Hüseynbala MİRƏLƏmov
Yüklə 0,77 Mb. Pdf görüntüsü
|
58
Belə çıxırdı bir həftəyə ya üç yüz dolları qaytarmalıydı, ya da taleyin istəklərinə boyun əyib, özünü hamamçı Rozanın ixtiyarına buraxmalıydı. Roza da ondan – daha doğrusu, onun bədənindən qazanc məqsədiylə istifadə edəcəkdi. “İlahi, sən mənə arxa ol, məni pis yola düşməkdən qoru!”. Durub gedəndə arxadan hamamçı Rozanın amiranə səsi gəldi: - Bir həftədən sonra cavab gözləyirəm, haa... O gecə Fidan qarışıq yuxu gördü. Guya çar-naçar hamamçı Rozanın yazıb verdiyi ünvana gedir. Qapısı açıq bağ evində bir otağa daxil olur, hündür tavanlı geniş mənzilin ortasındakı masaya içkilər düzülüb, mer-meyvə qoyulub, amma otaqda heç kəs yoxdur, səs-səmir gəlmir, kimsə duş qəbul edir, qızın gəldiyini hiss edən həmin naməlum şəxs: “Gözəl qız, sən özünçün məzələn, mən bu dəqiqə çıxıram”-deyə səslənir. Qəribə də olsa səs Fidana tanış gəlir, az sonra qurulana- qurulana lüt-üryan vanna otağından bayıra çıxan həmin səs sahibi onu görcək heykəl kimi yerində donub qalır, özünü o qədər itirir ki, qurşaqdan aşağısını örtən hamam dəsmalının yerə düşməsindən xəbəri olmur, sərxoş və çılpaq halda qarşısında peyda olan Əfqanın dili topuq vurur: - O qo..ca, çox...bilmiş qəh..bə səni qəs...dən bura göndərib. Fidan özünü itirmir, dişi aslan kimi axtardığı ovunun üstünə yeriyir: - Bişərəf, namərd, məni pis yola düşməyə sən vadar etdin, iblis kimi atamın qılığına girib, ailə tifağımızı dağıtdın, murdar nəfsin Allah bilir, mənim kimi daha neçəsini bədbəxt edib, çirkaba batırıb... - Məni izləyirdilər, istəmirdim, arvadım olduğunu bilsinlər... - Qorxurdun ki, aldatdığın adamlar birinci arvadın kimi məni qaçırdarlar, ay namussuz, dələduz, gözüylə görən... – deyə Fidan da çığıra-çığıra masaya meyvə soymaq üçün qoyulmuş mətbəx bıçağını əlinə alıb beş-altı dəfə dalbadal onun peysərinə, köksünə saplayır... Hər dəfə zərbəni endirəndə: “Al, ailəmin şərəfini iki qəpiklik etdiyinə görə bu atamdan, bu anamdan, bu bacımdan, bu məndən, bu da oğlumdan sənə hədiyyə”-deyir. Əfqan qan gölündə üzsə də, hırıldaya-hırıldaya danışır: “Qanım sənə halaldı, dayqızı, məni bıçaqla yox, baltayla doğra, tikə-tikə elə, daha orda-burda gizlənməkdən usanıb bezmişəm, yarasa kimi gecədən-gecəyə 59
yuvamdan çıxıram... Ancaq məni öldürməmiş sənə bir vəsiyyətim var, o qara gədədən uzaq dur... Röyalı de..yi..rəm, o narkoman manyakdı...”. Yuxudan hövlnak ayılıb bir qurtum su içdi. Özünə gələndə düşünüb-daşındı ki, yəqin bu yuxunu usta Mehmanın ərzaq göndərdiyi sürücünün danışdığı əhvalatın təsiri ilə görüb. “Kim bilir, bəlkə Roza arvadın mənimlə tanış etmək istədiyi “harın kişi” Əfqandı elə? Yox, Allah eləməmiş, birdən “harın” dediyi o kişi Mehman ustanın özü olar? Deyir, yaxşı bağı-bağçası var. Bu nə boş-boş fikirlərdi gəlir başıma? Məgər malikanəsi, bağ-bağçası olan təkcə Mehmandı? Amma bir şey gün kimi aydındı, ev sahibi Allah eləməmiş, mənim pis yola düşdüyümü bilsə, mütləq burdan qovacaq... Dərdimin üstünə bir dərd də əlavə gələcək onda. Çalışıb üç-dörd günə Roza arvadın pulunu aparıb qaytararam. Məni zorla onun-bunun altına yıxmayacaq ki?! Bəs “Röyaldan uzaq dur, o, manyakın biridir” xəbərdarlığı, özümü ona görə oda atıb, bu qədər borcun altına girməyim, doğrudanmı, bütün bu fədakarlıqlar əbəsdir”. Oddan qaçmaqla oda sarı qaçmaq başqa-başqa şeylərdi. Birində od yalnız düşdüyü yeri yandırıb-yaxır, o birində söndürməyə gedəni də külə döndərir. Yuxuda Əfqanın Röyalı “manyak” adlandırması yadına psixoloqla etdiyi söhbətləri saldı: “Narkomanlar yalanı inandırıcı formada danışır, qarşısındakı adamın qəlbini ələ almaq üçün özlərini məsum göstərib, qəribə fikirlər söyləyir, qeyri-adi hərəkətlər edirlər...”