123
İXRACATÇILAR ÜÇÜN TƏLİMAT KİTABI
Gömrük
və gömrük yük bəyannaməsi
Gömrük anbarlarında saxlanc
– Xarici mallar gömrük anbarı xüsusi gömrük proseduru altında
gömrük orqanlarının nəzarəti ilə yerləşdirilə və saxlanıla bilər. Gömrük anbarı yalnız Gömrük orqanları
tərəfindən müvafiq lisenziya aldıqdan sonra fəaliyyət göstərə bilər. Gömrük anbarı istənilən şəxs
tərəfindən istifadə edilə bilən açıq tipli və ya müəyyən malların saxlanılması üçün nəzərdə tutulan
qapalı tipli ola bilər. Gömrük orqanlarının icazəsi ilə gömrük anbarında daxili mallar yerləşdirilə və
ya malların daxildə emal və ya son istifadə xüsusi gömrük prosedurları altında yerləşdirilərək, həmin
prosedurlar üçün müəyyən edilmiş şərtlərə uyğun olaraq emal edilə bilər. Gömrük anbarında mallar 3 il
müddətində saxlanıla bilər. Bu müddət ərzində mallar başqa gömrük proseduru altında yerləşdirilmək
üçün bəyan edilir.
5
Sərbəst zona
- gömrük ərazisində qapalı zona deməkdir, hansına giriş və çıxış gömrük nəzarəti
altında həyata keçirilir. Sərbəst zonada mallarının
yerləşdirilməsi, gömrük orqanlarının icazəsi ilə
həyata keçirilir. Daxili mallar sərbəst zonaya gətirilə, orada saxlanıla, daşına, istifadə və emal oluna, habelə
istehlak edilə bilərlər. Belə hallarda mallar sərbəst zona xüsusi gömrük proseduru altında yerləşdirilmiş
hesab edilmir. Xarici mallar sərbəst zonada olduğu müddətdə sərbəst dövriyyə üçün buraxılış gömrük
proseduru, daxildə emal, müvəqqəti idxal və ya son istifadə xüsusi gömrük prosedurları altında
yerləşdirilə bilər. Belə hallarda mallar sərbəst zona xüsusi gömrük proseduru altında yerləşdirilmiş
hesab edilmir. Bu rejim altında gətirilən və Azərbaycandan yerləşdirilən mallar sadələşdirilmiş gömrük
rəsmiləşdirilməsindən keçirilməklə, yığım və ƏDV ödənilməklə satıla və digər əməliyyatlar keçirilə bilər.
Gömrük orqanlarının icazəsi əsasında sərbəst zonaya gətirilmiş mallarla adi əməliyyatlar,
o cümlədən
onların qorunması, qablaşdırılması, keyfiyyətinin yaxşılaşdırılması məqsədi ilə qablaşdırma yerlərinin
qruplaşdırılması, çeşidlənməsi, markalanması və yenidən qablaşdırılması həyata keçirilə bilər. Sərbəst
zonada malların saxlanması müddətlə məhdudlaşdırılmır.
6
Xüsusi istifadə (müvəqqəti idxal və son istifadə)
– təkrar ixrac üçün nəzərdə tutulmuş xarici mallar
müvəqqəti idxal proseduru altında yerləşdirilir. Bu mallardan gömrük rüsumlarından və vergilərdən
tamamilə, yaxud qismən azad olunmaqla, habelə ticarət siyasəti tədbirləri
tətbiq edilmədən gömrük
ərazisində istifadə olunur. Qanunvericilikdə nəzərdə tutulmuş qaydalara uyğun olaraq mallar gömrük
rüsumlarından tamamilə azad olunduğu halda,
onlar həmçinin, əlavə dəyər vergisindən və aksizlərdən
də azad edilirlər. Müvəqqəti idxal xüsusi gömrük prosedurundan qanunvericilikdə müəyyən edilmiş
qaydada yalnız mallardan hər hansı başqa dəyişikliyə məruz qalması nəzərdə tutulmadıqda, müvəqqəti
idxal xüsusi gömrük proseduru altında yerləşdirilmiş mallar təkrar ixrac edildiyi zaman, onların
eyniləşdirilməsini təmin etmək mümkün olduqda və prosedur sahibi gömrük ərazisindən kənarda təsis
edildikdə istifadə olunur. Bir qayda olaraq, mallar eyni məqsəd üçün və eyni şəxsin məsuliyyəti altında
müvəqqəti idxal proseduru altında 24 aya yerləşdirilə bilər.
