A Z
R B A Y C A N
X Z R D N Z G M
L Y
И
ИЧИ И И
26 oktyabr 2017-ci il № 73-76 (9167)
www.seanews.az
2
(Əvvəli 1-ci səhifədə)
Beynəlxalq gəmiçilik statusunun
əldə olunması istiqamətində görülən
işlərdən biri də dünyanın aparıcı
şirkətlərinin istifadə etdiyi SAP sis-
teminin tətbiqi ilə bağlıdır. Hazırda
maliyyə uçotu, satış, maya dəyərinin
formalaşdırılması, xəzinədarlıq, insan
resurslarının və material ehtiyatları-
nın idarəsi kimi əməliyyatlar sözüge-
dən sistem üzərindən həyata keçirilir.
Tamamilə beynəlxalq maliyyə uçotu
sisteminə keçid, hesabatların hazır-
lanmasında beynəlxalq mühasibat
uçotu standartlarının tətbiqi şəffaflı-
ğın təminində də mühüm rol oynayır.
Məhz, maliyyə hesabatlarının bey-
nəlxalq auditi aparılarkən bu məqam
diqqətdən qaçmayıb. Gəmiçiliyin fəa-
liyyətinin iki ili, eləcə də növbəti hər
ili üçün müsbət audit rəyi verilib.
Gəmiçilik sahəsində şəffaflı-
ğın təmininə görə qazanılan uğurlar
bununla yekunlaşmır. Beynəlxalq
korporativ idarəetmə sisteminin
tələblərinə uyğun şirkətdə bir sıra
müvafiq idarəetmə funksiyaları da
yaradılıb. Həmçinin, bir neçə vacib
sənəd hazırlanıb. “Biznes Etikası
Məcəlləsi”nin hazırlanaraq tətbiqi,
korrupsiya ilə mübarizəyə dair təli-
matın təsdiqlənməsi, daxili araşdır-
maların aparılması ilə bağlı təlimatın
işlənilməsi buna misaldır. Daha bir
örnək kimi isə “Qaynar xətt” mərkə-
zinin fəaliyyətini göstərmək olar. Gə-
miçiliyə dair müxtəlif əməliyyatların
bürokratik əngəl olmadan icrası üçün
bir neçə əsas istiqamət üzrə elektron
sistem yaradılıb. Gəmilərdə kəsintisiz
rabitə sistemi qurulub.
MADDİ-TEXNİKİ BAZA
Gəmiçilik gənc kadrların yetiş-
dirilməsinə də xüsusi həssaslıqla ya-
naşıb. Əməkdaşların motivasiyası
hər zaman diqqət mərkəzində olub.
Sosial korporativ məsuliyyət çərçivə-
sində ölkədə müxtəlif layihələrin hə-
yata keçirilməsində də “Azərbaycan
Xəzər Dəniz Gəmiçiliyi” QSC-nin
rolu danılmazdır.
Digər tərəfdən, maddi-texniki
bazanın gücləndirilməsi qarşıya qo-
yulan hədəflərin önündə gəlib. Dün-
yada baş verən yeni çağırışlara hazır
olmaq və rəqabətə davamlı xidmət
göstərmək üçün bu işin önəmi daim
nəzərə alınıb.
Gəmiçiliyə və gəmiçilərə dövlət
başçısının göstərdiyi xüsusi diqqə-
ti də unutmaq olmaz. Davam edən
qlobal iqtisadi böhran, dünya birjala-
rında neftin qiymətinin kəskin aşağı
düşməsi fonunda ümumi beynəlxalq
ticarət dövriyyəsinin kəskin azalma-
sına və bunun gəmiçilik sahəsində
müəyyən problemlər yaratmasına
baxmayaraq, Prezident İlham Əliyev
Azərbaycanda gəmiçiliyin inkişafını
diqqət mərkəzində saxlayır. Bu da
Azərbaycan Xəzər Dəniz Gəmiçili-
yinin donanmasının müasir tələblərə
cavab verən gəmilərlə yenilənməsinə
geniş imkan yaradır. Məhz, dövləti-
mizin başçısının gəmiçilik sahəsinə
göstərdiyi xüsusi diqqət və qayğının
nəticəsidir ki, təkcə son dörd ildə 20-ə
yaxın gəmi donanmaya əlavə edilib.
Bundan başqa, Bakı Gəmiqayır-
ma Zavoduna dörd gəmi-vaqon-TIR
və sərnişin daşınması üçün nəzərdə
tutulan yeni nəsil iki “Ro-Pax”/Bərə
və iki tankerin tikintisi üzrə yeni si-
fariş verilib.
