45
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti Heydər Əliyevin
Tarixi İpək Yolunun bərpası üzrə Bakıda keçirilmiş
beynəlxalq konfransda giriş nitqi
8 sentyabr 1998-ci il
Hörmətli dövlət və hökumət başçıları, nümayəndə heyətlərinin rəhbərləri!
Xanımlar və cənablar!
Sizi, Tarixi Böyük Ipək yolunun bərpası üzrə beynəlxalq konfransın iştirakçıla-
rını səmimi salamlayıram.
Avropa Birliyi Komissiyası ilə birlikdə belə mötəbər məclisin təşkilatçısı olmaq
Azərbaycan Respublikası üçün böyük şərəfdir.
Konfransımız yeni müstəqil dövlətlərə kömək edilməsi sahəsində Avropa Bir-
liyinin göstərdiyi səmərəli səylərin nəticəsidir. Həmin köməyin bünövrəsini 1991-
ci ildə təsis edilmiş TASIS proqramı qoymuşdur. TASIS-in milli və dövlətlərarası
proqramları çərçivəsində bir çox mühüm layihələr həyata keçirilir və bunlar yeni
müstəqil dövlətlərdə demokratik islahatlar, bazar islahatları aparılmasına kömək
göstərir.
Belə layihələrdən biri də 1993-cü ilin mayında qəbul olunmuş “Avropa-Qaf-
qaz-Asiya Transqafqaz nəqliyyat dəhlizi (TRASEKA)” proqramıdır. Avropa Bir-
liyi Komissiyasının təklifi ilə Azərbaycan, Gürcüstan, Qazaxıstan, Qırğızıstan,
Ermənistan, Tacikistan, Türkmənistan, Özbəkistan nümayəndələrinin Brüsseldə
görüşü olmuş və bu görüşdə regionun nəqliyyat infrastrukturunun inkişafı ilə bağlı
məsələlər müzakirə edilmişdir.
Brüssel bəyannaməsi Avropa-Qafqaz-Asiya nəqliyyat dəhlizinin əhəmiyyətini,
onun inkişaf etdirilməsi sahəsində əməkdaşlığın konkret istiqamətlərini, forma və
mexanizmlərini müəyyənləşdirmiş ilk beynəlxalq sənəd olmuşdur.
O vaxtdan bəri TRASEKA-nın işçi qruplarının Almatıda, Vyanada, Venesiya-
da, Afinada və Tbilisidə beş iclası keçirilmiş və bu iclaslarda mövcud nəqliyyat
strukturlarının modernləşdirilməsinə və yeni obyektlərin tikilməsinə dair bir çox
layihələr qəbul edilmiş və artıq qismən yerinə yetirilmişdir. Ukrayna və Monqolus-
tan TRASEKA proqramının tam hüquqlu iştirakçıları olmuşlar.
TRASEKA proqramının uğurla həyata keçirilməsi, Avropa Birliyi Komissiya-
sının və iştirakçı ölkələrin gördükləri böyük iş, əməkdaşlığımızın konkret müsbət
nəticələri daha genişmiqyaslı layihələr işlənib hazırlanmasına təkan vermişdir. Ta-
rixi Böyük Ipək yolunun bərpası bu layihələr arasında başlıca yer tutur.
Bununla əlaqədar olaraq, Avropa Birliyi Komissiyası və TRASEKA proqramının
iştirakçısı olan ölkələr bu gün açdığımız Bakı Beynəlxalq konfransının keçirilməsi
haqqında qərar qəbul etmişlər.
46
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
Konfransda 32 ölkənin və 13 beynəlxalq təşkilatın nümayəndə heyətləri iştirak
edirlər.
Əminəm ki, tarixi Böyük Ipək yolunun bərpası məsələlərinin müzakirəsi,
konfransımızın nəticələri və yekunları milli və regional nəqliyyat strukturlarının,
beynəlxalq iqtisadi əməkdaşlığın inkişafı, Avrasiya məkanında sülhün, sabitliyin və
tərəqqinin möhkəmləndirilməsi üçün böyük əhəmiyyət kəsb edəcəkdir.
Icazə verin, konfransımızın hazırlanması, imzalanmağa təqdim olunmuş
sənədlərin işlənib hazırlanması və razılaşdırılması üçün gördüyü böyük işə görə
TRASEKA-nın işçi qrupuna təşəkkür edim.