Son istifadə xüsusi gömrük proseduru
altında yerləşdirilmiş mallar bu prosedurun məqsədinə uyğun
olaraq gömrük rüsumlarından və vergilərdən azad edilməklə sərbəst dövriyyəyə buraxılır.
Bu zaman
həmin mallar gömrük nəzarəti altında qalır. Son istifadə xüsusi gömrük proseduru altında yerləşdirilmiş
mallar gömrük rüsumlarından və vergilərdən azad edilmənin tətbiqi üçün istifadə olunduqda, mallar
ixrac və ya məhv edildikdə, yaxud onlardan dövlətin xeyrinə imtina olunduqda, mallardan gömrük
rüsumlarından və vergilərdən azad olunmanın məqsədləri üçün istifadə edilmədiyi aşkar olunduqda
və bununla əlaqədar qanunvericilikdə nəzərdə tutulmuş gömrük rüsumları və vergilər tam ödənildikdə,
mallar gömrük idxal rüsumları, vergilər alınmadan və ticarət siyasəti tədbirləri tətbiq edilmədən gömrük
ərazisində fəaliyyət göstərən rüsumsuz ticarət mağazalarında satıldıqda həmin mallar üzərində gömrük
nəzarəti bitir.
124
İXRACATÇILAR ÜÇÜN TƏLİMAT KİTABI
Gömrük və gömrük yük bəyannaməsi
7
Daxildə emal
- daxildə emal xüsusi gömrük proseduru altında yerləşdirilən xarici mallar emal üçün
Azərbaycan Respublikasının gömrük ərazisinə müvəqqəti idxal edilir. Daxili emal proseduru altında
yerləşdirilən mallar iqtisadi siyasət tədbirləri tətbiq edilmədən və idxal gömrük rüsumları və vergilər
tutulmadan, xarici malların Azərbaycan Respublikası gömrük ərazisində müəyyən olunmuş qaydada
bir və ya bir neçə emal əməliyyatında istifadə olunmasından ibarət gömrük rejimidir. Daxildə emal
Gömrük orqanlarının verdiyi icazə əsasında həyata keçirilir. Daxildə emal xüsusi gömrük prosedurunun
başa çatma müddəti malların prosedur altında yerləşdirildiyi tarixdən başlayır və 2 il müddətinədək
davam edə bilər.
Xaricdə emal
- Azərbaycan Respublikasının gömrük ərazisində sərbəst
dövriyyədə olan mallarla
emal əməliyyatlarının aparılması məqsədi ilə onların gömrük ərazisindən müvəqqəti aparılması və
sonradan idxal gömrük rüsumlarından və vergilərdən tamamilə, yaxud qismən azad olunmaqla geri
qaytarılmasından ibarət xüsusi gömrük proseduru.
