1434
Qaraqoyunlu İsgəndərin Şirvana ikinci dəfə hücum edərək Şamaxını dağıtması
1434 noyabr
Xəlilullahın Reyə gedərək Qara İsgəndərin Şirvanda törətdiyi müsibətlər barədə Şahruxa məlumat verməsi və
onu Azərbaycana yürüşə dəvət etməsi
1435
Sultan Şahruxun
Azərbaycana dördüncü dəfə yürüşə başlaması
1435
Təbriz döyüşü. Sultan Şahruxun və I Xəlilullahın birləşmiş qüvvələrinin qaraqoyunluları məğlub etməsi
1435
Sultan Şahruxun Təbrizə gələrək Qara Yusifin kiçik oğlu Cahanşahı Təbrizdə taxta çıxarması. Şahruxla
Cahanşah arasında razılaşmaya görə Qaraqoyunlu dövləti Teymurilərin vassal asılılığına düşdü
1435-1447
Qaraqoyunlu dövlətinin Teymurilərdən vassal asılılığında qalması
1436-1467
Qaraqoyunlu Cahanşahın hakimiyyəti
. Cahanşah
hakimiyyəti
dövründə Şirvanşahlar dövləti ilə dostluq
münasibətləri yaratmağa çalışdı, feodal zümrəsinin mənafeyinə uyğun tədbirlər həyata keçirdi, gələcəkdə
işğalçılıq planlarını həyata keçirmək üçün hərbi islahat keçirdi, oturaq əhaliyə və iri tacirlərə arxalanaraq
mərkəzi hakimiyyətə tabe olmaq istəməyən yarımköçəri əmirlərə qarşı mübarizə apardı, Teymurilərin vassal
asılılığından çıxaraq onları vassal asılılığına saldı. Lakin Cahanşah daxili və xarici siyasəti nəticəsində xarici
müdaxiləyə və ara müharibələrinə son qoya bilmədi, onun mərkəzi hakimiyyəti möhkəmləndirmək siyasəti
nəticəsiz qaldı, xalq kütlələrinin vəziyyəti ağırlaşdı, feodal çəkilşələri və mərkəzi hakimiyyətə tabe olmamaq
cəhdləri artdı
1447
Teymuri Şahruxun vəfat etməsi və Cahanşahın Teymurilərin vassal asılılığından çıxaraq müstəqil siyasət
yeritməyə başlaması
XV əsrin 50-ci illəri
Ağqoyunlu Uzun Həsənlə Cahanşah arasında baş vermiş döyüşlər - hərbi toqquşmalar nəticəsində
qaraqoyunluların məğlub olması və Şərqi Anadolunun çox hissəsini itirməsi
1453
Cahanşahın İran İraqını, Qərbi İranı və Şərqi İranın bir hissəsini ələ keçirməsi
1457
Cahanşahın Şahruxun oğlunu məğlub edərək Cürcanı və Xorasanı tutması
1458
Cahanşahın Teymurilərin mərkəzi Herat şəhərini tutması
1459
Cahanşahın oğlu Həsənəlinin
başçılığı ilə Azərbaycanda
, digər oğlu Pirbudağın
başçılığı ilə
Bağdadda mərkəzi
hakimiyyətə qarşı qiyam baş verməsi
1459
Cahanşahla Teymuri hökmdarı Əbu Səid arasında Herat barışığı imzalanması.
Herat barışığına əsasən
Teymurilər Qaraqoyunlu dövlətindən vassal asılılığına düşdü və təzminat ödəməli oldu
1465
Cahanşahın oğlu Pirbudağın qiyamını yatırması
1465
Qaraqoyunlu Cahanşahın tapşırığı ilə Təbrizdə “Göy məscid”in inşa olunması
1467
Muş döyüşü.
