61
63. Eduard Mane, «"Foli-Berjer"dagi bar», 1882.
Eduard Mane qalamiga mansub ushbu kartina hozirda Londondagi "Kurto"
galereyasida saqlanmoqda.
"Foli-Berjer" - Parijdada joylashgan kabare. Rishe ko'chasi 32-uy manzilida
joylashgan bo'lib, XIX asr oxirida bu muassasa juda mashhur edi. Mane "Foli-
Berjer"ga tez-tez tashrif buyurib turardi va oxir-oqibat u yer haqida asar yaratishga
qaror qiladi. U kartinani 1883-yilda, vafotidan oldin Parij "Salon"iga taqdim etadi.
Mane kartinani barning o'zida chizgan. Keyin u barmen xonim Syuzon va uning do'sti
- harbiy rassom Anri Dyupredan kartinadagi holatni yaratish uchun ustaxonasida
yordam berishni so'raydi. Dastlabki kompozitsiyaga ko'ra, barmen va mijoz bir-biri
bilan yuzma-yuz suhbat qurayotgandek turishi kerak edi. Buni saqlanib qolgan
eskizlar ham, kartinaning rentgen tekshiruvi ham tasdiqlaydi. Keyinchalik Mane bu
fikrdan qaytadi. Orqa fonda bar mijozlarga to'la ekanini
aks ettirish uchun katta
ko'zgu tasvirlaydi. Peshtaxta ortida bu olomon qarshisida o'z hayoliga berilgan
barmen. Mane olomon ichib, ovqatlanib, gaplashib o'tirganlar
orasida chap yuqori
burchakdagi akrobat tasviti orqali yolg'izlik tuyg'usini yetkazishga harakat qilgan.
Barning marmar peshtaxtasidagi idishlar va ularning oynadagi aksi bir-biriga mos
kelmaydi. Barmenning aksi ham asliga mos emas. U to'g'ridan-to'g'ri tomoshabinga
qarab turibdi, oynadagi aksda biroz egilgan va odamlarga qaramoqda. Bu orqali Mane
haqiqiy va hayoliy dunyoni tasvirlashga intilgan.
62
64. Ivan Kramskoy, "Noma'lum", 1883.
Rus rassomi Ivan Kramskoy qalamiga mansub ushbu kartina 1883-yilda
chizilgan
bo'lib, hozirda Tretyakov davlat galereyasi to'plamining bir qismidir.
Kartinada Anichkov saroyi pavilyonlari yaqinidagi Nevskiy prospekti bo'ylab ochiq
aravada ketayotgan yosh ayol tasvirlangan. O'ng tomonda Aleksandrinka teatri. Ayol
1880-yillar oxiriga oid uslubda kiyingan. U duxoba baxmal shlyapa, mo'yna va
lentalar
bilan bezatilgan palto, bo'g'iq va ingichka teri qo'lqop kiygan. Tashqi
ko'rinishi sirli va ozgina ma'yus.
"Noma'lum" Ivan Kramskoyning eng taniqli asarlaridan biri hisoblanadi. Asarga
bunday nom berish orqali rassom unga sirlilik aurasini baxsh etgan.
"Noma'lum" asari hamon jumboqligicha qolmoqda. Unda tasvirlangan ayol kim ekani
haqida
na rassomning maktublarida, na kundaliklarida aytib o'tilgan.
Tasdiqlanmagan fikrlarga ko'ra, asar qahramoni prototipi kursklik dehqon qiz -
Matryona Savvishna bo'lib, u zodagon Bestujevga turmushga chiqqan. Kramskoy uni
Sankt-Peterburgda uchratib qoladi va go'zalligiga mahliyo bo'ladi. Biroq Pragadagi
D.Fridrix shaxsiy galereyasida saqlangan o'sha ayolning aniqroq tasvirlangan portreti
bu fikrlarni rad qiladi.
San'atshunos Chijovaning versiyasiga ko'ra, "Noma'lum" kartinasi aslida knyaginya
Yuryevskayaning portreti (imperator Aleksandr II ning ikkinchi rafiqasi). Biroq,
ushbu versiya shubhali: asar imperator Aleksandr
II vafoti va malika
Yuryevskayaning chet elga quvg'in qilinishidan ikki yil o'tgach yaratilgan. O'sha
paytda saroyda juda yuqori lavozimni egallagan Kramskoy, keyingi imperator
Aleksandr III paytida sharmandalikka uchragan odam portretini
yaratmasligi aniq
edi.