________________Milli Kitabxana________________
Tuğansah - Cənubi Azərbaycanın hökmdarı olan Atabəy Məhəmməd ibn Eldəgizdir.
O, Cahan Pəhləvan (Tuğansah) adı ilə məşhur olub, Azərbaycanda Səlcuqilər
hakimiyyətinə son qoyaraq, hakimiyyəti tamamilə öz əlinə almişdı. Xaqaninin burada
"ağlın Tuğanşahı" deməsi də özünün şeirdə qüdrətli olduğuna işarədir.
Səh. 108.
O Həssanın qəlbin yeyən bu nəzmimin həsrətidir,
O Söhbana sillə vuran bu nəsrimin qüvvətidir.
Həssan (Həssan ibn Sabit) - ərəblərin məşhur şairlərindən olmuşdur; Məhəmməd
peyğəmbərlə bir əsrdə yaşamış və ona bir çox mədhiyyələr yazmışdır.
Söhban (Söhban Vail) – xəlifə harun ər-Rəşid zamanında (876-809) böyük bir ədib,
həmçinin natiq olmuş, dil və üslubunun zənginliyi ilə şöhrət qazanmışdır. Xaqani burada
həm nəzmdə, həm də nəsrdə dövrünün on məşhur şairlərinin ona paxıllıq etmələrinə işarə
edir.
Səh 109.
İlhamımın Büraqı da hansı yerdə salarsa nal,
Fələk onu döyüş üçün kəskin qılınc edər dərhal.
Büraq - guya Məhəmməd peyğəmbərə göydən göndərilmiş bir atdır. Dini rəvayətlərə
görə, Məhəmməd bir gecə (merac gecəsi) bu atla göyə çəkilmişdir. Xaqani burada təb və
ilhamım göylərdə uçan Büraq atma bənzədir, ilhamından doğan əsərləri isə mübarizədə
Büraqın nalından qayrıla bilən kəskin qılıncla müqayisə edir.
Səh. 109.
Mən əmirəm, dilim ərşin sərvətinə bir açardır,
Dediyimə Məhəmmədin hədisində sübut vardır.
Məhəmmədin iki hədisi: 1) Şairlər sözün əmirləridir; 2) Göyün altında bir xəzinə var
ki, onun açarı şairlərin dilidir.
Xaqani bu beytində həmin hədisləri nəzərdə tutur.
Səh. 109.
Bir neçə haqq tapdalayan Yusifə də dedi hədyan,
Məhəmmədin sözlərini yalan saydı neçə nadan.
Yusif- Yəqub peyğəmbərin oğludur. Dini rəvayətə görə, o, hədyan və böhtanlara
tutulub, zindana atılmış, yeddi il zindanda qalmışdır.
Bu beytdə Xaqani: "Bir para dargöz adamlar Yusifin də gözəlliyinə paxıllıq etmiş, bir
yığın ləyaqətsiz adamlar Məhəmmədin də sözlərinə inanmamışlar", - deməklə özünü
nadan bədxahlardan müdafiə etmək istəyir.
Səh. 109.
Məna yurdu Hindistanda Adəm kimi tutdum qərar,
Sənət yurdu Çində "mərdüm-giya" olmuş bu ulaqlar.
Hindistan - Şərqdə öz təbmi zənginliyi və gözəlliyi ilə məşhur olan bir ölkə kimi
tanınmışdır. Dinlər tarixinə görə, Adəm cənnətdən Hindistana (Sərəndəb dağına)
atılmışdır.
Xaqani şerin birinci misrasında həm əsərlərinin gözəlliyini və zəngin məzmuna malik
olduğunu "məna Hindistanı" təşbihilə ifadə edir, həm də özünün cənnətdən gəlmiş adam
kimi düzlüyünü göstərir.
Mərdüm-giya - lifləri qıvrım saç kimi əyri-üyrü olan və qoparılması insan üçün guya
təhlükəli sayılan adama oxşar bir bitki köküdür, Xaqani ikinci misrada öz düşmənlərini
________________Milli Kitabxana________________
eşşək adlandıraraq, təbiətlərində heç bir doğruluq-və düzlük görmədiyi üçün surətlərini
mərdum-giyaya bənzədir.
Səh. 110.
Haqqlıdırlar - bir səbəbdən onlar olsa mənə düşmən,
Çünki Süheyl ulduzutək öldürürəm bicləri mən.
Süheyl ulduzu - cənubda çıxan parlaq və sabit ulduzdur. Qədim ulduzşünasların
fikrinə görə, guya Süheyl ulduzuna bic doğan arvad baxsa, şikəst olar, əgər onun doğduğu
uşaq baxsa, ölər.
Səh. 110.
Ad qoşunu olsa onlar, mənim yeltək qələmim var,
Onlar Yəcuc tayfasısa, mənim nitqim sura oxşar.
Ad – Ərəbistanın cənub-qərbində yaşamış, öz babaları olan Adın adı ilə adlanmış bir
tayfa olmuşdur. "Quran"da göstərildiyinə görə, bu tayfa Hud peyğəmbərə biət
etmədiyindən, soyuq və şiddətli bir küləyə tutulub, məhv olmuşdur.
Yəcuc (və Məcuc) – rəvayətə görə, Asiyanın şimalında və Çin sərhədində yaşamış iki
tayfa olmuşdur; boyları çox kiçik, özləri qarət və talançılıqla məşğul olub, başqa xalqlara
çox ziyan vurarmışlar. Sur - guya qiyamət günü ölüləri diriltmək üçün İsrafılin çalacağı
şeypurdur.
Xaqani burada öz mühitindəki ziyankarları kafir Ad nəslinə və qarətçi Yocuc
tayfasına bənzədir. Adlarla mübarizədə ilhamının yelilə cırıldayan qamış qələmini
Yəcularla mübarizədə İsrafil suru kimi guruldayan şeypur sədasına bərabər tutur.
Səh. 110.
Deyirlər ki, özümüzük dəniz güclü o Xaqani,
Bəli, onlar Xaqanidir, ortasından atsan "qa"nı.
"Xaqani" sözündən "qa"nın düşməsilə "Xani" qalır ki, bu da öz qarnını güdən
yalavaclara, işarədir.
Səh .111.
Nə təhqiq, nə zöhd, nə vəz dən
Kiçik söz də bilməz, inan, Ünsüri.
Təhqiq - bədii janrlardan biri; zöhd - dünya həvəslərindən uzaq, pəhrizkar, günahsız
həyatı təsvir və təbliğ edən bədii janrdır; vəz - tərbiyə və nəsihət əsərləri deməkdir.
Ünsüri (Əbülqasım) - Qəznəvilər dövlətinin banisi Sultan Mahmudun saray
şairlərindən olub, Məliküşşüara adını almışdır.
Ünsüri böyük mal-dövlət sahibi olmuş, əsərlərinin çoxunda Sultan Mahmuda mədh
yazmışdır. Xaqani bu şerini Ünsürini ondan üstün tutan bir adama cavab olaraq yazmışdır.
Səh .111.
Beş-on beytə almışdı yüz qul, qızıl,
Alındıqda Hindustan, Ünsüri.
Sultan Mahmud Qəznəvi öz səltənətini böyütmək üçün Hindistana 12 dəfə basqın
etmiş,bir çox şəhərlərini almış, mal-dövlətini talan etmişdi. Xaqani burada Sultan
Mahmudun Hindistanda etdiyi həmin qarətciliyi mədh edən Ünsüriyə işarə edir.
Səh. 112.
Nə nəzmiydi pərvan, nə nəsriydi nəş,
Olammazdı şəmsi-cahan Ünsüri.