Döyüş qaraqoyunluların məğlubiyyəti ilə nəticələndi, Cahanşah döyüşdə öldürüldü və Bağdada
qədər olan ərazilər ağqoyunluların əlinə keçdi
1467-1468
Cahanşahin varisləri Həsənəli və Hüseynəli arasinda hakimiyyət uğrunda mübarizə getməsi. Mübarizə
nəticəsində Hüseynəli öldürüldü, Həsənəli isə öz qüvvələrini toplayaraq Ağqoyunlulara qarşi mübarizəyə
başladı. Həsənəli, rəiyyəti öz tərəfinə çəkmək üçün Təbriz yoxsullarına və kəndlilərə xeyli məbləğdə pul
payladı. Lakin onlar Həsənəlini müdafiə etmədilər. Buna görə də Uzun Həsən heç bir çətinlik çəkmədən
Azərbaycanı ələ keçirdi
1468
Ağqoyunlu Uzun Həsənin Cənubi Azərbaycanı və Qarabağı ələ kecirməsi. Qaraqoyunlu dövlətinin süqut
etməsi
AĞQOYUNLU DÖVLƏTİ
XIII-XIV əsrlər
Ağqoyunlu tayfalarının Xorasandan Anadoluya köçməsi
1370-1388
Ağqoyunlu tayfalarının siyasi birliyinin başçısı Pəhləvan bəyin hakimiyyəti. Pəhləvan bəy hakimiyyəti
dövründə qaraqoyunlularla Teymur arasında gedən mübarizədən istifadə edərək Ağqoyunlu tayfalarını
birləşdirmək uğrunda ciddi mübarizə apardı, Ağqoyunlu tayfa ittifaqı Şərqi Anadolunun cənubunda böyük
qüvvəyə çevrildi, qonşu dövlətlər onunla hesablaşdılar
1388-1394
Ağqoyunlu Əlaəddin Turəlinin hakimiyyəti. Onun dövründə Ağqoyunlu tayfa ittifaqını möhkəmləndirmək
cəhdləri nəticəsiz qaldı
1394-1434
Qara Yuluq Osman bəyin hakimiyyəti. Osman bəy hakimiyyəti dövründə Sivas uğrunda mübarizədə
Qaraqoyunlulara qalib gələrək Diyarbəkirdə möhkəmləndi və Ağqoyunlu bəyliyinin əsasını qoydu, Diyarbəkri
bəyliyin mərkəzi seçdi, öz adina pul kəsdirdi, feodal çıxışlarını yatırdı, Ağqoyunlu tayfa ittifaqını xeyli
möhkəmləndirdi, Ərzincan və Mardin torpaqları Ağqoyunlulardan asılı vəziyyətə salındı
1394
Qara Yuluq Osman bəyin Ağqoyunlu bəyliyinin əsasını qoyulması
1434-1444
Əli bəyin hakimiyyəti
1444-1453
Cahangir Mirzənin hakimiyyəti. Cahangir Mirzənin hakimiyyəti dövründə qisa vaxt ərzində Ağqoyunlu
tayfalari yenidən birləşdirildi və ağqoyunlular Diyarbəkirdə möhkəmləndilər
1453 16 yanvar
Uzun Həsənin Diyarbəkrdə qardaşı Cahangir Mirzənin qüvvələrini məğlub etməsi
1453-1478
Uzun Həsənin hakimiyyəti. Uzun Həsən hakimiyyəti dövründə nizami ordu yaratdı, odlu silah istehsal etməyə
təşəbbüs etdi, feodalların müqavimətini qırdı, bir qisminə isə bəzi güzəştlər etdi. Lakin Uzun Həsən də
mərkəzləşmiş dövlət yarada bilmədi
XV əsrin 50-ci illəri
Uzun Həsənin Gürcüstanın Qaraqoyunlulara tabe olan şərq hissəsini tutması
XV əsrin 60-70-ci illəri
Ağqoyunluların Osmanlı imperatorluğu ilə münasibətlərinin kəskinləşməsi