224
Dövrün qadınları dəbə sarılı,
Baş açıq, bel açıq qızlı-qarılı.
Üstündə gəzənə yer necə dözsün,
Altında yatanlar daha abırlı?
Dövrümüzdə zina adiləşərək həya məsələsi çərçivəsin-
dən çıxmaqdadır. Lakin bu adiləşmə insanlar arasındadır.
Bir-birilərinin yanında asanlıqla zina edə, yaxud xəlvətdə
etdiklərini bir az da şişirdib, şirin-şirin danışa bilirlər. Allah
qatında isə “zina fahişəlikdir” ( əl-İsra, 32), yəni heç bir çər-
çivəyə sığmayan həyasızlıqdır, çirkinlikdir və əsla adiləş məz.
Başqa məsələlərdə abırlı, utancaq sayılan biri zinaya yol ve-
rirsə, Allah üçün o həyasızdır, abırsızdır, bir sözlə, fahişə dir.
Odur ki, mömin kimsə zinanın hər hansı şəklinə niyyət lə-
nərkən daha insanlardan deyil, Allahdan həya et məlidir.
İnsanlardan utanan uzaqbaşı onlardan aralanıb, xəlvət bir
guşəyə çəkiləcək, Allahdan həya edən isə Onun hər yerdə
gördüyünü xatırlayıb, dərhal pis niyyətindən daşınacaqdır.
Ey dil, hər dilrubadan dəm vurma ki, dəm o deyil,
Dəmlər o dəmlər əgər olsa da, Həmdəm o deyil.
Sorma: “Yoxdurmu bizim mövzumuz eşqdən savayı?”
Məhəbbət haqda nə yazsaq, yenə az, həm o deyil.
Toplananlar dəyişəndə, deyirlər, cəm dəyişməz,
Nəyi eşq üstə gələrsək, alınan cəm o deyil.
Sevmək bir çarə ki, hər dərdi könüldən yox edər,
Sevməmək bir dərd ki, ha çarə qıl, məlhəm o deyil.
Qəlb hərəm olmalı ki, naməhrəmə yer olmasın,
Qəlb hərəm olsa, nə xeyri, əgər Məhrəm o deyil.
Dünya qəm qəsridir, ey dil, özünə Qəmxar ara,
Neylər o qəmxarı qəlb, görsə əgər qəm o deyil.
225
İbrət
“gerçəkdən də qadın ona meyil etmişdi. Əgər rəbbi
nin dəlilini görməsəydi, o da qadına meyil edəcəkdi”
( Yusif, 24) ayəsinin bir təfsirində deyilmişdir: Bütpərəst
Züleyxa Yusifə ( aleyhissəlam) yaxınlıq etmək istədiyi zaman
evinin bir küncündəki bütün üzərinə bir örtük atdı. Yusif
( aleyhissəlam): “Bunu nə üçün edirsən?” – deyə sordu. Zü-
leyxa “Ondan utandığım üçün belə edirəm” – deyə cavab
verdi. O zaman Yusif ( aleyhissəlam): “Sənin ondan utandı-
ğından daha çox mənə Allah-Təaladan utanmaq düşər” –
deyərək qadına yaxınlıq vermədi.
Bilmədim bu sevdadə şükrümmü çox, səbrimmi çox?
Yanında sevdiyimin xətammı çox, xətrimmi çox?
Öyündüm fəzilətlə, fəxrim mənim faciəmmiş,
Baxıram keçmişimə, fəzlimmi çox, fəxrimmi çox?
Dünənlə üzülməmiş sabah dərdi üzür məni,
Bilməm hansı ağladır: dəfnimmi çox, həşrimmi çox?
Dünyanı sandım dükan: satılanmı, satanmıyam?
Çəkim nə, ölçüm nədi: əskiyimmi, əyrimmi çox?
Gah ümid isindirir, gah üşüdür qorxu məni,
Kitabım susur hələ: suçummu çox, əcrimmi çox?
Bizə, ey dil, bəla səndən, ya qələmdən gələcək,
Hansı baisdi görən: nəzmimmi çox, nəsrimmi çox?
Allahdan həya edəni Allah pərişan etməz, darda qoy-
maz, dünyada rüsvayçılıqdan, Axirətdə əzabdan qoruyar.
