24
O, yalnız filosof, güclü zəka sahibi idi, güclü iradə sahibi
deyildi, təbiəti etibarı ilə hökmdar deyildi. Platon ruhunun belə bir
yönümdə qərarlaşmasının başlıca səbəbi, görünür, onun müəllimi
Sokratda idi. Platon ruhunun onun əsərlərində və həyat tərzində ifadə
olunan gerçəkliyi, əlbəttə ki, təkcə onun qan yaddaşı ilə, müasir dillə
deyilsə,
onun
genetik
olaraq
əxz etdiyi informasiya ilə
müəyyənləşmirdi, həm də və başlıca olaraq onun Sokratdan verbal
yolla əxz etdiyi rasional informasiya ilə müəyyənləşirdi. Platonun
ümumən məlum olan, lakin xatırlanması həmişə mənalı olan məşhur
və qanadlı kəlamlarından birini yada salaq. Platondan soruşanda ki:
“Atanı çox sevirsən, yoxsa müəllimini?”, Platon cavab vermişdi ki:
“Müəllimimi. Çünki, atam məni göylərdən yerə endirdi, müəllimim
isə yerdən göylərə qaldırdı”.
Görünür, elə bu səbəbdən ki, Platonun adı ilə gəlib bizə çatmış
dialoqlarda da iki ruh – aristokrat Platonun kosmosentrik ruhu və
icmaçı Sokratın transsendentalist ruhu bir-birinə çulğaşır.
Platon sözün həqiqi mənasında idealist idi. O, dünyanın
mahiyyəti olaraq ideyaları qəbul edirdi. Dünyanın özündən daha
fundamental olan ideyalar gerçəklik statusunu qazandıqca dünya
gözəlləşir və nizama düşür.
Bu kontekstdə qədim yunan fəlsəfəsinin nümayəndəsi olan
Platonla qədim Çin fəlsəfəsinin Qunsun Lun adlı bir nümayəndəsi
arasında paralel aparaq. Platona görə hisslərlə qavranılan predmetlərlə
yanaşı onlar haqqında ideyalar da real mövcudluğa malikdir, ideyalar
əbədidir, yarana və yaradıla bilməzlər, məhvedilməzdirlər. Çin
mütəfəkkiri Qunsun Lun da özünün adlar haqqında təlimində
anlayışları mütləqləşdirmiş və gerçəklikdən ayırmışdır.
Platon belə hesab edir ki, iki aləm mövcuddur: bir, ideyalar
aləmi, bir də, bizim gördüyümüz aləm – şeylər aləmi. Əsl həqiqi aləm
ideyalar aləmidir. Gördüyümüz, hiss etdiyimiz, təmasda olduğumuz
şeylər aləmi isə ideyalar aləminin yalnız kölgəsidir. İnsan zəkası
maddi aləmin fövqündə duran ideyalar aləminin əsrarəngizliyini,
gözəlliyini təcəssüm etdirməlidir. İnsan hadisə gözəlliyini görərkən
həqiqi gözəlliyi də xatırlayır. Bu fikir bir qədər konkretləşdirilsə, belə
ifadə oluna bilər ki, gözəlliyin mahiyyəti əbədi, mütləq ilahi ideyadır.
Bütün gözəl hadisələr bir ideyadan asılıdır. həmin bu ideya da görünür
kosmos və ya
harmoniya ideyasıdır. Platon belə hesab edirdi ki,
harmoniya olmadan heç nədə gözəllik yoxdur. Harmoniyanın özünün
dərki isə gözəllik vasitəsi ilə baş verir. Platon yazırdı ki, insanın
cismani gözəlliyinin seyrinə dalma, adamlarda, hətta ilahiyə doğru
meyl və məhəbbət də oyadır. Bu meyl və məhəbbət isə, Platonun
baxışlarına görə, əsasən, filosoflara xasdır. Platon, məsələn, müasir
25
ekspressionizmdən fərqli olaraq, incəsənəti belə bir xüsusiyyətdən
məhrum edir; filosof ideyalar aləminə can atır, sənətkar isə maddi
aləmi təqlid edir, maddi aləmin özü də ideyalar aləminin təqlidi
olduğundan, incəsənət – yalnız təqlidin təqlididir. Görünür, elə buna
görədir ki, adamların əksəriyyəti şairləri müdrik olaraq təqdim edirlər.
Platon bunun doğru olmadığını düşünür. Amma bir qədər qeyri–
ardıcıl görünsə də, Platonun məsələn musiqiyə münasibəti bir qədər
fərqlidir. O, belə hesab edirdi ki, musiqi melodiyaları ruhun
həyəcanlarını təqlid edir. Bununla əlaqədar Platonun anamnesis
ideyası – ruhun yerləşdiyi bədənə daxil olmamışdan əvvəlki həyatı
xatırlaya bilməsi ideyası da maraqlıdır. Oxşar fikirlərlə biz qədim
yunan fəlsəfəsinin Platonaqədərki dövründə, konkret deyilsə,
Pifaqorda və həmçinin də qədim hind fəlsəfəsində də rastlaşırıq.
Pifaqorda ruhun köçürülməsi mənasını verən, metempsixoza kimi
səslənən bir anlayış vardır. Bu anlayış ölülərin ruhunun təzə doğulmuş
uşağa, habelə bitkilərə və heyvanlara, minerallara keçməsinin qəbul
olunmasından çıxış edir və belə bir keçidi ifadə edir. Hind
təfəkkürünün sansara – yenidən doğulma – ideyası vasitəsi ilə də
bütün canlıların qohumluğu fikri irəli sürülür: Ruh ölməzdir, o, bəzən
insan, bəzən heyvan və bəzən də allah şəklində yenidən doğulur.
Platonda kosmos – nizama düşərək gözəlləşən dünya - Dünya
Ruhunun bir təcəssümüdür. Dünya Ruhu isə Dünya üzərində
transsendent mahiyyət olmayıb, dünyanın immanent mahiyyətidir.
Platon
irsinin
tanınmış bilicilərindən sayılan Suriya
neoplatonizim məktəbinin banisi Yamvlix Platonun bütün dialoqlarını
iki qrupa bölmüş və onları Timey və Parmenid əsərlərinə bir əlavə
kimi qiymətləndirmişdir, onun fikrincə əgər Timey təbiət haqqında
dialoqların başında durursa, Parmenid ilahiyyat haqqındakı
dialoqların əsas qayəsini təşkil edir. Buraya onu da əlavə etmək olar ki
əgər Timey əsasən Platon ruhunu ifadə edirsə, Parmenid əsasən Sokrat
ruhunu ifadə edir.
Kosmos Timeydə bütün varlıqları özündə birləşdirən vahid
canlı kimi səciyyələndirir. Oxşar səciyyə ilə Filebdə də rastlaşırıq.
Filebdə makrokosmun, yəni “kainatın bədəni”nin canlılığı insan
bədəninin canlılığı fonunda təsvir olunur. İnsan bədəninə insan ruhu
canlılıq gətirdiyi kimi, kainata da Dünya Ruhu canlılıq verir. İnsan
canlı kosmosun ancaq bir hissəsini təşkil etdiyindən ona nisbətən daha
bəsitdir. Kosmos isə yaranmışların ən kamilidir
6
.
6
Платон. Филеб – Платон, Соч. Т. 3. ч. 1. С. 35.