121
Gömrük
və gömrük yük bəyannaməsi
MODUL VII. GÖMRÜK VƏ GÖMRÜK YÜK BƏYANNAMƏSİ
Bu bölmədə malların ixracına qərar verilməsindən onların Azərbaycanın gömrük məntəqələrindən
keçirilməsinə qədər olan mərhələlər və onlara aid məsələlər haqqında məlumat verəcəyik. Malların
ixracı müxtəlif rejimlərdə və müxtəlif vasitələrlə həyata keçirilə bilər ki, biz burada onlardan yalnız
bir qismi haqqında bəhs edəcəyik. İxracdakı payın nəzərə alaraq biz burada yalnız normal ixrac rejimi
altında avtomobil nəqliyyatı vasitəsilə ixracı nəzərdə tutulan məhsullarının Azərbaycandan ixracı
proseduraları haqqında şərh verəcəyik. Eləcə də, bu bölmədə malların idxal proseduraları və şərtləri,
dövlət müəssisələri tərəfindən aparılan idxal-ixrac proseduraları haqqında danışmayacağıq.
Onu
da qeyd edək, malların ixracı ilə bağlı bəzi məsələlər (müqavilələr, İNCOTERMS, ixrac marketinqi,
transport və daşıma, ödənişlər və s.) haqqında digər bölmələrdə məlumat verildiyindən biz onları bu
bölmədə izah etməyəcəyik.
İdxal proseduraları, digər nəqliyyat vasitələri ilə ixrac proseduraları və ixraca dair digər məsələlər haqqında
məlumat əldə etmək istəyirsinizsə gömrük sahəsində müvafiq qanunvericilik aktlarına, Dövlət Gömrük
Komitəsinin sayıtına
(www.customs.gov.az)
və bu təlimatın digər bölmələrin müraciət edin.
Gömrük və gömrük prosedurları
Məlum olduğu kimi gömrük işinin əsas məqsədi malların və nəqliyyat vasitələrinin digər ölkələrə
aparılması və gətirilməsinin hüquqi, iqtisadi və təşkilati əsaslarını müəyyənləşdirib icra etmək,
eləcədə
ölkənin iqtisadi təhlükəsizliyinin, suverenliyinin və maraqlarının müdafiəsidir. Malların və nəqliyyat
vasitələrinin gömrük məntəqələrindən keçirilməsinin şərtləri və proseduraları seçilən gömrük
prosedurlarından asılıdır. Odur ki, gömrük proseduru malların idxal-ixracı şərtləri və qaydaları, eləcədə
gömrük orqanlarının fəaliyyətində həlledici rola malikdir. Bunu nəzərə alaraq bu bölmədə əsas diqqəti
gömrük prosedurlarına yönəldəcəyik. Gömrük prosedurlarından isə yalnız ixracla əlaqəli olanları
haqqında məlumat verəcəyik.
Qanunvericiliyə əsasən gömrük proseduru gömrük məqsədləri üçün Azərbaycan Respublikasının
gömrük sərhədindən keçirilən malların və nəqliyyat vasitələrinin statusunu müəyyən edən müddəaların
məcmusudur.
Daha sadə dildə desək, gömrük proseduru sərhəddən malların keçirilməsinin
şərtlərini müəyyənləşdirən bir mexanizmdir. Yəni, idxal-ixrac edilən mallara dair gömrük ödənişləri,
gömrük rəsmiləşdirilməsi və gömrük nəzarəti şərtləri həmin malların hansı prosedur (rejim) altında
gətirilməsindən və aparılmasında asılıdır. Mövcud Gömrük Məcəlləsinə əsasən aşağıdakı gömrük
prosedurları və xüsusi gömrük prosedurları müəyyənləşdirilib:
1) sərbəst dövriyyə üçün buraxılış
2) təkrar idxal
3) tranzit (beynəlxalq və daxili tranzit)
4) saxlanc (müvəqqəti saxlanc və gömrük anbarlarında saxlanc)
5) sərbəst zona
122
İXRACATÇILAR ÜÇÜN TƏLİMAT KİTABI
Gömrük və gömrük yük bəyannaməsi
6) xüsusi istifadə (müvəqqəti idxal və son istifadə)
7) emal (daxildə və xaricdə emal)
Yuxarıda qeyd edilən rejimlərdən ixracla əlaqəli olanlarının mahiyyəti haqqında şərh verək.