Bir Hədisi-qüdsidə buyuruldu: “Ey qulum, sən Məndən
utandığın müddətdə insanlara sənin ayıblarını unut dura
ram. Ayrıca, yer üzünə də sənin ayıblarını unutduraram.
226
Sənin xətanı Lövhiməhfuzdan silərəm. Qiyamət günü səni
incə bir hesaba çəkmərəm”.
Allah bizləri o cür qullarından qərar versin. Amin!
Hər qulun haqqı var, qaytar özünə, qayda budur.
Canı can Sahibinə eylə fəda; fayda budur.
Xaliqin haqqı qulun ən çox Onu sevməsidir,
Sevdiyin hər nə desə, sən boyun əy, sevda budur.
Demirəm ah-vayla gəz, ya demirəm havayla gəz,
Deyirəm təqvayla gəz, azuqə bu, qida budur.
Sevgi etməzsə qulu aydan arı, sudan duru,
Ləkədir aşiqə bu, qov qapıdan, gəda budur.
Ey qul, haqqın qulu olmaqdı qulun haqqı, qul ol!
Düşmə qulluqdan ayrı: ən qorxulu vida budur!
9. “(rəhmanın qulları) o kəslərdir ki, yalan şahidlik
etməzlər” ( əl-Furqan, 72) .
Mötəbər mömin başqa möminlər tərəfindən şahidliyi
qəbul edilən mömindir. Şahidliyi qəbul edilməyən, yaxud
şübhə doğuran kimsələr imandan nəsibini ala bilmə yən-
lər dir. Çünki yalançının imanı, imansızın həqiqəti olmaz.
Müsəlmanı, Muhəmməd ümmətini başqalarından fərqlən-
dirən əsas cəhət onun Allah və bəndə yanında güvənilən,
etibarlı olmasıdır. Məhz bu cəhətinə görə müsəlmanlar
Qiya mət günü qeyri millətlərə şahidlik edəcəklər. “Belə
liklə də, sizi orta bir ümmət etdik ki, insanlara şahid ola
sınız, Peyğəmbər də sizə şahid olsun” ( əl-Bəqərə, 143).
Xəbər alsan nəslimizi,
Biz Muhəmməd ümmətiyik.
Maraq etsən əslimizi,
Eşq-məhəbbət ümmətiyik.
227
Göylər bizə ağuş açar,
Ölüm qapı, ömür açar.
Batil bizi görsə qaçar,
Haqq, həqiqət ümmətiyik.
Hər ümmətin zahidi çox,
Peyğəmbəri, şəhidi çox,
Fəqət bizsiz şahidi yox,
Biz şəhadət ümmətiyik.
Bizi keçən ifratdadır,
Geri qalan təfritdədir.
Qarşı gələn həsrətdədir,
Biz orta hədd ümmətiyik.
Doğru danışmama, yalan şahidlik bir müsəlman üçün
elə müdhiş günahdır ki, Rəsulullah ( salləllahu aleyhi və səlləm)
onu əshabına həyəcansız ifadə edə bilməmişdir.
Hədis
Bir gün Rəsulullah ( salləllahu aleyhi və səlləm) buyurdu:
“Ən böyük günahı sizə xəbər verimmi?”
Dedik: “Bəli, ya Rəsulallah”.
Saymağa başladı: “Allaha şərik qoşmaq, ana-ataya itaət-
sizlik etmək...” Bunları buyurduqdan sonra dirsəkləndiyi
yerdən qalxıb oturdu və “Yaxşı dinləyin! Bir də yalan söy-
ləmək və yalan yerə şəhadət etməkdir”, – söylədi. Bu son
sözləri aramsız təkrarladı. Hətta o dərəcədə ki, “kaş ki,
sussa”, – deyə içimizdən keçirdik”.
Şahidlik, ilk növbədə, Allaha xatir olmalı, heç bir tə-
mənna güdülməməlidir. “Allaha xatir doğru şahidlik edin”
( ət-Talaq, 2). Şahidlik edən bu həqiqəti unutmamalıdır ki,
“Allah hər şeyə şahiddir!” ( əl-Buruc, 9). Odur ki Allah yol-
çusu, hətta insanların şahid ola bilməyəcəyi vəziyyətlərdə
belə, Allahdan heç bir şeyin gizlin qalmadığını xatır laya raq
yalnız doğru danışmalıdır.
Dostları ilə paylaş: |