Donanmanın yenilənməsi is-
tiqamətində aparılan işlər Gəmiçiliyin
təsdiq olunmuş strateji inkişaf proqra-
mına, həmçinin “2016-2020-ci illərdə
Azərbaycanda gəmiçiliyin inkişafına
dair Dövlət Proqramı”na uyğun ola-
raq həyata keçirilir. Dövlət Proqramı
ilə Xəzər hövzəsində və Xəzərdən kə-
narda beynəlxalq standartlara uyğun
daşıma xidmətlərinin göstərilməsi,
donanmanın yükdaşıma bazarların-
dakı tələbata uyğun yenilənməsinin
davam etdirilməsi, gəmi təmiri ba-
zasının gücləndirilməsi, institusional
islahatların davamı, gəmiçilik sahə-
sində yüksək ixtisaslı yerli kadrların
hazırlanması nəzərdə tutulur.
XƏZƏRDƏN KƏNARDA
üZƏN gƏMİLƏRİMİZ
Ortamüddətli perspektivə (6 il)
yönəlik hədəflərdən biri də Azərbay-
can gəmiçiliyinin Xəzərdən kənar
beynəlxalq sularda fəaliyyətini bərpa
etməsi idi. Bu istiqamətdə aparılan
intensiv işlər də qısa müddətdə fay-
dasını verdi. 2014-cü ildə Qara və
Aralıq dənizi hövzələrində iki Azər-
baycan gəmisi üzməyə başladı. Daha
sonra belə gəmilərin sayı artırıldı.
Hazırda Xəzərin hüdudlarından
kənarda Azərbaycan bayrağı altında
fəaliyyət göstərən gəmilərin sayı 11-ə
çatdırılıb. Növbəti illlərdə də doğma
sahillərdən uzaqlarda üzən gəmiləri-
mizin sayı artırılacaq.
KADR hAZIRLIĞI
Regionda dənizçilik sahəsin-
də yeganə ali təhsil müəssisəsi olan
Azərbaycan Dövlət Dəniz Akademi-
yasında tələbələrin savadlı mütəxəs-
sis kimi yetişməsi Gəmiçiliyin pers-
pektivli, bilikli kadrlarla təminatında
əhəmiyyətli rol oynayır. Məhz bu sə-
bəbdəndir ki, Azərbaycan Xəzər Də-
niz Gəmiçiliyinin rəhbərliyi Dəniz
Akademiyasının təhsildə uğurlu nə-
ticələrlə fərqlənən məzunlarının işlə
təmin olunmasına, onların karyera in-
kişafına, əlavə təhsil almasına, habelə
sosial müdafiəsinin gücləndirilməsinə
xüsusi diqqət yetirir.
Gəmiçiliyin strateji inkişaf plan-
larına uyğun olaraq Xəzərdən kənar-
da istismar edilən gəmilərin sayı get-
dikcə artdığından, gənc dənizçilərin
yetişdirilməsi zamanı onlara digər
hövzələrin də təcrübəsini aşılamaq
zərurəti yaranıb.
Bunu nəzərə alaraq dənizçi
kadrların beynəlxalq standartlara uy-
ğun inkişafını təmin etmək məqsədilə
artıq iki ildir ki, Azərbaycan Döv-
lət Dəniz Akademiyasının tələbələri
Qara dənizdəki gəmilərə üç aylıq yay
üzmə təcrübəsinə göndərilir.
“Azərbaycan Xəzər Dəniz Gəmi-
çiliyi” QSC-də yüksək ixtisaslı gənc
mütəxəssislərin hazırlanması, onla-
rın dənizçilik sahəsində beynəlxalq
təcrübəyə dərindən yiyələnməsi is-
tiqamətində atılan ardıcıl addımlar
bununla bitmir. Gəmiçilik rəhbərliyi-
nin təşəbbüsü ilə istedadlı və perspek-
tivli gənclərin xarici ölkələrin aparıcı
dənizçilik universitetlərində təhsil al-
ması məqsədi ilə xüsusi Təqaüd Proq-
ramı təsis olunub. Hər il Akademiya-
nın iki məzunu Gəmiçiliyin maliyə
dəstəyi ilə Dünya Dənizçilik Univer-
sitetində təhsil almağa göndərilir.
Ümumiyyətlə,
“Azərbaycan
Xəzər Dəniz Gəmiçiliyi” QSC-nin
sədri Rauf Vəliyev savadlı və peşəkar
gənclərə hər zaman dəstək verir.