1
Sərbəst dövriyyə üçün buraxılış
- Daxili bazarda satılma, istifadə və ya istehlak üçün nəzərdə
tutulan xarici mallara dair bütün gömrük ödənişləri ödənildikdə və xarici mallar üzərində ticarət
siyasət tədbirləri başa çatdıqda həmin mallar sərbəst dövriyyə üçün buraxılış gömrük proseduru altında
yerləşdirilir. Sərbəst dövriyyə üçün buraxılış gömrük proseduru altında yerləşdirilən xarici mallara
daxili mal gömrük statusu verilir.
2
Təkrar idxal
- Azərbaycan Respublikasının gömrük ərazisindən aparılmış Azərbaycan mallarının 3
il ərzində gömrük rüsumları və vergilər alınmadan, həmçinin bu mallara iqtisadi siyasət tədbirləri
tətbiq edilmədən geriyə gətirilməsindən ibarət gömrük proseduru. Bir qayda olaraq,
mallar təkrar
idxal proseduru altında ixrac olunarkən ixrac gömrük rüsumu, yığımı və vergiləri ödənilir və mal 3 il
müddətində idxalçı ölkədə satılmadıqda və digər səbəblər üzündən geri qaytarılarsa və üzərində heç bir
dəyişiklik aparılmazsa, ödənilən gömrük rüsumları və vergiləri geri qaytarılır. Təkrar idxal proseduru
ilə geriyə qaytarılan mallar tam və ya qismən qaytarıla bilər. Sərbəst dövriyyədə olmuş və ya daxildə
emal edilmiş mallar da təkrar idxal gömrük proseduru altında yerləşdirilə bilər. Daha ətraflı məlumatı
Nazirlər Kabinetinin 12 oktyabr 2012-ci il tarixli 229 saylı qərarından əldə edə bilərsiz.
3
Tranzit (beynəlxalq və daxili)
- malların gömrük nəzarəti altında, iki gömrük orqanı arasında
aparılması deməkdir. Tranzitlə göndərilən mala gömrük rüsumları, xarici dövlətlərin ərazisindən
keçdikdə isə həmin dövlətlərin gömrük rüsumları, vergilər və iqtisadi siyasət tədbirləri tətbiq edilmir.
Tranzit göndərişləri zamanı mallar göndərən gömrük orqanları tərəfindən
müəyyən olunmuş müddətə
təyinat gömrük orqanına çatdırılmalıdır. Beynəlxalq tranzit göndərişlərində, mal bir ölkədən müəyyən
edilmiş qısa müddət ərzində idxalçı ölkəyə çatdırılmalıdır. Malların tranziti Dövlət Gömrük Komitəsinin
icazəsi ilə həyata keçirilir. Mal daşıyıcısı malı təyinat gömrük orqanına çatdırmadıqda və ya itirdikdə,
həmin malı digər gömrük proseduru altında yerləşdirir və seçdiyi rejimə müvafiq gömrük ödənişlərini
ödəyir.
4
Saxlanc
- bu xüsusi gömrük proseduru müvəqqəti saxlanc və gömrük anbarı prosedurlarından
ibarətdir. Xarici mallar saxlanc xüsusi gömrük proseduru altında idxal gömrük rüsumları, idxal
üzrə əlavə dəyər vergisi və aksizlər alınmadan, ticarət siyasəti tədbirləri
tətbiq olunmadan gömrük və
müvəqqəti saxlanc anbarlarında gömrük nəzarəti altında yerləşdirilir. Daxili malların saxlanc xüsusi
gömrük proseduru altında yerləşdirilməsi halları və şərtləri Dövlət Gömrük Komitəsi tərəfindən
müəyyən edilir.
Müvəqqəti saxlanc
– Gömrük ərazisinə gətirilən mallar(sərbəst zonaya gətirilənlərdən başqa), sərbəst
zonadan gömrük ərazisinin digər hissəsinə gətirilən mallar, barəsində
beynəlxalq tranzit xüsusi
gömrük proseduru başa çatmış mallar mal sahibinin müraciəti(qısa idxal bəyannaməsi və ya tranzit
sənədi əsasında) əsasında Gömrük orqanları tərəfindən müvəqqəti saxlanc xüsusi gömrük proseduru
altında yerləşdirilə bilər. Bir qayda olaraq, malların müvəqqəti saxlanc gömrük proseduru altında
qalma müddəti 4 (dörd) aydan çox olmamalıdır. Gömrük orqanları ayrı-ayrı malların xassələrindən
və xüsusiyyətlərindən asılı olaraq həmin mallara daha qısa müddət müəyyən edə bilərlər. Saxlanc
proseduru altında qalan malların sahibi saxlanc müddəti bitənədək başqa gömrük proseduru altında
yerləşdirilmək üçün bəyan edilməli və ya gömrük anbarında yerləşdirilməlidir.