110
O, kainatın "inşaat blokudur". Oxşar "daimi elementi" adətən ilk
başlanğıc (Urstoff)
29
, yəni "çıxış materialı", "ilkin material"
adlandırırlar. Bu, elə bir "ilkin material"dır (yunanca, arche) ki, dünya
ondan qurulmuşdur.
Fales, başqaları kimi, sudan yaranan və suda yox olan çoxlu
şeyləri müşahidə etmişdi. Su buxara və buza çevrilir. Balıqlar suda
doğulurlar və sonra burada da ölürlər. Çoxlu şeylər, məsələn duz və
bal, suda əriyirlər. Bundan da daha çox deyilsə, su həyatın özü üçün
zəruridir. Bu və oxşar sadə müşahidələr Falesi belə bir nəticəyə gətirib
çıxara bilərdi ki, su elə bir fundamental elementdir ki, dəyişikliklər və
çevrilmələr zamanı daimi qalır.
Yuxarıda nəzərdən keçirilən məsələlər və müşahidələr belə bir
gümanın məntiqi olduğunu təsdiq edir ki, Fales suyun, müasir dillə
deyilsə, iki vəziyyəti ilə əməliyyat aparmışdır: "adi" maye
vəziyyətində olan su və transformasiyaya uğradılmış vəziyyətdə, yəni
buz, buxar, balıqlar, torpaq, ağaclar və adi vəziyyətdə su hesab
edilməyən bütün digər şəkillərdə olan su. Su qismən differensasiyaya
uğramamış ilkin başlanğıc şəklində (maye su) və qismən
differensasiyaya uğramış obyektlər (qalan hər bir şey) mövcuddur.
Beləliklə, kainatın quruluşu və şeylərin dəyişmələri əbədi
dövran şəklində təsəvvür edilə bilər.
su differensasiyaya uğramış şəkildə
şeylər
ilk əsas
su differensasiyaya uğramamış vəziyyətdə
Beləliklə, Falesin nəzərdən keçirilən müddəasının ehtimal
olunan şərhinin məğzi qısaca olaraq belə bir düsturla ifadə olunur:
bütün digər obyektlər sudan yaranır və suya çevrilirlər. Qeyd edək ki,
digər şərhlər də əlbəttə ki mümkündür.
Biz təsdiq etmirik ki, Fales əslində dəqiq ifadə olunmuş
sualdan başlamış, sonradan arqumentlərin axtarışına girişmiş və daha
sonra da cavaba gəlib yetişmişdir. Biz belə bir qərar verə bilmərik ki,
onun üçün ilkin olan nə olmuşdur. Biz yalnız Fales fəlsəfənin
mümkün daxili əlaqəsini rekonstruksiya etmək üçün səy edirik.
Belə bir şərhdən çıxış edərək təsdiq etmək olar ki:
29
İngilis mətnində istifadə olunan Urstoff termini norveç və alman dillərində
sadə maddə mənasını verir. Onun latın analoqu - substantia termini, yunan
analoqu isə - hypokeimenon terminidir. Onun hərfi mənası isə - mübtədadır.
111
1) Fales kainatın fundamental "inşaat blokunun" nədən ibarət
olması barədə məsələ qoymuşdur. Substansiya (ilk başlanğıc) təbiətdə
dəyişməz elementdir və müxtəliflikdə vahidlikdir. Substansiya
problemi bu vaxtdan başlayaraq yunan fəlsəfənin fundamental
problemlərindən biri oldu;
2) Dəyişikliyin hansı qaydada baş verməsi barədə suala Fales
dolayı yolla cavab vermişdir: ilk əsas (su) bir vəziyyətdən başqasına
çevrilir. Dəyişikliklər problemi də həmçinin yunan fəlsəfənin
fundamental problemlərindən birinə çevrildi.
Yuxarıda nəzərdən keçirilən məsələlər və arqumentlər eyni
zamanda həm fəlsəfi və həm də təbii-elmi xarakter daşıyır. Fales,
beləliklə, eyni zamanda həm təbiətşünas və həm də filosof kimi çıxış
edir. Amma ki, biz təbiətşünaslıq termini altında fəlsəfənin əksinə
olduğu halda nəyi başa düşürük?
Bununla bağlı olaraq aşağıdakıları qeyd edək. Fəlsəfəni
fəaliyyətin digər başqa dörd növündən fərqləndirmək zəruridir: zərif
sənətlərdən,
eksperimental
elmlərdən,
formal
elmlərdən
və
teologiyadan. Bu növlərin hər hansı biri ilə nə qədər sıx bağlı
olmasından asılı olmayaraq o, bu növlərin hər hansı biri ilə uzlaşmır.
İncəsənətdən fərqli olaraq fəlsəfə bir sıra müddəalar irəli sürür ki,
onlar müəyyən mənada həqiqi və ya yalan ola bilərlər. Fəlsəfə
təcrübədən eksperimental elmlərin (fizika, psixologiya) asılı olduğu
mənada asılı deyildir. Fəlsəfə formal elmlərdən (məntiqdən,
riyaziyyatdan) fərqli olaraq öz müqəddəm şərtləri (prinsipləri)
üzərində düşünür, onları tədqiq etməyə və legitimləşdirməyə səy edir.
Fəlsəfə teologiya ilə müqayisədə gümanların fiksasiya olunmuş
çoxluğuna malik deyildir. Məsələn, buna misal olaraq vəhy üzərində
qurulmuş o ehkamları göstərmək olar ki, onlardan doktrinal
mülahizələr xatirinə imtina etmək mümkün deyildir, baxmayaraq ki,
elə fəlsəfə də gümanların müəyyən formalarına malikdir və onlardan,
yəqin ki, heç bir zaman imtina edə bilməyəcəkdir.
Fales öz arqumentlərini təcrübədə əhəmiyyətli dərəcədə
əsaslandırır və elə buna görə də onu həmçinin "təbiətşünas" da
adlandırmaq olar. Amma o, təbiət barədə bir bütöv olaraq məsələ
qaldırdığı üçün, həmçinin "filosof" da hesab edilə bilər. Qeyd edək ki,
fəlsəfənin və təbiətşünaslığın ayrılması Falesin dövründə deyil, yalnız
Yeni dövrdə baş verir. Hətta Nyuton da XVII əsrin sonunda fizikanı
"natural fəlsəfə" (philosophia naturalis) adlandırırdı.
Amma, Falesi təbiətşünas və ya filosof hesab etməyimizdən
asılı olmayaraq, onun cavabı və arqumentləri arasında uyğunsuzluq
göz qarşısındadır. Onun tərəfindən verilmiş cavab müəyyən mənada
öz miqyasına görə arqumentləri geridə buraxır! Başqa cür deyilsə,