Heccin vacib olmasi doc
Yüklə 377,46 Kb. Pdf görüntüsü
|
15 Ibni Qudamə demişdir: "Elm əhli, bu üç həccdən hər hansına niyyət etməyin caiz olmasına ittifaq ediblər". Buna dəlil Aişənin t aşağıdakı sözüdür: "Biz Peyğəmbər r ilə həccə çıxdıq. Bəzilərimiz ümrəyə, digərləri isə ümrə və həccə, bir başqaları isə yalnız həccə niyyət etmişdilər" (Buxari). Ehramda qadağan olan əməllər! 1. Səbəbsiz yerə bədənin hər hansı bir hissəsindən tükü qoparmaq və ya saçı kəsmək. 2. Əl və ya ayaq dırnaqlarını səbəbsiz yerə tutmaq. 3. Kişilərin qəsdən başlarını örtmələri. Həmçinin səhih budur ki, üzü də hər hansı bir örtük ilə örtmək olmaz. Qadınlar niqab (üz örtüyü – tər.) və əlcək geyinmirlər. Çünki Peyğəmbər (s.a.s) bunları yasaq edib. O, buyurur: "Ehramda olan qadın nə niqab, nə də əlcək geyinir" (Buxari). Lakin kişilərin arasından keçdiyi zaman üzünü örtə bilər. Çünki qadın səhabələr belə edərdilər. 4. Kişilərin bilərəkdən bütün bədənləri yaxud bədənlərinin bir hissəsi üçün tikilmiş paltar geyinmələri. Tikilmiş paltar deyəndə: Bədən üzvlərini birini digərindən ayıran paltar nəzərdə tutulur. Buna: Köynək, əmmamə, şalvar, əlcək, corab, xuff və s. misal çəkmək olar. 5. Ehrama girdikdən sonra bilərəkdən paltara və bədənə ətir vurmaq.
6. Ov ovlamaq. 7. Nigah bağlamaq. Evlənmək yaxud evləndirmək. Ehramda olan adam özü birbaşa yaxud vəkalət yolu ilə nə evlənə, nə də digərlərini evləndirə bilər. Həmçinin nişan etmək və nişanlamaq da olmaz (Müslim). 8. Ehramda olarkən cinsi əlaqədə olmaq. Kim birinci təhəllüldən əvvəl cinsi əlaqədə olarsa onun həcci batil sayılar"həcdə olarkən qadınla yaxınlıq.....etmək yaramaz" (əl-Bəqərə: 197). 9. Zövcə ilə oynaşmaq, onu öpmək və şəhvətlə baxmaq yasaqdır. *Həmçinin haramda (Məkkə hüdudlarında – tər.) olan adama ov ovlamaq, ağac qırmaq və bitki qoparmaq yasaqdır.
16 Yasaqları edənin boynuna düşən kəffarə! 1. Saçını və dırnağını kəsən, başını örtən və tikili paltar geyinən kişi, əlcək və niqab geyinən qadın, ətir vuran adam, bütün bunlara görə: ya bir qoyun kəsib Məkkədə yaşayan kasıblara paylamalı, yaxud altı nəfər fağırın hərəsinə yarım saa (iki ovuc) miqdarında yedizdirməli, yaxud da üç gün oruc tutmalıdır. Bu üç kəffarənin hansını istərsə onu seçə bilər. 2. Cinsi əlaqədə olmaq. Kim birinci təhəllüldən öncə cinsi əlaqədə olarsa onun həcci batil olar. O, bir heyvan kəsib Məkkənin fağırlarına paylamalıdır. Gələn il isə yenidən həccini qəza etməlidir. Birinci təhəllüldən sonra cinsi əlaqədə olan yalnız bir qoyun kəsməli və Məkkə fağırlarına paylamalıdır. Burada edilən cinsi əlaqəyə qadının da razılığı olubsa, qadının da hökmü kişi ilə eyni olur. 3. Ov ovlayanın cəzası. Əgər ovun müqabili varsa onda ovlayan insan üç şeyi seçə bilər: Ya ovun mislində bir heyvan kəsib Məkkənin fağırlarına paylamalı, yaxud həmin ovun müqabili miqdarda yemək çıxarmalı və Məkkə fağırlarının hərəsinə yarım saa (iki ovuc) miqdarında verməli, yaxud da hər fağırın yeməyi müqabilində oruc tutmalıdır. Əgər ovun müqabili yoxdursa bu zaman onun qiymətinə uyğun yemək hesablayır və Məkkə fağırlarının hərəsinə iki saa (iki ovuc) miqdarında paylayır, yaxud da hər fağırı yedizdirməyin əvəzinə bir gün oruc tutur. 