Buraxılış imtahanlarından və mü-
sahibələrdən uğurla keçən məzunlara
Gəmiçilikdə çalışmaları üçün zə-
manət məktubları verilməsi də “Azər-
baycan Xəzər Dəniz Gəmiçiliyi”
QSC-nin savadlı və peşəkar gənclərə
dəstəyinin bariz sübutudur.
Kadr hazırlığından danışarkən
2014-cü ildə fəaliyyətə başlayan
Təlim-Tədris Mərkəzini də yaddan
çıxartmaq olmaz. Burda Gəmiçiliyin
əməkdaşları ilə yanaşı, digər şirkət-
lərin nümayəndələri üçün də dəniz-
çiliklə bağlı müxtəlif təyinatlı təlim-
lər təşkil olunur. İndi mərkəz müasir
standartlara tam cavab verir. Artıq
dənizçilər peşəkar bacarıqlarını artır-
maq üçün Təlim-Tədris Mərkəzində
yaradılan elektron kitabxanadan ya-
rarlana bilirlər. Təlim Mərkəzinin au-
ditoriyaları və əməkdaşların iş otaqla-
rı da tamamilə yenilənib.
TTM Böyük Britaniyanın nüfuz-
lu “The Nautical İnstitute” təşkilatı
tərəfindən sertifikata layiq görülüb.
Bu sertifikat “DP İnduction” və “DP
Simulator” təlimlərinin keçirilməsinə
şərait yaradır. Hazırda Təlim-Tədris
Mərkəzi dünyada “DP İnduction” və
“DP Simulator” təlimlərinin keçiril-
məsinə səlahiyyəti olan 95 mərkəz-
dən biri, Azərbaycanda isə yeganə
təşkilatdır.
Bəli, əslində gerçəkləşdirilən bu
işlərin əksəriyyətinin mövcud və-
ziyyət nəzərə alınaraq ilk beş illik
fəaliyyət dövründə icrası planlaşdırı-
lırdı. Qrafiki qabaqlamaq əvvəlcədən
gözlənilsə də, nəticə daha ürək açan-
dı. Ən əsası isə görülən işlərdə lən-
gimə yoxdur. Gəmiçiliyin qısa, orta
və uzunmüddətli perspektivə yönəlik
hədəfləri və onların reallaşdırılması
prosesi hazırda da uğurla davam edir.
Ümumilikdə, bu sahədə görülən
işlər Azərbaycanın regionda nəqliy-
yat-logistika qovşağına çevrilməsi
strategiyasına, ölkənin tranzit poten-
sialının gücləndirilməsinə və iqti-
sadiyyatın şaxələndirilməsi ilə qey-
ri-neft sektorunun inkişafına və milli
gəmiçiliyin yükdaşımalar bazarında
mövqeyinin möhkəmləndirilməsinə
xidmət edir.
Rövşən Abdurəhmanov
YENİ ZİRVƏLƏRƏ DoĞRU
"Azərbaycan Xəzər
Dəniz Gəmiçiliyi" QSC-də
"Təhlükəsizlik günü" keçi-
rilib.
Tədbirdə keçən rüb yazıl-
mış “Müşahidə kartları”nın
nəticələri əsas müzakirə möv-
zusu olub. Bundan başqa, son
beş ayda Gəmiçilikdə qeydə
alınan qəzalar, yan ötmüş ha-
disələr, daxili audit və moni-
torinqlər barədə də danışılıb.
Bununla yanaşı, dünya gəmi-
çilik şirkətlərində baş verənlər
də nəzərdən keçirilib.
Keyfiyyət,
sağlamlıq,
əməyin təhlükəsizliyi və ətraf
mühitin mühafizəsi departa-
mentinin rəisi Ələkbər Əzizli
bildirib ki, Gəmiçilikdə təh-
lükəsizlik məsələləri daim
diqqətdə saxlanılır. Departa-
ment rəisi ötən rüb "Bibihey-
bət" Gəmi Təmiri Zavodunda
aparılan monitorinqlər əsasın-
da qeydə alınan “Müşahidə
kartları” haqqında da danışıb.
Qeyd edib ki, müəssisədə rast
gəlinən uyğunsuzluqlar analiz
olunub və həlli istiqamətində
xüsusi tapşırıqlar verilib.
