürəndən sonra Bağdadda ölmüş, meyidi isə
İsfahana gətirilib, özünün tikdirmiş olduğu böyük bir mədrəsənin meydançasında
basdırılmışdır.
Səh. 108.
Vurarkən Səncərə şəbxunu Gurxan fateh adlandı,
Əcəl Gurxana şəbxun vurdu, kor oldu şəbistanı.
Səncar – Səlcuqilərin ən böyük hökmdarlarından olmuşdur (XII əsr); şəbxun - gecə
basqını; şəbistan - yataq otağı deməkdir. Gurxan-Sultan Səncərə basqın etmiş
qaraxatayların əmirlərindəndir.
Səh. 108.
Bakir məna Məryəminin Cəbraili, bəli, mənəm.
Məryəm - İsa peyğəmbərin anası olmuş və guya İsanı bakirə ikən doğmuşdur.
Məlaikə
Cəbrailə işarədir.
Xaqani burada yazdıqlarının başqa şairlər tərəfindən yazılmamış, orijinal, Məryəm
kimi "'bakirə", toxunulmamış olduğunu, özünün isə Cəbrail kimi əsərlərinə ruh verdiyini
göstərir.
Səh.108.
Ağlın Tuğanşahına həm vəkil, həm nayibəm mən.