. Nə etməli, haranın külünü başına tökməli? Düşündü ki, tutalım öz məhəbbəti naminə həyatını xilas etdiyi Röyala görə gedib tanımadığı kişilərlə görüşdü, yaşadı... Məgər bu şərəfsizlik Röyalın özünə xəyanət deyildimi? Əfqana xəyanəti qəbahət saylmırdı, o bic buna layiq idi, amma xəyalında yaratdığı, həyatdasa taleyin narkoman kimi qarşısına çıxartdığı Röyala xəyanət edəcəyini ağlının ucundan belə keçirə bilmirdi... “Axı, onun gözlərinə necə baxaram. Biləndə -səni narkotika bataqlığından xilas edib, həyata qaytarmaq, işə düzəltmək, bir sözlə, adam eləmək üçün özümü küçə fahişəsi kimi pula satdım-deyəcəyəm? Lənət sənə, kor şeytan, bu fikir ağlına hardan gəldi?”
60
Özü də nəetdiyinin, nə düşündüyünün fərqində deyildi, maddi vəziyyəti onu o qədər sıxmışdı ki, başını tamam itirmişdi. Iki gün idi Röyal evə gəlmirdi. Üçüncü gün sübh tezdən zəng edib bildirdi ki,anası pul tapa bilməyib. - Deyəsən, o üç yüz dollar tapılmayınca heç bura dönmək fikrin yoxdur. Yaxşı, gəl apar, mənə kişi kimi verdiyin sözü də unutma, işə düzəlmək adıyla aldığın pulu aparıb beynini dumanlandıran o zəhrimara versən, bəxtindən küs!.. Röyal sevinə-sevinə, uça-uça gəldi. üzündən-gözündən öpüb getdi. *****
Həmin gecə evə zəng edib, onu işə düzəldən dostugildə qaldığını bildirdi. Səsi yenə bərk xırıldayırdı. Bu hadisədən sonra Fidanın Röyalın sağalacağına bəslədiyi ümidləri zəncir halqaları kimi bir-bir qırılıb tökülməyə başladı. Bir-iki gün də keçdi. Böyük kədər hissiylə Röyalın anasına zəng etdi. - Ay gəlin, başına dönüm, qaranı görüm, qara günlərə qalsın, mənim günümü də qara edib, kaş öləydi, mənim də canım qurtaraydı, sənin də... Hansı ana övladını belə qarğıyardı. O qısa telefon söhbətindən belə məlum oldu ki, yazıq arvad oğlunun məhəlləyə gəldiyi gündən narkotika qəbul etdiyini bilirmiş, ancaq bu dəfə xəcalətindən Fidabna zəng etmirmiş... Deyirdi ki, bir daha ağlaya-ağlaya yalvarıb, oğluna kömək istəməyəcək. Çünki oğlu öz əli ilə özünə qəbir qazır. Küçədən tapılan meyitini də bu gün, sabah yəqin televizorda göstərəcəklər. Amma Fidan onun ölümünə razı deyildi. Ürəyində “Allah eləməsin!” deyirdi. Doğrudan da bu dünyada heç kimə etibar yoxmuş. Bəs bundan sonra Fidanın aqibəti necə olacaq? Yəqin bacardığı qədər gədəni özündən uzaqlaşdırmağa çalışacaqdı. Qəlbində ilk dəfə idi ki, “Allah belə məsləhət bilirmiş” ifadəsinə acığı tutdu, “məgər Allahın mənim qabağımda Əfqan kimi dələduzu, Röyal kimi narkomanı çıxartmaqdan başqa işi-gücü yox idi? Yox, bu adamlara ürcah olmaqda mənim də səhvlərim, günahım var, biri qismətimlə barışıb, iradəsizlik göstərməyimdir, o biri üyəyiyumşaqlığımın, sevgimin, mərhəmətimin ucbatından.., bunlar bir yana, hələlik hamamçı Rozanın borcundan çıxmaq barədə düşünmək lazımdı”, axı verdiyi vaxt-vədə get-gedə daralırdı. Röyalın bu hərəkətindən sonra, Yüklə 0,77 Mb. Dostları ilə paylaş:
|