Dəniz
üzgüçülüyünün
təhlükəsizliyi departamenti-
nin rəis müavini Rövşən Də-
mirov “Azərbaycan Xəzər
Dəniz Gəmiçiliyi” QSC-də
təhlükəsizliklə bağlı keçirilən
təlimlər və onların əhəmiy-
yəti haqqında ətraflı məlumat
verib. O, təlimlərin hesabına
son dörd ildə belə hadisələ-
rin sayında azalmaların qeydə
alındığını vurğulayıb.
Sonda çıxış edən "Azər-
baycan Xəzər Dəniz Gəmi-
çiliyi" QSC-nin sədri Rauf
Vəliyev təhlükəsizlik mədə-
niyyətinin daha da inkişaf et-
dirilməsinin vacibliyini önə
çəkib. Diqqətə çatdırıb ki,
bununla bağlı bütün heyət ça-
lışmalı, daha çox öyrənməli
və öz təcrübəsini digərləri ilə
bölüşməlidir. Çünki təhlükə-
siz iş şəraitini təmin etmək
əsas vəzifələrimizdəndir.
Bununla belə, Rauf Vəli-
yev aidiyyəti struktur rəhbər-
lərinə treninq və məşğələlərin
davamlı və daha praktik keçi-
rilməsi ilə bağlı tapşırıqlarını
da verib.
Tədbirdə Keyfiyyət, sağ-
lamlıq, əməyin təhlükəsizliyi
və ətraf mühitin mühafizəsi
departamentinin əməyin mü-
hafizəsi və təhlükəsizlik tex-
nikası üzrə mühəndisi Vaqif
Bağırova səmərəli əmək fəa-
liyyətinə görə Gəmiçiliyin
“Fəxri Fərman”ı təqdim edi-
lib.
Toplantının sonunda mü-
vafiq videoçarxlar nümayiş
olunub, çıxışlar dinlənilib, rəy
və təkliflər öyrənilib.
“Azərbaycan Xəzər
Dəniz Gəmiçiliyi” QSC-nin
Xəzər Dəniz Neft Donanması
İnsan Resursları Xidmətinin
rəisi Nahid Nəsirovun müəl-
lifi olduğu “55 Dərsə Excel”
kitabının 3-cü nəşri işıq üzü
görüb.
Nahid
Nəsirovun
sözlərinə görə, dərsliyin
köməkliyi ilə hər kəs
mürəkkəb əməliyyatları
“Excel”də qısa müddət-
də yerinə yetirə bilər.
Kitabda
Excelin
A-dan Z-ə bütün əmr-
ləri (Macro xaric), 222
funksiyası izah edilib.
Mündəricat və mövzu-
ların yazılış ardıcıllığı proq-
ramın əmrləri ilə uyğunluq
təşkil edir. Bu da oxuculara
qarşılarına çıxan problemlə
bağlı anında köməklik etməyə
imkan verir. Kitab sadə dildə,
amma dərin bilikləri əhatə
edəcək səviyyədə yazılıb.
Hamburqdakı
(Almaniya) “Peter
Döhle Schiffah-
rts-KG” gəmiçilik
şirkətinə məxsus
“Demeter” kon-
teynerdaşıyan
gəmisi Nigeriya-
nın Port-Harkort
limanından cənub-
da yerləşən Biafra
körfəzində olarkən 8 dəniz
qulduru həmin gəmiyə hü-
cum edib.
Beynəlxalq “Sea Guar-
dian” agentliyi bildirir ki, ci-
nayətkarlar sürətli motorlu
qayıqdan gəmiyə keçib və
heyət üzvlərindən 6 nəfərini, o
cümlədən gəminin kapitanını
oğurlayıblar.
Piratlar gəmini tərk edən-
dən sonra “Demeter” orada
qalmış 12 heyət üzvü ilə yo-
luna davam edib. Bu şəxslər
hücumdan zərər çəkməyiblər.
Hazırda gəmi təhlükəsiz su-
lardadır.
Beynəlxalq Dəniz Büro-
sunun verdiyi məlumata görə,
cari ilin ilk 9 ayı ərzində bey-
nəlxalq sularda 121 piratlıq
və silahlı qarət hadisəsi qeydə
alınıb.
gƏMİçİLİKDƏ
“TƏhLüKƏSİZLİK
güNü” KEçİRİLİB
gƏMİçİLİYİN ƏMƏKDAŞININ
“55 DƏRSƏ EXcEL” KİTABI NƏŞR oLUNUB
DƏNİZ QULDURLARI “DEMETER”
gƏMİSİNƏ hücUM EDİBLƏR