Xaricdə emal xüsusi gömrük proseduru altında yerləşdirilən daxili mallar emal üçün gömrük ərazisindən
müvəqqəti ixrac edilir. Bu mallardan emal edilən emal məhsulları müvafiq icra hakimiyyəti orqanının
müəyyən etdiyi hallarda və qaydada idxal gömrük rüsumlarından və vergilərdən tam və ya qismən
azad edilməklə sərbəst dövriyyəyə buraxılır. Gömrük orqanı müvəqqəti ixrac edilmiş malların emal
olunduqdan sonra gömrük ərazisinə təkrar idxal edilərək, sərbəst dövriyyəyə buraxılması müddətini
müəyyən edir. Bu müddət 2 (iki) ildən artıq olmamalıdır. Mallar bu müddət ərzində təkrar idxal edildikdə,
idxal gömrük rüsumlarından və vergilərdən müvafiq icra hakimiyyəti orqanının müəyyən etdiyi qaydada
tamamilə və ya qismən azad olunurlar. Prosedur sahibin əsaslandırılmış
müraciəti olduqda, bu müddət
növbəti 1(bir) ilədək uzadılır. Prezidentin “Xarici ticarətin daha da liberallaşdırılması haqqında” 609
saylı Fərmanına əsasən malların əlavə olaraq aşağıdakı ixrac əməliyyatları müəyyənləşdirilir:
Kreditə ixrac
- faktiki malların ixracından sonra haqqı müəyyən şərtlərlə və hər hansı müddət ərzində
ödənilən malların ixracın nəzərdə tutur.
Konsiqnasiya yolu ilə ixrac
- xarici şəxslərlə bağlanmış müqavilələrə əsasən respublika hüdudlarından
kənarda satışı müəyyən müddət ərzində aparılan malların ixracını nəzərdə tutur. Konsiqnasiya ticarəti
üçün ayrılan müddət malların gömrük orqanlarında bəyan edildiyi gündən etibarən 180 günə qədər
müəyyən olunur. Satışdan əldə edilən vəsaitlər, mallar satıldıqca 10 bank günündən gec olmayaraq
ixracatçının Azərbaycan Respublikasındakı bank hesabına daxil olmalıdır. Mallar yuxarıda göstərilən
müddətdə satılmadıqda 30 gün ərzində Azərbaycan Respublikasına qaytarılmalıdır.
Dövlət müəssisələri
tərəfindən malların konsiqnasiya yolu ilə ixracı bağlanmış müqavilələr İqtisadi İnkişaf Nazirliyində
qeydiyyatdan keçirilməklə aparılır.
Sərhədyanı ticarət
- Sərhədyanı ticarət, müstəsna olaraq müvafiq sərhədyanı ərazi çərçivəsində istehsal
olunan, eləcə də müvafiq sərhədyanı ərazi çərçivəsində istehlakı nəzərdə tutulan mallara münasibətdə
yerli ehtiyacların ödənilməsi üçün Azərbaycan Respublikasının sərhədyanı ərazisində daimi yaşayış
yeri olan bütün şəxslər tərəfindən Azərbaycan Respublikasının həmhüdud dövlətlərlə beynəlxalq
müqavilələrində müəyyən olunmuş müvafiq sərhədyanı ərazidə xarici şəxslərlə həyata keçirilə bilər.
Sərhədyanı ərazilər və sərhədyanı ticarət qaydaları İqtisadi İnkişaf Nazirliyinin rəyi ilə Azərbaycan
Respublikası Nazirlər Kabineti tərəfindən müəyyən olunur.
Təkrar ixrac (reeksport) əməliyyatları
-
Təkrar ixrac əməliyyatları Azərbaycan Respublikasının gömrük
ərazisinə daxil olan xarici mənşəli malların yenidən işlənmədən digər xarici ölkələrə ixrac əməliyyatlarını
nəzərdə tutur. Təkrar ixrac əməliyyatları üzrə bağlanmış müqavilələr, Azərbaycan Respublikasının
beynəlxalq öhdəliklərində tələb olunan hallarda İqtisadi İnkişaf Nazirliyində qeydiyyatdan keçirilməklə,
digər hallarda isə gömrük orqanlarında bəyan edilməklə icra olunur. Sərbəst dövriyyəyə buraxılışından
1 (bir) il ərzində gömrük ərazisindən təkrar ixrac olunan mallar müvafiq icra hakimiyyəti orqanının
müəyyən
etdiyi şərtlərə cavab verdikdə, həmin malların idxalı üçün ödənilmiş gömrük rüsumları və
vergilər qaytarılır.