Konfransın təşkilində köməyinə görə, demokratik islahatların, bazar islahatla-
rının aparılmasında, beynəlxalq əməkdaşlığın inkişaf etdirilməsində yeni müstəqil
dövlətlərə böyük maliyyə yardımı və texniki yardım göstərdiyinə görə Avropa Bir-
liyi Komissiyasına təşəkkür edirəm.
Dəvətimizi qəbul edib, Bakı şəhərinə gəlmiş bütün konfrans iştirakçılarına
təşəkkürümü bildirirəm, onlara qonaqpərvər Azərbaycan torpağında uğurlu iş ar-
zulayıram.
Tarixi Böyük Ipək yolunun bərpası üzrə beynəlxalq konfransı açıq elan edirəm.
47
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti Heydər Əliyevin
Tarixi İpək Yolunun bərpası üzrə Bakıda keçirilmiş
Beynəlxalq Konfransda çıxışı
8 sentyabr 1998-ci il
Hörmətli dövlət başçıları və nümayəndə heyətlərinin rəhbərləri, xanımlar və
cənablar!
Bəşər sivilizasiyasının tarixində yollar, nəqliyyat xətləri həmişə çox böyük
rol oynayaraq, həyatın bütün sahələrinə - siyasətə, iqtisadiyyata, mədəniyyətə
təsir göstərmişdir. Bunun parlaq nümunələrindən və rəmzlərindən biri də bir çox
ölkələrin və xalqların minillik tarixini, Çinin qədim mədəniyyətini, avropalıların
böyük coğrafi kəşflərini, orta əsr müsəlman intibahının nailiyyətlərini və bir sıra
digər cəhətləri ehtiva etmiş qlobal, nadir hadisə olan Böyük Ipək yoludur.
Azərbaycan əzəldən Böyük Ipək yolunda mühüm məntəqə olmuş, Avropa ilə
Asiya arasında özünəməxsus körpü rolu oynamışdır. Qafqaz, Xəzər dənizi və Qara
dəniz hövzələri ölkələri inkişaf etmiş ticarət, qarşılıqlı mədəni zənginləşmə, dini
dözümlülük zonasını təşkil edərək, Böyük Ipək yolunun özgür tərkib hissələrindən
biri olmuşlar.
Bəşər tarixinin ayrılmaz tərkib hissəsi kimi Böyük Ipək yolu yüksəliş və tənəzzül
dövrləri keçirmişdir. Müharibələr, ideoloji və coğrafi-siyasi qarşıdurmalar, ayırı-
cı xətlər dövrləri başlandıqdan sonra bu yol həyatımızdan yox olaraq, gözəl bir
əfsanəyə çevrilmişdi.
Lakin “soyuq müharibə” qurtardı, xalqlar müstəqillik əldə etdilər, ümumbəşəri
dəyərlər, demokratik normalar, inteqrasiya prosesləri dünya siyasətində üstün yer
tutdu və Böyük Ipək yolu ideyasını tarixin gedişinin özü yenidən zəruri etdi.
Avropa Birliyi Komissiyasının uzaqgörən qərarını lazımınca qiymətləndirmək
gərəkdir. Bu komissiyanın təşəbbüsü ilə 1993-cü ilin mayında Brüsseldə Qafqaz və
Mərkəzi Asiya dövlətlərinin milli və beynəlxalq nəqliyyat, ticarət kommunikasiya-
larının inkişafı strategiyasının müzakirəsinə həsr edilmiş xüsusi görüşü oldu.
Həmin görüşdə təsis edilmiş “Avropa-Qafqaz-Asiya (TRASEKA) nəqliyyat
dəhlizi” proqramı Avrasiya məkanında həyata keçirilən ən dinamik, iqtisadi
cəhətdən ən səmərəli layihələrdən biri oldu.
Proqramın iştirakçısı olan ölkələrin sıx əməkdaşlığı, Avropa Birliyi Komis-
siyasının fəal köməyi sayəsində ötən beş ildə kommunikasiya obyektlərinin
modernləşdirilməsi və tikintisi müvafiq qanunların və məcəllələrin işlənib hazır-
lanması, kadrlar hazırlanması, gömrük və tarif siyasətlərinin təkmilləşdirilməsi
sahəsində böyük iş görülmüşdür.
Azərbaycan, Gürcüstan, Türkmənistan və Özbəkistan arasında tranzit daşımala-