4. Qadının öpülməsi, onunla oynaşılması və ya şəhvət ilə yanaşılması məni çıxıb çıxmamasından asılı olmayaraq, ehramda yasaq olan əməllərdəndir. Belə edən adamın həcci doğrudur. Lakin o, Allaha tövbə etməli və bağışlanma diləməlidir. Bəzi təhqiqatçı alimlər deyiblər ki, bundan əlavə bir qoyun kəsmək və Məkkə fağırlarına paylamaq, yaxud altı nəfər fağıra, hərəsinə yarım saa (iki ovuc) miqdarında yemək yedizidrmək, yaxud da üç gün oruc tutmaq yaxşı olardı. Bunu etmək vacib deyil. Allah daha yaxşı biləndir. 5. Həcc və ya ümrə niyyəti ilə ehrama girəndən sonra həccini davam etməsi qadağan olunan adam, maneə: xəstəlik, yol qəzası, üzərində olan mal-dövlətin itməsi və s. aradan
17 götürülənə qədər, bir müddət ehramda gözləməlidir. Maneə götürüldükdən sonra həccini davam etməlidir. Belə hallarda səbrli olmalı və problemi həll etməyə çalışmalıdır. Əgər maneəni götürə bilməsə olduğu yerdə qurbanını kəsib saçını qırxır və ya azaldır. Yalnız bundan sonra təhəllül etmiş (yəni, ehramdan çıxmış) sayılır. Bu haqda Allah təalə buyurur: "Allahdan ötrü həcc və ümrə əməllərini tam yerinə yetirin, əgər arada sizə maneəçilik olarsa, (sizə) müyəssər olan bir qurbanlıq göndərin, qurbanlıq öz yerinə çatıncaya qədər başınızı qırxdırmayın" (əl-Bəqərə: 196). Həmçinin Peyğəmbər (s.a.s) buyurub: "Kimin ayağı sınar, topal olar və xəstələnərsə o təhəllül edir və gələn il bunun əvəzinə həcc edir" (Müslim). Lakin ehrama girərkən bu duanı: "Fə in həbəsəni habisun fəməhilli heysu həbəstəni" (Buxari və Müslim) deyən adam ehramdan çıxır və qurban kəsmir. Belə bir natamam həccin qəzasının olub olmaması isə ixtilaflı məsələdir. Lakin daha doğru rəyə görə bunu qəza etmək lazım deyil. Yalnız islamın əsaslarından olan həcci və ümrəni edən adam qəza etməlidir.
1. Ehramda olan və olmayan adam zərərli heyvanları hər vaxt öldürə bilər. Aişə y deyir: Peyğəmbər (s.a.s) buyurub: "Beş heyvan vardır və onlar zərərli heyvanlardır. Bu heyvanlar ehramda olarkən və ehramda olmayarkən öldürülür. Bunlar: Çalağan, əqrəb, qarğa, siçan və quduz itdir" (Buxari və Müslim) imam Müslim öz rəvayətində "... və ilan" sözlərini əlavə edibdir (Müslim). 2. Geyinməyə ehram paltarı tapa bilməyən adam şalvar, ayaqqabı tapa bilməyən adam isə xüff geyinə bilər. Buxari və Müslim bu hədisi Ibn Abbasdan y rəvayət etmişdir . 3. Uzunluğu topuqdan aşağı olan xüfu geyinmək olar. Çünki xüff bu halda ayaqqabıya bənzəyir. 4. Sərinləşmək üçün çimmək olar. Bu zaman saçlarını ehtiyatla ovuşdura bilər.
Yüklə 377,46 Kb. Dostları ilə paylaş:
|